TƏ́DA 15:40 - Bibəl ta Sar̄

⁴⁰ I beé n ā ī-gírīiń rāā yá̰a̰ gə̄ ń ndū najə̄ yāḿ gə̄ malang ədan̄ ní ō, ā ī-téliīń de kə́ táĺ gə̄ tām̄ yā Nə́ɓā yāsí tə́ ō ní.

Bible sar

⁴⁰ I beé n ā ī-gírīiń rāā yá̰a̰ gə̄ ń *ndū najə̄ yāḿ gə̄ malang ədan̄ ní ō, ā ī-téliīń de kə́ táĺ gə̄ tām̄ yā Nə́ɓā yāsí tə́ ō ní.

TƏ́DA 15:40 Referans Kwoze

Makətūbə̄ ń Pol ndang adə̄ Rom gə̄ ní 12:1

Ngákó̰ó̰ḿ gə̄, i tām̄ ko̰o̰ kə́ kum Nə́ɓā o̰o̰n sesí ngá̰ý tə́ n m-ā m̄-dəjeńsí yá̰á̰ ń toō ní: Ī-ndējī Nə́ɓā rɔ̄sí tītə̄ yá̰a̰ tun̄ kə́ kə kumuú, kə́ kɔr̄ kam̄ tām̄ yā Nə́ɓā tə́ ō, kə́ nelə̄n ō. I nge ń noō n i rāā kəla kadə̄ Nə́ɓā kə́ gōtə́ yāsí ní.

1 TESALONIK 4:7

Tɔdɔ̄ Nə́ɓā ɓāŕjí i yā kadə̄ jḭḭ̄ i de kə́ majaĺ tákə̄də́ gə̄ alé, banī kadə̄ jḭḭ̄ i de kə́ háĺjí i háĺ kə́ unjə̄ njáý njáý gə̄.

KOLOSƏ 1:2

j-əla kə makətūbə̄ ń toō j-adə̄ ngákó̰ó̰jí kə́ de gə̄ yā Nə́ɓā ń ndin̄ Kolosə tə́ ní. Nin̄-taān̄ kem Kərist ō. Ādə̄ Bɔbə̄jí Nə́ɓā rāā kem majə sesí ō, sɔl̄ kemsí ō.

EPEJƏ 1:4

Tɔdɔ̄ kété pá tá kadə̄ Nə́ɓā rāā dɔ rā̰ ō, dɔ nang ō ní, ni-gə̄rājí kɔ̄kə́ yā kadə̄ jḭḭ̄ i deē yān gə̄, kə gō ɓoo kə́ jə-ɓooī naā kə Kərist, yā kadə̄ jḭḭ̄ i de kə́ táĺ gə̄ ō, de kə́ kanjə̄ najə̄ dɔjí tə́ gə̄ ō, kə̄ ta kumən tə́.

LEBI GƏ̄ 19:2

kəda ngán Israel gə̄ malang ndū najə̄ gə̄ ń toō: Ādə̄ sḭḭ̄ i de kə́ táĺ gə̄, tɔdɔ̄ mā Kɔ́ɔ̄ɓē Nə́ɓā, mā i de kə́ táĺ.

LEBI GƏ̄ 22:31

Ā ī-ngɔ̄mī ndū najə̄ yāḿ gə̄ ō, ā ī-rāāī yá̰a̰ gə̄ ń ɔjən̄sí ní ō. Mā i Kɔ́ɔ̄ɓē.

TƏ́DA 15:41

Mā i Kɔ́ɔ̄ɓē Nə́ɓā yāsí, nge teē sesí kɔ̄ɔ́ kem ɓē kə́ Ejiptə tə́ adə̄ mā i Nə́ɓā yāsí rɔ̄kum. Mā i Kɔ́ɔ̄ɓē Nə́ɓā yāsí.

PĀ GƏ̄ 103:18

tām̄ yā ngé ngɔ̄m̄ ndū najə̄ gə̄ kə́ dɔ madə̄ naā yān tə́ ō, ngé gír̄ rāā yá̰a̰ gə̄ ń ni-ɔsə sedə́ ta rāā ní ō.