TƏ́DA 15:20 - Bibəl ta Sar̄

²⁰ Ā ī-ló̰yī ndujə̄ yā kɔr̄ mápá tə́. Ba mápá kə́ ta kəga dɔ ń ā ɔ̄rī ní, ā úniī dɔ yā kadə̄n. Ā úniī dɔ mápá ní yā kadə̄n i tītə̄ loo kɔr̄ dɔ kōō kem gárāá.

Bible sar

²⁰ Ā ī-ló̰yī ndujə̄ yā kɔr̄ mápá tə́. Ba mápá kə́ ta kəga dɔ ń ā ɔ̄rī ní, ā úniī dɔ yā kadə̄n. Ā úniī dɔ mápá ní yā kadə̄n i tītə̄ loo kɔr̄ dɔ kōō kem gárāá.

TƏ́DA 15:20 Referans Kwoze

LEBI GƏ̄ 2:14

Ré ā ī-ndējə̄ Kɔ́ɔ̄ɓē dɔ kōō kə́ kijə kə́ kem ndɔr̄ yāí tə́ anī, ī-gə́rē dɔ hor tə́ ba ɔ́sə, ī-rāā yibə̄ dɔ tə́ ō, ī-ɓōkə́ kajaja dɔ tə́ ō, pá tá ī-reēń. Nge ń noō i yá̰a̰ ndējə̄ kə́ rāā kə kōó.

Teē Ngán Israel gə̄ 34:26

Ā ī-reēī kə kan̄ yá̰á̰ kə́ ta kəga dɔ gə̄ kə́ kem ndɔr̄ yāsí tə́ loo ń mā Kɔ́ɔ̄ɓē Nə́ɓā yāsí m̄-ndi tū tə́ ní tə́. Ā ī-ndīrī ngōn̄ bə̄yā̰ kə mba kó̰o̰neé alé.

EJEKIEL 44:30

Núsə kōō kə́ ta kəga dɔ ní, i ngé tun̄ yá̰a̰ gə̄ n a taān̄ ō, yá̰a̰ malang kə́ kɔr̄ kam̄ tām̄ yāḿ tə́ dan yá̰a̰ kənge gə̄ yā ngán Israel gə̄ tə́ ní, nin̄ a taān̄ ō. De gə̄ a adə̄n̄də́ ndujə̄ yādə́ kə́ majə ngá̰ý gə̄ yā kadə̄ m̄-tɔ́rəń taḿ dɔ kem kújə yādə́ gə̄ tə́.

NEHEMI 10:37

I gáŕ kadə̄ jə-reē kə ngáń hágə́jí kə́ dəngam gə̄ ō, hágə́ yá̰a̰ kul̄ yājí gə̄ ō, kem kújə yā Kɔ́ɔ̄ɓē tə́ tītə̄ ń ndangən̄neé kem makətūbə̄ ndū najə̄ tə́ ní. Hágə man̄g yājí gə̄ ō, hágə batə̄ yājí gə̄ ō, hágə bə̄yā̰ yājí gə̄ ō ní, j-a jə-reēń kem kújə yā Nə́ɓā yājí tə́ yā kadə̄ ngé tun̄ yá̰a̰ gə̄ ń a rāān̄ kəla kem kújə yā Nə́ɓā yājí tə́ ní.

LEBI GƏ̄ 23:10

kəda ngán Israel gə̄ ndū najə̄ gə̄ ń toō: Ré ūgī dɔ nang ń m-ādə̄sí tə́ ní ba ī-sāāī kōō tū tə́ anī, ā ī-reēī kə dɔ kōō kə kijə yāsí kə́ do̰ō̰ yā kadə̄ nge tun̄ yá̰a̰.

Teē Ngán Israel gə̄ 23:19

Ā ī-reēī kə yá̰á̰ kə́ kijə kə́ ndɔr̄ yāsí gə̄ tə́ kem kújə yā Kɔ́ɔ̄ɓē Nə́ɓā yāsí tə́. Ā ī-ndīrī ngōn̄ bə̄yā̰ kə mba kó̰o̰neé alé.

JEJU TEĒ KUM JA̰A̰ 14:4

Nin̄ i ngé gə̄ ń yḛrən̄ rɔ̄də́ kə dəyá̰ gēé aĺ ní, tɔdɔ̄ nin̄-unjə̄n̄ njáý njáý. Nin̄-unən̄ gō Ngōn̄ batə̄ loo malang ń ni-aw̄ tū tə́ ní tə́. I nin̄ n gāngə̄n̄ dɔdə́ dan de gə̄ tə́ tām̄ yā Nə́ɓā tə́ ō, Ngōn̄ batə̄ tə́ ō ní.

JAKƏ 1:18

Ni-ojəjí kə gō kem ndigə yānneé, kə ta kūl̄ najə̄ kə́ rɔ̄kum, ba əndājí loo kə́ kété tə́ dɔ yá̰a̰ rāān gə̄ tə́ malang.

1 KORḚNTƏ 15:20

Ba Kərist ń oy ní ndól̄ rɔ̄kum. Adə̄ ni i tītə̄ dɔ yá̰á̰ kə́ teē kété no madə̄ gə̄ tə́, kə́ ɔjə kadə̄ ngé gə̄ ń oyn̄ ní a ndólə̄n̄ rɔ̄kum tītə̄ ń ni-ndóləń ní ō.

Makətūbə̄ ń Pol ndang adə̄ Rom gə̄ ní 11:16

Ba á̰a̰ī, dan ń dɔ mur̄ kə́ kugə i kə́ táĺ anī, gá̰a̰ mur̄ ń na̰y ní i kə́ táĺ ō aĺ a? Ré ngəra kāgə̄ i kə́ táĺ anī, ta jīn gə̄ i kə́ táĺ ō aĺ a?

MATIYE 6:33

Yá̰á̰ ń kadə̄ ə̄ndāī kumsí gō tə́ ngá̰ý ī-sāāī ta kəga dɔ bang ní, i Ɓē ko̰o̰ yā Nə́ɓā ō, i háĺ kə́ súmūú ń ni-gḛy ní ō. Gō tə́ anī Nə́ɓā a adə̄sí yá̰a̰ gə̄ ń noō malang dɔ tə́ ɓáý.

NDŪ NAJƏ̄ 14:22

Kōō gə̄ malang ń ī-sāāī kem ndɔr̄ yāsí gə̄ tə́ ní, ā ɔ̄rī dɔ kə́ nge ko̰ kutə kə dɔ ɓāl̄ gə̄ tām̄ yā Nə́ɓā tə́.

TƏ́DA 18:12

M-ādī yibə̄ ō, kasə nduú ō, kōō ō, kə́ majə ngá̰ý gə̄ ń i yá̰á̰ kə́ ta kəga dɔ gə̄ ń ngán Israel gə̄ ndējə̄mə̄n̄ ní.

LEBI GƏ̄ 23:20

Nge tun̄ yá̰a̰ a ndējə̄ Kɔ́ɔ̄ɓē dā̰ gə̄ ní kə gō looneé. Ni a ndējə̄n mápá kə́ rāā kə ndujə̄ kōō kə́ kijií ní ō, ngán batə̄ kə́ jōó gə̄ ní ō. Yá̰a̰ gə̄ ń noō i yá̰á̰ kə́ kɔr̄ kam̄ tām̄ yā Kɔ́ɔ̄ɓē tə́ adə̄ i yá̰a̰ yā nge tun̄ yá̰a̰.

TƏ́DA 15:21

Adə̄ kə́ ta kəga dɔ ń ɔ̄rī ní, ā ī-ndejī Kɔ́ɔ̄ɓē. Nge ń noō i ndū najə̄ kə́ a to ngándáńg tām̄ yāsí tə́.

NDŪ NAJƏ̄ 14:23

Dɔ kōō ō, dɔ man̄ nduú ō, dɔ yibə̄ ō, kə́ nge ko̰ kutə ń ɔ̄rī ní ō, hágə man̄g ō, hágə batə̄ ō, hágə bə̄yā̰ ō ní, ā ə́saī i ta kum Kɔ́ɔ̄ɓē Nə́ɓā yāsí tə́, loo ń a gə̄rā yā kəndā rīn dɔ tə́ ní tə́. I beé n ā ī-ndóōīneé loo ɓōĺ Ndíĺ Kɔ́ɔ̄ɓē Nə́ɓā yāsí kə dɔ ndɔ̄ gə̄ ní.

NDŪ NAJƏ̄ 16:13

Ré ī-səɓā kōō yāí ō, ī-mbə́rē kan̄ kāgə̄ nduú yāí ō, malang adə̄ gír gān̄g anī, ā ī-rāā nāā kújə́ kámbə gə̄ ndɔ̄ sīrí.

LEBI GƏ̄ 2:12

A adī Kɔ́ɔ̄ɓē kaa mápa ō, yibə̄ ō, i tītə̄ loo kadə̄ dɔ kōō kə́ kijə, banī ā ī-róōīdə́ dɔ loo tun̄ yá̰á̰ tə́ tītə̄ loo róō yá̰a̰ ndējə̄ kə́ sēēn nel̄ Kɔ́ɔ̄ɓē alé.