TƏ́DA 14:29 - Bibəl ta Sar̄

²⁹ Sḭḭ̄ malang ń tə́dan̄ kutəsí ō, ndangən̄ rīsí makətūbūú ō, á ɓāl̄sí ḭḭ dɔ kutə jōó kum kə̄ dɔɔ́ ní, ā óyiī kem dəla loo ń toō tə́, tām̄ sḭḭ̄ ī-tāmī seḿ.

Bible sar

²⁹ Sḭḭ̄ malang ń tə́dan̄ kutəsí ō, ndangən̄ rīsí makətūbūú ō, á ɓāl̄sí ḭḭ dɔ kutə jōó kum kə̄ dɔɔ́ ní, ā óyiī kem dəla loo ń toō tə́, tām̄ sḭḭ̄ ī-tāmī seḿ.

TƏ́DA 14:29 Referans Kwoze

TƏ́DA 1:45

Ngán Israel gə̄ ń tə́dan̄də́ kə gō gír kojə yādə́ gēé á i ngé kə́ ɓāl̄də́ ḭḭ dɔ kutə jōó tə́ kum kə̄ dɔɔ́ ń nin̄ i ngé rɔ̄ɔ̄ gə̄ kə́ Israel tə́ ní,

HEBƏRO 3:17

De gə̄ ń Nə́ɓā rāā wōn̄g sedə́ ɓāl̄ kutə sɔ́ ní i náā gə̄? Ni-rāā wōn̄g i kə de gə̄ ń rāān̄ majaĺ ō, əsō oyn̄ kem dəla loo tə́ ní ō.

TƏ́DA 26:64

Ngé gə̄ ń Moijə nin̄ kə Aaro̰ nge tun̄ yá̰a̰ tə́dan̄də́ kem dəla loo kə́ Sinai tə́ ní, gətóon̄ dandə́ tə́.

1 KORḚNTƏ 10:5

Ɓá tā ba ngá̰ý gə̄ dandə́ tə́ ní nel̄ Nə́ɓā sedə́ alé. I tām̄ najə̄ ń noō tə́ n nīńdə́ to kem dəla loo tə́ ní.

Makətūbə̄ ń Jud ndang ní 1:5

Ká ré sḭḭ̄ ī-gerī yá̰á̰ ń toō kɔ̄ɔ́ majə ngá̰ý gə̄gē anī, m̄-sāā ter̄ kemsí dɔ tə́ ɓáý. Tām̄ dan ń Kɔ́ɔ̄ɓē ajə gír deē yān gə̄ kem ɓē kə́ Ejiptə tə́ ní, gō tə́ anī ni-rāā adə̄ ngé gə̄ ń taān̄ kemən aĺ ní oyn̄ kɔ̄ɔ́.

TƏ́DA 1:46

kutədə́ malang i deē 603 550.

NDŪ NAJƏ̄ 2:14

Jə-njə̄rāī dɔ dán loo ń ḭḭ Kades Barnea bátə́ ugə̄ń wól man̄ Jered tə́ ní ɓāl̄ kutə mətá gidə i sɔ́sɔ́ tá jə-teēī wól man̄ Jered kə̄ gidə kə́rēý tə́ ɓáý. Dan ngeé ń noō tə́ ní de kə́ tɔgə gə̄ ń ta kɔr̄sí dɔɔ́ anī asən̄ kaw̄ rɔ̄ɔ̄ tə́ ní, oyn̄ kɔ̄ɔ́ malang tītə̄ ń Kɔ́ɔ̄ɓē túbəń njan kété ní.

JOJUE 5:6

Ngán Israel gə̄ njə̄rān̄ ɓāl̄ kutə sɔ́ kem dəla loo tə́. Ta tɔ̄l̄ ta anī de gə̄ mang ń teēn̄ kɔ̄ɔ́ kem ɓē kə́ Ejiptə tə́ á nin̄ i ngé rɔ̄ɔ̄ gə̄ ní oyn̄ kɔ̄ɔ́ malang tām̄ oōn̄ ta Kɔ́ɔ̄ɓē alé. Dɔ nang kə́ mba ō, yibə̄ tejə ō, i ngá̰ý tū tə́ ń Kɔ́ɔ̄ɓē ənī ndūn adə̄ kaadə́ gə̄ yā kadə̄jí ní. Kɔ́ɔ̄ɓē túbə kə rɔ̄neé əda na n-a n-əya̰də́ kadə̄ a̰a̰n̄ dɔ nang ní alé,

PĀ GƏ̄ 78:33

Ni-rāā adə̄ ndɔ̄də́ tél i nél karī ō, ɓāl̄də́ i yá̰á̰ kə́ a əla ɓōĺ kem deē tə́ ō.

EJEKIEL 20:38

Ngé gə̄ ń rāān̄ dɔ ngan̄g ba mbātə́n̄ taḿ ní, m-ā m̄-tə̄ɓādə́ kɔ̄ɔ́ dɔ dáńsí tə́. M-ā m̄-teē sedə́ kɔ̄ɔ́ kem ɓē gə̄ ń ndin̄ tū tə́ ní tə́, banī nin̄ a udən̄ dɔ nang kə́ Israel tə́ alé. I beé n ā ī-gerīiń kadə̄ Kɔ́ɔ̄ɓē i mā ní.

TƏ́DA 26:65

Tɔdɔ̄ Kɔ́ɔ̄ɓē ədadə́ na a oyn̄ kem dəla loo tə́. Nin̄ oyn̄ rɔ̄kum tām̄ deē kógə̄ḿ kə́ dandə́ tə́ kə́ teē gətóo, ba i Kaleb ngōn̄ Yepune ō, Jojue ngōn̄ Nun ō, ngóy n teēn̄ ní.

PĀ GƏ̄ 106:26

Loo ń noō tə́ Kɔ́ɔ̄ɓē əla jīn kə̄ dɔɔ́ túbəń njan yā kəya̰də́ kadə̄ oyn̄ kem dəla loo tə́ ō,