TƏ́DA 18:21 - Bibəl ta Sar̄

²¹ Ba kəgā yā ngán Lebi gə̄ n toó: Yá̰a̰ malang kə́ nge ko̰ kutə ń ngán Israel gə̄ a ɔrə̄n̄ tām̄ yā Kɔ́ɔ̄ɓē tə́ ní m-ādə̄ ngán Lebi gə̄ gír kəla ń a rāān̄ tām̄ yā kújə kənge naā tə́ ní.

Bible sar

²¹ Ba kəgā yā *ngán Lebi gə̄ n toó: Yá̰a̰ malang kə́ nge ko̰ kutə ń ngán Israel gə̄ a ɔrə̄n̄ tām̄ yā Kɔ́ɔ̄ɓē tə́ ní m-ādə̄ *ngán Lebi gə̄ gír kəla ń a rāān̄ tām̄ yā *kújə kənge naā tə́ ní.

TƏ́DA 18:21 Referans Kwoze

NEHEMI 12:44

Kújə gə̄ ń a ɓōkə́n̄ yá̰á̰ kə́ ndējə̄ gə̄ ō, a kánə̄n̄ yá̰á̰ kə́ ta kəga dɔ gə̄ ō, dɔ yá̰á̰ kə́ kɔr̄ kógə̄ḿ dan kə́ kutə tə́ gə̄ ō, kemeé ní, tə́ndān̄ de gə̄ ndɔ̄ ngeé ń noō tə́ kadə̄ ngɔ̄mə̄n̄ ō, kadə̄ táān̄ yá̰a̰ gə̄ ń ndū najə̄ adə̄ ngé tun̄ yá̰a̰ gə̄ ō ngán Lebi gə̄ ō ní kem ndɔr̄ gə̄ kə́ kə gō gidə ɓē gēé tə́ yā reēń kemeé ō. Kəla ń ngé tun̄ yá̰a̰ gə̄ ō ngán Lebi gə̄ ō rāān̄ ní, nel̄ de gə̄ malang kə́ Juda tə́.

NEHEMI 10:37

I gáŕ kadə̄ jə-reē kə ngáń hágə́jí kə́ dəngam gə̄ ō, hágə́ yá̰a̰ kul̄ yājí gə̄ ō, kem kújə yā Kɔ́ɔ̄ɓē tə́ tītə̄ ń ndangən̄neé kem makətūbə̄ ndū najə̄ tə́ ní. Hágə man̄g yājí gə̄ ō, hágə batə̄ yājí gə̄ ō, hágə bə̄yā̰ yājí gə̄ ō ní, j-a jə-reēń kem kújə yā Nə́ɓā yājí tə́ yā kadə̄ ngé tun̄ yá̰a̰ gə̄ ń a rāān̄ kəla kem kújə yā Nə́ɓā yājí tə́ ní.

HEBƏRO 7:5

Ngán Lebi gə̄ ń nin̄ i ngé tun̄ yá̰a̰ gə̄ ní, ədan̄də́ kadə̄ táān̄ yá̰a̰ malang kə́ nge ko̰ kutə jī ngán Israel gə̄ tə́ kə gō ndū najá. Kumən na táān̄ yá̰a̰ gə̄ ní i jī ngákó̰ó̰də́ nin̄ kɔ́ gə̄ tə́. Tá ngákó̰ó̰də́ gə̄ ní, i ngán kaa Abəraham gə̄ ō.

GALATƏ 6:6

Ādə̄ deē ń ndóōnən̄ yá̰á̰ ní, kēgə̄ yá̰a̰ yān gə̄ malang adə̄ nge ndóōn yá̰a̰.

NEHEMI 13:12

Loo ń noō tə́ Juda gə̄ malang reēn̄ kə dɔ kōō gémē kə́ nge ko̰ kutə kə́ kɔr̄ gə̄ ō, dɔ kasə nduú kə́ kíjə ō, dɔ yibə̄ ō, yā kán̄ kem kújə ngɔ̄m̄ yá̰a̰ gə̄ tə́.

NEHEMI 10:29

Gotə ngán Israel gə̄ ō, ngé tun̄ yá̰a̰ gə̄ ō, ngán Lebi gə̄ ō, ngé ngɔ̄m̄ ta róbə́ kújə gə̄ ō, gōsə̄ pā gə̄ ō, ngé kəla gə̄ ō, de gə̄ malang ń ɔrə̄n̄ rɔ̄də́ kɔ̄ɔ́ rɔ̄ de gə̄ kə́ dɔ ɓē kə́ rang gə̄ tə́ yā kunəń gō ndū najə̄ yā Nə́ɓā ní ō, nə̄yá̰də́ gə̄ ō, ngáńdə́ kə́ dəngam gə̄ ō, kə́ dəyá̰ gə̄ ō ń asən̄ ger̄ kum najə̄ ní ō,

2 YÁ̰A̰ GƏ̄ 31:12

reēn̄ kə dɔ yá̰á̰ kə́ kɔr̄ gēé kemeé ngándáńg. Reēn̄ kə yá̰á̰ kə́ kɔr̄ kógə̄ḿ dan kə́ kutə tə́ gə̄ ō, yá̰a̰ ndējə̄ gə̄ ō. I Konania kə́ ngōn̄ Lebi n i nge ka̰a̰ gō ní. Ngōkó̰o̰n Simei i nge ka̰a̰ gō seneé.

TƏ́DA 18:6

Á̰a̰ā̰, ngákó̰ó̰sí kə́ ngán Lebi gə̄ ń adə̄mə̄n̄ sedə́ ní, m̄-tél sedə́ m-ādə̄sí kadə̄ rāān̄ kəla gə̄ kə́ tām̄ yā kújə kənge naā tə́.

TA KƏLA 14:20

Ādə̄ de gə̄ tɔ̄ȳn̄ Nə́ɓā kə́ dɔɔ́ ń əla madə̄ ba̰ā̰í gə̄ kem jīí tə́ ní. Ba Abəram ɔr̄ dɔ yá̰a̰ malang kə́ nge ko̰ kutə adə̄n.

TƏ́DA 31:28

De gə̄ ń aw̄n̄ ta rɔ̄ɔ̄ tə́ ní, ā ī-tīr̄ dɔ yá̰a̰ kənge kə́ ta rɔ̄ɔ̄ tə́ ń i kə́ yā kadə̄də́ ní: Ré ɓəlo yādə́ gə̄ i ɓú mí anī, ɔ̄r̄ kógə̄ḿ danaá tām̄ yā Kɔ́ɔ̄ɓē tə́ ō, ré man̄g yādə́ gə̄, aké kərō yādə́ gə̄, aké batə̄ yādə́ gə̄, aké bə̄yā̰ yādə́ gə̄ i ɓú mí anī, ā ɔ̄r̄ kógə̄ḿ danaá tām̄ yā Kɔ́ɔ̄ɓē tə́ ō.

NDŪ NAJƏ̄ 18:8

Yá̰a̰ kəsa ń nin̄ malang a əngen̄ kə́ dɔ yá̰a̰ kənge yādə́ gə̄ ń nin̄ kógə̄ḿ kógə̄ḿ əngen̄ gíŕ yá̰a̰ yā bɔbə̄də́ gə̄ ń gātə̄n̄neé tə́ ní, a asə naā malang.

NEHEMI 12:47

Ɓāl̄ yā Jorobabel tə́ ō Nehemi tə́ ō ní, ngán Israel gə̄ malang adə̄n̄ gōsə̄ pā gə̄ ō, ngé ngɔ̄m̄ ta róbə gə̄ ō, yá̰á̰ kə́ tām̄ yādə́ tə́ kə dɔ ndɔ̄ gə̄. Yá̰a̰ ndējə̄ kə́ táĺ gə̄ ń i yā kadə̄ ngán Lebi gə̄ ní, nin̄ adə̄n̄də́ ō, ngán Lebi gə̄ adə̄n̄ ngán Aaro̰ gə̄ yādə́ kə́ sɔɔ̄ dɔdə́ ō.

NEHEMI 13:5

adə̄ ni-adə̄n kem kújə́ kógə̄ḿ kə́ kemən bo. Kété ní a kánə̄n̄ yá̰á̰ kə́ ndējə̄ gə̄ ō, kajaja ō, ngáń gájə́ yá̰a̰ rāā kəla gə̄ ō, dɔ kōō gémē kə́ kɔr̄ ō dɔ kasə nduú kə́ guḿ ō, dɔ yibə̄ ō, yá̰á̰ kə́ tām̄ yā ngán Lebi gə̄ tə́ ō, gōsə̄ pā gə̄ tə́ ō, ngé ngɔ̄m̄ ta róbə gə̄ tə́ ō, yá̰a̰ ndējə̄ kə́ tām̄ yā ngé tun̄ yá̰a̰ gə̄ tə́ ō, i kem kújə́ ní tə́.

MALASI 2:4

Loo ń noō tə́ ā ī-gerī yá̰á̰ ń toō: I Kɔ́ɔ̄ɓē kə́ bo kə́ tɔ́gən i ngá̰ý n m̄-tāāsí toō. Madə̄ naā ń m-ə́hɔ kə ngán Lebi gēé ní, m̄-ndigə ngɔ̄m̄.

MALASI 3:10

I beé ní, yá̰a̰ kənge yāsí gə̄ kə́ nge ko̰ kutə gə̄ ní, ī-reēīń kə́ rɔ̄kum tə́, kem kújə ngɔ̄m̄ yá̰a̰ kənge tə́, ādə̄ yá̰a̰ kəsa to ngándáńg kem kújə yā Kɔ́ɔ̄ɓē tə́. Mā Kɔ́ɔ̄ɓē kə́ bo kə́ tɔ́gə́ḿ i ngá̰ý m-ə́da na: Ásiī ndəle gír yā ger̄ kadə̄ m-ə́da i najə̄ kə́ rɔ̄kum. Loo ń noō tə́ ā á̰a̰ī kadə̄ m-ā m̄-teē ta kār̄ man̄ gə̄ kə́ dɔ rā̰ tə́ tām̄ yāsí tə́ ō, m-ā m̄-rāā majə sesí ngá̰ý ō.

TA KƏLA 47:24

Ba dan yā sāā kōō gə̄ tə́ ré jáng kōō i mí anī, kə adə̄n̄ Parao̰ kógə̄ḿ, ba kə́ sɔ́ gə̄ kə i yādə́ kadə̄ dubə̄n̄ ō, kə əsan̄ kə ngáńdə́ gə̄ ō, kə de kə́ kem kújə yādə́ gə̄ tə́ ō.

TA KƏLA 47:26

Jəjep rāā adə̄ tīr̄ dɔ kōō ní tél i yá̰á̰ kə́ ndang kadə̄ yā rāā. Adə̄ ɓōólaā gə̄gē ní ré yá̰a̰ kənge kə́ dɔ nang kə́ Ejiptə tə́ i mí anī, kógə̄ḿ i yā Parao̰. I dɔ nang yā ngé tun̄ yá̰a̰ gə̄ ngóy n i yā Parao̰ alé ní.

TƏ́DA 3:6

Ī-ɓāŕ de gə̄ kə́ gír ɓē yā Lebi tə́ ādə̄ reēn̄ kadə̄ ré kəla to ɓáa Aaro̰ nge tun̄ yá̰a̰ əladə́, a ɔsən̄ kílən kem kəlaá.

NEHEMI 10:38

J-a jə-kēgə̄ ndujə̄ yājí kə́ majə yā kadə̄də́ ō, j-a j-adə̄də́ yá̰a̰ ndējə̄ yājí kə́ kəla kə̄ dɔɔ́ gə̄ ō, kan̄ kāgə̄ yājí gə̄ ō, kasə nduú yājí kə́ kijə ō, yibə̄ ō. J-a j-aw̄ń kem kújə́ kə́ kadə kújə yā Nə́ɓā yājí tə́ yā kadə̄də́. Kan̄ yá̰a̰ gə̄ ń teēn̄ dɔ nang yājí tə́ ní i kutə anī, j-a j-ɔr̄ kógə̄ḿ danaá yā kadə̄ ngán Lebi gə̄ ō. Nin̄ kɔ́ gə̄ ngán Lebi gə̄ kə deē dɔdə́ a aw̄n̄ kə̄ kem ɓē gə̄ malang ń j-a jə-rāā kəla kemeé tə́ ní yā kaw̄ taā dɔ yá̰á̰ kə́ kɔr̄ kógə̄ḿ dan kə́ kutə gə̄ tə́.