TƏ́DA 15:39 - Bibəl ta Sar̄

³⁹ Adə̄ ā ō̰ō̰ī kūbə̄ gə̄ kə́ ta kəlā kəjōdə́ gə̄ teēn̄ kə̄ ndágá, yā kadə̄ ré á̰a̰ī tadə́ anī, əga kemsí dɔ ndū najə̄ gə̄ yā Kɔ́ɔ̄ɓē tə́ malang, kadə̄ ī-rāāiń yá̰a̰ gə̄ ń ədan̄ ní. Loo ń noō tə́ ā úniī gō ngur yá̰a̰ gə̄ kə́ kemsí tə́ ō, kum kəsō yá̰a̰ gə̄ ō, kadə̄ ī-téliīń ngé rāā yá̰a̰ gōtə́ aĺ gə̄ alé.

Bible sar

³⁹ Adə̄ ā ō̰ō̰ī kūbə̄ gə̄ kə́ ta kəlā kəjōdə́ gə̄ teēn̄ kə̄ ndágá, yā kadə̄ ré á̰a̰ī tadə́ anī, əga kemsí dɔ *ndū najə̄ gə̄ yā Kɔ́ɔ̄ɓē tə́ malang, kadə̄ ī-rāāiń yá̰a̰ gə̄ ń ədan̄ ní. Loo ń noō tə́ ā úniī gō ngur yá̰a̰ gə̄ kə́ kemsí tə́ ō, kum kəsō yá̰a̰ gə̄ ō, kadə̄ ī-téliīń ngé rāā yá̰a̰ gōtə́ aĺ gə̄ alé.

TƏ́DA 15:39 Referans Kwoze

PĀ GƏ̄ 106:39

Télən̄ de kə́ majaĺ tákə̄də́ gə̄ kə gō kəla rāādə́ gə̄ ō, télən̄ ájə́ba gə̄ kə gō yá̰a̰ rāādə́ gə̄ ō.

PĀ GƏ̄ 73:27

Deē ń ɔr̄ rɔ̄n rɔ̄í tə́ kɔ̄ɔ́ ní a oy ō, ā ī-nujə kə deē ń əya̰ī kɔ̄ɔ́ ba aw̄ rāā rāȳ ní ō.

EJEKIEL 6:9

A əga kem deē yāsí gə̄ ń teēn̄ ta yo tə́ ní dɔḿ tə́, dɔ dáń nápar de gə̄ ń a əhɔn̄də́ nin̄ dɔ gúú tə́ aw̄n̄ sedə́ dandə́ tə́ ní, nin̄ ń m-ā m̄-tétə̄ ngarā̰ kemdə́ kə́ a rāā ájə́ba ń mbātə́m̄ kɔ̄ɔ́ ní ō, kumdə́ gə̄ kə́ rāān̄ háĺ ájə́ba kə ɓesə̄ yādə́ gēé ō ní. Nin̄ a a̰ā̰n̄ ta kum naā to̰ alé ɔjəń dɔ yá̰á̰ kə́ majaĺ ń nin̄ rāān̄ ní ō, sɔɔ̄ń dɔ yá̰á̰ kə́ majaĺ ngá̰ý gə̄ malang yādə́ ō.

Gōsə̄ najə̄ gə̄ 28:26

De ń ənī kemən mámák kadə̄ ngarā̰ kemən nəkɔ́ ní i mbóo deē. Ba deē ń a rāā yá̰a̰ i kə kum kedēé ní yá̰á̰ kógə̄ḿ a rāān alé.

JAKƏ 4:4

Sḭḭ̄ ngé rāȳ gə̄, ndigə yá̰á̰ kə́ dɔ nang tə́ laā ní rā rɔ̄n i nge ba̰ā̰ Nə́ɓā tə́ aĺ a?

KOHELET 11:9

Balsáa, dan ń ḭ̄ i ngōn̄ ɓáý ní ī-rāā rɔ̄nel̄. Ādə̄ kemií i kə rɔ̄nelēé kem ndɔ̄ gə̄ ń dɔí dūúń ɓáý tə́ ní. Ī-rāā yá̰a̰ malang ń kemií gḛy ní, yá̰a̰ malang ń nelī ní. Banī majə kadə̄ ī-ger̄ káý káý kadə̄ Nə́ɓā a gān̄g sarya dɔ yá̰a̰ rāāí gə̄ tə́ kógə̄ḿ kógə̄ḿ malang.

Gōsə̄ najə̄ gə̄ 3:1

Ngōnə̄ḿ, ī-lōō kadə̄ dɔí ndígə̄nal yá̰á̰ ń m̄-ndóōí ní ō, ādə̄ dan wurií ngɔ̄m̄ gō míndə́ḿ gə̄ ō.

Makətūbə̄ yā Job 31:7

Ré róbə́ ń ni njar ní njaḿ əya̰ kɔ̄ɔ́ ō, ré kemḿ un gō kumḿ ō, ré yá̰á̰ kə́ yḛr kógə̄ḿ tákə̄ jīḿ ō anī,

NDŪ NAJƏ̄ 29:19

Kɔ́ɔ̄ɓē a mā̰ȳ rɔ̄n dɔn tə́ alé. Wōn̄g a rāān seneé ngá̰ý ō, jang a rāān seneé ngá̰ý ō, adə̄ ni a əya̰n karī alé. A əndan kə yá̰á̰ kə́ tōr̄ gə̄ malang ń ndangən̄ najə̄ yādə́ kem makətūbə̄ ń toō tə́ ní ō, a rāā kadə̄ əga kem de gə̄ dɔn tə́ dɔ nang tə́ to̰ aĺ ō.

OJEE 2:2

Loo ń noō tə́ de kə́ Juda gə̄ ō, de kə́ Israel gə̄ ō, a télən̄ yā ɓoo naā gogə́. Nin̄ a əndān̄ ngār kə́ kógə̄ḿ beē dɔdə́ tə́ ō, nin̄ a télən̄ Kɔ́ɔ̄ ɓē gə̄ ō. Ndɔ̄ ń noō i ndɔ̄ kə́ bo yā Jisreel.

JEREMI 9:14

I tām̄ ń toō tə́ n Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel, ɔr̄ najə̄ tītə̄ ń toō beé ní: M-ā m-ādə̄ gír de gə̄ ń toō man̄ ngəra kāgə̄ kə́ katə̄ kárárá ō, man̄ kə́ yḛl kum ō kadə̄ a̰ȳn̄.

NDŪ NAJƏ̄ 6:12

Ba ādī dɔsí ndígə̄nal dɔ Kɔ́ɔ̄ɓē ń ɔr̄sí ɓəloó kɔ̄ɔ́ kem ɓē kə́ Ejiptə tə́ ní alé.

NDŪ NAJƏ̄ 4:23

Ī-lōōī kadə̄ dɔsí ndígə̄nal madə̄ naā ń Kɔ́ɔ̄ɓē Nə́ɓā yāsí əhɔ sesí ní ba kḭḭ rāā ɓesə̄ gə̄ ō, tɔ́sə̄ yá̰a̰ rāā ndíĺ yá̰a̰ gə̄ ń ni ɔgə̄sí rāā tə́ ní ō.

Teē Ngán Israel gə̄ 13:9

Nāā ngeé ń noō ń ā ī-rāāī ní rāā rɔ̄n i yá̰á̰ kə́ yā kadə̄ əgań kemsí dɔ najə̄ tə́, rāā rɔ̄n i tə́ré yá̰á̰ kə́ ə̄ndāī jīsí tə́, aláa nɔtə nosí tə́. A ter̄ kemsí dɔ ndū najə̄ yā Kɔ́ɔ̄ɓē kə́ i gáŕ kadə̄ ɔ́jiī tə́, tɔdɔ̄ i ni n teē sesí kem ɓē kə́ Ejiptə tə́ kɔ̄ɔ́ kə ta kūl̄ tɔ́gən kə́ dum̄ ta yá̰a̰ malang ní.

NDŪ NAJƏ̄ 8:11

Ə̄ndāī kumsí gíŕ yá̰a̰ yā Kɔ́ɔ̄ɓē Nə́ɓā yāsí kə́ yā rāā gə̄ tə́ ō, jī-bēl̄ loo rāā yá̰a̰ yān gə̄ tə́ ō, ndū najə̄ yān gə̄ tə́ ō ń m-ādə̄sí ɓōólaā ní, na sōgə́ dɔsí ndígə̄nal dɔ Kɔ́ɔ̄ɓē Nə́ɓā yāsí tə́.

NDŪ NAJƏ̄ 8:14

ī-lōōī kɔjə rɔ̄sí ō, ī-lōōī kadə̄ dɔsí ndígə̄nal dɔ Kɔ́ɔ̄ɓē Nə́ɓā yāsí tə́ ō. I ni n i nge kɔr̄sí ɓəloó kɔ̄ɔ́ kem ɓē kə́ Ejiptə tə́ ní.

1 MBAN̄G GƏ̄ 12:33

Kə ndɔ̄ kə́ nge ko̰ kutə gidə i mí yā nāā kə́ nge ko̰ sɔ́sɔ́ anī, Jeroboam rāā nāā kógə̄ḿ tām̄ yā ngán Israel gə̄ tə́. I nəkɔ́ n gə̄rā ndɔ̄ nāā ní. Ndɔ̄ ngeé ń noō tə́ nəkɔ́ al̄ dɔ loo tun̄ yá̰á̰ ń mēr̄ rāā tə́ ní yā róō yá̰á̰ kə́ kotə majə gə̄ dɔ tə́.