Biblia Todo Logo
Bib sou entènèt

- Piblisite -




TƏ́DA 17:13 - Bibəl ta Sar̄

13 Ni-ra dɔ dán de kə́ koy gə̄ kə de kə́ kə kumuú gə̄ tə́. Tā anī mo̰y kə́ ngan̄g ngá̰ý ní asən tɔ̄l̄ de gə̄.

Gade chapit la Kopi

Bible sar

13 Ni-ra dɔ dán de kə́ koy gə̄ kə de kə́ kə kumuú gə̄ tə́. Tā anī mo̰y kə́ ngan̄g ngá̰ý ní asən tɔ̄l̄ de gə̄.

Gade chapit la Kopi




TƏ́DA 17:13
21 Referans Kwoze  

Ba ngɔlaā ń toō ī-ɓooī naā kə Kərist Jeju, adə̄ sḭḭ̄ ń kété sḭḭ̄ i sa̰y rɔ̄ Nə́ɓā tə́ ní, ī-reēī rɔ̄n tə́ ngɔr kə ta kūl̄ mósə Kərist.


Dan ń Ananias oō najə̄ gə̄ ń noō ní anī, ni-teē əsō ba oy. De gə̄ malang ń oōn̄ ní ɓōĺ rāādə́.


I beé ní, ī-dəbaī ta mbóo kə deē yāsí. Ré i beé aĺ anī, súĺ yāsí gə̄ a ndɔ́tə̄n̄ kum kə̄ rɔ̄ naā tə́ kadə̄ gō a ngan̄g tɔȳ kə́ kété ɓáý. A̰á̰ā̰, Kɔ́ɔ̄ɓē Nə́ɓā kə́ bo kə́ tɔ́gən i ngá̰ý ədam̄. Ni un ndūn yā nujə ɓē kə taá malang kɔ̄ɔ́.


Rɔ̄kum, wōn̄g yāí tɔ̄l̄jí kɔ̄ɔ́, wōn̄g yāí kə́ ngá̰ý əla ɓōĺ kemjí tə́.


Tām̄ dan ń sḭḭ̄ ī-gətóoī ní, Kɔ́ɔ̄ɓē Nə́ɓā əndají tɔdɔ̄ jə-rāā yá̰a̰ i kə gō ń ni ndigə ní alé.


Dan ń gír de gə̄ ń toō gān̄g kɔ̄ɔ́ malang anī,


Wōn̄g rāā Kɔ́ɔ̄ɓē kə ngán Israel gēé adə̄ rāādə́ adə̄ dáȳn̄ kem dəla loo tə́ bátə́ ɓāl̄ kutə sɔ́, adə̄ de gə̄ ń rāān̄ yá̰á̰ kə nel̄ Kɔ́ɔ̄ɓē aĺ ní gətóon̄ kɔ̄ɔ́ malang.


Moijə əda de gə̄ na: Ī-ndɔ́tiī kɔ̄ɔ́ kadə kújə yā ngé kem ndul gə̄ ń noō tə́. Ī-lōōī kɔdə rɔ̄ yá̰a̰ yādə́ kógə̄ḿ, na sōgə́ óyiī sedə́ loo ń Nə́ɓā a əndadə́ tām̄ yá̰á̰ kə́ majaĺ gə̄ malang ń nin̄ rāān̄ tə́ ní.


Banī kan̄ kāgə̄ ń ra dan ndɔrɔ́ ní, ɔgə̄jí kɔ̄ɔ́, əda na ré j-əsa ō, j-ɔdə rɔ̄ ō anī, j-a j-oy.


Anī Kɔ́ɔ̄ɓē əda Aaro̰ na: Yá̰á̰ kə́ rāā gōtə́ aĺ gə̄ kə́ kem loo kə́ táĺ yā Nə́ɓā tə́ ní, najə̄n a əsō i dɔí ḭ̄ tə́ ō, dɔ ngání gə̄ tə́ ō, dɔ ngán kaaí gə̄ tə́ ō, dɔ ngééí gə̄ tə́ ō. Ba yá̰á̰ kə́ gōtə́ aĺ gə̄ ń sḭḭ̄ kɔ́ gə̄ ī-rāāī kə ngání gə̄ loo kəla yāsí tə́ ní, najə̄n a əsō i dɔsí sḭḭ̄ kɔ́ gə̄ tə́.


Udə gō deē ní tə́ kem kújə tandā ń aw̄ kə dəyá̰ kə́ Madian kemeé ní tə́, ba ɔsədə́ jōó mbak kə nəngaá kemdə́ tə́ adə̄ oyn̄. Loo ń noō tə́ yá̰á̰ kə́ tōr̄ ń a rāā ngán Israel gə̄ ní dəba.


Ni-rāā loo tun̄ yá̰a̰ loo ní tə́ ba ndējə̄ Kɔ́ɔ̄ɓē yá̰a̰ tun̄ kə́ róō horoó gə̄ ō, yá̰a̰ tun̄ kə́ tām̄ yā kem kógə̄ḿ tə́ gə̄ ō. Loo ń noō tə́ Kɔ́ɔ̄ɓē ɔjə kem majə yān kə́ tām̄ yā ɓē tə́ kə̄ ndágá, adə̄ gíŕ yá̰á̰ kə́ tōr̄ ń reē dɔ de gə̄ tə́ kem ɓē kə́ Israel tə́ ní gān̄g.


Swiv nou:

Piblisite


Piblisite