TƏ́DA 16:15 - Bibəl ta Sar̄

¹⁵ Wōn̄g rāā Moijə ngá̰ý adə̄ ni-əda Kɔ́ɔ̄ɓē na: Kɔ́ɔ̄ɓē, ī-lōō ndigə yá̰a̰ ndējə̄ yādə́. m̄-taā yá̰á̰ kə́rēý jīdə́ tə́ alé, kərō gə̄gē m̄-taā alé. m̄-rāā yá̰á̰ kə́ majaĺ kə deē kógə̄ḿ dandə́ tə́ alé.

Bible sar

¹⁵ Wōn̄g rāā Moijə ngá̰ý adə̄ ni-əda Kɔ́ɔ̄ɓē na: Kɔ́ɔ̄ɓē, ī-lōō ndigə *yá̰a̰ ndējə̄ yādə́. m̄-taā yá̰á̰ kə́rēý jīdə́ tə́ alé, kərō gə̄gē m̄-taā alé. m̄-rāā yá̰á̰ kə́ majaĺ kə deē kógə̄ḿ dandə́ tə́ alé.

TƏ́DA 16:15 Referans Kwoze

2 KORḚNTƏ 7:2

Ādī j-ənge loo kemsí tə́ sḛ́ý! Jə-rāā deē kógə̄ḿ yá̰á̰ kə́ tōr̄ aĺ ō, jə-nujə yá̰a̰ kənge yā deē aĺ ō, j-əsa tətō deē aĺ ō.

1 TESALONIK 2:10

Sḭḭ̄ ō, Nə́ɓā ō ní, sḭḭ̄ i de kə́ kum tə́ yājí gə̄ kadə̄ háĺjí ń jə-ndiń dansí sḭḭ̄ ngé taā kem gə̄ tə́ ní, i háĺ kə́ unjə̄ njáý njáý ō, kə́ kanjə̄ najə̄ dɔ tə́ ō.

EPEJƏ 4:26

Ré wōn̄g rāāsí anī, ī-lōōī rāā majaĺ, ādī mbang udə dɔ wōn̄g yāsí tə́ alé.

2 KORḚNTƏ 1:12

Yá̰á̰ ń ɔjə kɔr ta rɔ̄ yājí ní, i najə̄ ń toō ń kemjí ɔjəjí ní. Kemjí ɔjəjí kadə̄ háĺjí ń jə-ndiń dan de kə́ dɔ nang tə́ gə̄ tə́, ba mandang ɓáa i sesí sḭḭ̄ḭ́ ní, i háĺ kə́ kanjə̄ gól̄ loo ō, kə́ unjə̄ njáý njáý ō, adə̄ i hál yā Nə́ɓā. I hál kum kedə̄ yā de gēé alé, banī i hál kem majə yā Nə́ɓā.

1 KORḚNTƏ 9:15

Yá̰a̰ gə̄ ń noō ń m-ásə taā ní m̄-taā alé. Tá m̄-ndang makətūbə̄ ń toō i yā dəjeń aĺ ō. Koyḿ i só tə́ tɔȳ kadə̄ deē taā yá̰a̰ kɔsə gɔn rɔ̄ yāḿ jīḿ tə́!

MARK 3:5

Jeju a̰a̰də́ kə wōngōó. Tōrə̄n ngá̰ý kemən tə́ najə̄ kem ngan̄g yādə́ tə́, ba əda deē ní na kə ndájə̄ jīn, ni-ndájə̄ jīn anī jīn tél to karī kɔ̄ɔ́.

MATIYE 5:22

Ba mā m-ə́dásí na deē ń a rāā wōn̄g kə ngōkó̰o̰neé anī, a aw̄n̄ seneé no nge gān̄g sarya tə́. Deē ń a əda ngōkó̰o̰n na ḭ̄ i de kə́ mbóó ní, a aw̄n̄ seneé no ngé sarya kə́ bo gə̄ tə́. Deē ń əda ngōkó̰o̰n na ḭ̄ i de kə́ sapə ní, majə kadə̄ aw̄ kum hor Gehen tə́.

TƏ́DA 12:3

Tá Moijə i de kə́ ndigə tél kə́ rɔ̄neé kə nang tə́ ngá̰ý. De kə́ dɔ nang tə́ kə́ ndigə tél kə rɔ̄neé kə̄ nang tə́ kə́ asə seneé gətóo.

Teē Ngán Israel gə̄ 32:19

Dan ń reē əndān̄ dɔ ɓē ngɔr anī, Moijə a̰a̰ ngōn̄ man̄g ní ō, a̰a̰ ngán Israel gə̄ loo ndām̄ naā tə́ ō. Wōn̄g rāān adə̄ tə́nī bar mbal̄ gə̄ kə́ jīn tə́ nja mbal̄ tə́ tə́nī tɔ̄ɔ̄ kɔ̄ɔ́,

TƏ́DA 16:16

Moijə əda Kore na: Bírí ī-reēī sḭḭ̄ kə de gə̄ kə́ gōí tə́ gēé malang ta kum Kɔ́ɔ̄ɓē tə́. Aaro̰ a reē sesí ō.

2 SAMUEL 22:22

Tɔdɔ̄ m̄-rāā yá̰a̰ gə̄ ń Kɔ́ɔ̄ɓē ɔjəm̄ ní, m̄-rāā háĺ kə́ sew aĺ kə Nə́ɓā yāḿ alé.

Gōsə̄ najə̄ gə̄ 21:27

Yá̰a̰ tun̄ yā ngé kem ndul gə̄ i yá̰á̰ kə́ to yḛr kum, tɔdɔ̄ nin̄-tunə̄n̄ yá̰á̰ ní i kə ngamaá kemdə́ tə́.