TƏ́DA 15:5 - Bibəl ta Sar̄

⁵ A adə̄ kasə nduú kə́ yā tə́te kem lāngá kógə̄ḿ kə núsə dɔ ngōn̄ batə̄ kə́ yā róō horoó tə́ ní, aláa kə́ yā tun̄ karī tə́ ní.

Bible sar

⁵ A adə̄ kasə *nduú kə́ yā tə́te kem lāngá kógə̄ḿ kə núsə dɔ ngōn̄ batə̄ kə́ yā róō horoó tə́ ní, aláa kə́ yā tun̄ karī tə́ ní.

TƏ́DA 15:5 Referans Kwoze

TƏ́DA 28:14

Kasə nduú i lāngá mətá kə dɔ man̄g kə́ bəra gēé ō, lāngá jōó dɔ bal batə̄ tə́ ō, i lāngá kógə̄ḿ kə núsə kə dɔ ngán batə̄ gēé ō. Dā̰ gə̄ kə́ yā róōdə́ horoó kə ndɔ̄ kə́ ta kəga dɔ yā nāā tə́ kə dɔ ɓāl̄ gə̄ n noó.

TƏ́DA 28:7

A tə́ten̄ kasə kə́ ngan̄g kə́ asə lāngá kógə̄ḿ kə núsə tām̄ yā ngōn̄ batə̄ kə́ kə ndɔ̄ý tə́ yā ndējə̄ Kɔ́ɔ̄ɓē kem loo kə́ táĺ tə́.

2 TIMOTE 4:6

M-ə̄ndā dɔ rɔ̄ḿ danaá kɔ̄ɔ́ yā kadə̄ m-ādə̄ Nə́ɓā rɔ̄ḿ, adə̄ m̄-to i tītə̄ kasə nduú kə́ yā tə́te dɔ loo tun̄ yá̰a̰ tə́ beē. Kum mbang koyḿ asə kɔ̄ɔ́.

PILIPƏ 2:17

Ká ré i gáŕ kadə̄ tə́ten̄ mósə́ḿ dɔ yá̰á̰ kə́ tun̄ yāsí tə́ ō, dɔ kəla yāsí tə́ ō, tām̄ taā kə́ sḭḭ̄ ī-taāī kem tə́ anī, rɔ̄ḿ a nelə̄m̄ najə̄n tə́ ō, m̄-rāā rɔ̄nel̄ sesí malang ō.

JAKARI 9:17

Rɔ̄də́ a nel̄də́ rɔ̄kum ō, nin̄ a majən̄ deē rɔ̄kum ō! Kōō gémē a adə̄ balsáa gə̄ tɔ́gə ō, kasə nduú kə́ kijə a adə̄ ngámandə gə̄ tɔ́gə ō.

PĀ KƏ́ MAJƏ 1:4

Əhɔ ta jīḿ, ī-ndɔ́rə̄m̄ gōí tə́ ō, ādə̄ j-a̰ȳ ngɔ̄də̄ ō. Ḭ̄ i mban̄g yāḿ, āw̄ seḿ kújə yāí tə́. Ī-rāā ādə̄ jḭḭ kɔ́ gə̄ jōó mbak ní rɔ̄jí nel̄jí ngá̰ý. Ādə̄ jə-tɔ̄ȳ tár yāí tɔȳ loo kɔr ta kasə nduú. Ngáń kə́ dəyá̰ gə̄ ń nel̄də́ seí ní najə̄ i yādə́!

PĀ GƏ̄ 116:13

M-ā m-ún kópə tetə rɔ̄ɔ̄ yā kəla kə̄ dɔɔ́ ō, m-ā m̄-ɓāŕ Kɔ́ɔ̄ɓē kə rīneé ō.

NGÉ SARYA 9:13

Banī kāgə̄ nduú ədadə́ na: Kasə yāḿ ń ɓesə̄ gə̄gē, de gə̄ gə̄gē rɔ̄nel̄ ní kə m̄-lōō gírí ba kə m-āw̄ kə m̄-rā kə m̄-yéȳ rɔ̄ḿ dɔ kāgə̄ tə́ a?

LEBI GƏ̄ 1:10

Ré i batə̄ aláa i bə̄yā̰ n deē a ndējə̄ róōn̄ tām̄ yā Kɔ́ɔ̄ɓē tə́ anī, ādə̄ i kə́ bal kə́ loon kógə̄ḿ nujə aĺ tá.

LEBI GƏ̄ 3:6

Ré yá̰a̰ tun̄ yā de kə́ tām̄ yā kem kógə̄ḿ tə́ i batə̄ aláa i bə̄yā̰ anī, ādə̄ i kə́ bal aláa i kə́ kó̰ó̰ kə́ loon kógə̄ḿ nujə alé.

LEBI GƏ̄ 3:7

Ré i batə̄ anī, a aw̄ń ta kum Kɔ́ɔ̄ɓē tə́.

TƏ́DA 15:6

Ré i bal batə̄ anī a adə̄ ndujə̄ kə́ ló̰ȳ kə yibīí kem lāngá mehḛ́ dɔ tə́. A ló̰ȳ ndujə̄ ní i kə yibə̄ kə́ asə kem lāngá jōó.

TƏ́DA 15:11

Ré i man̄g kə́ bəra, aké i bal batə̄, aké i ngōn̄ batə̄, aké i ngōn̄ bə̄yā̰ n ā ī-tunī yā kadə̄ Kɔ́ɔ̄ɓē anī, ā ī-rāāī i tītə̄ ń noō.

2 YÁ̰A̰ GƏ̄ 29:35

Tá ɓáý to̰ ní yá̰a̰ tun̄ kə́ yā róō kə taá gə̄ i ngá̰ý pá, tá kasə nduú kə́ yā tə́te dɔ tə́ gə̄ i kadə tə́ ɓáý, tá dā̰ gə̄ ń tunə̄n̄ tām̄ yā kem kógə̄ḿ tə́ ní yibə̄də́ kə́ yā róō dɔ loo tun̄ yá̰á̰ tə́ i noó ɓáý to̰. I beé n rāān̄neé adə̄ kəla kə́ kem kújə yā Kɔ́ɔ̄ɓē tə́ tél majəń gogə́ rang ní.

Teē Ngán Israel gə̄ 29:40

A əndān̄ ndujə̄ kem lāngá mətá dɔ ngōn̄ batə̄ kə́ ta kəga dɔ ní tə́. A ló̰ȳn̄ kə yibə̄ olibə kə́ unjə̄ njáý njáý kə́ rosə lāngá kógə̄ḿ kə núsə. A əndān̄ kasə kan̄ kāgə̄ nduú kə́ rosə lāngá kógə̄ḿ kə núsə dɔ tə́ ō.

LEBI GƏ̄ 23:13

Ā ī-ndējī Kɔ́ɔ̄ɓē ndujə̄ kə́ lándə̄ kə́ ló̰ȳ kə yibīí kem lāngá mehḛ́ dɔ ngōn̄ batə̄ ní tə́. Nge ń noō i yá̰a̰ tun̄ kə́ róō horoó kə́ sēēn nel̄ Kɔ́ɔ̄ɓē. Tá ā ī-tə́tē kasə nduú kə́ kem káĺ kə́ asə lāngá kógə̄ḿ kə núsən nang tə́ no Kɔ́ɔ̄ɓē tə́ ō.

ESDRAS 7:17

Gində̄ arjā̰a̰ ngeé ń toō ní, ré ūgə̄ nú anī, ā ə̄ndā kumií gō tə́ majə yā mangəń man̄g kə́ bəra gə̄ ō, bal batə̄ gə̄ ō, ngán batə̄ gə̄ ō, yá̰a̰ malang kə́ tām̄ yā yá̰a̰ ndējə̄ kə́ rāā kə kōó tə́ kə́ yā ndējə̄ dɔdə́ gə̄ tə́ ō, kasə nduú kə́ yā tə́te dɔdə́ gə̄ tə́ ō, ba ā ī-ndējə̄ yá̰a̰ gə̄ ń noō malang dɔ loo tun̄ yá̰á̰ tə́, kem kújə yā Nə́ɓā yāsí tə́ Jerusalem.