TƏ́DA 14:34 - Bibəl ta Sar̄

³⁴ Ə̄ndāī ma̰ȳ dɔ nang kə́ Kanaan i ndɔ̄ kutə sɔ́, adə̄ yá̰á̰ kə́ tōr̄ kə́ tām̄ majaĺ yāsí tə́ a rāāsí i ɓāl̄ kutə sɔ́. Ɓāl̄ kógə̄ḿ i tām̄ yā ndɔ̄ kə́ kógə̄ḿ tə́. I beé tá ā ī-gerīiń yá̰á̰ ń a rāā de gə̄ ń m̄-mbātə́ najə̄ gōdə́ tə́ ní.

Bible sar

³⁴ Ə̄ndāī ma̰ȳ dɔ nang kə́ Kanaan i ndɔ̄ kutə sɔ́, adə̄ yá̰á̰ kə́ tōr̄ kə́ tām̄ majaĺ yāsí tə́ a rāāsí i ɓāl̄ kutə sɔ́.Ɓāl̄ kógə̄ḿ i tām̄ yā ndɔ̄ kə́ kógə̄ḿ tə́. I beé tá ā ī-gerīiń yá̰á̰ ń a rāā de gə̄ ń m̄-mbātə́ najə̄ gōdə́ tə́ ní.

TƏ́DA 14:34 Referans Kwoze

EJEKIEL 4:6

Dan ń ndɔ̄ gə̄ ní a təgān̄ anī, ā ī-to dɔ jīí kə́ ko̰ó̰ tə́ ba ā ə̄tō yá̰a̰ rāā kə́ gōtə́ aĺ gə̄ yā ɓē ko̰o̰ kə́ Juda ń i yá̰á̰ kə́ ɔy ní ndɔ̄ kutə sɔ́, ɓāl̄ gə̄ malang ń Juda rāań majaĺ ní, m̄-gān̄g kógə̄ḿ dɔí tə́ kə dɔ ɓāl̄ kógə̄ḿ gə̄.

TƏ́DA 13:25

Ngé kəndā ma̰ȳ loo gə̄ ní rāān̄ ndɔ̄ kutə sɔ́ anī télən̄ dɔ tə́.

DANIEL 9:24

Gāngə̄n̄ ɓāl̄ sīrí dɔ gír deē yāí gə̄ tə́ ō, dɔ ɓē yāí kə́ táĺ tə́ ō, yā rāań kadə̄ gír mbātə́ najə̄ gān̄g, kadə̄ gír rāā yá̰á̰ kə́ majaĺ gān̄g ō, kadə̄ Nə́ɓā mā̰yń rɔ̄n dɔ majaĺ gə̄ tə́ ō, kadə̄ yá̰á̰ kə́ gōtə́ kə́ ngándáńg ɔjəń rɔ̄n kə̄ ndágá ō, kadə̄ yá̰á̰ kə́ ka̰ā̰ ō najə̄ ń nge koō ta əda ní ō reē udən̄neé gíŕ kə́ rɔ̄ tə́ ō, kadə̄ urən̄neé yibə̄ dɔ loo kə́ táĺ ngá̰ý tə́ ō.

HEBƏRO 4:1

Dan ń Nə́ɓā ənī míndən yā kadə̄ j-ugīneé tū kɔr̄ koō yān tə́ to̰ ɓáý ní, jə-ɓōlíī najə̄ kadə̄ deē kógə̄ḿ kə́ dansí tə́ nal̄ ta róbə́ kə́ yā kudəń tū kɔr̄ koō ngeé ń toō tə́.

PĀ GƏ̄ 95:10

De kə́ dan ń noō tə́ gə̄ ɔrə̄n̄ wurəḿ ɓāl̄ kutə sɔ́, adə̄ m-ə́da na: I de kə́ dɔdə́ gətóo gə̄, nin̄ gerə̄n̄ róbə yāḿ gə̄ alé.

2 YÁ̰A̰ GƏ̄ 36:21

Najə̄ ń Kɔ́ɔ̄ɓē əndā ta Jeremi nge koō ta tə́ adə̄ əda ní rāā yá̰a̰ i tītə̄ ń noō. Jeremi əda kété na: A əya̰n̄ ɓē kɔ̄ɔ́ ɓāl̄ kutə sīrí kadə̄ dɔ nang ɔrə̄ń koō kum gotə ndɔ̄ sabat gə̄ ń ngán Israel gə̄ əndān̄ kumdə́ gírí aĺ ní tə́.

1 SAMUEL 2:30

I beé ɓá ní, mā ń i Kɔ́ɔ̄ɓē Nə́ɓā yā ngán Israel gə̄ ní, yá̰á̰ ń m-ā m-ə́daī ní n toó: Kété ní m-ə̄nī ndūḿ m-ādə̄ gír kojə yāí ō gír deē yāí gə̄ ō, m-ə́da na i sḭḭ̄ n i ngé tun̄ yá̰a̰ yāḿ gə̄ bátə́ kə̄ no tə́ ní. Ba ngɔlaā ní i tītə̄ ń noō to̰ alé adə̄ m-ə́dá wáńg. Tɔdɔ̄ de gə̄ ń ɓōlə́n̄ ndílə́ḿ ní mā m̄-ɓōĺ ndíĺdə́ ō, de gə̄ ń a kídə̄mə̄n̄ ní a rāān̄də́ nja bə̄yā̰ kə́ gogə́ tə́ ō.

JEJU TEĒ KUM JA̰A̰ 11:3

Ba m-ā m-ādə̄ de kə́ kum tə́ yāḿ kə́ jōó gə̄ kadə̄ a ədan̄ najə̄ kə́ Nə́ɓā əndā tadə́ tə́. Nin̄ a o̰ō̰n̄ kūbə̄ kəhɔ ndoō yā kədań najə̄ ní ndɔ̄ 1260.

JAKARI 11:10

Gō tə́ anī, m-ún kāgə̄ yāḿ ń rīn na i madə̄ naā ní m̄-tētə̄. Adə̄ m̄-gān̄g madə̄ naā ń Kɔ́ɔ̄ɓē əhɔ kə gír de gēé malang ní i tītə̄ ń noō.

EJEKIEL 14:10

Nge koō ta ń noō ō, nge dəjen najə̄ ń noō ō ní, yá̰á̰ kə́ gōtə́ aĺ kə́ kógə̄ḿ beē nəkɔ́ ń toō ní, najə̄n i dɔdə́ tə́ mbak.

PĀ GƏ̄ 105:42

Əga kemən dɔ míndən kə́ táĺ ń ənī adə̄ nge kəla yān Abəraham tə́ ní.

PĀ GƏ̄ 77:8

Kɔ́ɔ̄ɓē a mbātə́jí i kə́ njɔ́ḿ gə̄ tə́ a? A rāā kem majə sejí to̰ aĺ i kə́ bátə́ gə̄ tə́ a?

PĀ GƏ̄ 38:4

Rɔ̄ḿ i do malang sɔɔ̄ń wōn̄g yāí. Kem kə̄ngāḿ i lápə́ya alé sɔɔ̄ń majaĺ yāḿ.

1 MBAN̄G GƏ̄ 8:56

m̄-tɔ̄ȳ Kɔ́ɔ̄ɓē ń adə̄ Israel gə̄ ń i gír deē yān gə̄ ní loo kɔr̄ koō tītə̄ ń ədań kété ní. Kɔ́ɔ̄ɓē əda kété na najə̄ kə́ majə gə̄ malang ń n-əndā ta nge kəla yān Moijə tə́ adə̄ əda ní kə́ kógə̄ḿ kə́ əsō kɔ̄ɔ́ na gətóo.

TƏ́DA 18:23

I ngán Lebi gə̄ ngóy n i ngé rāā kəla gə̄ kə́ kem kújə kənge naā tə́ ní. Yá̰á̰ kə́ gōtə́ aĺ gə̄ ń nin̄ a rāān̄ ní, najə̄n a əsō i dɔdə́ nin̄ kɔ́ gə̄ tə́. Ndū najə̄ ń toō a to ngándáńg tām̄ yā ngáńsí gə̄ tə́ ō, ngán kaasí gə̄ tə́ ō. Ngán Lebi gə̄ a əngen̄ dɔ nang tītə̄ yā gotə ngán Israel gə̄ alé.

LEBI GƏ̄ 20:19

Ā ī-sāā ngōkó̰ó̰ kó̰ó̰í aĺ ō, ngōkó̰o̰ bɔbí aĺ ō. Deē ń ɓīī kə ngeen kə́ ngɔr ngá̰ý tītə̄ ń noō ní, najə̄ i dɔdə́ tə́ kə ngeen ní mbak.

KƏLA RĀĀ 13:18

Ni ətōdə́ kem dəla loo tə́ asə ɓāl̄ kutə sɔ́.

NDŪ NAJƏ̄ 2:7

Tām̄ Kɔ́ɔ̄ɓē Nə́ɓā yāsí rāā majə sesí tū kəla rāāsí gə̄ tə́ malang dan ń ə́ndaī dəla loo kə́ bo ngá̰ý ń toō ī-gāngī ní ō, əndā kumən gōsí tə́ ō. Kɔ́ɔ̄ɓē njə̄rā sesí ɓāl̄ kutə sɔ́ ngɔlaā ō, ī-nalī yá̰á̰ kógə̄ḿ aĺ ō.

EJEKIEL 4:5

m̄-mērī rāā yá̰á̰ ń noō kadə̄ asə ndɔ̄ kóndóńg wań. Ndɔ̄ gə̄ ní a asən̄ naā kə kutə ɓāl̄ gə̄ ń ɓē ko̰o̰ kə́ Israel tə́ rāań majaĺ ní. Adə̄ ā ī-tə́gā taí gír kɔȳ yá̰a̰ rāān kə́ gōtə́ aĺ gə̄ tə́ bátə́ ndɔ̄ ɓú mətá kə kutə ndōhó.

TƏ́DA 32:13

Wōn̄g rāā Kɔ́ɔ̄ɓē kə ngán Israel gēé adə̄ rāādə́ adə̄ dáȳn̄ kem dəla loo tə́ bátə́ ɓāl̄ kutə sɔ́, adə̄ de gə̄ ń rāān̄ yá̰á̰ kə nel̄ Kɔ́ɔ̄ɓē aĺ ní gətóon̄ kɔ̄ɔ́ malang.

JOJUE 14:10

Asə ɓāl̄ kutə sɔ́ gidə i mí kɔ̄ɔ́ tā-n Kɔ́ɔ̄ɓē ədań Moijə najə̄ ń noō ní. Dan ń noō tə́ ní ngán Israel gə̄ i kem loo ké mángá tə́. Əla gír ndɔ̄ ń noō tə́ bátə́ ɓōólaā ní, Kɔ́ɔ̄ɓē ndɔ̄mə̄m̄ adə̄ m̄-ndi kə kumḿ tītə̄ ń ni-ənīń míndən ní. Ń-toō ɓālə̄ḿ i kutə sɔ́sɔ́ gidə i mí,

EJEKIEL 23:35

I tām̄ najə̄ ń toō tə́ n yá̰á̰ ń m-ə́dá ní n toó ní, m-ə́da na: Jerusalem, dɔí ndígə̄naləḿ kɔ̄ɔ́ ō, ḭ̄ ə́ya̰m̄ kɔ̄ɔ́ ō. I beé ɓá ní, īkɔ́ ā ī-ndíbə̄ hor yá̰á̰ ń hálí kə́ to rɔ̄sɔl̄ adə̄ i háĺ ájə́ba reēń dɔí tə́ ní.

OJEE 9:12

Ká ré nin̄ a ngɔ̄mə̄n̄ ngán gə̄ gə̄gē anī, m-ā m̄-taādə́ jīdə́ tə́ kɔ̄ɔ́ yā kadə̄ deē kógə̄ḿ na̰yń alé. A̰á̰ā̰, kə́ rɔ̄kum tə́ ní, i yá̰á̰ kə́ to kum kaȳ aĺ kə́ ba̰ý beē tām̄ yā Epəraim gə̄ tə́ dan ń m-ā-ə́yá̰də́ ba m-ā m-āw̄ sa̰y kɔ̄ɔ́ ní!