TƏ́DA 14:9 - Bibəl ta Sar̄

⁹ Ba ī-lōōī kənī wúȳ jī Kɔ́ɔ̄ɓē tə́ ō, ī-lōōī ɓōĺ de gə̄ kə́ dɔ nang ní tə́ ō, tɔdɔ̄ j-a jə-tetiīdə́ rɔ̄ɔ̄ i gidə kógə̄ḿ beē. Tām̄ ɓesə̄ yādə́ gə̄ kə́ ngé ngɔ̄m̄də́ gə̄ əya̰n̄də́ kɔ̄ɔ́, banī Kɔ́ɔ̄ɓē i naā tə́ sejí, adə̄ ī-lōōī ɓōĺdə́.

Bible sar

⁹ Ba ī-lōōī kənī wúȳ jī Kɔ́ɔ̄ɓē tə́ ō, ī-lōōī ɓōĺ de gə̄ kə́ dɔ nang ní tə́ ō, tɔdɔ̄ j-a jə-tetiīdə́ rɔ̄ɔ̄ i gidə kógə̄ḿ beē. Tām̄ ɓesə̄ yādə́ gə̄ kə́ ngé ngɔ̄m̄də́ gə̄ əya̰n̄də́ kɔ̄ɔ́, banī Kɔ́ɔ̄ɓē i naā tə́ sejí, adə̄ ī-lōōī ɓōĺdə́.

TƏ́DA 14:9 Referans Kwoze

NDŪ NAJƏ̄ 7:18

Ī-lōōī ɓōĺdə́. Ādə̄ əga kemsí dɔ yá̰á̰ ń Kɔ́ɔ̄ɓē Nə́ɓā yāsí rāā kə mban̄g Parao̰ ō kə de gə̄ malang kə́ Ejiptə tə́ ní ō.

Makətūbə̄ ń Pol ndang adə̄ Rom gə̄ ní 8:31

J-a j-ədaī na i rí dɔ tə́ ɓáý? Ré Nə́ɓā i sejí anī, i náā n a mbātə́jí?

NDŪ NAJƏ̄ 31:6

Ə́hɔ rɔ̄í tɔgə ō, ī-ra dəngam ō, ī-lōō kadə̄ ɓōĺ rāāī ō, ī-lōō ndebə ta kumdə́ tə́ ō, tɔdɔ̄ Kɔ́ɔ̄ɓē Nə́ɓā yāí a njə̄rā seí naā tə́. Ni a mbātíī aĺ ō, a əya̰ī kɔ̄ɔ́ aĺ ō.

PĀ GƏ̄ 74:14

Lebiatan ń i dā̰ man̄ kə́ bo ngá̰ý kə́ dɔn gə̄ i ngá̰ý ní, ḭ̄ ī-tɔ̄ɔ̄ dɔn gə̄ ní yɔ́k yɔ́k kɔ̄ɔ́, ba únən ādə̄ tal̄ gə̄ kadə̄ əsan̄.

2 YÁ̰A̰ GƏ̄ 32:8

Ngé rɔ̄ɔ̄ gə̄ ń seneé ní i de gə̄, banī jḭḭ̄ ɓáa Kɔ́ɔ̄ɓē Nə́ɓā yājí n i sejí ní. Ni a dḭḭ̄jí adə̄ a rɔ̄ɔ̄ dɔjí tə́. Najə̄ ń mban̄g Ejekias ɔr̄ ní adə̄ de gə̄ malang tɔ́gə.

2 YÁ̰A̰ GƏ̄ 20:17

Ā ī-rɔ̄ɔ̄īdə́ loo ń noō tə́ alé. Āw̄ ī-raī loo ní tə́ gotə kógə̄ḿ ba á̰a̰ī loo tetə ń Kɔ́ɔ̄ɓē a tetə rɔ̄ɔ̄ yā kadə̄sí ní. De kə́ Juda gə̄ ō, Jerusalem gə̄ ō, ī-lōōī ɓōĺ ō, ī-lōōī kadə̄ ndíĺsí a̰ȳ ō. Bírí ī-teē ī-tə́nāī tadə́ loo ń noō tə́ na Kɔ́ɔ̄ɓē i naā tə́ sesí.

NDŪ NAJƏ̄ 31:8

Kɔ́ɔ̄ɓē a njə̄rā kété noí tə́. Ni i seí naā tə́. A mbātíī aĺ ō, a əya̰ī kɔ̄ɔ́ aĺ ō. Ní, ī-lōō ɓōĺ ō, ī-lōō kadə̄ tɔ́gí ur̄ wak ō.

TƏ́DA 24:8

Nə́ɓā teē sedə́ kɔ̄ɔ́ Ejiptə tə́ kə tɔ́gən kə́ tītə̄ tɔ́gə dɔgə. Gíŕ nápar de gə̄ ń a ənīn̄ ngán Israel gə̄ rɔ̄ɔ̄ ní, ngán Israel gə̄ a tetən̄n̄də́ rɔ̄ɔ̄ i gidə kógə̄ḿ beē. Ngán Israel gə̄ a tétə̄n̄ kə̄ngādə́ ō, a túrə̄n̄də́ kə kum gərā yādə́ gēé yā kur kɔdədə́ ō.

JOJUE 1:5

De kə́ asə ra ta kumií tə́ yā dumī a gətóó bátə́ kadə̄ óyń. Tɔdɔ̄ mā i naā tə́ seí tītə̄ ń mā i naā tə́ kə Moijə kété ní. M-ā m-ə́ya̰ī kɔ̄ɔ́ aĺ ō, m-ā m̄-lo dḭḭ̄ aĺ ō.

PĀ GƏ̄ 121:5

Kɔ́ɔ̄ɓē i nge ngɔ̄m̄ dɔí, Kɔ́ɔ̄ɓē i ndíl yāí. Ni i dɔ jī ko̰í tə́.

PĀ GƏ̄ 14:4

Kɔ́ɔ̄ɓē əda na ngé rāā yá̰a̰ majaĺ gə̄ ń noō na gerə̄n̄ yá̰a̰ aĺ rɔ̄kum, tɔdɔ̄ na əsan̄ jī gír deē yān gə̄ ajən̄neé, ba na ɓārə́n̄ rīn nja kógə̄ḿ aĺ bátə́.

NDŪ NAJƏ̄ 9:7

Ādə̄ əga kemsí dɔ rāā ń ī-rāāī Kɔ́ɔ̄ɓē Nə́ɓā yāsí adə̄ wōn̄g rāān kem dəla loo tə́ ní. Ī-lōōī kadə̄ dɔsí ndígə̄nal nge ń noō. Əla gír dɔ ndɔ̄ ń ī-teēīneé kɔ̄ɔ́ kem ɓē kə́ Ejiptə tə́ ī-reēīneé bátə́ ūgīneé loo ń toō tə́ laā ní, sḭḭ̄ ī-rāāī i kəla mbātə́ najə̄ ta Kɔ́ɔ̄ɓē tə́.

NDŪ NAJƏ̄ 1:26

Banī sḭḭ̄ ī-mbātíī koō ta Kɔ́ɔ̄ɓē Nə́ɓā yāsí, adə̄ āwī alé.

DANIEL 9:9

Kum ko̰o̰ ō, mā̰ȳ rɔ̄ ō, i yá̰a̰ yā Kɔ́ɔ̄ɓē Nə́ɓā yājí tām̄ jə-mbātə́ tan ō,

NDŪ NAJƏ̄ 32:42

Gərā yāḿ gə̄ a a̰ȳn̄ mósə kadə̄ rāādə́ kə́ kasə tə́ ō, kaskar yāḿ a əsa dā̰ yā ndān̄ ō. Adə̄ i mósə de gə̄ ń tɔ̄lə̄n̄də́ ní ō, de gə̄ ń əhɔn̄də́ ta rɔ̄ɔ̄ tə́ ní ō, ngol áskar gə̄ yā madə̄ ba̰ā̰ gə̄ ō.

NDŪ NAJƏ̄ 7:21

Ī-lōōī ndebə ta kumdə́ tə́, tɔdɔ̄ Kɔ́ɔ̄ɓē Nə́ɓā yāsí ń i Nə́ɓā kə́ bo ō, to ɓōĺ ngá̰ý ō ní i sesí.

NDŪ NAJƏ̄ 1:21

ba kə á̰a̰ī, Kɔ́ɔ̄ɓē Nə́ɓā yāsí na adə̄sí dɔ nang ń ra nosí tə́ noō. Ní kə āwī kə ī-taāī dɔ nang ní tītə̄ ń Kɔ́ɔ̄ɓē Nə́ɓā yā kaasí gə̄ ənīń míndən adə̄sí ní. Kə ī-lōōī ɓōĺ ō, kə ī-lōōī kadə̄ tɔ́gə́sí ur̄ wak ō.

PILIPƏ 1:27

Banī ādī háĺsí ń ī-ndiīneé ní, əhɔ naā kə Najə̄ kə́ Majə yā Kərist, yā kadə̄ ká ré m-āw̄ go̰ō̰sí tə́, aláa m̄-gətóo rɔ̄sí tə́ gə̄gē anī, m-ōō kadə̄ ī-raī ngan̄g ō, gír̄ yāsí i kógə̄ḿ ō, sḭḭ̄ malang ī-rɔ̄ɔ̄ī dɔ taā kem Najə̄ kə́ Majə tə́ kə kem kə́ kógə̄ḿ ō.

MATIYE 1:23

Á̰a̰ī, ngōmandə a ndān̄ ngōn̄, ba a ojə ngōn̄ kə́ dəngam, a əndān̄ rīn na i Emanuel. Kum Emanuel na i Nə́ɓā i sejí.

JEREMI 48:45

Ngé ka̰ȳ naā kə́ kɔr asədə́ nák gə̄ reē dəban̄ ndílí kem ɓē kə́ Hesəbon tə́. Banī hor əɓa bup Hesəbon, ta ndo̰ hor teē kem kújə yā mban̄g Sihon tə́ kə̄ ndagá ba o̰o̰ bɔ̄gə̄ ɓē gə̄ kə́ Moab ō, kār̄ dɔ ngé kutə mbī gə̄ ō.

IJAI 63:10

Banī nin̄ mbātə́n̄ najə̄, rāān̄ Ndílən kə́ táĺ adə̄ rɔ̄n nelə̄n aĺ. Adə̄ Kɔ́ɔ̄ɓē tél i madə̄ ba̰ā̰də́ kógə̄ḿ ō, ni udə kə̄ loo rɔ̄ɔ̄də́ tə́ ō.

IJAI 41:14

Sḭḭ̄ gír deē yā Jakob gə̄, ī-lōōī ɓōĺ. Ngōn̄ kele kə́ dūú, ḭ̄, gotə de gə̄ yā Israel kə́ tɔ́gə́də́ gətóo gə̄. Najə̄ ń Kɔ́ɔ̄ɓē əda ní n toó: m̄-reē i yā dḭḭ̄. Nge taā kəya̰ī dɔɔ́ i mā, Nə́ɓā kə́ táĺ yā Israel.

IJAI 41:10

Ī-lōō ɓōĺ, na mā i naā tə́ seí. Ī-lōō ka̰a̰ loo kə́ gidií tə́ kə sōlōó. A̰á̰ā̰, Nə́ɓā yāí i mā. m̄-rāā adə̄ tɔ́gí to. m̄-reē dḭḭ̄ tə́ ō, m̄-ngɔ̄mī kə jīḿ kə́ kə tɔ́gɔ́ ō kə́ tetə rɔ̄ɔ̄ ō.

IJAI 32:2

Nin̄ kógə̄ḿ kógə̄ḿ a ton̄ i tītə̄ loo kə́ deē a ɓɔ̄ɔ̄ rɔ̄n tū tə́ tām̄ yā néĺ tə́ beē, a ton̄ i tītə̄ loo kə́ deē a ɓɔ̄ɔ̄ rɔ̄n tū tə́ tām̄ yā man̄ kə́ a edə tə́ beē, a ton̄ i tītə̄ man̄ kə́ a nūgə́ dəla loo tə́ beē, a ton̄ i tītə̄ ndíl mbal̄ kə́ bo kə́ kem ɓē kə́ loo təngā tū tə́ beē.

IJAI 1:2

Dɔ rā̰, ōō! Ba ḭ̄ dɔ nang, ī-nēl̄ mbīí! I Kɔ́ɔ̄ɓē n a ɔr̄ najə̄ ní: M-ūl̄ ngán gə̄ adə̄ tɔgən̄, m-ə̄tō ngán gə̄, banī nin̄ əsōn̄ wōn̄g taḿ tə́ kɔ̄ɔ́.

PĀ GƏ̄ 91:1

Deē ń ndi loo ń Nə́ɓā kə́ dɔɔ́ a ɓɔ̄ɔ̄ rɔ̄n tū tə́ tə́ ní to i ndíĺ Nə́ɓā kə́ bo kə́ tɔ́gən i ngá̰ý tə́.

PĀ GƏ̄ 46:11

Əya̰ī yá̰a̰ rɔ̄ gə̄ dɔɔ́! Á̰a̰ ī-ger̄mī kadə̄ mā i Nə́ɓā! m̄-ndi dɔ nápar de gə̄ tə́. M-ó̰o̰ ɓē dɔ dɔ nang tə́.

PĀ GƏ̄ 46:7

Nápar de gə̄ tṵ́ṵ̄n̄ rɔ̄ɔ̄, ɓē ko̰o̰ gə̄ tə́sōn̄ kɔ̄ɔ́. Banī Nə́ɓā rāā ndūn adə̄ ɓār̄, anī dɔ nang ndebə.

2 YÁ̰A̰ GƏ̄ 15:2

teē tə́nī ta Asa ba ədan na: Mban̄g Asa ō, Juda gə̄ malang ō, Benjamḛ gə̄ malang ō, ōōī najə̄ ń m-ā m-ɔ̄r̄ ní! Kɔ́ɔ̄ɓē i sesí dan ń sḭḭ̄ i seneé ní. Ré ī-sāāniī anī ni a əya̰ rɔ̄n yā kadə̄ ə́ngeniī. Banī ré ə́ya̰in̄ kɔ̄ɔ́ anī, ni a əya̰sí kɔ̄ɔ́ ō.

2 YÁ̰A̰ GƏ̄ 13:12

Á̰a̰ī, Nə́ɓā i sejí, i ni n i ngār yājí ní. Ngé tun̄ yá̰a̰ yān gə̄ i sejí ō, j-aw̄ kə bərúnjə gə̄ kə́ yā kɔ̄ŕ dɔsí tə́ yā rɔ̄ɔńsí ō. Beé ní, ngán Israel gə̄, ī-lōōī rɔ̄ɔ̄ Kɔ́ɔ̄ɓē Nə́ɓā yā kaasí gə̄ tām̄ ā ī-tetəniī rɔ̄ɔ̄ alé.

NGÉ SARYA 1:22

Epəraim gə̄ ō, Manase gə̄ ō ń nin̄ i ngán Jəjep gə̄ ní, aw̄ rɔ̄ɔ̄n̄ ɓē kə́ Betel ba Kɔ́ɔ̄ɓē i naā tə́ sedə́.

Teē Ngán Israel gə̄ 33:16

Tɔdɔ̄ ré na aw̄ sedə́ aĺ anī ké a gerə̄n̄ kadə̄ na rāā kem majə kə gír deē yān gēé ō, seneé ní Moijə ō, ké i ba̰ý wa. Na i ndin ni Kɔ́ɔ̄ɓē dɔ dáńdə́ tə́ ngóy n na a ɔjə kadə̄ nin̄ na i gír de gə̄ kə́ na n-ton̄ tītə̄ gotə gír de kə́ dɔ nang tə́ laā gə̄ aĺ ní.

TA KƏLA 48:21

Gō tə́ anī əda Jəjep na n-a n-oy tā, ba Nə́ɓā na a ndi sedə́, na a tél yā kaw̄ sedə́ dɔ nang yā kaadə́ gə̄ tə́.

DANIEL 9:5

jə-rāā yá̰á̰ kə́ gōtə́ aĺ gə̄, adə̄ j-əsō kɔ̄ɔ́ ō, jə-rāā kem ndul ō, jə-mbātə́ najə̄ ō, jə-tūr̄ gidəjí kɔ̄ɔ́ ta gō míndí gə̄ tə́ ō, ta yá̰a̰ gə̄ ń əda kadə̄ yā rāā tə́ ní ō.

NDŪ NAJƏ̄ 1:29

m̄-téĺ m-ə́dásí m-ə́da na kə ī-lōōī ndebə ō, kə ī-lōōī ɓōĺdə́ ō,

NEHEMI 4:14

ré ōōī kōō tōw̄ kə́ ɓār̄ anī, ɔ́siī dɔsí naā tə́ rɔ̄ḿ tə́. Nə́ɓā yājí a rɔ̄ɔ̄ tām̄ yājí tə́.

JEREMI 1:19

Nin̄ a rɔ̄ɔ̄nī, banī nin̄ a asən̄ rāā yá̰a̰ seí sḛ́ý aĺ bátə́. Mā i naā tə́ seí. I Kɔ́ɔ̄ɓē n ɔr̄ najə̄ yā gān̄g dɔí.

JEREMI 42:11

Mban̄g kə́ Babilon ń ī-ɓōlíin̄ ngá̰ý ní, ī-ɓōlniī to̰ alé. Ī-ɓōĺniī to̰ alé, tɔdɔ̄ mā i sesí yā gān̄g dɔsí ō, yā kɔr̄sí jīn tə́ kɔ̄ɔ́ ō. Najə̄ ń Kɔ́ɔ̄ɓē əda ní n noó.

Teē Ngán Israel gə̄ 14:13

Moijə tél ədadə́ na kə lōōn̄ ɓōĺ, ba kə əhɔn̄ kemdə́ ngan̄g na a a̰a̰n̄ loo kajə ń Kɔ́ɔ̄ɓē na a ajədə́ ní ɓōólaā. De kə́ Ejiptə gə̄ ń na a̰a̰n̄də́ ɓōólaā toó na a a̰a̰n̄də́ gogə́ to̰ alé i kə́ bátə́ gə̄ tə́.

TƏ́DA 13:30

Kaleb adə̄ de gə̄ ń a tāmə̄n̄ kə Moijə ní ran̄ tadə́ mbóo, ní əda na: J-aw̄ jə-taāī dɔ nang ní. J-a jə-tetiī rɔ̄ɔ̄.

TƏ́DA 17:6

Teē kə ndɔ̄ kə́ noō anī, ngán Israel gə̄ malang tāmə̄n̄ kə Moijə nin̄ kə Aa̰ro̰ ədan̄ na: I sḭḭ̄ n ī-rāāī ādə̄ gír de gə̄ yā Kɔ́ɔ̄ɓē gə̄ oyn̄ ní.

TƏ́DA 20:2

Man̄ kə́ tām̄ yā ngán Israel gə̄ tə́ gətóo, adə̄ kósə de gə̄ kánə̄n̄ naā dɔ Moijə nin̄ kə Aaro̰ tə́, ba ḭḭn̄ sedə́ kə najá

JOJUE 14:12

Adə̄ ādə̄m̄ gō nang kə́ mbalá ń Kɔ́ɔ̄ɓē əda najə̄n ndɔ̄ ngeé ń noō tə́ ní. Tɔdɔ̄ ndɔ̄ n noō tə́ ní ōō kadə̄ ngán Anak gə̄ ndin̄ tū tə́ ō, ɓē bo gə̄ kə́ ndogə̄ mbal̄ gīr̄ gidə gə̄ i tū tə́ ō. Ré Kɔ́ɔ̄ɓē i seḿ anī, m-ā m̄-tə̄ɓādə́ kɔ̄ɔ́ tītə̄ ń nəkɔ́ ədań ní.

PĀ GƏ̄ 46:8

Kɔ́ɔ̄ɓē kə́ bo kə́ tɔ́gən i ngá̰ý ní i naā tə́ sejí. Nə́ɓā yā Jakob i loo kə́ ngan̄g yājí kə́ kem ɓēé.

PĀ GƏ̄ 106:24

Nin̄-kídə̄n̄ ɓē kə́ majə ngá̰ý, taān̄ kem najə̄ yān alé.