TƏ́DA 17:11 - Bibəl ta Sar̄

¹¹ Ba Moijə əda Aaro̰ na: Ún ganán yāí, ba ɔ́y yā̰l̄ hor kə́ dɔ loo tun̄ yá̰á̰ tə́ ī-ɓōkə́ kemeé ō, ī-ɓōkə́ kajaja kum yā̰l̄ hor ní tə́ ō, ba āw̄ láẃ ī-rāā yá̰a̰ kutə̄ dɔ majaĺ yā ngán Israel gə̄, tām̄ wōn̄g yā Kɔ́ɔ̄ɓē ḭḭ seneé kɔ̄ɔ́. Á̰a̰ā̰ mo̰y kə́ ngan̄g ngá̰ý əla gír tɔ̄l̄ de gə̄ kɔ̄ɔ́ ɓá.

Bible sar

¹¹ Ba Moijə əda Aaro̰ na: Ún ganán yāí, ba ɔ́y yā̰l̄ hor kə́ dɔ *loo tun̄ yá̰á̰ tə́ ī-ɓōkə́ kemeé ō, ī-ɓōkə́ kajaja kum yā̰l̄ hor ní tə́ ō, ba āw̄ láẃ ī-rāā yá̰a̰ kutə̄ dɔ majaĺ yā ngán *Israel gə̄, tām̄ wōn̄g yā Kɔ́ɔ̄ɓē ḭḭ seneé kɔ̄ɔ́. Á̰a̰ā̰ mo̰y kə́ ngan̄g ngá̰ý əla gír tɔ̄l̄ de gə̄ kɔ̄ɔ́ ɓá.

TƏ́DA 17:11 Referans Kwoze

TƏ́DA 17:10

Ī-teēī kɔ̄ɔ́ dan gír de gə̄ ń toō tə́, tām̄ m-ā m̄-nujə sedə́ i gidə kógə̄ḿ beē. Moijə nin̄ kə Aaro̰ əsō sébən̄ kumdə́ nang tə́.

TƏ́DA 17:12

Aaro̰ rāā yá̰á̰ ń Moijə ədan ní. Ni-un ganán ba a̰ȳ ngɔ̄də̄ aw̄ dan de gə̄ tə́, anī a̰a̰ kadə̄ mo̰y ní əla gír tɔ̄l̄ de gə̄ kɔ̄ɔ́ ɓá. Ni-róō kajaja ō, rāā yá̰á̰ kə́ yā kutə̄ń dɔ majaĺ yā ngán Israel gə̄ ō.

LEBI GƏ̄ 16:15

A əja kɔ́ɔ bal bə̄yā̰ kə́ tun̄ tām̄ yā majaĺ yā ngán Israel gə̄ tə́ ní ō, a reē kə mósəneé kem loo kə́ táĺ ngá̰ý ń gāngə̄n̄ gír kə kūbūú tə́ ní ō. I yá̰á̰ ń ni rāā kə mósə mangá ní n a rāā kə mósə bal bə̄yā̰á̰ ní. Ni a sə̄kā mósə́ ní dɔ yá̰a̰ ta sandúkə́ tə́ ō, non tə́ ō.

LEBI GƏ̄ 16:16

Ni a rāā yá̰á̰ kə́ yā kutə̄ń dɔ majaĺ dɔ loo kə́ táĺ ngá̰ý tə́, tɔdɔ̄ majaĺ kə́ dɔ ngán Israel gə̄ tə́ ō, yá̰á̰ kə́ gōtə́ aĺ gə̄ ń nin̄ rāān kə gō dum̄ naā yādə́ ō ní, rāā adə̄ loo kə́ táĺ ngá̰ý tél loo kə́ yḛr. Ni a rāā tītə̄ ń noō tām̄ yā kújə kənge naā ń ra dɔ dáńdə́ tə́ kum majaĺ ń rāādə́ adə̄ télən̄ de kə́ yḛr gə̄ tə́ ní ō.

TƏ́DA 11:33

De gə̄ əlan̄ dā̰ tadə́ tə́ ba əsa urən̄ aĺ ɓáý anī wōn̄g rāā Kɔ́ɔ̄ɓē sedə́ adə̄ rāādə́ yá̰á̰ kə́ tōr̄ ngá̰ý.

2 YÁ̰A̰ GƏ̄ 19:10

Kə dɔ reē ngákó̰ó̰sí gə̄ ń ḭḭn̄ kə̄ kem ɓē yādə́ gə̄ tə́ a reēn̄ kə najə̄ yādə́ gēé nosí tə́ noō, ká i najə̄ kə́ dɔ tɔ̄l̄ deē tə́, aké i kə́ dɔ ndū najə̄ tə́, aké i kə́ dɔ yá̰a̰ gə̄ ń ī-ndang kadə̄ yā rāā gə̄ ní tə́, aké i kə́ dɔ yá̰a̰ kāgə̄ ɓē tə́ anī, ī-ndóōīdə́ ādə̄ gerə̄n̄, na sōgə́ rāān̄ yá̰á̰ kə́ majaĺ kə Kɔ́ɔ̄ɓē kadə̄ najə̄ i dɔdə́ tə́. Loo ń noō tə́ wōn̄g a rāā Kɔ́ɔ̄ɓē sesí aĺ ō, wōn̄g a rāān kə ngákó̰ó̰sí gēé aĺ ō. Ī-rāāī tītə̄ ń noō anī najə̄ a əsō dɔsí tə́ alé.