TƏ́DA 17:7 - Bibəl ta Sar̄

⁷ Ngán Israel gə̄ a kán̄ naā kə̄ dɔ Moijə nin̄ kə Aaro̰ tə́, ba nin̄ tūrə̄n̄ kumdə́ sɔɔ̄ kújə kənge naā. Ɓá anī kil̄ man̄ utə̄ dɔ kújə́ ní. Kɔsə gɔn yā Kɔ́ɔ̄ɓē teē danaá.

Bible sar

⁷ Ngán Israel gə̄ a kán̄ naā kə̄ dɔ Moijə nin̄ kə Aaro̰ tə́, ba nin̄ tūrə̄n̄ kumdə́ sɔɔ̄ *kújə kənge naā. Ɓá anī kil̄ man̄ utə̄ dɔ kújə́ ní. *Kɔsə gɔn yā Kɔ́ɔ̄ɓē teē danaá.

TƏ́DA 17:7 Referans Kwoze

KƏLA RĀĀ 7:44

Dan ń kaají gə̄ i kem dəla loo tə́ ní, nin̄-aw̄n̄ kə kújə tandā yā najə̄ kə́ kum tə́. Nge ń a ɔr̄ najə̄ kə Moijə ní ədan na kə rāā kújə́ ní kadə̄ kə to tītə̄ nge ń a̰ā̰ ní.

Teē Ngán Israel gə̄ 38:21

Gində̄ gə̄ malang ń rāān̄neé kújə ndi Kɔ́ɔ̄ɓē yā kəndā sandúkə ndū najə̄ kemeé ní n toó. I Moijə n mēr̄ ngán Lebi gə̄ mbɔ̄jə́ kɔȳn ní. Deē ń ɔr no ngán Lebi gə̄ loo mbɔ̄jə́ kɔȳn tə́ ní i Itamar ngōn̄ Aaro̰ nge tun̄ yá̰a̰.

TƏ́DA 18:2

I ḭ̄ ō, ngání gə̄ ō n ā āwī ta kújə́ ń sandúkə ndū najə̄ i kemeé tə́ ní. Ba ādə̄ ngákó̰ó̰í gə̄ kə́ gír ɓē yā Lebi tə́ ń i gír ɓē yā bɔbí ní, aw̄n̄ seí loo kə́ táĺ tə́. I nin̄ n a utə̄n̄ gōí ō, a ɔsən̄ kílí ō ní.

TƏ́DA 1:50

Adə̄də́ kəla kə́ dɔ kújə́ ń ndū najə̄ yā Nə́ɓā i kemeé tə́ ní ō, kə́ dɔ yá̰a̰ rāā kəla gə̄ malang kə́ tū tə́ tə́ ō. A ətōn̄ kújə yā Nə́ɓā ní ō, yá̰a̰ rāā kəla gə̄ malang kə́ tū tə́ ō. A rāān̄ kəla kə́ tām̄ yā kújə́ ní tə́ ō, a ndin̄ ɓē i kə gō gidií ō.

TƏ́DA 1:53

Banī ngán Lebi gə̄ a ndin̄ ɓē i kə gō gidə kújə́ ń ndū najə̄ yā Nə́ɓā i kemeé tə́ ní, yā rāań kəla. Loo ń noō tə́ wōn̄g a rāām̄ kə ngán Israel gēé alé.

TƏ́DA 9:15

Ndɔ̄ ń udənə̄ń kújə yā Nə́ɓā tə́ ní, kil̄ man̄ reē utə̄ dɔ. Kújə́ ní i kújə tandā ń sandúkə ndū najə̄ i kemeé ní. Ndɔ̄ɔ́ anī kil̄ man̄ ní unjə̄ tītə̄ hor bátə́ kadə̄ loo tīiń.

TƏ́DA 17:4

Eleajar ń i nge tun̄ yá̰á̰ ní, ɔy ganán yā de gə̄ ń hor o̰o̰də́ á i kə́ rāā kə gində̄ nə̄ngá kasaá ní adə̄ tə́ndān̄ kə mūú adə̄ hɔɔ́lɔ̄ péĺ péĺ yā lábə̄ dɔ loo tun̄ yá̰á̰ tə́.

TƏ́DA 17:6

Teē kə ndɔ̄ kə́ noō anī, ngán Israel gə̄ malang tāmə̄n̄ kə Moijə nin̄ kə Aa̰ro̰ ədan̄ na: I sḭḭ̄ n ī-rāāī ādə̄ gír de gə̄ yā Kɔ́ɔ̄ɓē gə̄ oyn̄ ní.

TƏ́DA 14:10

Ngán Israel gə̄ malang ɔrə̄n̄ najə̄ tə́nīdə́ kə mbalá yā tɔ̄l̄də́ anī kɔsə gɔn yā Kɔ́ɔ̄ɓē teē ta kumdə́ tə́ malang dɔ kújə kənge naā tə́.