Biblia Todo Logo
Bib sou entènèt

- Piblisite -




TƏ́DA 14:22 - Bibəl ta Sar̄

22 de gə̄ malang ń a̰a̰n̄ kɔsə gɔn ń noō ō, a̰a̰n̄ yá̰a̰ kɔjə̄ gə̄ ń m̄-rāā dɔ nang kə́ Ejiptə tə́ ō, kem dəla loo tə́ ō, banī oōn̄ taḿ alé nāāmə̄nəń nja kutə kɔ̄ɔ́ ɓá ní,

Gade chapit la Kopi

Bible sar

22 de gə̄ malang ń a̰a̰n̄ kɔsə gɔn ń noō ō, a̰a̰n̄ yá̰a̰ kɔjə̄ gə̄ ń m̄-rāā dɔ nang kə́ Ejiptə tə́ ō, kem dəla loo tə́ ō, banī oōn̄ taḿ alé nāāmə̄nəń nja kutə kɔ̄ɔ́ ɓá ní,

Gade chapit la Kopi




TƏ́DA 14:22
31 Referans Kwoze  

Ī-tájə̄mī nja kutə kɔ̄ɔ́ ɓá. Rɔ̄sí sɔl̄sí loo rāām̄ yá̰á̰ kə́ tōr̄ tə́ aĺ a?


Loo ń noō tə́ Kɔ́ɔ̄ɓē əla jīn kə̄ dɔɔ́ túbəń njan yā kəya̰də́ kadə̄ oyn̄ kem dəla loo tə́ ō,


Ba bɔbə̄sí lurəm̄, tūr̄ gír kəgā yāḿ nja kutə, tā ba Nə́ɓā adə̄n ta róbə rāā yá̰á̰ kə́ gōtə́ aĺ seḿ alé.


Dan ń ngán Israel gə̄ a̰a̰n̄ kadə̄ Moijə risə dɔ mbalá láẃ aĺ anī, kánə̄n̄ naā rɔ̄ Aaro̰ tə́, ədanən̄ na kə rāā nə́ɓā kə́ kadə̄ njə̄rā kété nodə́ tə́ kə adə̄də́, tɔdɔ̄ yá̰á̰ ń na rāā Moijə, nge teē sedə́ kem ɓē kə́ Ejiptə tə́ kɔ̄ɔ́ ní na n-gerə̄n̄ alé.


adə̄ sāān̄ ta Moijə, ədanən̄ na kə adə̄də́ man̄ kadə̄ n-a̰ȳn̄. Moijə tél ədadə́ na ké a sāān̄ tan i najə̄ rí tə́ wa. Ké a nāān̄ Kɔ́ɔ̄ɓē i tām̄ yā rí tə́ wa.


Nə́ɓā əda na: Kaasí gə̄ a̰a̰n̄ yá̰a̰ malang ń m̄-rāā ní kə kumdə́ ɓāl̄ kutə sɔ́, banī tɔ́sə̄n̄ gātə̄ḿ loo ń noō tə́ ō, nāāmə̄n̄ ō.


Jə-lōōī nāā Kɔ́ɔ̄ɓē, tītə̄ ń ngé kə́rēý gə̄ dáńdə́ tə́ rāān̄neé, adə̄ lī gə̄ tṵ́ṵ̄n̄də́ adə̄ oyn̄ ní.


Ɓá tā ba ngá̰ý gə̄ dandə́ tə́ ní nel̄ Nə́ɓā sedə́ alé. I tām̄ najə̄ ń noō tə́ n nīńdə́ to kem dəla loo tə́ ní.


Ba Jeju tél ədan na: Ndangən̄ ɓáý to̰ na ā ī-nāā Kɔ́ɔ̄ɓē Nə́ɓā yāí alé.


J-a̰ā̰ ngɔlaā kadə̄ ngé rɔ̄nel̄ gə̄ i ngé kɔjə rɔ̄də́ gə̄. Yá̰a̰ malang ń ngé rāā yá̰a̰ majaĺ gə̄ rāān̄ ní, teē majə. Ká ré nin̄ sāān̄ ta Nə́ɓā gə̄gē anī, nin̄ teēn̄ kum tə́ ngándáńg!


Nin̄ ndə̄ngān̄ yá̰a̰ kəsa, nāān̄ Nə́ɓā kem dəla loo tə́.


Kɔ́ɔ̄ɓē əda Moijə na: I ndɔ̄ kə́ rá tə́ n a asə gír de gə̄ toō mbātə́m̄ ní? m̄-rāā yá̰á̰ kə́ yáā gə̄ malang kə́ ɔjən̄ tɔ́gə́ḿ kə̄ ndágá dɔ dáńdə́ tə́, ba i rə́ngáý tə́ n a ənīn̄ kemdə́ yā kadə̄m̄ ní?


Nin̄-ədan̄ Moijə na: Bāá ɓádə gə̄ kə́ kem ɓē kə́ Ejiptə tə́ i ngá̰ý aĺ á ī-reē sejí laā kadə̄ j-oy kem dəla loo tə́ a? Ī-teē sejí kem ɓē kə́ Ejiptə tə́ kɔ̄ɔ́ i tām̄ rí tə́?


m̄-rāā ɓāl̄ kutə jōó ɓēé looí ō, m̄-rāā kəla m-ādī gíŕ ngání kə́ dəyá̰ kə́ jōó gə̄ tə́ ɓāl̄ kutə gidə i sɔ́ ō, m̄-rāā kəla ɓāl̄ mehḛ́ gír yá̰a̰ kul̄ gə̄ tə́ ō, ba ī-tūr̄ gír kəgā yāḿ nja kutə.


aw̄ ədan̄də́ na kadə̄ Kɔ́ɔ̄ɓē kə əndā ma̰ȳ ba kə gān̄g sarya, na nel̄ Parao̰ ō, ngé kəla yān gə̄ ō, sedə́ to̰ alé i tām̄ yā Moijə nin̄ kə Aaro̰ tə́, nin̄ na əlan̄ na i kaskar jī Parao̰ nin̄ kə ngé kəla yān gēé tə́ kadə̄ tɔ̄lə̄n̄neédə́.


Ngán Israel gə̄ tāmə̄n̄ kə Moijə ədan̄ na ké n-a n-a̰ȳn̄ i rí wa.


Nin̄-tāmə̄n̄ kə Moijə ō, Aaro̰ ō, kem dəla loo ngeé ń noō tə́,


Kəndā man̄ rāā ngán Israel gə̄ ngá̰ý adə̄ tə́dan̄ najə̄ dɔ Moijə tə́ ədan̄ na ké teē sedə́ kem ɓē kə́ Ejiptə tə́ kɔ̄ɔ́ i tām̄ yā rí tə́ wa. Ké i yā reē sedə́ loo ń toō tə́ kadə̄ kəndā man̄ kə tɔ̄l̄də́ kə ngáńdə́ gə̄ ō, yá̰a̰ kul̄ yādə́ gə̄ ō wa.


Əndān̄ rī loo ní na i Masa ō, Meriba ō. Kumən na i yá̰a̰ nāā ō, sāā tām̄ ō. Tɔdɔ̄ ngán Israel gə̄ sāān̄ ta Moijə ō, nāān̄ Kɔ́ɔ̄ɓē ō, tɔdɔ̄ nin̄ dəjen̄ na ké Kɔ́ɔ̄ɓē i dandə́ tə́ aké gətóo dandə́ tə́ wa.


Ndɔ̄ kə́rēý tə́ ngán Israel gə̄ tāmə̄n̄ kə Kɔ́ɔ̄ɓē, adə̄ Kɔ́ɔ̄ɓē oō ní nelə̄n alé. Wōn̄g rāān adə̄ ni-əla hor yān dɔdə́ tə́ adə̄ o̰o̰ loo ta ngóy ɓē tə́.


Ndɔ̄ kə́ rang tə́ anī, kósə de gə̄ ké dɔdə́ tɔ́sə̄ naā gə̄ ń ndin̄ dan ngán Israel gə̄ tə́ ní, ngur kəsa dā̰ rāādə́, anī ngurən rāā ngán Israel gə̄ ō, adə̄ tél a ɓarə̄n̄ najə̄ ədan̄ na: I náā n a adə̄jí dā̰ kadə̄ j-əsaī tā.


Moijə taā dəyá̰ Kus kógə̄ḿ. Anī Miriam nin̄ kə Aaro̰ tāmə̄n̄ seneé najə̄ dəyá̰ ń ni-taā ní.


Nin̄ tə́dan̄ najə̄ dɔ Moijə nin̄ kə Aaro̰ tə́ ədan̄ na: Ré j-oyī i dɔ nang kə́ Ejiptə tə́ a i só tə́ aĺ a? Aláa ré j-oyī i kem dəla loo ń toō tə́ a i só tə́ aĺ a?


Ādə̄ əga kemsí dɔ rāā ń ī-rāāī Kɔ́ɔ̄ɓē Nə́ɓā yāsí adə̄ wōn̄g rāān kem dəla loo tə́ ní. Ī-lōōī kadə̄ dɔsí ndígə̄nal nge ń noō. Əla gír dɔ ndɔ̄ ń ī-teēīneé kɔ̄ɔ́ kem ɓē kə́ Ejiptə tə́ ī-reēīneé bátə́ ūgīneé loo ń toō tə́ laā ní, sḭḭ̄ ī-rāāī i kəla mbātə́ najə̄ ta Kɔ́ɔ̄ɓē tə́.


Tél nāān̄ Nə́ɓā gogə́ rang ɓáý to̰, adə̄n̄ Nə́ɓā kə́ táĺ yā Israel wōn̄g.


Yá̰a̰ malang kə́ a dəje i kum kedə̄ ō, kəndā ma̰ȳ yá̰a̰ ō ń mban̄g dəjedə́ najə̄ kə́ dɔ tə́ ní, mban̄g a̰ā̰ kadə̄ nin̄ tɔȳn̄ mbōlí gə̄ malang ō, ngé tə̄ɓā ndíĺ kə́ majaĺ gə̄ ō, kə́ kem ɓē ko̰o̰ yān tə́.


I Kaleb ngōn̄ Yepune ń i de kə́ gír kaa yā Keniji gə̄ tə́ ní ō, Jojue ngōn̄ Nun ō, ngóy n ugə̄n̄ dɔ nang ní tə́, tɔdɔ̄ nin̄ unən̄ gō Kɔ́ɔ̄ɓē kanjə̄ kadə̄ kemdə́ tɔ́sə̄də́.


Ḭ̄ gír de gə̄ yā Israel, ḭ̄ á̰á̰ yá̰a̰ gə̄ ngá̰ý, banī yá̰á̰ kógə̄ḿ kə́ ndi dɔí tə́ gətóo. Mbīí gə̄ i mbī kə́ majə gə̄, banī ḭ̄ ōō yá̰á̰ kógə̄ḿ alé.


Swiv nou:

Piblisite


Piblisite