TƏ́DA 14:2 - Bibəl ta Sar̄

² Nin̄ tə́dan̄ najə̄ dɔ Moijə nin̄ kə Aaro̰ tə́ ədan̄ na: Ré j-oyī i dɔ nang kə́ Ejiptə tə́ a i só tə́ aĺ a? Aláa ré j-oyī i kem dəla loo ń toō tə́ a i só tə́ aĺ a?

Bible sar

² Nin̄ tə́dan̄ najə̄ dɔ Moijə nin̄ kə *Aaro̰ tə́ ədan̄ na: Ré j-oyī i dɔ nang kə́ Ejiptə tə́ a i só tə́ aĺ a? Aláa ré j-oyī i kem dəla loo ń toō tə́ a i só tə́ aĺ a?

TƏ́DA 14:2 Referans Kwoze

Teē Ngán Israel gə̄ 15:24

Ngán Israel gə̄ tāmə̄n̄ kə Moijə ədan̄ na ké n-a n-a̰ȳn̄ i rí wa.

Teē Ngán Israel gə̄ 17:3

Kəndā man̄ rāā ngán Israel gə̄ ngá̰ý adə̄ tə́dan̄ najə̄ dɔ Moijə tə́ ədan̄ na ké teē sedə́ kem ɓē kə́ Ejiptə tə́ kɔ̄ɔ́ i tām̄ yā rí tə́ wa. Ké i yā reē sedə́ loo ń toō tə́ kadə̄ kəndā man̄ kə tɔ̄l̄də́ kə ngáńdə́ gə̄ ō, yá̰a̰ kul̄ yādə́ gə̄ ō wa.

Makətūbə̄ ń Jud ndang ní 1:16

De gə̄ ngeé ń toō ní, nin̄ i ngé tām̄ bujə bujə gə̄ ō, rɔ̄də́ nel̄də́ aĺ ō, a nōōn̄ i rɔ̄də́ kə dɔ ndɔ̄ gə̄ ō, a ɔrə̄n̄ i najə̄ kə́ al̄ tadə́ gə̄ ō, nin̄ i ngé gól̄ kum de gə̄ yā kəngeń yá̰a̰ ō.

1 KORḚNTƏ 10:10

Ī-lōōī yṵ́r̄ najə̄, tītə̄ ń ngé kə́rēý gə̄ dandə́ tə́ yṵ́rə̄n̄neé, adə̄ nin̄-udən̄ kɔ̄ɔ́ jī nge kəla yā Nə́ɓā kə́ nge tɔ̄l̄ yo tə́ ní.

JONAS 4:8

Ba dan ń mbang ḭḭ kə̄ dɔɔ́ anī, Nə́ɓā rāā adə̄ néĺ kógə̄ḿ kə́ təngā kə́ dūn̄ ɓē tə́ əla ō, mbang ɔsə dɔ Jonas ō, adə̄ na i ngɔr kadə̄ ni sitə̄ kɔ̄ɔ́. Loo ń noō tə́ Jonas ndə̄ngā yo, ni-əda na: m̄-gḛy i yo banī i ndi kə kumuú alé.

JONAS 4:3

Kɔ́ɔ̄ɓē, ngɔlaā ní ə́ya̰m̄ ādə̄ m-óy. A̰á̰ā̰, m̄-gḛy i yo ba i ndi kə kumuú alé.

PĀ GƏ̄ 106:24

Nin̄-kídə̄n̄ ɓē kə́ majə ngá̰ý, taān̄ kem najə̄ yān alé.

NDŪ NAJƏ̄ 1:27

Ba ī-tāmī kə̄ kem kújə tandā yāsí gə̄ tə́ ə́daī na Kɔ́ɔ̄ɓē im̄sí na i mbée n na teē sesí kɔ̄ɔ́ kem ɓē kə́ Ejiptə tə́ ní. Na ndigə na i kəlasí kem jī Amor gə̄ tə́. Na ndigə na i nujə sesí kɔ̄ɔ́ malang.

TƏ́DA 11:15

Ré ā ī-rāām̄ i beé anī, ī-tɔ̄lə̄m̄ kɔ̄ɔ́ ādə̄ i só tə́. Ré ī-tɔ̄lə̄m̄ anī ī-rāā i kem majə seḿ kadə̄ m-á̰á̰ yá̰á̰ kə́ tōr̄ ń a rāā yā rāām̄ ní alé.

TƏ́DA 11:1

Ndɔ̄ kə́rēý tə́ ngán Israel gə̄ tāmə̄n̄ kə Kɔ́ɔ̄ɓē, adə̄ Kɔ́ɔ̄ɓē oō ní nelə̄n alé. Wōn̄g rāān adə̄ ni-əla hor yān dɔdə́ tə́ adə̄ o̰o̰ loo ta ngóy ɓē tə́.

PĀ GƏ̄ 106:45

Əga kemən dɔ madə̄ naā ń ni-əhɔ sedə́ ní tə́, anī lōō gíŕ yá̰á̰ ń sāā rāā ní tə́, sɔɔ̄ń kem majə yān kə́ ngá̰ý.

Makətūbə̄ yā Job 3:11

M-óy kem kó̰ó̰ḿ tə́ kɔ̄ɔ́ aĺ i najə̄ rí tə́? m̄-teē kem kó̰ó̰ḿ tə́ oy anī m-óy kɔ̄ɔ́ aĺ i tām̄ rí tə́?

1 MBAN̄G GƏ̄ 19:4

Nəkɔ́ njə̄rā ndɔ̄ kógə̄ḿ aw̄ń kem dəla loo tə́. Dan ń ugə̄ kem dəla loo tə́ anī, aw̄ ndi gír kāgə̄ jene kógə̄ḿ kə́ ra kə kérneé tə́. Ni ndə̄ngā yo əda na: Ngɔlaā m-ásə to̰ alé. Kɔ́ɔ̄ɓē, ī-taām̄ kə̄ rɔ̄í tə́, tɔdɔ̄ m̄-majə m̄-tɔȳ kaaḿ gə̄ alé.

HEBƏRO 3:16

De gə̄ ń oōn̄ ndū Nə́ɓā ba əsōn̄ wōn̄g tan tə́ ní i náā gə̄. I de gə̄ malang ń Moijə teē sedə́ kɔ̄ɔ́ kem ɓē kə́ Ejiptə tə́ ní.

TƏ́DA 11:5

Əga kemjí dɔ yá̰a̰ kəsa gə̄ ń kété j-a j-əsaī dɔ nang kə́ Ejiptə tə́ karī ní: Kānjə̄ ō, kosə́ ō, wasə̄ ō, tá̰a̰ puwaro ō, básal ō, túm ō.

TƏ́DA 14:1

Ngán Israel gə̄ malang unən̄ ndūdə́ kə̄ dɔɔ́ əganə̄ń kɔŕ ō, nōōn̄ naā ndɔ̄ ń noō tə́ ō.

TƏ́DA 14:22

de gə̄ malang ń a̰a̰n̄ kɔsə gɔn ń noō ō, a̰a̰n̄ yá̰a̰ kɔjə̄ gə̄ ń m̄-rāā dɔ nang kə́ Ejiptə tə́ ō, kem dəla loo tə́ ō, banī oōn̄ taḿ alé nāāmə̄nəń nja kutə kɔ̄ɔ́ ɓá ní,

TƏ́DA 16:13

Ī-teē sejí kɔ̄ɔ́ kem ɓē kə́ mba ō, yibə̄ tejə ō i ngá̰ý tū tə́ tə́, ba ī-reē sejí kem dəla loo tə́ kadə̄ j-oy kɔ̄ɔ́ ní asiī aĺ ɓáý á ī-sāā ndi dɔjí tə́ kə́ ngār tə́ ɓáý to̰ a.

TƏ́DA 20:3

kɔ̄lə̄n̄ kə Moijə ədan̄ na: Ngákó̰ó̰jí gə̄ ń oyn̄ ta kum Kɔ́ɔ̄ɓē tə́ ní, j-oy sedə́ anī i só tə́.

TƏ́DA 20:4

Jḭḭ ń i ngé kán̄ naā gə̄ yā Kɔ́ɔ̄ɓē ní, ī-reēī sejí kem dəla loo ń toō tə́ kadə̄ j-oy naā tə́ kə yá̰a̰ kul̄ yājí gēé i tām̄ rí tə́?

TƏ́DA 21:5

adə̄ əlan̄ gíŕ tə́da najə̄ dɔ Nə́ɓā tə́ ō, dɔ Moijə tə́ ō, ədan̄ na: Ī-teēī sejí kɔ̄ɔ́ kem ɓē kə́ Ejiptə tə́ i tām̄ rí tə́? I kadə̄ j-oy kem dəla loo tə́ a? Mápa gətoó laā ō, man̄ gətóo laā ō, mána ń i yá̰a̰ kəsa kə́ ɓāl̄ ɓō tə́ ní nel̄ tají to̰ aĺ ō.

PĀ GƏ̄ 106:25

Tāmə̄n̄ kə̄ kem kújə tandā yādə́ gə̄ tə́ ō, oōn̄ ta Kɔ́ɔ̄ɓē aĺ ō.

Teē Ngán Israel gə̄ 14:11

Nin̄-ədan̄ Moijə na: Bāá ɓádə gə̄ kə́ kem ɓē kə́ Ejiptə tə́ i ngá̰ý aĺ á ī-reē sejí laā kadə̄ j-oy kem dəla loo tə́ a? Ī-teē sejí kem ɓē kə́ Ejiptə tə́ kɔ̄ɔ́ i tām̄ rí tə́?

TƏ́DA 17:6

Teē kə ndɔ̄ kə́ noō anī, ngán Israel gə̄ malang tāmə̄n̄ kə Moijə nin̄ kə Aa̰ro̰ ədan̄ na: I sḭḭ̄ n ī-rāāī ādə̄ gír de gə̄ yā Kɔ́ɔ̄ɓē gə̄ oyn̄ ní.

TƏ́DA 20:2

Man̄ kə́ tām̄ yā ngán Israel gə̄ tə́ gətóo, adə̄ kósə de gə̄ kánə̄n̄ naā dɔ Moijə nin̄ kə Aaro̰ tə́, ba ḭḭn̄ sedə́ kə najá

NDŪ NAJƏ̄ 9:23

Tá dan ń jḭḭ̄ i Kades Barnea á ni-əlasí əda na kə āwī kə ī-taāī dɔ nang ń n-ādəsí ní anī, sḭḭ̄ ī-mbātíī koō ta Kɔ́ɔ̄ɓē Nə́ɓā yāsí kɔ̄ɔ́. Ī-taāī kemən alé, adə̄ ōōī tan alé.