TƏ́DA 15:15 - Bibəl ta Sar̄

¹⁵ Ndū najə̄ ní i tām̄ yā ngé kán naā gə̄ tə́ malang. I tām̄ yāsí sḭḭ̄ ngán Israel gə̄ tə́ ō, tə̄rā gə̄ ń ndin̄ dɔ dáńsí tə́ ní ō. I ndū najə̄ kə́ a tūr̄ aĺ ō, a to ngándáńg ō, tām̄ yāsí tə́ ta kum Kɔ́ɔ̄ɓē tə́.

Bible sar

¹⁵ *Ndū najə̄ ní i tām̄ yā ngé kán naā gə̄ tə́ malang. I tām̄ yāsí sḭḭ̄ ngán *Israel gə̄ tə́ ō, tə̄rā gə̄ ń ndin̄ dɔ dáńsí tə́ ní ō. I *ndū najə̄ kə́ a tūr̄ aĺ ō, a to ngándáńg ō, tām̄ yāsí tə́ ta kum Kɔ́ɔ̄ɓē tə́.

TƏ́DA 15:15 Referans Kwoze

TƏ́DA 15:29

De gə̄ ń rāān̄ yá̰á̰ kə́ majaĺ kə gō kem ndigə yādə́ aĺ ní, ká i ngán Israel gə̄, aké i tə̄rā gə̄ ń ndin̄ dandə́ tə́ ní gə̄gē anī, ndū najə̄ kə́ dɔdə́ tə́ i kógə̄ḿ beē.

TƏ́DA 9:14

Ré tə̄rā ń ndi ɓē sesí ní ndigə rāā nāā Pákə yā kɔsəń gɔn Kɔ́ɔ̄ɓē anī, a rāā i kə gō ndū najá ō, yá̰a̰ kāgə̄ ɓē ō kə́ dɔ tə́. Ndū najə̄ ní i tām̄ yā ngán Israel gə̄ tə́ ō, tə̄rā gə̄ tə́ ō.

Teē Ngán Israel gə̄ 12:49

Ndū najə̄ kə́ tām̄ yā ngán Israel gə̄ tə́ ō, kə́ tām̄ yā tə̄rā kə́ ngé nam̄ gə̄ ń ndin̄ dɔ nang yāsí tə́ ō ní i ndū najə̄ kə́ kógə̄ḿ beē.

GALATƏ 3:28

Adə̄ dansí tə́ ní, kəda na de kə́ beé na i Jipə, ba de kə́ beé na i Gərek, de kə́ beé na i ɓəlo, ba de kə́ beé na i kɔ́ɔ̄ rɔ̄n, aláa kəda na ni ń toō na i de kə́ dəyá̰, ba ni ń toō na i kə́ dəngam ní, i yá̰á̰ kə́ kumən gətóo.

1 SAMUEL 30:25

Əla gír ndɔ̄ ń noō tə́ ní Dabid rāā adə̄ najə̄ ń ni əda ní tél i ndū najə̄ ō jī-bēl̄ loo rāā yá̰a̰ ō yā ngán Israel gə̄. Ba ndū najə̄ ní to bátə́ ɓōólaā ɓáý.

TƏ́DA 10:8

I ngán Aaro̰ gə̄ ń i ngé tun̄ yá̰a̰ gə̄ ní n a kɔ̄rə́n̄ bərúnjə gə̄ ní. Ndū najə̄ ń toō a to ngándáńg tām̄ yāsí tə́ ō, tām̄ yā ngáńsí gə̄ tə́ ō, ngán kaasí gə̄ tə́ ō.

LEBI GƏ̄ 24:22

Ndū najə̄ kə́ tām̄ yāsí tə́ i kógə̄ḿ beē, tām̄ yā tə̄rā tə́ ō, de kə́ kɔ́ɔ̄ ɓē tə́ ō, tɔdɔ̄ mā i Kɔ́ɔ̄ɓē Nə́ɓā yāsí.

Teē Ngán Israel gə̄ 12:43

Kɔ́ɔ̄ɓē əda Moijə nin̄ kə Aaro̰ na: Ndū najə̄ gə̄ kə́ dɔ Pákə tə́ n toó: Tə̄rā a əsa yá̰á̰ Pákə alé.

Teē Ngán Israel gə̄ 12:24

Sḭḭ̄ gə̄gē ngáńsí gə̄ gə̄gē ngán gə̄ kaasí gə̄gē ā ə̄ndāī kumsí gíŕ yá̰á̰ ń noō tə́ yā rāā. I yá̰á̰ kə́ ndang kadə̄ yā rāā kə́ a to ngándáńg tām̄ yāsí tə́.

Teē Ngán Israel gə̄ 12:14

Ā ī-rāā i nāā kə́ bo ń toō i kə dɔ ɓāl̄ gə̄ kadə̄ əgań kemsí dɔ yá̰á̰ ń a rāā yā rāā yá̰á̰ tə́ toō, yā rɔȳməń mā Kɔ́ɔ̄ɓē. I ndū najə̄ kə́ a to ngándáńg tām̄ yāsí tə́.

KOLOSƏ 3:11

Loo ń noō tə́ ní, loo kəda na: Nge ń toō na i Gərek aláa na i Jipə, nge ń toō na i de kə́ əja mɔtən aláa na i de kə́ əja mɔtən alé, nge ń toō na i tə̄rā, aláa na i tə̄rā kɔ̄r̄, nge ń toō na i ɓəlo, aláa na i kɔ́ɔ̄ rɔ̄n ní, gətóo. Ba yá̰á̰ ń i yá̰á̰ kə́ ngá̰ý ní i Kərist ń ndi kem de gə̄ tə́ malang ō, i nge rāā yá̰a̰ malang ō ní.

TƏ́DA 18:8

Kɔ́ɔ̄ɓē əda Aaro̰ na: Á̰a̰ā̰, m-ə̄ndāī dɔ kəla yá̰á̰ kə́ táĺ gə̄ ń ngán Israel gə̄ adə̄mə̄n̄ ní tə́ ō, yá̰a̰ gə̄ ní m̄táləń m-ādə̄sí kə ngání gə̄ ō, ngán kaaí gə̄ ō, kə ndū kə́ a to ngándáńg.

TƏ́DA 15:14

Ré tə̄rā ń ndi dansí tə́ ngɔr ɓáý, aláa jóó ngá̰ý ní ndigə tun̄ dā̰ kadə̄ sēēn nel̄ Kɔ́ɔ̄ɓē anī, a rāā i tītə̄ yāsí.

Teē Ngán Israel gə̄ 28:43

Aaro̰ nin̄ kə ngánən gēé a əlan̄ gíŕdə́ tə́ yā kudəń kem kújə kənge naā tə́, aĺ ɓáa yā kaw̄ń kə̄ loo tun̄ yá̰á̰ tə́ yā rāań kəla tun̄ yá̰a̰ kem loo kə́ táĺ tə́. Tītə̄ ń noō ɓáa a reēn̄ kə majaĺ dɔdə́ tə́ aĺ ō, a oyn̄ aĺ ō. Nge ń noō i ndū najə̄ kə́ a to ngándáńg tām̄ yā Aaro̰ tə́ ō, tām̄ yā ngánən gə̄ tə́ ō, ngán kaan gə̄ tə́ ō.

JOJUE 8:33

Ngán Israel gə̄ malang kə kum kɔɔ̄ yādə́ gə̄ ō, ngé ndóōdə́ ndū najə̄ gə̄ ō, ngé gān̄g sarya yādə́ gə̄ ō, tə̄rā gə̄ ń ndin̄ dɔ dáńdə́ tə́ ní ō, ɔsə̄n̄ naā dām̄ jōó gidə sandúkə madə̄ naā yā Kɔ́ɔ̄ɓē tə́, kumdə́ sɔɔ̄ ngán Lebi kə́ ngé tun̄ yá̰a̰ gə̄ ń ətōn̄ sandúkə ní. Núsə́də́ kə́rēý i kum kə̄ mbal̄ Garijim tə́ ō, kə́ noō i kum kə̄ mbal̄ Ebal tə́ ō. Moijə əda kété kadə̄ ré a tɔ́rə̄n̄ tadə́ dɔ ngán Israel gə̄ tə́ ɓáa kə rāān̄ i tītə̄ ń nuū.

ESTER 9:27

Nin̄ əndān̄ ngəra yá̰a̰ kāgə̄ ɓē kógə̄ḿ kə́ tām̄ yādə́ nin̄ kɔ́ gə̄ tə́ ō, tām̄ yā ngáńdə́ gə̄ tə́ ō, ngán kaadə́ gə̄ tə́ ō, de gə̄ malang ń a télən̄ Jipə gə̄ ní tə́ ō. Yá̰a̰ kāgə̄ ɓē ní i kadə̄ rāān̄ nāā kə dɔ ɓāl̄ gə̄ kem ndɔ̄ kə́ jōó gə̄ ń noō tə́ kanjə̄ lōō gírí. A rāān̄ i ndɔ̄ ń ɔjən̄ tə́ ní ō, kə jī bēl̄ loo rāā yá̰a̰ gə̄ ń Mardose ɔjəń ní ō.