TƏ́DA 14:24 - Bibəl ta Sar̄

²⁴ Ba ndíĺ kə́ rang i kem nge kəla yāḿ Kaleb tə́, adə̄ ni un gōḿ kanjə̄ kadə̄ kemən rāān ní, m-ā m-āw̄ seneé kadə̄ ugə̄ dɔ nang ń ni-aw̄ tū tə́ kété əndā ma̰ȳ ní. Dɔ nang ní m-ā m-ādə̄ ngánən gə̄ ō, ngán kaan gə̄ ō.

Bible sar

²⁴ Ba ndíĺ kə́ rang i kem nge kəla yāḿ Kaleb tə́, adə̄ ni un gōḿ kanjə̄ kadə̄ kemən rāān ní, m-ā m-āw̄ seneé kadə̄ ugə̄ dɔ nang ń ni-aw̄ tū tə́ kété əndā ma̰ȳ ní. Dɔ nang ní m-ā m-ādə̄ ngánən gə̄ ō, ngán kaan gə̄ ō.

TƏ́DA 14:24 Referans Kwoze

EPEJƏ 6:6

Ī-rāāī nge ń noō i tām̄ kumdə́ kə́ i gōsí tə́, tītə̄ kə́ ī-sāāī i kadə̄ nel̄ deē sesí beē alé, ba ī-rāāī i yá̰á̰ ń Nə́ɓā ndigə ní, kə ngarān̄g kemsí gēé malang, kə́ loo ɓəlo gə̄ yā Kərist tə́.

KƏLA RĀĀ 11:23

Dan ń ni-ɔtə̄ á a̰a̰ majə ń Nə́ɓā rāā ní anī, rɔ̄n nelə̄n ngá̰ý ō, ra sedə́ malang ta kəhɔ gō Kɔ́ɔ̄ɓē kadə̄ ngan̄g ō.

NDŪ NAJƏ̄ 1:36

I Kaleb ngōn̄ Yepune ngóy n a a̰a̰. Dɔ nang ń ni-njə̄rā tū tə́ ní m-ā m-ādə̄n ni ō, ngánən gə̄ ō, ngán kaan gə̄ ō, tām̄ ni-ənī kemən mámák unəń gōḿ mā Kɔ́ɔ̄ɓē.

TƏ́DA 26:65

Tɔdɔ̄ Kɔ́ɔ̄ɓē ədadə́ na a oyn̄ kem dəla loo tə́. Nin̄ oyn̄ rɔ̄kum tām̄ deē kógə̄ḿ kə́ dandə́ tə́ kə́ teē gətóo, ba i Kaleb ngōn̄ Yepune ō, Jojue ngōn̄ Nun ō, ngóy n teēn̄ ní.

TƏ́DA 13:30

Kaleb adə̄ de gə̄ ń a tāmə̄n̄ kə Moijə ní ran̄ tadə́ mbóo, ní əda na: J-aw̄ jə-taāī dɔ nang ní. J-a jə-tetiī rɔ̄ɔ̄.

KOLOSƏ 3:23

Ādə̄ kəla ń ī-rāāī ní i rí rí gə̄gē anī, ī-rāāī kə kem kə́ majaá tītə̄ kə́ i tām̄ yā Kɔ́ɔ̄ɓē tə́ beē, ba i tām̄ yā de gə̄ tə́ alé.

PĀ GƏ̄ 119:80

m̄-ndigə rāā yá̰a̰ gə̄ ń ī-ndang kadə̄ yā rāā ní kə ngarā̰ kemḿ malang. Loo ń noō tə́ rɔ̄ḿ a sɔlə̄m̄ alé.

2 YÁ̰A̰ GƏ̄ 25:2

Amasia rāā yá̰á̰ kə́ gōtə́ ta kum Kɔ́ɔ̄ɓē tə́ ɓá tā ba i kə kemən kə́ nelən ngá̰ý alé.

1 YÁ̰A̰ GƏ̄ 29:18

Kɔ́ɔ̄ɓē, Nə́ɓā yā kaají Abəraham ō, kaají Isaak ō, kaají Israel ō, ī-rāā ādə̄ ndíl deē yāí gə̄ ndigə yá̰á̰ kə́ beē ngándáńg ō, ī-tūr̄ kemdə́ kə ngangá kum kə̄ rɔ̄í tə́ ō.

1 YÁ̰A̰ GƏ̄ 29:9

De gə̄ malang ń noō adə̄n̄ yá̰a̰ kənge yādə́ gə̄ tām̄ yā Kɔ́ɔ̄ɓē tə́ i kə kem kə́ majaá ō, rɔ̄də́ nel̄də́ tāmən tə́ ō. Rɔ̄ mban̄g Dabid nelə̄n ngá̰ý ō.

NDŪ NAJƏ̄ 6:5

Ā ī-táŕ Kɔ́ɔ̄ɓē Nə́ɓā yāí kə kemií malang ō, kə dā̰ rɔ̄í malang ō, kə tɔ́gí malang ō.

Gōsə̄ najə̄ gə̄ 23:26

Ngōnə̄ḿ, ādə̄m̄ kemií, ādə̄ rɔ̄í nelī loo kun gō tóo njaḿ tə́.

PĀ GƏ̄ 119:145

Kɔ́ɔ̄ɓē, m̄-ɓāríī kə ngarā̰ kemḿ malang, ī-ndigəm̄ tə́. M-ā m̄-rāā yá̰a̰ gə̄ ń ī-ndang kadə̄ yā rāā ní.

TƏ́DA 14:30

Dɔ nang ń m-ə̄nī míndə́ḿ yā kadə̄sí kadə̄ ī-ndiī tū tə́ ní, ā ūgī tū tə́ aĺ bátə́, ba i Kaleb ngōn̄ Yepune ō, Jojue ngōn̄ Nun ō, ngóy n a ugə̄n̄ tū tə́ ní.