TƏ́DA 18:15 - Bibəl ta Sar̄

¹⁵ Hágə́ yá̰a̰ malang, adə̄ i hágə de gə̄ aláa hágə dā̰ gə̄ ń a ndējə̄n̄ Kɔ́ɔ̄ɓē ní, i tām̄ yāí tə́ ō. Banī hágə deē ō, hágə dā̰ kə́ yḛr ō ní, ādə̄ gāngə̄n̄ dɔdə́.

Bible sar

¹⁵ Hágə́ yá̰a̰ malang, adə̄ i hágə de gə̄ aláa hágə dā̰ gə̄ ń a ndējə̄n̄ Kɔ́ɔ̄ɓē ní, i tām̄ yāí tə́ ō. Banī hágə deē ō, hágə dā̰ kə́ yḛr ō ní, ādə̄ gāngə̄n̄ dɔdə́.

TƏ́DA 18:15 Referans Kwoze

Teē Ngán Israel gə̄ 34:20

Ā ī-mbélī gíŕ hágə kərō i kə ngōn̄ batāá aláa i kə ngōn̄ bə̄yā̰á̰, aĺ ɓáa ī-tə̄ndāī gō ī-tɔ̄lī kɔ̄ɔ́. Hágə́sí kə́ dəngam gə̄ malang tá ā ī-gāngī dɔdə́.

Teē Ngán Israel gə̄ 13:2

kə ɔr̄ kam̄ hágə́ ngán Israel gə̄ malang ō, hágə́ yá̰a̰ kul̄ yādə́ gə̄ ō, kə adə̄n. Tɔdɔ̄ hágə de kə́ dəngam ō, hágə dā̰ kə́ dəngam ō ní, na i yá̰a̰ yān.

TƏ́DA 3:46

Kutə hágə́ ngán Israel kə́ dəngam gə̄ ń mānə̄n̄ dɔ kutə ngán Lebi gə̄ ní, i deē 273. I nin̄ gə̄ ń noō n i yā gān̄g dɔdə́ ní.

TƏ́DA 3:13

tɔdɔ̄ ngōn̄ hágə i yá̰a̰ yāḿ. Tām̄ ndɔ̄ ń m̄-tɔ̄ləń hágə de gə̄ kə́ Ejiptə kɔ̄ɔ́ malang ní, m-ɔ̄r̄ kam̄ hágə́ ngán Israel gə̄ ō, hágə́ yá̰a̰ kul̄ yādə́ gē ō, tām̄ yāḿ tə́. Mā i Kɔ́ɔ̄ɓē.

Teē Ngán Israel gə̄ 22:29

A ādə̄m̄ hágə man̄g yāí ō, hágə batə̄ yāí ō, hágə bə̄yā̰ yāí ō. Ā rāā ndɔ̄ sīrí gíŕ kó̰ó̰ tə́, ba ndɔ̄ kə́ nge ko̰ sɔ́sɔ́ anī ā ādə̄m̄ seneé.

Teē Ngán Israel gə̄ 13:15

Tɔdɔ̄ dan ń Parao̰ mbātə́ kəya̰sí kadə̄ āwī ní, Kɔ́ɔ̄ɓē na rāā adə̄ ngáń hágə gə̄ kə́ Ejiptə tə́, hágə deē gə̄gē hágə dā̰ gə̄gē na oyn̄ malang. Adə̄ na i tām̄ najə̄ ń noō tə́ n ā ī-ndējīneé Kɔ́ɔ̄ɓē hágə́ yá̰a̰ kul̄ yāsí gə̄ malang, ba hágə́sí kə́ dəngam gə̄ malang tá na ā ī-gāngī dɔdə́ ní.

TƏ́DA 18:16

Ré ojən̄də́ rāā nāā kógə̄ḿ anī, ādə̄ gāngə̄n̄ dɔdə́ kə gō gātə̄ ń ā ī-gān̄g ní. A ī-gān̄g i sə́lē arjā̰a̰ mí, sə́lē ń a əsan̄ kem loo kə́ táĺ tə́ ní, adə̄ sə́lē kógə̄ḿ kɔȳn i ngán kəlōo gə̄ kutə.

NDŪ NAJƏ̄ 15:19

Hágə́ yá̰a̰ kul̄ yāí gə̄ malang, adə̄ i hágə man̄g, aké i batə̄, aké i bə̄yā̰ ní, ré i kə́ dəngam anī ā ɔ̄r̄ kamə̄n tayā tām̄ yā Kɔ́ɔ̄ɓē Nə́ɓā yāí tə́. Adə̄ hágə man̄g yāí ń i kə́ dəngam ní ā ī-rāań kəla alé. Ā ə́ja bḭḭ̄ hágə batə̄ yāí kə́ dəngam aĺ ō.

2 MBAN̄G 12:5

Ndɔ̄ kógə̄ḿ tə́ anī Joas əda ngé tun̄ yá̰a̰ gə̄ na kə taān̄ nar kə́ kɔr̄ tām̄ yā Kɔ́ɔ̄ɓē tə́ gə̄ malang ń de gə̄ reēn̄neé kem kújə yā Kɔ́ɔ̄ɓē tə́ ní ō, nar ń de gə̄ a əsan̄ kem ɓēé á adə̄n̄ yā gāngəń dɔ rɔ̄də́ ní ō, nar malang ń de gə̄ reēn̄neé kógə̄ḿ kógə̄ḿ kə dɔdə́ gēé kem kújə yā Kɔ́ɔ̄ɓē tə́ kə gō kem ndaa yādə́ ní ō,

NEHEMI 10:37

I gáŕ kadə̄ jə-reē kə ngáń hágə́jí kə́ dəngam gə̄ ō, hágə́ yá̰a̰ kul̄ yājí gə̄ ō, kem kújə yā Kɔ́ɔ̄ɓē tə́ tītə̄ ń ndangən̄neé kem makətūbə̄ ndū najə̄ tə́ ní. Hágə man̄g yājí gə̄ ō, hágə batə̄ yājí gə̄ ō, hágə bə̄yā̰ yājí gə̄ ō ní, j-a jə-reēń kem kújə yā Nə́ɓā yājí tə́ yā kadə̄ ngé tun̄ yá̰a̰ gə̄ ń a rāān̄ kəla kem kújə yā Nə́ɓā yājí tə́ ní.