TƏ́DA 15:31 - Bibəl ta Sar̄

³¹ Ni-kídə̄ najə̄ yā Kɔ́ɔ̄ɓē ō, mān̄ dɔ míndən ō ɓá ní a ɔr̄nən̄ kɔ̄ɔ́: Majaĺ yān na̰y dɔn tə́.

Bible sar

³¹ Ni-kídə̄ najə̄ yā Kɔ́ɔ̄ɓē ō, mān̄ dɔ míndən ō ɓá ní a ɔr̄nən̄ kɔ̄ɔ́: Majaĺ yān na̰y dɔn tə́.

TƏ́DA 15:31 Referans Kwoze

Gōsə̄ najə̄ gə̄ 13:13

Deē ń kídə̄ kɔjə̄ ní a tḭ̄ḭ̄ ta rɔ̄n, deē ń ɓōĺ gō míndə ní a əndān̄ njan.

2 SAMUEL 12:9

I tām̄ rí tə́ á ídə taí gír najə̄ yā Kɔ́ɔ̄ɓē tə́ ba ī-rāā yá̰á̰ kə́ nelə̄n aĺ ní? I ḭ̄ n ī-tɔ̄l̄ Uri kə́ Het kə kaskaraá ní. Ī-rāā yá̰a̰ adə̄ Amon gə̄ tɔ̄l̄nən̄ kə kaskaraá ba gō tə́ anī ī-taā nə̄yá̰n.

EJEKIEL 18:20

I deē ń rāā majaĺ ní n sɔɔ̄ kadə̄ ni-oy ní. A əndan̄ ngán gə̄ tām̄ majaĺ yā bɔbə̄də́ gə̄ tə́ aĺ ō, a əndan̄ bɔbə̄ ngán gə̄ tām̄ majaĺ yā ngáńdə́ gə̄ tə́ aĺ ō. Deē ń rāā yá̰á̰ kə́ majə ní, a əndān̄ njan tām̄ yá̰a̰ rāān gə̄ kə́ gōtə́ tə́ ō, deē ń rāā yá̰á̰ kə́ majaĺ ní, a əndanən̄ tām̄ yá̰a̰ rāān kə́ majaĺ tə́ ō.

1 TESALONIK 4:8

Adə̄ deē ń mbātə́ yá̰a̰ ń j-ɔjəsí toō ní, mbātə́ i deē ndul alé, banī mbātə́ i Nə́ɓā kə́ nge kadə̄sí Ndíĺ kə́ Táĺ yān.

PĀ GƏ̄ 119:126

Kum mbang kə́ kadə̄ Kɔ́ɔ̄ɓē rāań yá̰a̰ asə: Tɔdɔ̄ de gə̄ mānə̄n̄ dɔ ndū najə̄ yāí.

LEBI GƏ̄ 5:1

Ré deē kə́rēý i kum yá̰á̰ kə́ rāā yá̰á̰ tə́, tá oō ɓār̄ ń rāānəń de gə̄ ɓɔ́ kə rī Nə́ɓāá kadə̄ deē ń i kum tə́ ní kɔ̄ɔ́ kə əda, ba ni-əda aĺ anī, ni-rāā yá̰á̰ kə́ majaĺ. Ba yá̰á̰ kə́ majaĺ ń ni-rāā ní, yá̰á̰ kə́ tōr̄ kə́ tāmə̄n tə́ a rāān i nəkɔ́.

2 PIYER 2:21

Kə́ só tə́ yādə́ i kadə̄ gerə̄n̄ róbə rāā yá̰á̰ kə́ gōtə́ alé, tɔȳ kadə̄ gerə̄n̄ pá tá tūrə̄n̄ gidədə́ kɔ̄ɔ́ ta gō míndə́ Nə́ɓā ń adə̄n̄də́ tə́ ní.

1 PIYER 2:24

Kərist nəkɔ́ ɔy majaĺ yājí gə̄ dɔn tə́ rań tū kāgə̄ kə́ dēsə́ tə́. Loo ń noō tə́ ní jḭḭ̄ i de kə́ koy kɔ̄ɔ́ gə̄, adə̄ j-asiī rāā majaĺ alé, banī jə-ndiī kə kumjí i tām̄ yā yá̰á̰ kə́ gōtə́ tə́. I do ń ni-ənge ní n rāā adə̄ rɔ̄sí ngáā ní.

IJAI 53:6

Kété ní jḭḭ̄ malang jə-toī i tītə̄ batə̄ gə̄ kə́ tadə́ tḭ̄ḭ̄ kɔ̄ɔ́ beē, náā nəkɔ́ ɓáa un i róbə yān nəkɔ́. Ba Kɔ́ɔ̄ɓē tél kə yá̰a̰ rāājí jḭḭ̄ malang kə́ gōtə́ aĺ gə̄ əndā i dɔn ni tə́.

IJAI 30:12

I tām̄ najə̄ ń toō tə́ n Nə́ɓā kə́ táĺ yā Israel əda najə̄ ń toō ní, əda na: Sḭḭ̄ ī-mbātíī najə̄ yāḿ gə̄. Sḭḭ̄ ə̄nī kemsí ādī ngé ngóĺsí gə̄ ō, ngé sor̄ gə̄ ō, sḭḭ̄ ī-ndə̄nāī rɔ̄sí rɔ̄də́ tə́ ō.

PĀ GƏ̄ 38:4

Rɔ̄ḿ i do malang sɔɔ̄ń wōn̄g yāí. Kem kə̄ngāḿ i lápə́ya alé sɔɔ̄ń majaĺ yāḿ.

LEBI GƏ̄ 26:43

Dan ń nin̄ a gətóon̄ kɔ̄ɔ́ kem ɓē yādə́ tə́ ní, dɔ nang yādə́ ń əyan̄ kɔ̄ɔ́ ni-taā koō. Ba m-ā m̄-tɔ̄l̄ ta ndéý m-ə́ndádə́ tām̄ tūr̄ kə́ nin̄ tūrə̄n̄ gidədə́ kɔ̄ɔ́ ta yá̰a̰ kāgə̄ ɓē yāḿ gə̄ tə́ ō, tām̄ kidə̄ kə́ nin̄ kidə̄n̄ ndū najə̄ yāḿ gə̄ ō.

LEBI GƏ̄ 26:15

ré ə́yaī ndū najə̄ yāḿ gə̄ kɔ̄ɔ́ ō, ī-kídī yá̰a̰ kāgə̄ ɓē gə̄ ń m-ɔ́jə́sí ní ō, ī-rāāī yá̰a̰ gə̄ ń m-ɔ́jə́sí malang aĺ ō, adə̄ ī-nujiī madə̄ naā ń m-ə́hɔ sesí ní anī,

PĀ GƏ̄ 107:11

Tɔdɔ̄ nin̄ mbātə́n̄ rāā yá̰á̰ ń Nə́ɓā ɔsə kə de gēé ta rāā ní, kídə̄n̄ yá̰á̰ ń Nə́ɓā kə́ dɔɔ́ sa̰y ngá̰ý sāā rāā ní.

Teē Ngán Israel gə̄ 30:33

Ré de kə́rēý rāā yibə̄ kə́ to tītə̄ nge ń noō rāā rɔ̄ de kə́ karī tə́ anī, a ɔrə̄n̄ kɔ́ɔ̄ dan ngán Israel gə̄ tə́ kɔ̄ɔ́.

TƏ́DA 9:13

Banī deē ń majaĺ tákə̄n aĺ ō, aw̄ mbā tə́ aĺ ō, ba rāā najə̄ yā nāā Pákə i kə njaneé, adə̄ ni ɔdə rāā nāā Pákə kə ndɔ̄ Pákə aĺ ní, deē ń noō a ɔr̄nən̄ kɔ̄ɔ́ dan ngán Israel gə̄ tə́. Ni-ndējə̄ Kɔ́ɔ̄ɓē yá̰a̰ kə ndɔ̄neé aĺ ní, yá̰á̰ kə́ tōr̄ tām̄ yā majaĺ yān tə́ a rāān i nəkɔ́.

NDŪ NAJƏ̄ 17:12

Deē ń i nge kɔjə rɔ̄n adə̄ a rāā yá̰a̰ i kə dɔneé kanjə̄ koō yā nge tun̄ yá̰á̰ ń ra loo ní tə́ á a rāā kəla yā Kɔ́ɔ̄ɓē Nə́ɓā yāí ní ō, kanjə̄ koō yā nge gān̄g sarya ō ní, a tɔ̄l̄nən̄ kɔ̄ɔ́. I beé n ā ɔ̄rəń yá̰á̰ kə́ majaĺ kɔ̄ɔ́ dan ngán Israel gə̄ tə́ ní.

1 SAMUEL 3:14

I tām̄ najə̄ ń noō tə́ n m̄-túbə m-ādə̄ de kə́ gír kojə yān tə́ gə̄ m-ə́da na: Yá̰a̰ tun̄ gə̄, aláa yá̰a̰ ndējə̄ gə̄ a asən̄ kɔl̄ yá̰á̰ kə́ majaĺ ń de kə́ gír kojə yā Eli tə́ gə̄ rāān̄ ní aĺ bátə́ ní.