TƏ́DA 15:21 - Bibəl ta Sar̄

²¹ Adə̄ kə́ ta kəga dɔ ń ɔ̄rī ní, ā ī-ndejī Kɔ́ɔ̄ɓē. Nge ń noō i ndū najə̄ kə́ a to ngándáńg tām̄ yāsí tə́.

Bible sar

²¹ Adə̄ kə́ ta kəga dɔ ń ɔ̄rī ní, ā ī-ndejī Kɔ́ɔ̄ɓē. Nge ń noō i *ndū najə̄ kə́ a to ngándáńg tām̄ yāsí tə́.

TƏ́DA 15:21 Referans Kwoze

Teē Ngán Israel gə̄ 29:28

I tām̄ najə̄ ń noō tə́ n ngán Israel gə̄ a ɔrə̄n̄neé loo gə̄ ń noō tū dā̰ gə̄ ń a tɔ̄lə̄n̄ yā tun̄ kadə̄ Kɔ́ɔ̄ɓē tə́ tām̄ yā kem kógə̄ḿ tə́ ní. Nin̄ a ɔrə̄n̄ yā kadə̄ Aaro̰ ō, ngánən gə̄ ō, ngán kaan gə̄ ō ngándáńg.

LEBI GƏ̄ 23:14

Kōō ndɔr̄sí ní ī-lōōī rāā mápá tə́, aláa tə́ngā kəsa kə mboló, kété no ndɔ̄ ń ā ī-reēiń yā ndējə̄ Nə́ɓā yāsí tə́ ní. Nge ń noō i ndū najə̄ kə́ a to ngándáńg tām̄ ngáńsí gə̄ tə́ ō, ngán kaasí gə̄ tə́ ō, loo malang ń ā ī-ndiī tū tə́ ní.

TƏ́DA 15:20

Ā ī-ló̰yī ndujə̄ yā kɔr̄ mápá tə́. Ba mápá kə́ ta kəga dɔ ń ā ɔ̄rī ní, ā úniī dɔ yā kadə̄n. Ā úniī dɔ mápá ní yā kadə̄n i tītə̄ loo kɔr̄ dɔ kōō kem gárāá.

TƏ́DA 15:22

Ndū najə̄ gə̄ ń Kɔ́ɔ̄ɓē əda Moijə kadə̄ ndang adə̄sí sḭḭ̄ ō, ngáńsí gə̄ ō, ngán kaasí gə̄ ō, ta kəla gír tə́ ní, aké ngé gə̄ ń adə̄sí gō madə̄ gə̄ tə́ ní, ré ī-mānī dɔ, ba i kə gō kem ndigə yāsí alé,

EJEKIEL 44:30

Núsə kōō kə́ ta kəga dɔ ní, i ngé tun̄ yá̰a̰ gə̄ n a taān̄ ō, yá̰a̰ malang kə́ kɔr̄ kam̄ tām̄ yāḿ tə́ dan yá̰a̰ kənge gə̄ yā ngán Israel gə̄ tə́ ní, nin̄ a taān̄ ō. De gə̄ a adə̄n̄də́ ndujə̄ yādə́ kə́ majə ngá̰ý gə̄ yā kadə̄ m̄-tɔ́rəń taḿ dɔ kem kújə yādə́ gə̄ tə́.

Teē Ngán Israel gə̄ 23:19

Ā ī-reēī kə yá̰á̰ kə́ kijə kə́ ndɔr̄ yāsí gə̄ tə́ kem kújə yā Kɔ́ɔ̄ɓē Nə́ɓā yāsí tə́. Ā ī-ndīrī ngōn̄ bə̄yā̰ kə mba kó̰o̰neé alé.

NEHEMI 10:38

J-a jə-kēgə̄ ndujə̄ yājí kə́ majə yā kadə̄də́ ō, j-a j-adə̄də́ yá̰a̰ ndējə̄ yājí kə́ kəla kə̄ dɔɔ́ gə̄ ō, kan̄ kāgə̄ yājí gə̄ ō, kasə nduú yājí kə́ kijə ō, yibə̄ ō. J-a j-aw̄ń kem kújə́ kə́ kadə kújə yā Nə́ɓā yājí tə́ yā kadə̄də́. Kan̄ yá̰a̰ gə̄ ń teēn̄ dɔ nang yājí tə́ ní i kutə anī, j-a j-ɔr̄ kógə̄ḿ danaá yā kadə̄ ngán Lebi gə̄ ō. Nin̄ kɔ́ gə̄ ngán Lebi gə̄ kə deē dɔdə́ a aw̄n̄ kə̄ kem ɓē gə̄ malang ń j-a jə-rāā kəla kemeé tə́ ní yā kaw̄ taā dɔ yá̰á̰ kə́ kɔr̄ kógə̄ḿ dan kə́ kutə gə̄ tə́.