TƏ́DA 18:20 - Bibəl ta Sar̄

²⁰ Kɔ́ɔ̄ɓē əda Aaro̰ ɓáý to̰ na: Dɔ nang ń m-ā m-ādə̄ ngán Israel gə̄ kadə̄ kēgə̄n̄ naā tə́ ní, ḭ̄ ā ə́nge yāí tū tə́ alé. I mā n i núsən yāí ń kadə̄ ə́nge ní ō, i mā n i yá̰a̰ kənge yāí kə́ dan ngán Israel gə̄ tə́ ō ní.

Bible sar

²⁰ Kɔ́ɔ̄ɓē əda *Aaro̰ ɓáý to̰ na: Dɔ nang ń m-ā m-ādə̄ ngán Israel gə̄ kadə̄ kēgə̄n̄ naā tə́ ní, ḭ̄ ā ə́nge yāí tū tə́ alé. I mā n i núsən yāí ń kadə̄ ə́nge ní ō, i mā n i yá̰a̰ kənge yāí kə́ dan ngán Israel gə̄ tə́ ō ní.

TƏ́DA 18:20 Referans Kwoze

EJEKIEL 44:28

Ngé tun̄ yá̰a̰ gə̄ a rāān̄ kəla yā kadə̄m̄. Nin̄ a əngen̄ loo dɔ nang kə́ Israel tə́ alé. Tɔdɔ̄ mā i yá̰a̰ kənge yādə́.

NDŪ NAJƏ̄ 10:9

I tām̄ najə̄ ń noō tə́ n de kə́ gír ɓē yā Lebi tə́ gə̄ əngen̄neé dɔ nang kə madə̄də́ gēé aĺ ní. Tītə̄ ń Kɔ́ɔ̄ɓē Nə́ɓā yāsí ədańdə́ ní, yá̰a̰ kənge yādə́ i Kɔ́ɔ̄ɓē.

JOJUE 13:33

De kə́ gír ɓē yā Lebi tə́ gə̄ ní, ni-adə̄də́ dɔ nang alé, ba ədadə́ na yá̰a̰ kənge yādə́ na i rāā kəla yā Kɔ́ɔ̄ɓē Nə́ɓā yā Israel.

NŌŌ RƆ̄ 3:24

M-ə́da kə̄ kemḿ tə́ na yá̰a̰ yāḿ kə sɔɔ̄ dɔḿ i Kɔ́ɔ̄ɓē. I tāmə̄n̄ ń toō tə́ n m-ā m-ə̄ndā kemḿ dɔn tə́ ní.

JOJUE 14:3

Moijə gán̄g dɔ nang kə gidə bā Jurdḛ kə́ dām̄ ké gír ɓē tə́ adə̄ gír ɓē kə́ jōó kə núsə kɔ̄ɔ́ ɓá, ba i de kə́ gír ɓē yā Lebi tə́ gə̄ n adə̄də́ alé ní.

NDŪ NAJƏ̄ 14:27

Ba ngán Lebi gə̄ ń ndin̄ kem ɓē yāsí gə̄ tə́ ní, ā ī-rāāīdə́ nja bə̄yā̰ kə́ gogə́ tə́ ndɔ̄ ń noō tə́ alé, tām̄ nin̄ əngen̄ núsə dɔ nang kə́ tām̄ yādə́ tə́ sesí alé.

NDŪ NAJƏ̄ 12:12

Ā ī-rāāī rɔ̄nel̄ ta kum Kɔ́ɔ̄ɓē Nə́ɓā yāsí tə́ kə ngáńsí kə́ dəngam gə̄ ō, kə́ dəyá̰ gə̄ ō, kə ngé rāā kəla yāsí gə̄ kə́ dəngam gə̄ ō, kə́ dəyá̰ gə̄ ō, naā tə́ kə ngán Lebi gə̄ ń ndin̄ kem ɓē yāsí gə̄ tə́ ní, tām̄ nin̄ əngen̄ dɔ nang yādə́ dɔ dáńsí tə́ alé.

JEJU TEĒ KUM JA̰A̰ 21:3

Gō tə́ anī, m-ōō ndū deē kógə̄ḿ teē tū kōr̄ kāgə̄ mbang tə́, əda na: Loo ń Nə́ɓā ndi tū tə́ kə de gēé ní n toó. Ni a ndi sedə́. Nin̄ i gír deē yān gə̄ ō, ni i Nə́ɓā ń ndi sedə́ ní ō.

PĀ GƏ̄ 142:5

Á̰a̰ loo kə̄ dām̄ kadəḿ kə́ ko̰ó̰ tə́ ba ə̄ndā ma̰ȳ á̰a̰ā̰: De kógə̄ḿ kə́ gerə̄m̄ gətóo! Loo kə́ rang kə́ kadə̄ m̄-ɓɔ̄ɔ̄ rɔ̄ḿ tū tə́ to̰ ní gətóo. De kə́ usən̄ dɔḿ tə́ gətóo!

PĀ GƏ̄ 16:5

Kɔ́ɔ̄ɓē, ndɔ̄ḿ gə̄ malang i kem jīí tə́. ḭ̄ i yá̰a̰ ndəbā yāḿ ō, yá̰a̰ ka̰ȳ yāḿ kə́ sɔɔ̄ dɔḿ kem kopoó ō,

JOJUE 18:7

Ngán Lebi gə̄ əngen̄ dɔ nang dɔ dáńsí tə́ alé, tɔdɔ̄ yá̰a̰ kənge yādə́ i kəla tun̄ yá̰a̰ tām̄ yā Kɔ́ɔ̄ɓē tə́. Ba kə́ tām̄ yā Gad gə̄ tə́ ō, Ruben gə̄ tə́ ō, núsə de gə̄ ké gír ɓē yā Manase tə́ gə̄ ō ní, əngen̄ dɔ nang yādə́ gidə bā Jurdḛ kə́ dām̄ kə́ gír ɓē tə́ kɔ̄ɔ́ ɓá. I Moijə kə́ nge kəla yā Kɔ́ɔ̄ɓē nəkɔ́ n adə̄də́ ní.

PĀ GƏ̄ 73:26

m̄-ndəlē ō, dan wurəḿ ɔr ō, banī nge rāā seḿ ō, yá̰a̰ halaḿ ō, i ḭ̄ Nə́ɓā ta kaw̄ kə̄ jóo.

NDŪ NAJƏ̄ 14:29

kadə̄ ngán Lebi gə̄ ń əngen̄ dɔ nang kə́ tām̄ yādə́ tə́ sesí aĺ ō, tə̄rā kə́ ngé nam̄ gə̄ ō, ngán hal gə̄ ō, dəyá̰ kə́ ngaa koy gə̄ ō ń ndin̄ kem ɓē yāsí gə̄ tə́ ní əngen̄neé yá̰a̰ kəsa kadə̄ ndānə̄n̄, ɓá anī Kɔ́ɔ̄ɓē Nə́ɓā yāsí a rāā majə sesí tū kəla rāāsí gə̄ tə́ malang.

TƏ́DA 26:62

Ngán Lebi kə́ dəngam gə̄ malang i deē 23 000 kum naā tə́ kə ngáń kə́ dəngam gə̄ kə́ ɓāl̄də́ ḭḭ dɔ nāā kógə̄ḿ tə́ kum kə̄ dɔɔ́. Tə́dan̄də́ naā tə́ kə gotə ngán Israel gēé alé, tām̄ dɔ nang kə́ Kanaan ń a gángə̄n̄ naā tə́ yā nə̄ɓō ngán Israel gə̄ ní, nin̄ a əngen̄ alé.

JOJUE 13:14

I de ké gír ɓē yā Lebi tə́ gə̄ ngóy n Moijə adə̄də́ dɔ nang aĺ ní. Tītə̄ ń Kɔ́ɔ̄ɓē ədanəń ní, i núsə yá̰á̰ kə́ tun̄ kadə̄ Kɔ́ɔ̄ɓē Nə́ɓā yā Israel n i yá̰a̰ kənge yādə́ ní.

TA KƏLA 15:1

Gō yá̰a̰ gə̄ ń noō tə́ anī, Kɔ́ɔ̄ɓē ndɔ̄bə̄ Abəram ɔr̄ najə̄ seneé ədan na: Abəram, ī-lōō ɓōĺ na mā i der yāí. Yá̰a̰ kəndā nja i ngá̰ý jīḿ tə́ kadə̄ m-ā m-ə̄ndań njaí.

TƏ́DA 18:7

Ba ḭ̄ Aaro̰ sḭḭ̄ kə ngání, ā ī-rāāī kəla tun̄ yá̰a̰ kadə̄ Nə́ɓā dɔ loo tun̄ yá̰á̰ tə́ ō, kem loo kə́ táĺ ngá̰ý ń gāngə̄n̄ gír kə kūbūú tə́ ní ō. Kəla ń ā ī-rāāī ní n noó. I mā n m-ādə̄sí karī. De kə́ karī ń aw̄ kadə tə́ ní a tɔ̄l̄nən̄ kɔ̄ɔ́.