TƏ́DA 16:29 - Bibəl ta Sar̄

²⁹ Ré de gə̄ ń toō oyn̄ i yo ń de gə̄ malang a oyn̄ ní ō, ré i yá̰á̰ ń a rāā de gə̄ malang ní n rāādə́ ō anī, i Kɔ́ɔ̄ɓē n əlam̄ ní alé.

Bible sar

²⁹ Ré de gə̄ ń toō oyn̄ i yo ń de gə̄ malang a oyn̄ ní ō, ré i yá̰á̰ ń a rāā de gə̄ malang ní n rāādə́ ō anī, i Kɔ́ɔ̄ɓē n əlam̄ ní alé.

TƏ́DA 16:29 Referans Kwoze

NŌŌ RƆ̄ 4:22

Ngōmandə kə́ Siyo̰ gír najə̄ kə́ dɔ yá̰á̰ kə́ gōtə́ aĺ yāí gə̄ tə́ ní gān̄g tā. A əhɔnī dɔ gúú tə́ yā kaw̄ seí dɔ nang kə́ rang tə́ to̰ alé. Ba ḭ̄ ngōmandə kə́ Edom, a teēn̄ kə yá̰a̰ rāāí kə́ gōtə́ aĺ gə̄ kə̄ ndágá náḿ náḿ ō, a ənīn̄ gotə kə ta njaá ō.

1 MBAN̄G GƏ̄ 22:28

Mise əda mban̄g na: Kə́ rɔ̄kum tə́, ré ī-tél kə lápə́ya anī, kumən na Kɔ́ɔ̄ɓē ɔr̄ najə̄ kə kūlə̄ḿ alé. Gō tə́ anī Mise əda ɓáý to̰ na: Sḭḭ̄ gír de gə̄ ōōī.

JEREMI 5:9

Ní, kə m̄-rāā yá̰a̰ kə de gə̄ ń toō aĺ i ba̰ý? Kə m̄-dal ba̰ā̰ dɔ gíŕ nápar de gə̄ kə́ beé gə̄ tə́ aĺ i ba̰ý? Najə̄ ń Kɔ́ɔ̄ɓē əda ní n noó.

IJAI 10:3

Dan ń Kɔ́ɔ̄ɓē a rāā yá̰a̰, dan ń yá̰á̰ kə́ to kum kaȳ aĺ a ḭḭ sa̰y yā reē ní, ā ī-rāāī i ba̰ý? I náā n ā ā̰yī yā kaw̄ looneé kadə̄ rāā sesí ní? Ā ə́ya̰ī yá̰a̰ kənge yāsí gə̄ i loo kə́ rá tə́?

KOHELET 3:19

Tɔdɔ̄ ta tɔ̄l̄ ta deē to i tītə̄ ta tɔ̄l̄ ta dā̰ beé. Yá̰á̰ ń rāādə́ ní i yá̰á̰ kə́ kógə̄ḿ beē. Koy dā̰ i tītə̄ loo koy deē ndul. Koō ndi kə kumuú yādə́ to tītə̄ naā. Deē ndul tɔȳ dā̰ alé, tɔdɔ̄ yá̰a̰ malang i kə́ kumən gətóo.

Makətūbə̄ yā Job 35:15

I tām̄ ndi ń Nə́ɓā ndi tan mbóo ba rāā yá̰a̰ kə wōn̄g yānneé aĺ ō, ni əhɔ gō mbóo najə̄ kɔr̄ de gə̄ aĺ ō ní n

2 YÁ̰A̰ GƏ̄ 18:27

Mise tél ədan na: Kə́ rɔ̄kum tə́, ré ī-tél kə lápə́ya anī, kumən na najə̄ ń m-ə́daī ní i Kɔ́ɔ̄ɓē n əndā taḿ tə́ ní alé. Gō tə́ anī əda ɓáý to̰ na: Sḭḭ̄ gír deē gə̄ malang ōōī najə̄ ń noō.

Teē Ngán Israel gə̄ 32:34

Ń toō kə aw̄ kə ɔr no ngán Israel gə̄ kə aw̄ sedə́ loo ń na n-ɔjən tə́ ní. Na deē yān kə́ dɔ rā̰ tə́ na a njə̄rā kété nodə́ tə́. Ba na ndɔ̄ ń nəkɔ́ n-a n-udə danaá tə́ anī, n-a n-əndadə́ tām̄ majaĺ yādə́ tə́.

Teē Ngán Israel gə̄ 20:5

Ā ɔ́sə noí nang tə́ nodə́ tə́ aĺ ō, ā ī-rāā kəla ādə̄də́ aĺ ō. Tɔdɔ̄ mā i Kɔ́ɔ̄ɓē Nə́ɓā yāí ō, mā i Nə́ɓā kə́ nge rāā jang ō. Ré de kə́rēý mbātə́ najə̄ taḿ tə́ anī, m-ā m-ādə̄ yá̰á̰ kə́ tōr̄ a reē dɔ kɔ́ɔ̄ tə́ ō, dɔ ngánən gə̄ tə́ ō, dɔ ngán kaan gə̄ tə́ ō, dɔ ngán kaa gugūn gə̄ tə́ ō, dɔ ngán kaa dɔgən gə̄ tə́ ō.

JEJU TEĒ KUM JA̰A̰ 11:5

Ba ré deē kógə̄ḿ sāā rāādə́ yá̰á̰ kə́ tōr̄ anī, hor kógə̄ḿ teē tadə́ tə́ ba o̰o̰ madə̄ ba̰ā̰də́ gə̄. Náā nəkɔ́ ń sāā rāādə́ yá̰á̰ kə́ tōr̄ ní, a oy i tītə̄ ń noō.

1 MBAN̄G GƏ̄ 18:36

Dan ń kum mbang tun̄ yá̰á̰ kə́ loo sɔlí asə anī, Eli ndɔ́tə̄ kə̄ ta loo tun̄ yá̰á̰ tə́ ba əda na: Kɔ́ɔ̄ɓē, Nə́ɓā yā Abəraham ō, yā Isaak ō, yā Jakob ō, ɔ́jə kə̄ ndágá ɓōólaā ādə̄ de gə̄ gerə̄n̄ kadə̄ i ḭ̄ n i Nə́ɓā dɔ nang kə́ Israel tə́ ō, mā i nge kəla yāí ō, m̄-rāā yá̰a̰ gə̄ ń toō malang i kə gō najə̄ kə́ taí tə́ ō.