TƏ́DA 18:13 - Bibəl ta Sar̄

¹³ Kan̄ yá̰á̰ kə́ ta kəga dɔ gə̄ kə́ kem ndɔr̄ yādə́ tə́ ń a adə̄mə̄n̄ ní, i tām̄ yāí tə́. De gə̄ malang kə́ kem ndogə̄ yāí tə́ ń majaĺ tákə̄də́ aĺ ní a əsan̄.

Bible sar

¹³ Kan̄ yá̰á̰ kə́ ta kəga dɔ gə̄ kə́ kem ndɔr̄ yādə́ tə́ ń a adə̄mə̄n̄ ní, i tām̄ yāí tə́. De gə̄ malang kə́ kem ndogə̄ yāí tə́ ń majaĺ tákə̄də́ aĺ ní a əsan̄.

TƏ́DA 18:13 Referans Kwoze

Teē Ngán Israel gə̄ 22:29

A ādə̄m̄ hágə man̄g yāí ō, hágə batə̄ yāí ō, hágə bə̄yā̰ yāí ō. Ā rāā ndɔ̄ sīrí gíŕ kó̰ó̰ tə́, ba ndɔ̄ kə́ nge ko̰ sɔ́sɔ́ anī ā ādə̄m̄ seneé.

MISE 7:1

Yá̰á̰ kə́ to kum kaȳ aĺ kə́ ba̰ý beē! m̄-to i tītə̄ deē kógə̄ḿ kə́ dan yā sāā kan̄ yá̰a̰ gə̄ tə́ anī, teē aw̄ sāā kan̄ kāgə̄ nduú tə́. I dan kə́ yá̰a̰ gətóo kɔ̄ɔ́ tə́. Dɔ bəra nduú kə́ yā kəsa gətóo! Ka̰n̄ kótə̄ kə́ ta kəga dɔ ń nelə̄m̄ ngá̰ý ní, kógə̄ḿ gē gətóo!

OJEE 9:10

Kɔ́ɔ̄ɓē əda na: Kété ní Israel gə̄ nelə̄n̄ taḿ tītə̄ kan̄ nduú kə́ kem dəla loo tə́ beé. m̄-teē dɔ kaasí gə̄ tə́ i kə rɔ̄nelēé tītə̄ ń deē a teēń dɔ kan̄ kótə̄ kə́ ta kəga dɔ tə́ dɔ kāgə̄ kótə̄ tə́ ní beē. Banī dan nəkɔ́ ń nin̄ reē ɔtə̄n̄ Bet Peor anī, unən̄ rɔ̄də́ adə̄n̄ ɓesə̄ Baal rɔ̄sɔl̄ i kə́ njɔ́ḿ gə̄ tə́. Adə̄ nin̄ télən̄ i de gə̄ kə́ nelə̄m̄ sedə́ aĺ ngá̰ý, tītə̄ ń nel̄məń aĺ ngá̰ý kə ɓesə̄ ń nin̄ tárnən̄ ní beē.

JEREMI 24:2

Kan̄ kótə̄ kə́ majə ngá̰ý gə̄ ton̄ kem jáng kə́ kógə̄ḿ tə́, tītə̄ kan̄ kótə̄ kə́ kíjə gə̄ beé. Kan̄ kótə̄ kə́ majaĺ adə̄ i kə́ dum̄ kəsa gə̄ ton̄ kem jáńg kə́ noō tə́ ō.

Teē Ngán Israel gə̄ 23:19

Ā ī-reēī kə yá̰á̰ kə́ kijə kə́ ndɔr̄ yāsí gə̄ tə́ kem kújə yā Kɔ́ɔ̄ɓē Nə́ɓā yāsí tə́. Ā ī-ndīrī ngōn̄ bə̄yā̰ kə mba kó̰o̰neé alé.

Teē Ngán Israel gə̄ 34:26

Ā ī-reēī kə kan̄ yá̰á̰ kə́ ta kəga dɔ gə̄ kə́ kem ndɔr̄ yāsí tə́ loo ń mā Kɔ́ɔ̄ɓē Nə́ɓā yāsí m̄-ndi tū tə́ ní tə́. Ā ī-ndīrī ngōn̄ bə̄yā̰ kə mba kó̰o̰neé alé.

NDŪ NAJƏ̄ 26:2

kōō yāí kə́ ta kəga dɔ gə̄ malang ní ā ī-kēgə̄ kem jángá yā kaw̄ń loo ń Kɔ́ɔ̄ɓē Nə́ɓā yāí a gə̄rā yā kəndā rīn dɔ tə́ ní tə́.

EJEKIEL 44:30

Núsə kōō kə́ ta kəga dɔ ní, i ngé tun̄ yá̰a̰ gə̄ n a taān̄ ō, yá̰a̰ malang kə́ kɔr̄ kam̄ tām̄ yāḿ tə́ dan yá̰a̰ kənge gə̄ yā ngán Israel gə̄ tə́ ní, nin̄ a taān̄ ō. De gə̄ a adə̄n̄də́ ndujə̄ yādə́ kə́ majə ngá̰ý gə̄ yā kadə̄ m̄-tɔ́rəń taḿ dɔ kem kújə yādə́ gə̄ tə́.

LEBI GƏ̄ 22:7

Ré mbang udə rap anī, ni i de kə́ unjə̄ njáý njáý, adə̄ ni a əsa yá̰a̰ ndējə̄ kə́ táĺ gə̄, tɔdɔ̄ i yá̰a̰ kəsa yān.

LEBI GƏ̄ 23:17

Ā ḭ́ḭḭ̄ ɓēé kə mápá jōó reē ndējə̄ Kɔ́ɔ̄ɓē. Ā ī-ndējīin̄ i kə gō looneé. Mápá kə́ jōó gə̄ ní, ndujə̄ ń ā ī-rāāiń ní i kem lāngá mehḛ́ ō, ā ī-rāāīdə́ i kə kaa mápá ō. I kōō kə́ ta kəga dɔ ń ā ī-sāāī ní n ā ī-rāāī mápá tə́ yā ndējə̄ Kɔ́ɔ̄ɓē ní.

NDŪ NAJƏ̄ 18:4

Ā ādīdə́ kōō gémē ō, kasə nduú kə́ kijə ō, yibə̄ ō, kə́ ta kəga dɔ yāsí gə̄. Ā ādīdə́ bḭḭ̄ batə̄ kə́ ta kəga dɔ yāsí gə̄ ń ā ə́jaī ní ō.

2 MBAN̄G 4:42

Deē kógə̄ḿ ḭḭ Baal Salisa, reē kə mápa kōō kə́ kijə adə̄ deē yā Nə́ɓā. Ni-reē kə mápa kōō ɔ́rjə kutə jōó ō, njár̄ kōō gémé kə́ kijə kem ngongoó ō. Elije əda nge kəla yān na kə nə̄ɓō de gə̄ kadə̄ əsan̄.

2 YÁ̰A̰ GƏ̄ 31:5

Dan ń ədan̄ najə̄ ń noō anī, ngán Israel gə̄ adə̄n̄ dɔ kōō kə́ kijə gə̄ kə́ ndɔr̄ yādə́ gə̄ tə́ ngá̰ý. Adə̄n̄ kōō gémē ō, kasə nduú ō, yibə̄ ō, yibə̄ tejə ō, yá̰á̰ kə́ rang gə̄ ō. Reēn̄ kə yá̰a̰ gə̄ kə́ kɔr̄də́ kógə̄ḿ kógə̄ḿ dan kə́ kutə gə̄ tə́ ngá̰ý adə̄n̄ ō.