TƏ́DA 16:35 - Bibəl ta Sar̄

³⁵ De kə́ ɓú jōó kə kutə mí gə̄ ń ra a ndējə̄n̄ kajaja ní, Kɔ́ɔ̄ɓē adə̄ hor kógə̄ḿ teē róōdə́ malang.

Bible sar

³⁵ De kə́ ɓú jōó kə kutə mí gə̄ ń ra a ndējə̄n̄ kajaja ní, Kɔ́ɔ̄ɓē adə̄ hor kógə̄ḿ teē róōdə́ malang.

TƏ́DA 16:35 Referans Kwoze

TƏ́DA 26:10

Dɔ nang teē tan urdə́ naā tə́ kə Kore, ndɔ̄ ń deē yā Kore gə̄ oynə̄ń malang tə́ ō, hor o̰o̰ń de gə̄ ɓú jōó kə kutə mí tə́ ō ní. Nge ń noō i kadə̄ dɔ gotə de gə̄ reēń ō, gír̄nəń yá̰a̰ ō.

LEBI GƏ̄ 10:2

Ta anī hor teē rɔ̄ Kɔ́ɔ̄ɓē tə́ o̰o̰də́ adə̄ oyn̄ ta kum Kɔ́ɔ̄ɓē tə́.

PĀ GƏ̄ 106:18

Hor kógə̄ḿ o̰o̰ ɓūtə̄ deē yādə́ gə̄, ta ndo̰ hor kógə̄ḿ o̰o̰ ngé kem ndul gə̄ ń toō.

TƏ́DA 16:17

De kə́ goí tə́ gə̄ ń nin̄ i deē ɓú jōó kə kutə mí ní a ɔyn̄ ganán yādə́ gə̄ jīdə́ gə̄ tə́ kógə̄ḿ kógə̄ḿ kə yā̰l̄ hor gēé kemeé. Adə̄ ganán malang i ɓú jōó kə kutə mí. Nin̄ a ɓōkə́n̄ kajaja kum yā̰l̄ hor kə́ kem ganán gə̄ ní tə́, ba a reēnəń ta kum Kɔ́ɔ̄ɓē tə́. Sḭḭ̄ kə Aaro̰ ā ī-reēī kə yāsí ō.

TƏ́DA 16:2

sāań ta Moijə. Nin̄ ḭḭn̄ dɔn tə́ kə ngán Israel gēé ɓú jōó kə kutə mí gōdə́ tə́. De gə̄ ní i ngol ngán Israel gə̄ ō, i ngé kɔsə kum gotə ngé kán̄ naā gə̄ ō, i de kə́ rīdə́ ɓār̄ gə̄ ō.

JEJU TEĒ KUM JA̰A̰ 11:5

Ba ré deē kógə̄ḿ sāā rāādə́ yá̰á̰ kə́ tōr̄ anī, hor kógə̄ḿ teē tadə́ tə́ ba o̰o̰ madə̄ ba̰ā̰də́ gə̄. Náā nəkɔ́ ń sāā rāādə́ yá̰á̰ kə́ tōr̄ ní, a oy i tītə̄ ń noō.

TƏ́DA 16:34

Ngán Israel gə̄ malang ń ra gīrə̄n̄ gidədə́ ní oōn̄ sō̰ḿdə́ anī aȳn̄ naā kɔ̄ɔ́ tām̄ ədan̄ na: Ré j-a̰yī aĺ anī, dɔ nang a urjí.

PĀ GƏ̄ 50:3

Ādə̄ Nə́ɓā yājí reē ba ndi tan mbóo alé! Hor kógə̄ḿ a o̰o̰ loo kété non tə́ ō, néĺ kə́ ngan̄g ngá̰ý əla kə gō gidəneé ō.

EJEKIEL 8:11

Kum kɔɔ̄ gə̄ kutə sīrí yā ngán Israel gə̄ ran̄ kə njadə́ dɔɔ́ no nə́ɓā kə́ rɔ̄kum aĺ gə̄ ní tə́. Yajania kə́ ngōn̄ Sapan i dandə́ tə́. Nin̄ kógə̄ḿ kógə̄ḿ ní, ganáń róō ndujə̄ yá̰á̰ kə́ kotə majə i jīdə́ gə̄ tə́ kógə̄ḿ kógə̄ḿ ō, sa ndujə̄ yá̰á̰ kə́ kotə majə ḭḭ kum kə̄ dɔɔ́ dɔɔ́ ō.

TƏ́DA 3:4

Nadab nin̄ kə Abihu oyn̄ ta kum Kɔ́ɔ̄ɓē tə́ kanjə̄ kojə ngán gə̄. Nin̄ oyn̄ i tām̄ hor kə́ karī ń aw̄nəń ta kumən tə́ kem dəla loo kə́ Sinai tə́ ní. I Eleajar ō, Itamar ō n rāān̄ kəla tun̄ yá̰a̰ ta kum bɔbə̄də́ Aaro̰ tə́ ní.

TƏ́DA 14:37

gāngə̄n̄ dɔɔ́ oyn̄ ta kum Kɔ́ɔ̄ɓē tə́ gō najə̄ kɔr̄də́ gə̄ tə́.