TƏ́DA 16:3 - Bibəl ta Sar̄

³ Nin̄ kánə̄n̄ naā dɔ Moijə nin̄ kə Aaro̰ tə́ ba ədan̄də́ na: Ń toō asə tā. Ngán Israel gə̄ malang nin̄ i de kə́ táĺ gə̄ ō, Kɔ́ɔ̄ɓē i dɔ dáńdə́ tə́ ō, ba i náā n adə̄sí ta róbə kḭḭ dɔ ngé gə̄ ń Kɔ́ɔ̄ɓē kán̄də́ naā tə́ ní?

Bible sar

³ Nin̄ kánə̄n̄ naā dɔ Moijə nin̄ kə *Aaro̰ tə́ ba ədan̄də́ na: Ń toō asə tā. Ngán Israel gə̄ malang nin̄ i de kə́ táĺ gə̄ ō, Kɔ́ɔ̄ɓē i dɔ dáńdə́ tə́ ō, ba i náā n adə̄sí ta róbə kḭḭ dɔ ngé gə̄ ń Kɔ́ɔ̄ɓē kán̄də́ naā tə́ ní?

TƏ́DA 16:3 Referans Kwoze

PĀ GƏ̄ 106:16

Nin̄ əndān̄ Moijə nii ō, Aaro̰ ń ɔrə̄n̄ kamə̄n tām̄ yā Kɔ́ɔ̄ɓē tə́ ní əndanən̄ nii ō kem gérgereé.

TƏ́DA 14:14

ədan̄ de kə́ gō nang ń toō tə́ gə̄ gotə adə̄ oōn̄ ō. Nin̄ ń toō gerə̄n̄ kadə̄ ḭ̄ Kɔ́ɔ̄ɓē ḭ̄ i naā tə́ kə de gə̄ yāí gēé ō, ā ɔ́jə́də́ rɔ̄í ō, ā á̰a̰ī ta kum naā ō. Nin̄ gerə̄n̄ kadə̄ i ḭ̄ n i nge ngɔ̄m̄ deē yāí gə̄ ní, tām̄ ī-njə̄rā nodə́ tə́ kadaá dan kil̄ man̄ kə́ ra kə ngālāá ɓururu tə́ ō, ī-njə̄rā nodə́ tə́ ndɔ̄ɔ́ dan hor kə́ ra kə ngālāá ɓururu tə́ ō.

Teē Ngán Israel gə̄ 19:6

adə̄ sḭḭ̄ ā ī-téliī ɓē ko̰o̰ yā ngé tun̄ yá̰a̰ gə̄ ō, gír de gə̄ kə́ táĺ gə̄ ō. Yá̰á̰ ń kadə̄ ə́dá ngán Israel gə̄ ní n noó.

TƏ́DA 16:7

ba bírí anī ī-ɓōkíī yā̰l̄ hor gə̄ kemeé ō, ī-ɓōkíī kajaja kum yā̰l̄ hor gə̄ ní tə́ ta kum Kɔ́ɔ̄ɓē tə́ ō. Ba i deē ń Kɔ́ɔ̄ɓē ā gə̄rān ní n i de kə́ táĺ ní. Ngán Lebi gə̄, ń toō asə tā.

KƏLA RĀĀ 7:51

Sḭḭ̄ i ngé dɔ ngan̄g gə̄, ngarān̄g kemsí ō, mbīsí ō, i kə́ kutə̄ kɔ̄ɔ́. Sḭḭ̄ i ngé mbātə́ najə̄ kə́ ta Ndíĺ kə́ Táĺ tə́ kə dɔ ndɔ̄ gə̄ tītə̄ yā kaasí gə̄.

KƏLA RĀĀ 7:39

Banī kaají gə̄ gḛyn̄ koō tan alé, nin̄-mbātə́nən̄ ba sāān̄ tél kaw̄ gogə́ Ejiptə tə́.

PĀ GƏ̄ 68:17

i tām̄ rí tə́ á sḭḭ̄ mbal̄ gə̄ ń jamsí gə̄ i ngá̰ý ní ə̄ndāī ni mbal̄ ń Nə́ɓā gərā yā ndi tū tə́ ní? A̰á̰ā̰, Kɔ́ɔ̄ɓē a ndi tū tə́ ngándáńg.

ESDRAS 9:2

Na táān̄ dəyá̰ gə̄ dan gír de gə̄ ń noō tə́ tām̄ yādə́ nin̄ kɔ́ gə̄ tə́ ō, tām̄ yā ngáńdə́ kə́ dəngam gə̄ tə́ ō. Adə̄ ngán Israel gə̄ ń i de kə́ táĺ gə̄ ní na gurə́n̄ naā kə de kə́ kem ɓēé gēé. Na i ngār gə̄ ō, de kə́ bo gə̄ ō n əlan̄ gír rāā yá̰a̰ gə̄ kə́ majaĺ ń noō ń ɔjə kadə̄ nin̄ ran̄ dɔ ndūdə́ tə́ aĺ ní.

TƏ́DA 35:34

Dɔ nang ń ī-ndiī tū tə́ á m-ā m̄-ndi tū tə́ ō ní, ā ī-rāāī kadə̄ majaĺ tákə̄ alé, tɔdɔ̄ mā i Kɔ́ɔ̄ɓē ō, m̄ndi dan ngán Israel gə̄ tə́ ō.

TƏ́DA 16:11

I tām̄ najə̄ ń noō tə́ n ḭ ō, de kə́ gōí tə́ gə̄ ō, ə̄ndāī rɔ̄sí naā tə́ i-mbātíiń Kɔ́ɔ̄ɓē ní a? Ba gír yā Aaro̰ na i rí á ī-tāmī seneé ní?

TƏ́DA 5:3

De kə́ beé gə̄ ní ká i dəngam aké i dəyá̰ gē anī, ā ī-tə̄ɓāīdə́ kem ɓēé kɔ̄ɔ́, na sōgə́ majaĺ tákə̄ ɓē yā ngán Israel gə̄ ń m̄-ndi dɔ dáńdə́ tə́ ní.

TƏ́DA 23:21

Kɔ́ɔ̄ɓē a̰a̰ yá̰á̰ kə́ majaĺ dan ngán Israel gə̄ tə́ aĺ ō, ni-a̰a̰ yá̰á̰ kə́ gōtə́ aĺ dɔ dáńdə́ tə́ aĺ ō. Ni i Nə́ɓā yādə́ ō, ni-ndi i dɔ dáńdə́ tə́ ō. Nin̄ ɓōkə́n̄ mban̄g yādə́ ń i Kɔ́ɔ̄ɓē ní tɔ̄ȳ ō.