TƏ́DA 15:4 - Bibəl ta Sar̄

⁴ Ba nge ndejə̄ dā̰ ní a əndā ndujə̄ kə́ ló̰ȳ kə yibīí kem lāngá mətá dɔ tə́. A ló̰ȳ ndujə̄ ní i kə yibə̄ kə́ asə kem lāngá kógə̄ḿ kə núsə.

Bible sar

⁴ Ba nge ndejə̄ dā̰ ní a əndā ndujə̄ kə́ ló̰ȳ kə yibīí kem lāngá mətá dɔ tə́. A ló̰ȳ ndujə̄ ní i kə yibə̄ kə́ asə kem lāngá kógə̄ḿ kə núsə.

TƏ́DA 15:4 Referans Kwoze

Teē Ngán Israel gə̄ 29:40

A əndān̄ ndujə̄ kem lāngá mətá dɔ ngōn̄ batə̄ kə́ ta kəga dɔ ní tə́. A ló̰ȳn̄ kə yibə̄ olibə kə́ unjə̄ njáý njáý kə́ rosə lāngá kógə̄ḿ kə núsə. A əndān̄ kasə kan̄ kāgə̄ nduú kə́ rosə lāngá kógə̄ḿ kə núsə dɔ tə́ ō.

LEBI GƏ̄ 23:13

Ā ī-ndējī Kɔ́ɔ̄ɓē ndujə̄ kə́ lándə̄ kə́ ló̰ȳ kə yibīí kem lāngá mehḛ́ dɔ ngōn̄ batə̄ ní tə́. Nge ń noō i yá̰a̰ tun̄ kə́ róō horoó kə́ sēēn nel̄ Kɔ́ɔ̄ɓē. Tá ā ī-tə́tē kasə nduú kə́ kem káĺ kə́ asə lāngá kógə̄ḿ kə núsən nang tə́ no Kɔ́ɔ̄ɓē tə́ ō.

LEBI GƏ̄ 6:14

A ló̰ȳn̄ ndujə̄ ní kə yibīí, ba a ɔbə̄n̄ kem gajoó kadə̄ edə̄. Gō tə́ anī a gángə̄n̄ naā tə́ pá tá a ndējə̄n̄ Kɔ́ɔ̄ɓē kadə̄ sēēn nelə̄n.

LEBI GƏ̄ 2:1

Ré deē kógə̄ḿ reē kə kōó yā ndējə̄ Kɔ́ɔ̄ɓē anī, ādə̄ i kōō kə́ rāā ndujə̄ kə́ lándə̄ tə́ ba ɓōkə́n̄ yibə̄ ō, kajaja ō dɔ tə́.

LEBI GƏ̄ 14:10

Kə́ ndɔ̄ kə́ nge ko̰ sɔ́sɔ́ anī, ni a əhɔ bal batə̄ kə́ loon kógə̄ḿ nujə aĺ gə̄ jōó ō, mandə batə̄ kə́ ɓāl̄ kógə̄ḿ kə́ loon kógə̄ḿ nujə aĺ ō, a reē kə ndujə̄ kə́ ló̰ȳ kə yibīí kem lāngá ndōhó yā ndējə̄ ō, yibə̄ kə́ ndi ɓōdə̄ lāngá ō,

HEBƏRO 13:16

Ādə̄ dɔsí ndígə̄nal rāā majə kə deé aĺ ō, rāā kə naá aĺ ō. Tām̄ i yá̰a̰ tun̄ kə́ tītə̄ ń noō gə̄ n nelə̄n̄ Nə́ɓā ní.

Makətūbə̄ ń Pol ndang adə̄ Rom gə̄ ní 15:16

adə̄ mā i nge kəla yā Jeju Kərist, kə́ tām̄ yā gír de gə̄ kə́ nin̄ i Jipə aĺ gə̄ tə́ ní. Nə́ɓā ɔr̄ əndām̄ tayā tām̄ yān tə́ kadə̄ m-ə̄nā mbēr̄ Najə̄ kə́ Majə yān yā kadə̄ gír de gə̄ ń nin̄ i Jipə aĺ gə̄ ní télən̄ yá̰a̰ ndējə̄ kə́ táĺ kə ta kūl̄ Ndíĺ kə́ Tálá kadə̄ nēl̄ kem Nə́ɓā.

MALASI 1:11

Ḭḭ ta ngóy dɔ nang kə́ dām̄ kógə̄ḿ tə́, bátə́ ta ngóyn kə́ dām̄ kə́rēý tə́ ní, gír de kə́ rang gə̄ a̰a̰n̄ bo yāḿ gerə̄n̄. Nin̄ róōn̄ ndujə̄ yá̰á̰ kə́ kotə majə gə̄ kə̄ loo gə̄ tə́ malang rɔȳmə̄n̄neé ō, reēn̄ kə yá̰a̰ ndə̄jə̄ kə́ unjə̄ njáý gə̄ adə̄mə̄n̄ ō. Mā Kɔ́ɔ̄ɓē kə́ bo kə́ tɔ́gə́ḿ i ngá̰ý m-ə́da na nápar de gə̄ a̰a̰n̄ bo yāḿ gerə̄n̄.

EJEKIEL 46:14

Kə dɔ ndɔ̄ gə̄ kə ndɔ̄ý anī, de gə̄ a ndējə̄n̄ Kɔ́ɔ̄ɓē ndujə kə́ kəlōon asə mí kə́ a ɓōkə́n̄ lítər yibə̄ jōó dɔ tə́ yā guŕńdə́ naā tə́. Ndū najə̄ gə̄ kə́ sɔɔ̄ dɔ yá̰a̰ ndējə̄ kə́ yā kadə̄ kə dɔ ndɔ̄ gə̄ ń noō a ton̄ i ngándáńg.

IJAI 66:20

Nin̄ gə̄ ń m-ə́ládə́ ní, a télən̄ yā reē kə ngákó̰ó̰sí gə̄ malang ń ndin̄ ɓē nápar de gə̄ ngeé gə̄ ń noō tə́ ní. A télən̄ yā reē sedə́ i dɔ sə́nda gə̄ tə́ ō, kem púsə gə̄ tə́ ō, kem púsə́ kə́ dɔ kutə̄ gə̄ tə́ ō, dɔ kərō rapáy gə̄ tə́ ō, jámbal gə̄ tə́ ō, bátə́ yā kugə̄ sedə́ dɔ mbal̄ yāḿ kə́ táĺ tə́, bátə́ yā kugə̄ sedə́ Jerusalem. Ngákó̰ó̰sí gə̄ ní a télən̄ i yá̰a̰ ndējə̄ yā ngé gə̄ ń m-ə́ládə́ ní kə́ nin̄ ndējə̄mə̄n̄. M-ā m̄-taā yá̰a̰ ndējə̄ ní i tītə̄ yā nge ń ngán Israel gə̄ reēnəń kem kújə yāḿ tə́, kem səmbē kə́ laa gə̄ kə́ unjə̄n̄ njáý njáý gə̄ tə́ ní.

NGÉ SARYA 9:9

Banī kāgə̄ olibə tél ədadə́ na: Ɔ́jiīń na m-ā m̄-lōō gír ka̰ȳ yibə̄ tə́ yā kaw̄ ra yéȳ rɔ̄ḿ dɔ kāgə̄ gə̄ tə́ a? I yibə̄ḿ ń nel̄ nə́ɓā gə̄ ō, de gə̄ ō ní aĺ a?

LEBI GƏ̄ 1:13

Nge ndējə̄ yá̰á̰ ní a tə́go tiīn gə̄ ō, njan gə̄ ō kə maná. Gō tə́ anī nge tun̄ yá̰a̰ a ɔjə Kɔ́ɔ̄ɓē pá tá a róō yá̰a̰ gə̄ ń noō malang horoó dɔ loo tun̄ yá̰á̰ tə́. I yá̰á̰ kə́ róō horoó kadə̄ Kɔ́ɔ̄ɓē kə́ sēēn nelə̄n.

LEBI GƏ̄ 3:7

Ré i batə̄ anī, a aw̄ń ta kum Kɔ́ɔ̄ɓē tə́.

TƏ́DA 28:4

A ndējə̄n̄ kógə̄ḿ kə ndɔ̄ý ō, kə́ noō loo sɔlí ō.

TƏ́DA 28:12

Ā ī-ndējī Kɔ́ɔ̄ɓē ndujə̄ kə́ ló̰ȳ kə yibīí dɔ dā̰ gə̄ ń noō tə́ malang: Ndujə̄ kə́ dɔ man̄g kə́ bəra gə̄ tə́ a asə lāngá ndōhó kə dɔdə́ gēé ō, ndujə̄ kə́ dɔ bal batə̄ tə́ a asə lāngá mehḛ́ ō,

ESDRAS 7:17

Gində̄ arjā̰a̰ ngeé ń toō ní, ré ūgə̄ nú anī, ā ə̄ndā kumií gō tə́ majə yā mangəń man̄g kə́ bəra gə̄ ō, bal batə̄ gə̄ ō, ngán batə̄ gə̄ ō, yá̰a̰ malang kə́ tām̄ yā yá̰a̰ ndējə̄ kə́ rāā kə kōó tə́ kə́ yā ndējə̄ dɔdə́ gə̄ tə́ ō, kasə nduú kə́ yā tə́te dɔdə́ gə̄ tə́ ō, ba ā ī-ndējə̄ yá̰a̰ gə̄ ń noō malang dɔ loo tun̄ yá̰á̰ tə́, kem kújə yā Nə́ɓā yāsí tə́ Jerusalem.

TƏ́DA 29:6

Ā ī-róōī dā̰ gə̄ ń noō horoó yā kərōń dā̰ kə́ róō ndɔ̄ nāā kə́ ta kəga dɔ tə́ kə ndujə̄ kə́ dɔ tə́ ō, dā̰ kə́ róō kə dɔ ndɔ̄ gə̄ kə ndujə̄ kə́ dɔ tə́ ō, kasə nduú kə́ yā tə́te dɔdə́ tə́ gə̄ ō. Ā ī-rāāī i kə gō looneé. Nge ń noō i yá̰a̰ kəsa kə́ sēēn sɔl̄ kem Kɔ́ɔ̄ɓē.