TƏ́DA 16:22 - Bibəl ta Sar̄

²² Moijə nin̄ kə Aaro̰ əsō sébən̄ kumdə́ nang tə́ ba ədan̄ na: Á Nə́ɓā, ḭ̄ ń ī-rāā adə̄ de gə̄ malang ndin̄ kə kumdə́ ní, de kə́ kógə̄ḿ beē rāā yá̰á̰ kə́ majanī, ā ī-rāā wōn̄g kə gotə de gə̄ malang a?

Bible sar

²² Moijə nin̄ kə Aaro̰ əsō sébən̄ kumdə́ nang tə́ ba ədan̄ na: Á Nə́ɓā, ḭ̄ ń ī-rāā adə̄ de gə̄ malang ndin̄ kə kumdə́ ní, de kə́ kógə̄ḿ beē rāā yá̰á̰ kə́ majanī, ā ī-rāā wōn̄g kə gotə de gə̄ malang a?

TƏ́DA 16:22 Referans Kwoze

TƏ́DA 27:16

Kɔ́ɔ̄ɓē Nə́ɓā, ḭ̄ ń ī-rāā de gə̄ malang ādə̄ ndin̄ kə kumdə́ ní, ə̄ndā deē kógə̄ḿ dɔ ngán Israel gə̄ tə́,

JAKARI 12:1

Najə̄ yā Kɔ́ɔ̄ɓē kógə̄ḿ kə́ tām̄ yā Israel tə́ n toó. Kɔ́ɔ̄ɓē ń teē kem dɔ rā̰ ō, əndā dɔ nang dɔ gír gisən gə̄ tə́ ō, əla koō kem deē tə́ ō ní, əda wáńg na:

Makətūbə̄ yā Job 12:10

Yá̰a̰ gə̄ malang ń ndin̄ kə kumdə́ ní, ndi kə kumuú yādə́ i kem jī Kɔ́ɔ̄ɓē tə́. Koō i kem jīn tə́ ō.

HEBƏRO 12:9

Ī-gírī dɔ bɔbə̄jí kə́ dɔ nang tə́ laā gə̄ tə́. Əndan̄jí yā tūrəńjí, anī jə-ɓōlíī ndíĺdə́. Majə kadə̄ j-əlaī dɔjí gíŕ tɔ́gə Bɔbə̄jí kə́ dɔ rā̰ tə́ kadə̄ tɔȳ yādə́, yā kadə̄ jə-ndiīń kə kumjí aĺ a?

KOHELET 12:7

Loo ń noō tə́ ní dā̰ rɔ̄ deē téĺ nán̄g gogə́ tām̄ rāānən̄ i kə nángāá ō, koō deē tél kə̄ rɔ̄ Nə́ɓā tə́ gogə́, tām̄ i Nə́ɓā n i nge kəla koō kem deē tə́ ní ō.

Makətūbə̄ ń Pol ndang adə̄ Rom gə̄ ní 5:18

I beé n yá̰a̰ rāā kə́ gōtə́ aĺ yā de kə́ kal kógə̄ḿ beē ń i Adam ní, reēń kə saryaá dɔ deē ndul gə̄ tə́ malang ní. I tītə̄ noō n yá̰a̰ rāā kə́ gōtə́ yā de kə́ kal kógə̄ḿ beē ń i Jeju Kərist ní, unəń sarya kɔ̄ɔ́ dɔ deē ndul gə̄ tə́ malang ō, rāā adə̄ nin̄-ndin̄neé kə kumdə́ ō ní.

IJAI 57:16

Tām̄ m̄-ndigə kɔ̄l̄ ngándáńg aĺ ō, m̄-ndigə kadə̄ wōn̄g rāām̄ kə́ njɔ́ḿ gə̄ tə́ aĺ ō. Ré i beé aĺ anī, ngé gə̄ ń m̄-rāādə́ ní, a tḭ̄ḭ̄n̄ ta koō ń deē a ndiń kə kumneé ní kɔ̄ɔ́.

2 SAMUEL 24:17

Dan ń Dabid a̰a̰ de kə́ dɔ rā̰ tə́ loo tɔ̄l̄ de gə̄ tə́ anī, əda Kɔ́ɔ̄ɓē na i ni Dabid n n-mān̄ dɔ ndū najə̄ yā Nə́ɓā ō, n-rāā yá̰á̰ kə́ gōtə́ aĺ ō ní, ba ké batə̄ gə̄ ń noō ké rāān̄ yādə́ i rí wa. Ní kadə̄ kə Kɔ́ɔ̄ɓē kə rāān nəkɔ́ ō, gír kojə yān ō, yá̰á̰ kə́ tōr̄.

TƏ́DA 14:5

Moijə nin̄ kə Aaro̰ əsō sébən̄ kumdə́ nang tə́ ta kum ngán Israel gə̄ malang ń kánə̄n̄ naā tə́ ní.

TA KƏLA 18:32

Abəraham əda na: Kɔ́ɔ̄ɓē, m̄-rāāī ɓɔ́, ī-lōō kadə̄ wōn̄g rāāī seḿ, na m-ā m-ɔ̄r̄ najə̄ gogə́ to̰ alé. Ba ré de kə́ súmūú gə̄ kemeé i kutə ngóý ní? Anī Kɔ́ɔ̄ɓē əda na: M-ā m̄-nujə ɓē ní alé sɔɔ̄ń de kə́ kutə gə̄ ń noō.

1 KORḚNTƏ 13:7

Ni-tə́gā tan dan yá̰a̰ gə̄ tə́ malang ō, ngɔ̄m̄ taā kem dan yá̰a̰ gə̄ tə́ malang ō, əndā kemən dɔ Nə́ɓā tə́ dan yá̰a̰ gə̄ tə́ malang ō, əre rɔ̄n dan yá̰a̰ gə̄ tə́ malang ō.

2 SAMUEL 24:1

Wōn̄g rāā Kɔ́ɔ̄ɓē kə ngán Israel gēé ɓáý to̰. Ni sə̄lā Dabid dɔdə́ tə́. Mērən tə́da kutə Israel gə̄ ō, Juda gə̄ ō,

TƏ́DA 16:4

Moijə oō najə̄ gə̄ ń noō anī əsō sébə kumən nang tə́.

LEBI GƏ̄ 4:3

ré i ngol ngé tun̄ yá̰a̰ gə̄ n rāā majaĺ ní adə̄ najə̄ əsō dɔ ngán Israel gə̄ tə́ anī, a tɔ̄l̄ man̄g kə́ bəra kə́ loon kógə̄ḿ nujə aĺ yā tun̄ kadə̄ Kɔ́ɔ̄ɓē tām̄ yā majaĺ tə́.

LEBI GƏ̄ 10:6

Gō tə́ anī Moijə əda Aaro̰ nin̄ kə ngánən kə́ rang gə̄ ń i Eleajar ō, Itamar ō ní na: Kə lōōn̄ kəya̰ nənga dɔdə́ kadə̄ to gususu ō, kə lōōn̄ rə̄yā̰ kūbə̄ kə́ rɔ̄də́ tə́ ō, na sōgə́ nin̄ kɔ́ gə̄ oyn̄ ō, wōn̄g rāā Kɔ́ɔ̄ɓē kə ngán Israel gēé malang ō. Na i ngákó̰ó̰də́ gə̄ malang ń i ngán Israel gə̄ ní n na a nōōn̄ ngé gə̄ ń Kɔ́ɔ̄ɓē tɔ̄l̄də́ kə horoó ní.

TƏ́DA 16:23

Kɔ́ɔ̄ɓē tél əda Moijə na:

JOJUE 22:18

anī ɓōólaā ɔ̄rī rɔ̄sí kɔ̄ɔ́ rɔ̄ Kɔ́ɔ̄ɓē tə́ a? Ɓōólaā ī-mbātíī najə̄ ta Kɔ́ɔ̄ɓē tə́ ba bírí anī i ngán Israel gə̄ malang ń ni a rāā wōn̄g sedə́ ní.

JEREMI 32:27

Mā Kɔ́ɔ̄ɓē i Nə́ɓā yā de gə̄ malang. Yá̰á̰ kə́ yā dum̄ taḿ i rí?

JEREMI 38:16

Tā anī mban̄g Sedekias ənī ndūn adə̄ Jeremi loo mundə̄ tə́ əda na: Tītə̄ ń Kɔ́ɔ̄ɓē ndiń kə kumneé noō ō, ajəńjí ō ní, m-ā m̄-tɔ̄lī aĺ ō, m-ā m-ə́laī jī ngé ndə̄ngāí yo tə́ aĺ ō.

EJEKIEL 18:4

Tām̄ ndi kə kumuú yā de gə̄ kógə̄ḿ kógə̄ḿ i yá̰a̰ yāḿ mā. Ndi kə kumuú yā ngé kojə ngán gə̄ ō, yā ngán gə̄ ō, i yá̰a̰ yāḿ mā. I deē ń rāā majaĺ ní n sɔɔ̄ kadə̄ oy ní.

PĀ GƏ̄ 99:6

Moijə nin̄ kə Aaro̰ i dan ngé tun̄ yá̰a̰ yān gə̄ tə́, ba ɓāŕnən̄. Samuel i dan ngé rāān ɓɔ́ kadə̄ kə rāā sedə́ gə̄ tə́, ba ɓārə́n. Nin̄ ɓārə́n̄ Kɔ́ɔ̄ɓē, anī ni ndigədə́.