TƏ́DA 16:33 - Bibəl ta Sar̄

³³ Dɔ nang ɔr tan dɔdə́ tə́ adə̄ nin̄ aw̄n̄ ɓádá kə yá̰a̰ kənge yādə́ gēé malang. Nin̄ gətóon̄ kɔ̄ɔ́ dan ngé kán̄ naā gə̄ tə́ i tītə̄ ń noō.

Bible sar

³³ Dɔ nang ɔr tan dɔdə́ tə́ adə̄ nin̄ aw̄n̄ ɓádá kə yá̰a̰ kənge yādə́ gēé malang. Nin̄ gətóon̄ kɔ̄ɔ́ dan ngé kán̄ naā gə̄ tə́ i tītə̄ ń noō.

TƏ́DA 16:33 Referans Kwoze

Makətūbə̄ ń Jud ndang ní 1:11

Yá̰á̰ kə́ to kum kaȳ aĺ a əsō dɔdə́ tə́ tām̄ nin̄-unən̄ i róbə́ ń Kain un ní. Nin̄-ndúmə̄n̄ tām̄ yā nar tə́ tītə̄ yā Balam ō, udən̄ kɔ̄ɔ́ sɔɔ̄ń mbātə́ najə̄ yādə́ kə́ tītə̄ yā Kore ō.

EJEKIEL 32:30

Ngār gə̄ malang yā gír de gə̄ kə́ dām̄ mbɔ́r ɓē kə́ ko̰ó̰ tə́ nin̄ i noó ō, naā tə́ kə de kə́ Sidon gə̄ ń oy aw̄n̄ ɓádá ní. Kété ní nin̄ əhɔn̄ rɔ̄də́ tɔgə ngá̰ý, adə̄ nin̄ rāān̄ adə̄ ɓōĺ rāā de gə̄ adə̄ ndewn̄. Ba ngɔlaā ní, de kə́ dəngam gə̄ kə́ kəja mɔtədə́ aĺ gə̄ ń noō ton̄ naā tə́ kə ngé gə̄ ń oyn̄ ta rɔ̄ɔ̄ tə́ ní. Rɔ̄də́ sɔl̄də́ naā tə́ kə de gə̄ ń ton̄ ɓádá ní.

EJEKIEL 32:18

Ḭ̄ ngōn̄ deē, ī-nōō tām̄ yā de gə̄ malang kə́ Ejiptə tə́. Ādə̄ pā yo yāí rāā adə̄ nin̄ gə̄gē, gotə nápar de gə̄ kə́ tɔ́gə́də́ i ngá̰ý gə̄gē, risə aw̄ ndin̄ gíŕ nángāá, loo ń de kə́ koy gə̄ risə aw̄n̄ tū tə́ ní tə́.

IJAI 14:15

Banī ī-risə āw̄ ɓádá, loo ń de kə́ koy gə̄ i tū tə́ ní tə́, āw̄ bátə́ ūgə̄ ngɔ́n bəlo kə́ bo tə́.

IJAI 14:9

De kə́ koy kɔ̄ɔ́ gə̄ ń nin̄ i kem loo kə́ gírí nang tə́ ní, rāān̄ rɔ̄də́ yā reē tə́nī taí dan ń ā ī-reē ní. Ni ndól̄ de kə́ koy gə̄ tām̄ yāí tə́, de kə́ bo gə̄ malang kə́ dɔ nang ń toō tə́. Ni-rāā adə̄ mban̄g gə̄ malang yā nápar de gə̄ ḭḭn̄ kɔ̄ɔ́ dɔ kōr̄ kāgə̄ mbang yādə́ gə̄ tə́.

PĀ GƏ̄ 143:7

Kɔ́ɔ̄ɓē, ī-tūrə̄m̄ najə̄ tə́ láẃ na tɔ́gə́ḿ təgā kɔ̄ɔ́. Ī-lōō tūr̄ gidií taḿ tə́! Na sōgə́ jīḿ ɓoo naā kə ngé gə̄ ń a aw̄n̄ kə̄ ɓádá ní.

PĀ GƏ̄ 69:15

Ɔ̄rə̄m̄ kɔ̄ɔ́ kum bɔr tə́, ādə̄ m̄-dubə̄ kum tə́ alé. Ngé gə̄ ń imə̄mə̄n̄ ní ī-taām̄ jīdə́ tə́ kɔ̄ɔ́, únəm̄ kɔ̄ɔ́ kum ɓūl̄ man̄ tə́.

PĀ GƏ̄ 55:23

Ī-tél kə yá̰a̰ kətō yāí kə́ ɔȳ ə̄ndā dɔ Kɔ́ɔ̄ɓē tə́. Ni a rāā kadə̄ ā ī-tél yā kənge tɔ́gə gogə́. Ni a əya̰ kadə̄ nja de kə́ súmūú ndetə aĺ bátə́.

PĀ GƏ̄ 9:15

Loo ń noō tə́ m-ā m̄-tə́dá yá̰a̰ malang ń ndḛḛ̄ kadə̄ m̄-ɓōkíī tɔ̄ȳ ní dan ngé kán naā gə̄ kə́ Siyo̰ tə́ rang ɓáý ō, m-ā m̄-rāā rɔ̄nelí ḭ̄ nge kajəḿ ō.

TƏ́DA 16:32

Dɔ nang teē tan urdə́ kə de gə̄ yādə́ gə̄ malang ō, ur de gə̄ yā Kore gə̄ ō, yá̰a̰ kənge yādə́ gə̄ ō malang.

TƏ́DA 16:34

Ngán Israel gə̄ malang ń ra gīrə̄n̄ gidədə́ ní oōn̄ sō̰ḿdə́ anī aȳn̄ naā kɔ̄ɔ́ tām̄ ədan̄ na: Ré j-a̰yī aĺ anī, dɔ nang a urjí.

TƏ́DA 26:11

Banī ndɔ̄ ń noō tə́ ngán Kore gə̄ oyn̄ alé.

NDŪ NAJƏ̄ 32:22

Rɔ̄kum, wōn̄g yāḿ ḭḭ seḿ, o̰o̰ loo tītə̄ hor bátə́ teē gō ngé ń ɓádá tə́. O̰o̰ dɔ nang ō, kan̄ yá̰a̰ gə̄ malang kə́ dɔ nang tə́ ō, o̰o̰ loo bátə́ teē ngəra mbal̄ gə̄ tə́ nang tə́.

PĀ GƏ̄ 55:15

Kété ní j-ɔr̄ najə̄ kə́ kemjí gə̄ tə́ kə naá kə míndə́ kə́ majaá ō, j-un njají i kə gō naá majə kem kújə yā Nə́ɓā tə́ ō.

IJAI 38:18

Deē ɔsə gɔnií ɓádá dan de kə́ koy gə̄ tə́ aĺ ō, de kə́ koy gə̄ ənīn̄ pā ɓōkíīn̄neé tɔ̄ȳ aĺ ō. Ra ń ī-ra dɔ ndūí tə́ ní, ngé kaw̄ ɓádá gə̄ əndān̄ kemdə́ dɔ tə́ to̰ alé.

EJEKIEL 31:14

I tītə̄ ń noō tá kāgə̄ kə́ rāān̄ man̄ dɔ tə́ majə ō, man̄ asən ō, a asəń tɔgə to̰ alé. Dɔ kāgə̄ sedər a ɔdə kil̄ man̄ gə̄ to̰ alé, ni a asə kɔjə rɔ̄n kə bo yānneé to̰ alé. Tɔdɔ̄ kāgə̄ gə̄ ō, de gə̄ ō ní, i gáŕ kadə̄ nin̄ a oyn̄ ndɔ̄ kógə̄ḿ. Nin̄ a aw̄n̄ gíŕ nángāá naā tə́ kə ngé gə̄ ń risə aw̄ ton̄ ɓádá ní.

TƏ́DA 22:33

Kó̰o̰ kərō ni a̰a̰m̄, adə̄ tīlə̄m̄ nja mətá. Nə́ngē tə́ tīlə̄m̄ aĺ anī m̄-tɔ̄lī kɔ̄ɔ́ ba m-ə́ya̰n ni.

PĀ GƏ̄ 55:16

Ādə̄ yo əɓadə́ nang tə́ bup! Ādə̄ aw̄n̄ ɓádá kə kumdə́, tām̄ ndāńg i ngá̰ý kemdə́ tə́!