TƏ́DA 17:5 - Bibəl ta Sar̄

⁵ Nge ń noō i yā terə̄ń kem ngán Israel gə̄ na i de kə́ rang n a róō kajaja ta kum Kɔ́ɔ̄ɓē tə́ alé, ba i de gə̄ kə́ gír kaa yā Aaro̰ tə́ ta ngóy. De kə́ rang ń a róō ní, yá̰á̰ ń rāā Kore nin̄ kə de kə́ gōn tə́ gə̄ ní a rāān ō. Yá̰á̰ ń rāā Kore ní, Kɔ́ɔ̄ɓē əndā ta Moijə tə́ adə̄ ədan kété kɔ̄ɔ́.

Bible sar

⁵ Nge ń noō i yā terə̄ń kem ngán Israel gə̄ na i de kə́ rang n a róō kajaja ta kum Kɔ́ɔ̄ɓē tə́ alé, ba i de gə̄ kə́ gír kaa yā *Aaro̰ tə́ ta ngóy. De kə́ rang ń a róō ní, yá̰á̰ ń rāā Kore nin̄ kə de kə́ gōn tə́ gə̄ ní a rāān ō. Yá̰á̰ ń rāā Kore ní, Kɔ́ɔ̄ɓē əndā ta Moijə tə́ adə̄ ədan kété kɔ̄ɔ́.

TƏ́DA 17:5 Referans Kwoze

TƏ́DA 16:5

Gō tə́ anī əda Kore kə́ ngé kə́ gōn tə́ gə̄ malang na: Bírí kə ndɔ̄ý anī Kɔ́ɔ̄ɓē a ɔjə dɔ deē ń i yān ō, kə́ táĺ ō, kə́ ni ndigən kadə̄ aw̄ rɔ̄n tə́ ō ní. Deē ń Kɔ́ɔ̄ɓē a gə̄rān ní, Kɔ́ɔ̄ɓē a ndigə kadə̄ deē ní aw̄ rɔ̄n tə́.

OJEE 14:5

Kɔ́ɔ̄ɓē əda na: Mo̰y kəra dɔ ndū tə́ aĺ ń rāā Israel ní, m-ā m̄-tɔ̄l̄ kɔ̄ɔ́ dɔn tə́. M-ā m̄-tárən kə kem kə́ majaá, tɔdɔ̄ wōn̄g rāām̄ seneé to̰ alé.

EJEKIEL 16:41

a tə́lan̄ hor dɔ kújə yāí gə̄ tə́ ō. Sarya ń i kə́ gān̄g dɔí tə́ ní, nin̄ a unən̄ yā rāań yá̰a̰ seí i tītə̄ ń noō ta kum kósə dəyá̰ madí kə́ ngá̰ý gə̄ tə́. M-ā m̄-gān̄g ta ndɔ̄ ájə́ba yāí kɔ̄ɔ́ ō, ā ásə kəgā ngé sāāí gə̄ to̰ aĺ ō.

TƏ́DA 17:8

Moijə nin̄ kə Aaro̰ aw̄n̄ ta kújə kənge naā tə́.

TƏ́DA 16:11

I tām̄ najə̄ ń noō tə́ n ḭ ō, de kə́ gōí tə́ gə̄ ō, ə̄ndāī rɔ̄sí naā tə́ i-mbātíiń Kɔ́ɔ̄ɓē ní a? Ba gír yā Aaro̰ na i rí á ī-tāmī seneé ní?

EJEKIEL 23:27

Ḭ̄ Oholiba, yá̰a̰ rāāí kə́ to rɔ̄sɔl̄ gə̄ ní, m-ā m̄-rāā kadə̄ gír a gān̄g kɔ̄ɔ́ ō, ájə́ba yāí ń ə́lá gír rāā i dɔ nang kə́ Ejiptə tə́ ní, m-ā m̄-rāā kadə̄ gír a gān̄g kɔ̄ɔ́ ō. Ḭ̄ a á̰a̰ de kə́ dəngam gə̄ to̰ aĺ ō, a əga kemií dɔ de kə́ Ejiptə tə́ to̰ aĺ ō.

IJAI 27:6

Kum mbang gə̄ ń a reēn̄ noō ní, gír deē yā Jakob gə̄ a tə́lan̄ ngəradə́, Israel a sitə ō, a hútə̄ ō. Ni a rāā kadə̄ kanə̄n gə̄ a taān̄ loo dɔ nang tə́.

IJAI 13:11

Kɔ́ɔ̄ɓē əda na: M-ā m-ə́nda de kə́ dɔ nang tə́ gə̄ najə̄ kem ndul yādə́ tə́ ō, m-ā m-ə́ndá ngé kem ndul gə̄ najə̄ tɔ̄l̄ ń nin̄ tɔ̄lə̄n̄ de gə̄ tə́ ní ō. M-ā m̄-rāā kadə̄ kídə̄ loo yā ngé kɔjə rɔ̄ gə̄ gətóo kɔ̄ɔ́. Ngé gə̄ ń ko̰o̰ ɓē i jīdə́ nin̄ kɔ́ gə̄ tə́ ngóý ní, m-ā m̄-rāā kadə̄ kɔjə rɔ̄ yādə́ tél kə̄ nang tə́.

IJAI 11:1

Ngōn̄ kə́ dəngam kógə̄ḿ a teē dan de gə̄ kə́ kem kojə yā Jese tə́, tītə̄ ta jī kāgə̄ kə́ dūú kə́ əɓa kadə ɓōdə̄ kāgə̄ kə́ tɔgə kɔ̄ɔ́ tə́ beē. Ta jī kāgə̄ kə́ əɓa dɔ ngəran gə̄ tə́.

IJAI 5:24

I tām̄ najə̄ ń toō tə́ n nin̄ a ton̄ tītə̄ mu kə́ hor o̰o̰ ní, aláa a ton̄ i tītə̄ mu kə́ tutə kə́ udə lim kɔ̄ɔ́ kum ta ndo̰ hor gə̄ tə́ ní. nin̄ a ndumən̄ i ngəradə́ tə́. Hútə̄də́ a ḭḭ nél tītə̄ bumbə́ru beé. Tɔdɔ̄ nin̄ kídə̄n̄ yá̰á̰ ndóō gə̄ yā Kɔ́ɔ̄ɓē kə́ bo kə́ tɔ́gən i ngá̰ý, nin̄ mbātə́n̄ najə̄ kɔr̄ Nə́ɓā kə́ táĺ yā Israel.

TƏ́DA 17:10

Ī-teēī kɔ̄ɔ́ dan gír de gə̄ ń toō tə́, tām̄ m-ā m̄-nujə sedə́ i gidə kógə̄ḿ beē. Moijə nin̄ kə Aaro̰ əsō sébən̄ kumdə́ nang tə́.

1 KORḚNTƏ 10:10

Ī-lōōī yṵ́r̄ najə̄, tītə̄ ń ngé kə́rēý gə̄ dandə́ tə́ yṵ́rə̄n̄neé, adə̄ nin̄-udən̄ kɔ̄ɔ́ jī nge kəla yā Nə́ɓā kə́ nge tɔ̄l̄ yo tə́ ní.

Teē Ngán Israel gə̄ 16:7

Bírí dəloí anī na a a̰a̰n̄ kɔsə gɔn yā Kɔ́ɔ̄ɓē, tɔdɔ̄ ni na oō tām̄ ń na tāmə̄n̄ seneé ní. Ké nin̄ n-asən̄ i rí deē dɔdə́ yā kadə̄ tāmə̄n̄ sedə́ nin̄ ní wa.

TƏ́DA 11:1

Ndɔ̄ kə́rēý tə́ ngán Israel gə̄ tāmə̄n̄ kə Kɔ́ɔ̄ɓē, adə̄ Kɔ́ɔ̄ɓē oō ní nelə̄n alé. Wōn̄g rāān adə̄ ni-əla hor yān dɔdə́ tə́ adə̄ o̰o̰ loo ta ngóy ɓē tə́.

TƏ́DA 17:6

Teē kə ndɔ̄ kə́ noō anī, ngán Israel gə̄ malang tāmə̄n̄ kə Moijə nin̄ kə Aa̰ro̰ ədan̄ na: I sḭḭ̄ n ī-rāāī ādə̄ gír de gə̄ yā Kɔ́ɔ̄ɓē gə̄ oyn̄ ní.

PĀ GƏ̄ 105:26

Loo ń noō tə́ ni-əla nge kəla yān Moijə ō, Aaro̰ ń ni gə̄rān ní ō.

TƏ́DA 1:51

Ta ndɔ́tə̄ kə kújə yā Nə́ɓāá anī i ngán Lebi gə̄ n a tútən̄ ní ō, ta dəba anī i nin̄ n a udən̄ ní ō. De kə́ karī ń a aw̄ rɔ̄ɔ̄ tə́ ní a tɔ̄l̄nən̄ kɔ̄ɔ́.

JOJUE 4:7

ī-tél ə́daīdə́ na: Dan ń sandúkə madə̄ naā yā Kɔ́ɔ̄ɓē a mān̄ kum bā Jurdḛ tə́ ní, man̄ bā Jurdḛ ń a nūgə́ ní dəba. Bā Jurdḛ gān̄g naā tə́ jōó, adə̄ mbal̄ gə̄ ń toō rɔ̄də́ i yá̰a̰ i yá̰a̰ kəga kem dɔ yá̰á̰ kə́ rāā yá̰á̰ tə́ yā ngán Israel gə̄, kadə̄ əgań kemdə́ dɔ yá̰á̰ kə́ kɔr kum ń rāā yá̰á̰ tə́ ní ngándáńg.

2 YÁ̰A̰ GƏ̄ 26:16

Banī tɔ́gə̄n ní rāān adə̄ ɔjə rɔ̄n, ba kɔjə rɔ̄ yān kə́ kemən tə́ ní aw̄ seneé bátə́ tḭ̄ḭ̄ tan. Ni-rāā háĺ kə́ sew aĺ kə Kɔ́ɔ̄ɓē Nə́ɓā yānneé, udə kem kújə yā Kɔ́ɔ̄ɓē tə́ yā róō kajaja dɔ loo róō ndujə̄ yá̰á̰ kə́ kotə majə tə́ yā kadə̄ Kɔ́ɔ̄ɓē.

ESDRAS 2:62

De gə̄ ní sāān̄ makətūbə̄ gə̄ ń ndangən̄ rī kaadə́ gə̄ tū tə́ ní sétə́ əngen̄ alé. Adə̄ de gə̄ rāān̄də́ i de gə̄ kə́ yḛr gə̄ tə́ ō, ɔgə̄n̄də́ rāā kəla tun̄ yá̰a̰ kɔ̄ɔ́ ō.