TƏ́DA 18:22 - Bibəl ta Sar̄

²² Gotə ngán Israel gə̄ a reēn̄ rɔ̄ kújə kənge naā tə́ ngɔr alé, tɔdɔ̄ ni ń noō i majaĺ kə́ asə yo deē.

Bible sar

²² Gotə ngán Israel gə̄ a reēn̄ rɔ̄ *kújə kənge naā tə́ ngɔr alé, tɔdɔ̄ ni ń noō i majaĺ kə́ asə yo deē.

TƏ́DA 18:22 Referans Kwoze

LEBI GƏ̄ 22:9

Ādə̄ ngé tun̄ yá̰a̰ gə̄ rāān yá̰á̰ gə̄ ń m-ɔ́jə́də́ kadə̄ rāān̄ ní ō, ādə̄ ənīn̄ najə̄ dɔdə́ tə́ tām̄ yā yá̰a̰ kəsa tə́ aĺ ō. Tɔdɔ̄ ré rāān̄ yá̰á̰ kə́ táĺ gə̄ ń noō yá̰á̰ kə́ karī tə́ anī, a oyn̄. Mā i Kɔ́ɔ̄ɓē nge kɔr̄ kam̄də́.

TƏ́DA 18:7

Ba ḭ̄ Aaro̰ sḭḭ̄ kə ngání, ā ī-rāāī kəla tun̄ yá̰a̰ kadə̄ Nə́ɓā dɔ loo tun̄ yá̰á̰ tə́ ō, kem loo kə́ táĺ ngá̰ý ń gāngə̄n̄ gír kə kūbūú tə́ ní ō. Kəla ń ā ī-rāāī ní n noó. I mā n m-ādə̄sí karī. De kə́ karī ń aw̄ kadə tə́ ní a tɔ̄l̄nən̄ kɔ̄ɔ́.

TƏ́DA 3:38

Moijə ō, Aaro̰ ō, ngán Aaro̰ gə̄ ō, ndin̄ ɓē i ta kújə kənge naā tə́, dām̄ kə́ gír ɓē tə́. Nin̄ i ngé rāā kəla kem loo kə́ táĺ tə́ tām̄ yā ngán Israel gə̄ tə́. De kə́ karī ń a aw̄ loo kəla ń noō tə́ ní a tɔ̄lnən̄ kɔ̄ɔ́.

TƏ́DA 3:10

Ā ə̄ndā Aaro̰ nin̄ kə ngánən gēé kem kəla tun̄ yá̰á̰ tə́. Ré de kə́ karī tun̄ yá̰á̰ ní, ɓáa a tɔ̄lnən̄ kɔ̄ɔ́.

LEBI GƏ̄ 20:20

Ré dəngam ɓīī kə nə̄yá̰ ngōkó̰o̰ bɔbə̄n anī, ni-əla rɔ̄sɔl̄ i dɔ ngōkó̰o̰ bɔbə̄n tə́. Najə̄ i dɔ ngé rāȳ gə̄ ní tə́ jōó mbak. A oyn̄ kanjə̄ kojə ngōn̄.

Teē Ngán Israel gə̄ 28:43

Aaro̰ nin̄ kə ngánən gēé a əlan̄ gíŕdə́ tə́ yā kudəń kem kújə kənge naā tə́, aĺ ɓáa yā kaw̄ń kə̄ loo tun̄ yá̰á̰ tə́ yā rāań kəla tun̄ yá̰a̰ kem loo kə́ táĺ tə́. Tītə̄ ń noō ɓáa a reēn̄ kə majaĺ dɔdə́ tə́ aĺ ō, a oyn̄ aĺ ō. Nge ń noō i ndū najə̄ kə́ a to ngándáńg tām̄ yā Aaro̰ tə́ ō, tām̄ yā ngánən gə̄ tə́ ō, ngán kaan gə̄ tə́ ō.