TƏ́DA 16:28 - Bibəl ta Sar̄

²⁸ Moijə əda na: Yá̰á̰ ń a rāā yā rāā yá̰a̰ toō n ā ī-gerīiń kadə̄ i Kɔ́ɔ̄ɓē n əlam̄ rāā yá̰a̰ gə̄ ń noō tə́ ní malang, ba i mā n m̄-rāādə́ kə dɔḿ ní alé.

Bible sar

²⁸ Moijə əda na: Yá̰á̰ ń a rāā yā rāā yá̰a̰ toō n ā ī-gerīiń kadə̄ i Kɔ́ɔ̄ɓē n əlam̄ rāā yá̰a̰ gə̄ ń noō tə́ ní malang, ba i mā n m̄-rāādə́ kə dɔḿ ní alé.

TƏ́DA 16:28 Referans Kwoze

JA̰A̰ 6:38

Tɔdɔ̄ m-ḭ́ḭ dɔ rā̰ tə́ m̄-reē dɔ nang tə́ i yā rāā yá̰a̰ kə gō kem ndigə yāḿ alé, banī i yā rāā yá̰a̰ kə gō kem ndigə yā Nge ń əlam̄ ní.

Teē Ngán Israel gə̄ 3:12

Nə́ɓā tél ədan na ni na i naā tə́ seneé, na yá̰á̰ ń a ɔjə kadə̄ i ni n n-əlan ní n toó. Dan ń a teē kə ngán Israel gēé kem ɓē kə́ Ejiptə tə́ kɔ̄ɔ́ anī, na a rāān̄ kəla yān ni Nə́ɓā dɔ mbal̄ ń toō tə́.

JA̰A̰ 5:36

Banī mā i kə najə̄ kə́ kum tə́ kə́ bo tɔȳ yā Ja̰a̰. Tɔdɔ̄ kəla gə̄ ń m̄-rāā ní, i kəla gə̄ ń Bɔbə́ḿ adə̄m̄ kadə̄ m̄-rāā m̄-tɔ̄l̄ ta ní. Nin̄-ɔjən̄ najə̄ kə́ kum tə́ yāḿ kadə̄ i Bɔbə́ḿ n əlam̄ ní.

EJEKIEL 13:17

Ḭ̄ ngōn̄ deē, dəyá̰ kə́ Israel tə́ gə̄ kə́ ngé kɔr̄ najə̄ kə rīdə́ nin̄ kɔ́ gɔ̄ɔ́ ní, ī-tūr̄ rɔ̄í kə̄ rɔ̄də́ tə́, ba ī-teē kə gíŕdə́ dɔɔ́ tām̄ gól̄ loo yādə́ tə́.

JEREMI 23:16

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n toó: Ə̄ndāī mbīsí gír najə̄ ń ngé koō ta gə̄ ədan̄sí ní tə́ alé. Tɔdɔ̄ nin̄ gólə̄n̄ i kumsí. Yá̰a̰ gə̄ ń a̰a̰n̄ á ənīn̄sí gotə ní i gír̄ yādə́ nin̄ kɔ́ gə̄. Yá̰a̰ ń noō teē i ta Kɔ́ɔ̄ɓē tə́ alé.

JA̰A̰ 14:11

Ī-taāī kemḿ loo ń m-ə́dásí na mā i kem Bɔbə́ḿ tə́ ō, Bɔbə́ḿ i kemḿ mā tə́ ō ní. Ré ī-taāī kemḿ mā aĺ gə̄gē anī, ī-taāī kem tām̄ kəla gə̄ ń toō tə́.

JA̰A̰ 11:42

m̄-ger̄ kadə̄ ḭ̄ ōō najə̄ yāḿ ngándáńg, banī m-ɔ̄r̄ najə̄ i tām̄ yā kósə de gə̄ ń ra gīrə̄n̄ gidəḿ tə́ toō, yā kadə̄ nin̄-taān̄ kem kadə̄ i ḭ̄ n ə́lam̄ ní.

JA̰A̰ 5:30

Mā m-ásə rāā yá̰á̰ kógə̄ḿ kə dɔḿ alé, banī m̄-gān̄g sarya i kə gō koō ń m-ōō ní. Adə̄ sarya gāngə̄ḿ i gōtə́, tɔdɔ̄ m̄-sāā rāā yá̰a̰ kə gō kem ndigə yāḿ alé, banī i kə gō kem ndigə yā nge ń əlam̄ ní.

JAKARI 4:9

Jorobabel əndā ngəra kújə yā Kɔ́ɔ̄ɓē ō, i ni n a tɔ̄l̄ ta ō ní. Dan ń yá̰á̰ ń noō a rāā yá̰a̰ anī, ā ī-gerī kadə̄ i Kɔ́ɔ̄ɓē kə́ bo kə́ tɔ́gən i ngá̰ý n əlam̄ kə̄ rɔ̄sí tə́ ní.

JAKARI 2:9

Najə̄ ń Kɔ́ɔ̄ɓē əda wáńg ní n toó, ni-əda na: Mə̄kɔ́ m-ā m̄-rā tītə̄ ndogə̄ mbal̄ kə́ rāā kə horoó beē, kə gō gidə ɓēé kadə̄ gīr̄ gidə əla ta naā tə́ ō, m-ā m-ɔ́jə kɔsə ngɔn yāḿ kem ɓēé danaá bang ō!

1 MBAN̄G GƏ̄ 18:36

Dan ń kum mbang tun̄ yá̰á̰ kə́ loo sɔlí asə anī, Eli ndɔ́tə̄ kə̄ ta loo tun̄ yá̰á̰ tə́ ba əda na: Kɔ́ɔ̄ɓē, Nə́ɓā yā Abəraham ō, yā Isaak ō, yā Jakob ō, ɔ́jə kə̄ ndágá ɓōólaā ādə̄ de gə̄ gerə̄n̄ kadə̄ i ḭ̄ n i Nə́ɓā dɔ nang kə́ Israel tə́ ō, mā i nge kəla yāí ō, m̄-rāā yá̰a̰ gə̄ ń toō malang i kə gō najə̄ kə́ taí tə́ ō.

NDŪ NAJƏ̄ 18:22

Ré yá̰á̰ ń nge koō ta əda kə rī Kɔ́ɔ̄ɓēé ní rāā yá̰a̰ aĺ anī, najə̄ ní i Kɔ́ɔ̄ɓē n əda ní alé. I kɔjə rɔ̄ n rāā nge koō ta á ədań najə̄ ní ba ī-lōō ɓōlə́n.

Teē Ngán Israel gə̄ 7:9

ré Parao̰ mēr̄də́ rāā yá̰á̰ kógə̄ḿ kə́ to kɔr kum anī, kə Moijə kə əda Aaro̰ kadə̄ un kāgə̄ yān kə ənī nang tə́ no Parao̰ tə́. Kāgə̄ ní na a tél lī.

TƏ́DA 24:13

Ká ré Balak adə̄məń gində̄ arjā̰a̰ ō, lɔ́r ō, kə́ kem kújə yān tə́ malang gə̄gē anī, m-ā m̄-mān̄ dɔ ndū yā Kɔ́ɔ̄ɓē alé. Najə̄ ń Kɔ́ɔ̄ɓē ədam̄ ní m-ā m-ə́da.

Teē Ngán Israel gə̄ 4:12

Ń toō ní kə ɔtə kə aw̄, na nəkɔ́ Kɔ́ɔ̄ɓē na i tan ō, na n-a n-ɔjən yá̰á̰ ń kadə̄ əda ní ō.

Teē Ngán Israel gə̄ 4:15

Kə ɔr̄ najə̄ seneé, kə əndā najə̄ gə̄ ń kadə̄ əda ní tan tə́. Ba na nəkɔ́ Kɔ́ɔ̄ɓē na i naā tə́ sedə́ ō, na n-a n-ɔjədə́ yá̰á̰ ń kadə̄ rāān̄ ní ō.