TƏ́DA 15:24 - Bibəl ta Sar̄

²⁴ ré yá̰á̰ kə́ majaĺ ní ngán Israel gə̄ gerə̄n̄ gō aĺ ō anī, i nin̄ malang n a adə̄n̄ man̄g kə́ bəra kə́ yā róō horoó kadə̄ sēēn nel̄ Kɔ́ɔ̄ɓē ní. Nin̄ a ndējə̄n̄ ndujə̄ ō, a tə́ten̄ kasə nduú ō dɔ tə́. A tunə̄n̄ bal bə̄yā̰ tām̄ yā majaĺ tə́ ō.

Bible sar

²⁴ ré yá̰á̰ kə́ majaĺ ní ngán *Israel gə̄ gerə̄n̄ gō aĺ ō anī, i nin̄ malang n a adə̄n̄ man̄g kə́ bəra kə́ yā róō horoó kadə̄ sēēn nel̄ Kɔ́ɔ̄ɓē ní. Nin̄ a ndējə̄n̄ ndujə̄ ō, a tə́ten̄ kasə *nduú ō dɔ tə́. A tunə̄n̄ bal bə̄yā̰ tām̄ yā majaĺ tə́ ō.

TƏ́DA 15:24 Referans Kwoze

LEBI GƏ̄ 4:23

Ba ré ɔjənən̄ yá̰á̰ kə́ majaĺ ń ni-rāā ní adə̄ ger̄ anī a tɔ̄l̄ i bal bə̄yā̰ kə́ loon kógə̄ḿ nujə aĺ yā tun̄ tām̄ majaĺ yān tə́.

TƏ́DA 28:15

Ā ī-tunī bal bə̄yā̰ kógə̄ḿ yā kadə̄ Kɔ́ɔ̄ɓē tām̄ yā majaĺ tə́ yā kərōń dā̰ kə́ róō horoó kə dɔ ndɔ̄ gə̄ ō, kasə nduú kə́ tə́te dɔ tə́ ō.

LEBI GƏ̄ 5:15

Ré deē kógə̄ḿ rāā yá̰á̰ kə́ gōtə́ aĺ kə Kɔ́ɔ̄ɓēé tām̄ ni-adə̄ Kɔ́ɔ̄ɓē yá̰a̰ yān alé, adə̄ ni-rāā yá̰á̰ kə́ majə alé, ba i gō ger̄ aĺ tə́ anī, ni a adə̄ bal batə̄ kə́ loon kógə̄ḿ nujə aĺ yā kəgāń Kɔ́ɔ̄ɓē kə̄rā. Ni a adə̄ i bal batə̄ kə́ asə kə gō gātə̄ ń a gān̄gə̄n̄ ní i kə gō kɔȳ nar kə́ kem loo kə́ táĺ tə́. Ni a tɔ̄l̄ bal batə̄ ní yā tun̄ yā kəgāń kə̄rā yá̰á̰ kə́ gōtə́ aĺ ni-rāā ní.

ESDRAS 8:35

De gə̄ malang ń aw̄n̄ sedə́ ɓē ɓəloó tá télən̄ ní, ndējə̄n̄ Nə́ɓā yā Israel yá̰á̰ kə́ tun̄ gə̄. Nin̄ ndējə̄nən̄ man̄g kə́ bəra gə̄ kutə gidə i jōó tām̄ yā Israel gə̄ tə́ malang ō, bal batə̄ gə̄ 96 ō, ngán batə̄ gə̄ 77 ō, bal bə̄yā̰ gə̄ 12 tām̄ yā majaĺ tə́ ō. Róōn̄ dā̰ gə̄ ń noō horoó malang tām̄ yā Kɔ́ɔ̄ɓē tə́.

ESDRAS 6:17

Yá̰a̰ gə̄ ń nin̄ tunə̄n̄ ní i man̄g kə́ bəra gə̄ ɓú ō, bal batə̄ gə̄ ɓú jōó ō, ngán batə̄ gə̄ ɓú sɔ́ ō, bal bə̄yā̰ gə̄ kutə gidə i jōó ō. Bal bə̄yā̰ kə́ kutə gidə i jōó gə̄ ní i kógə̄ḿ kógə̄ḿ kə dɔ gír ɓē gə̄ yā ngán Israel gēé, kadə̄ Nə́ɓā mā̰yń rɔ̄n dɔ majaĺ yā ngán Israel gə̄ tə́ malang.

LEBI GƏ̄ 4:2

kəda ngán Israel gə̄ n: Ré deē kógə̄ḿ rāā yá̰á̰ ń ndū najə̄ yā Kɔ́ɔ̄ɓē ɔgə̄ rāā ní, ba rāā i kə gō ndigə yānneé alé, mān̄ i dɔ ndū najə̄ kógə̄ḿ beē ngóy anī,

LEBI GƏ̄ 4:22

Ré i ngār n mān̄ dɔ ndū najə̄ yā Kɔ́ɔ̄ɓē Nə́ɓā yān ba i kə gō kem ndigə̄ yānneé aĺ gə̄gē, adə̄ ni-rāā yá̰á̰ kə́ ndū najə̄ kógə̄ḿ yā Kɔ́ɔ̄ɓē ɔgə̄ rāā anī, najə̄ i dɔn tə́.

LEBI GƏ̄ 5:18

Ni a reē kə bal batə̄ kə́ loon kógə̄ḿ nujə alé, ké asə gō gātə̄ ń a gāngə̄n̄ ní rɔ̄ nge tun̄ yá̰á̰ tə́ kadə̄ ni tun̄ yā kəgāń kə̄rā yá̰á̰ ní. Ré nge tun̄ yá̰a̰ rāā yá̰á̰ kə́ yā kutə̄ń dɔ yá̰á̰ kə́ majaĺ ń ni-rāā gō ger̄ aĺ tə́ oy anī, Nə́ɓā a mā̰ȳ rɔ̄n dɔn tə́.

TƏ́DA 15:26

Nə́ɓā a mā̰ȳ rɔ̄n dɔ ngán Israel gə̄ tə́ malang ō, dɔ tə̄rā gə̄ ń ndin̄ dɔ dáńsí tə́ ní ō, tɔdɔ̄ i de gə̄ malang n najə̄ əsō dɔdə́ tə́ tām̄ majaĺ kə́ rāā kə gō kem ndigə yādə́ aĺ ní tə́.

LEBI GƏ̄ 23:19

Ā ī-tunī bal bə̄yā̰ kógə̄ḿ tām̄ yā majaĺ tə́ ō, ngán batə̄ kə́ ɓāl̄ kógə̄ḿ gə̄ jōó tām̄ yā kem kógə̄ḿ tə́ ō.