TƏ́DA 14:14 - Bibəl ta Sar̄

¹⁴ ədan̄ de kə́ gō nang ń toō tə́ gə̄ gotə adə̄ oōn̄ ō. Nin̄ ń toō gerə̄n̄ kadə̄ ḭ̄ Kɔ́ɔ̄ɓē ḭ̄ i naā tə́ kə de gə̄ yāí gēé ō, ā ɔ́jə́də́ rɔ̄í ō, ā á̰a̰ī ta kum naā ō. Nin̄ gerə̄n̄ kadə̄ i ḭ̄ n i nge ngɔ̄m̄ deē yāí gə̄ ní, tām̄ ī-njə̄rā nodə́ tə́ kadaá dan kil̄ man̄ kə́ ra kə ngālāá ɓururu tə́ ō, ī-njə̄rā nodə́ tə́ ndɔ̄ɔ́ dan hor kə́ ra kə ngālāá ɓururu tə́ ō.

Bible sar

¹⁴ ədan̄ de kə́ gō nang ń toō tə́ gə̄ gotə adə̄ oōn̄ ō. Nin̄ ń toō gerə̄n̄ kadə̄ ḭ̄ Kɔ́ɔ̄ɓē ḭ̄ i naā tə́ kə de gə̄ yāí gēé ō, ā ɔ́jə́də́ rɔ̄í ō, ā á̰a̰ī ta kum naā ō. Nin̄ gerə̄n̄ kadə̄ i ḭ̄ n i nge ngɔ̄m̄ deē yāí gə̄ ní, tām̄ ī-njə̄rā nodə́ tə́ kadaá dan kil̄ man̄ kə́ ra kə ngālāá ɓururu tə́ ō, ī-njə̄rā nodə́ tə́ ndɔ̄ɔ́ dan hor kə́ ra kə ngālāá ɓururu tə́ ō.

TƏ́DA 14:14 Referans Kwoze

Teē Ngán Israel gə̄ 15:14

Gír de gə̄ ń nin̄ i madə̄ ɓēdə́ gə̄ ní oōn̄ anī ndewn̄. Kə̄ngā sāā gān̄g Pilistin gə̄ ō,

NDŪ NAJƏ̄ 5:4

Tasí a̰a̰ naā kə Kɔ́ɔ̄ɓēé n ɔrə̄ń najə̄ sesí dɔ mbalá kum hor tə́ ní.

Teē Ngán Israel gə̄ 33:11

Dan ń Kɔ́ɔ̄ɓē a ɔr̄ najə̄ kə Moijə ní, tadə́ a̰a̰ i naā tītə̄ ń deē a ɔrə̄ń najə̄ kə madə̄neé ní beē. Loo ń ɔrə̄n̄ najə̄ kə naá oy anī, Moijə tél a aw̄ i gogə́ kem ɓēé, ba nge kɔsə kílən kə́ balsáá kə́ ngōn̄ Nun ń i Jojue ní tá ndɔ́tə̄ loo alé, ni a ndi i gotən tə́ kem kújə tandāá.

JA̰A̰ 1:18

Deē kógə̄ḿ kə́ a̰a̰ Nə́ɓā gətóó bátə́. Ba Ngōn̄ Nə́ɓā kə́ kal kógə̄ḿ beē ń ndi naā tə́ ngándáńg kə Bɔbə̄ Ngōnōó ní, ni a rāā kadə̄ a ger̄nən̄.

PĀ GƏ̄ 78:14

Kadaá anī ni ɔrdə́ ta róbə kə kil̄ maná ō, ndɔ̄ɔ́ anī ɔrdə́ ta róbə kə hor kógə̄ḿ kə́ unjə̄ kow ō.

NEHEMI 9:19

Banī kumií o̰o̰ī ngá̰ý adə̄ ə́yá̰də́ kɔ̄ɔ́ kem dəla loo tə́ alé. Kil̄ man̄ kə́ ra kə ngālāá ɓururu ń a ɔjədə́ róbə kadaá ní ɔr̄ rɔ̄n kɔ̄ɔ́ rɔ̄də́ tə́ aĺ ō, hor kə́ ra kə ngālāá ɓururu ń a a̰a̰n̄neé loo dɔ róbə́ njə̄rādə́ tə́ ní ɔr̄ rɔ̄n kɔ̄ɔ́ rɔ̄də́ tə́ aĺ ō.

NEHEMI 9:12

Ɔ́r no gír deē yāí gə̄ kadaá i kə kil̄ man̄ kə́ ra kə ngālāá ɓururu ō, ndɔ̄ɔ́ anī i kə hor kə́ ra kə ngālāá ɓururu kadə̄ a̰a̰n̄neé loo dɔ róbə́ n njə̄rādə́ tū tə́ ní tə́ ō.

JOJUE 5:1

Dan ń ngār gə̄ malang yā Amor gə̄ ń ndin̄ gidə bā Jurdḛ tə́ kum kə̄ no ɓē tə́ ní ō, ngār gə̄ malang yā Kanaan gə̄ ń ndin̄ kə gō kadə bā boó ní ō, oōn̄ kadə̄ Kɔ́ɔ̄ɓē rāā adə̄ bā Jurdḛ iī kɔ̄ɔ́ no ngán Israel gə̄ tə́ bátə́ adə̄ jə-teēiń bā Jurdḛ anī, kemdə́ gān̄g man̄ adə̄ rɔ̄də́ oy yélélé kɔ̄ɔ́ no ngán Israel gə̄ tə́.

TƏ́DA 12:8

M-ɔ̄r̄ najə̄ seneé kadə̄ unjə̄ aĺ alé. Tají sɔɔ̄ ta naā ō, m̄-rāā kadə̄ ni a̰a̰m̄ ō, adə̄ ni-a̰a̰ yá̰á̰ ń i Kɔ́ɔ̄ɓē ní. Ba i tām̄ rí tə́ á sḭḭ̄ ī-ɓōlíī alé ba ī-tāmī kə nge kəla yāḿ Moijə ní?

TƏ́DA 10:34

Ré ndɔ́tə̄n̄ ɓē kadaá anī kil̄ man̄ yā Kɔ́ɔ̄ɓē i dɔdə́ tə́ dɔɔ́.

Teē Ngán Israel gə̄ 40:38

Tɔdɔ̄ kadaá anī kil̄ man̄ yā Kɔ́ɔ̄ɓē i dɔ kújə ndin tə́, ba ndɔ̄ɔ́ anī hor i tū kil̄ man̄ ní tə́, adə̄ ngán Israel gə̄ malang a̰a̰n̄. Yá̰á̰ ní to i tītə̄ ń noō bátə́ kadə̄ gír njə̄rā mbā yādə́ gāngəń.

TA KƏLA 32:30

Jakob əda na: m̄-rāāī ɓɔ́, ə́dam̄ rīí! Anī deē ni-tél ədan na: Ī-dəjem̄ rīḿ i yā rāań rí? Ba ni tɔ́r̄ tan dɔ Jakob tə́ loo nəkɔ́ ń noō tə́.

1 KORḚNTƏ 13:12

Kə́ ngɔr ń toō tə́ ɓáa yá̰á̰ ń j-a̰a̰ī ní to i tītə̄ ndíĺ yá̰á̰ kə́ tū kútə́ram tə́ beē, adə̄ j-a̰a̰ī unjə̄ ngá̰ý alé. Banī ndɔ̄ń tə́ anī j-a jə-raī ta naā tə́ yā ka̰a̰ kə kumjí. Kə́ ngɔr ń toō tə́ mā m̄-ger̄ yá̰a̰ malang alé, banī ndɔ̄ń tə́ anī m-ā m̄-ger̄ yá̰a̰ malang tītə̄ ń Nə́ɓā ger̄məń ní.

JA̰A̰ 14:9

Jeju ədan na: Pilipə, m̄-ndi sesí dan i ngá̰ý, ba ī-gerə̄m̄ aĺ a? Deē ń a̰a̰m̄ ní, a̰a̰ i Bɔbə́ḿ. I ba̰ý á ə́da na kə m-ɔ́jə́sí kə Bɔbə́ḿ ní?

PĀ GƏ̄ 105:39

Ni utə̄ dɔdə́ kə kil̄ maná ō, adə̄də́ hor kógə̄ḿ adə̄ a̰a̰n̄neé loo ndɔ̄ɔ́ ō.

NDŪ NAJƏ̄ 34:10

Ngé koō ta gə̄ ń utə̄n̄ gō Moijə dɔ nang kə́ Israel tə́ ní, nge kə́ to tītə̄n gətóo. Tām̄ dan ń Kɔ́ɔ̄ɓē ɔr̄ najə̄ seneé ní a̰a̰n̄ ta naā ō,

1 JA̰A̰ 3:2

Kó tár yāḿ gə̄, ngɔlaā ń toō jḭḭ̄ i ngáń Nə́ɓā, ba jī loo kətojí kə́ ndɔ̄ń tə́ ń j-a jə-toī ní, ɔjən̄ kə̄ ndágá aĺ ɓáý. Jə-gerī kadə̄ ré Kərist a ɔjə rɔ̄n kə̄ ndágá anī, j-a jə-toī tītə̄n. Tɔdɔ̄ j-a j-a̰a̰ī kadə̄ ni a to i kum gotən.

Teē Ngán Israel gə̄ 33:16

Tɔdɔ̄ ré na aw̄ sedə́ aĺ anī ké a gerə̄n̄ kadə̄ na rāā kem majə kə gír deē yān gēé ō, seneé ní Moijə ō, ké i ba̰ý wa. Na i ndin ni Kɔ́ɔ̄ɓē dɔ dáńdə́ tə́ ngóy n na a ɔjə kadə̄ nin̄ na i gír de gə̄ kə́ na n-ton̄ tītə̄ gotə gír de kə́ dɔ nang tə́ laā gə̄ aĺ ní.

NDŪ NAJƏ̄ 1:19

Gō tə́ anī j-ḭḭī mbal̄ Horeb tə́ kə gō ndū Kɔ́ɔ̄ɓē Nə́ɓā yājí, ba j-əndaī kem dəla loo kə́ bo ngá̰ý ō, to ɓōĺ ngá̰ý ō ń á̰a̰ī kə kumsí ní jə-gāngī. J-uniī i róbə́ kə́ teē mbal̄ ń Amor gə̄ ndin̄ tū tə́ ní n jə-reē j-ugīneé Kades Barnea ní.

NDŪ NAJƏ̄ 5:24

ba ədamə̄n̄ najə̄ ń ə̄ndāī tadə́ tə́ ní, ədan̄ na: Kɔ́ɔ̄ɓē Nə́ɓā yājí ɔjəjí kadə̄ ni i de kə́ bo ngá̰ý ō, ɔjəjí yá̰á̰ kə́ to kɔsə gɔn yān ō, adə̄ j-a̰a̰ kə kumjí ō, j-oō ndūn kum hor tə́ ō. Ɓōólaā ní jə-ger̄ kadə̄ Nə́ɓā asə kɔr̄ najə̄ kə de gēé ba kəya̰də́ kadə̄ ndin̄ kə kumdə́.