TƏ́DA 18:19 - Bibəl ta Sar̄

¹⁹ Adə̄ dɔ yá̰á̰ kə́ táĺ gə̄ malang ń ngán Israel gə̄ ɔr̄ adə̄mə̄n̄ ní, m̄-téləń m-ādī ḭ̄ ō, ngání kə́ dəngam gə̄ ō, kə́ dəyá̰ gə̄ ō, kə ndū kə́ a to ngándáńg. Nge ń noō i madə̄ naā kə́ rāā kə katāá ō, kə́ a to ngándáńg tām̄ yāí tə́ ō, tām̄ yā ngání gə̄ tə́ ō, ngán kaaí gə̄ tə́ ō, ta kum Kɔ́ɔ̄ɓē tə́.

Bible sar

¹⁹ Adə̄ dɔ yá̰á̰ kə́ táĺ gə̄ malang ń ngán *Israel gə̄ ɔr̄ adə̄mə̄n̄ ní, m̄-téləń m-ādī ḭ̄ ō, ngání kə́ dəngam gə̄ ō, kə́ dəyá̰ gə̄ ō, kə ndū kə́ a to ngándáńg. Nge ń noō i *madə̄ naā kə́ rāā kə katāá ō, kə́ a to ngándáńg tām̄ yāí tə́ ō, tām̄ yā ngání gə̄ tə́ ō, ngán kaaí gə̄ tə́ ō, ta kum Kɔ́ɔ̄ɓē tə́.

TƏ́DA 18:19 Referans Kwoze

2 YÁ̰A̰ GƏ̄ 13:5

Ko̰o̰ ɓē kə́ Israel tə́ ní, Kɔ́ɔ̄ɓē Nə́ɓā yā Israel adə̄ i Dabid kə gír kojə yānneé. I madə̄ naā kə́ loo nujən gətóo ní ī-gerī aĺ a.

TƏ́DA 18:11

Yá̰a̰ malang ń ngán Israel gə̄ a ndējə̄n̄ Nə́ɓā ní, dɔn kə́ kɔr̄ i tām̄ yāsí tə́ ō. M-ādə̄sí kə ngáńsí kə́ dəngam gə̄ ō, kə́ dəyá̰ gə̄ ō, kə ndū kə́ a to ngándáńg. De gə̄ malang kə́ kem ndogə̄ yāsí tə́ ń majaĺ tákə̄də́ aĺ ní, a əsan̄.

LEBI GƏ̄ 2:13

Yá̰a̰ ndējə̄ malang kə́ rāā kə kōó ní, ā ī-seĺ katə̄ dɔ tə́. Ā ə́yá̰ yá̰a̰ ndējə̄ kə́ rāā kə kōó kanjə̄ seĺ katə̄ dɔ tə́ alé. Tɔdɔ̄ katə̄ i yá̰á̰ kə́ ɔjə dɔ madə̄ naā ń Nə́ɓā yāí əhɔ seí ní. I tām̄ najə̄ ń noō tə́ n ā ī-ɓōkə́ katə̄ dɔ yá̰a̰ ndējə̄ yāí gə̄ tə́ malang ní.

2 YÁ̰A̰ GƏ̄ 31:4

Mban̄g əda de kə́ Jerusalem gə̄ malang kadə̄ adə̄n̄ ngé tun̄ yá̰a̰ gə̄ ō, ngán Lebi gə̄ ō, núsə́ yá̰á̰ kə́ tām̄ yādə́ tə́ ń sɔɔ̄ kadə̄ adə̄n̄də́ ní, tá kadə̄ nin̄ asən̄neé kadə̄ rɔ̄də́ kə taá malang ta kəla gə̄ ń ɔjən̄ tām̄ yādə́ tə́ kem ndū najə̄ yā Kɔ́ɔ̄ɓē tə́ ní.

NDŪ NAJƏ̄ 12:6

Dā̰ yāsí gə̄ kə́ yā róō horoó ō, kə́ yā tun̄ karī gə̄ ō, dɔ yá̰a̰ yāsí kə́ nge ko̰ kutə ō, yá̰a̰ yāsí gə̄ ń ī-ndējī Nə́ɓā kə gō kem ndigə yāsí ní ō, kadə̄ karī yāsí gə̄ ń ādī Nə́ɓā tām̄ ndūsí kə́ ə̄nīī tə́, aláa kanjə̄ núm̄ kemsí tə́ ní ō, hágə man̄g yāsí gə̄ ō, hágə batə̄ yāsí gə̄ ō, hágə bə̄yā̰ yāsí gə̄ ō ní, ā āwīneé i loo ń noō tə́.

TƏ́DA 31:41

Moijə tél kə dɔ yá̰á̰ kə́ kɔr̄ tām̄ yā Kɔ́ɔ̄ɓē tə́ adə̄ Eleajar nge tun̄ yá̰a̰ tītə̄ ń Kɔ́ɔ̄ɓē ədanəń ní.

TƏ́DA 31:29

Dɔ yá̰a̰ kənge yādə́ ń a ɔ̄r̄ tām̄ yā Kɔ́ɔ̄ɓē tə́ ní, ā ī-téləń yā kadə̄ Eleajar nge tun̄ yá̰a̰.

TƏ́DA 18:8

Kɔ́ɔ̄ɓē əda Aaro̰ na: Á̰a̰ā̰, m-ə̄ndāī dɔ kəla yá̰á̰ kə́ táĺ gə̄ ń ngán Israel gə̄ adə̄mə̄n̄ ní tə́ ō, yá̰a̰ gə̄ ní m̄táləń m-ādə̄sí kə ngání gə̄ ō, ngán kaaí gə̄ ō, kə ndū kə́ a to ngándáńg.

LEBI GƏ̄ 7:14

A unən̄ dɔ yá̰a̰ ndējə̄ gə̄ ń toō kógə̄ḿ kógə̄ḿ yā kadə̄ Kɔ́ɔ̄ɓē ō, a télnə̄ń yā kadə̄ nge tun̄ yá̰á̰ ń sə̄kā mósə dā̰ kə́ tun̄ tām̄ yā kem kógə̄ḿ tə́ ní ō.

NDŪ NAJƏ̄ 12:26

Yá̰a̰ gə̄ ń ā āwīneé loo ń Kɔ́ɔ̄ɓē a gə̄rā tə́ ní, i yá̰a̰ gə̄ ń ā ɔ̄rī kam̄də́ tayā tām̄ yā Kɔ́ɔ̄ɓē tə́ ní ō, i yá̰a̰ gə̄ ń ə̄nīī ndūsí yā kadə̄ Kɔ́ɔ̄ɓē ní ō ngóy.

2 MBAN̄G 12:16

De gə̄ ń adə̄n̄də́ nar ngeé ń toō kadə̄ əgān̄neé ngé rāā kəla gə̄ ní, dəjen̄də́ kadə̄ ɔjən̄də́ gír yá̰a̰ gə̄ ń rāān̄ kə nar ní alé. Tɔdɔ̄ nin̄ rāān̄ yá̰a̰ i kə gōó.

EJEKIEL 43:24

Ā ī-reē sedə́ rɔ̄ḿ mā Kɔ́ɔ̄ɓē tə́ kadə̄ m-á̰á̰də́. Ngé tun̄ yá̰a̰ gə̄ a selə́n̄ katə̄ dɔdə́ tə́ ō, nin̄ a tɔ̄lə̄n̄də́ ba a tunə̄n̄də́ kə taá malang yā kadə̄m̄ ō.

Teē Ngán Israel gə̄ 29:27

Ā ə́da de gə̄ na nganjə bal batə̄ ní ō, ɓúrən ō ń ndējə̄n̄ Kɔ́ɔ̄ɓē kə gō looneé ní na i loon kə́ táĺ gə̄.

LEBI GƏ̄ 21:22

Ni a asə kəsa yá̰a̰ yā Nə́ɓā yān gə̄ ń i yá̰á̰ kə́ táĺ ngá̰ý gə̄ ō, i yá̰á̰ kə́ táĺ gə̄ ō ní karī.