TƏ́DA 14:10 - Bibəl ta Sar̄

¹⁰ Ngán Israel gə̄ malang ɔrə̄n̄ najə̄ tə́nīdə́ kə mbalá yā tɔ̄l̄də́ anī kɔsə gɔn yā Kɔ́ɔ̄ɓē teē ta kumdə́ tə́ malang dɔ kújə kənge naā tə́.

Bible sar

¹⁰ Ngán Israel gə̄ malang ɔrə̄n̄ najə̄ tə́nīdə́ kə mbalá yā tɔ̄l̄də́ anī *kɔsə gɔn yā Kɔ́ɔ̄ɓē teē ta kumdə́ tə́ malang dɔ *kújə kənge naā tə́.

TƏ́DA 14:10 Referans Kwoze

Teē Ngán Israel gə̄ 17:4

Moijə nōō kə̄ dɔ Kɔ́ɔ̄ɓē tə́ ədan na ké i rí n kə n-rāā tām̄ yā gír de gə̄ ń noō tə́ wa, na sḛ́ý to̰ a na a tə́nīnən̄ kə kūbə̄rū mbalá.

LEBI GƏ̄ 9:23

Moijə nin̄ kə Aaro̰ udən̄ kem kújə kənge naā tə́. Ba tél teēn̄ ndágá tɔ̄rə̄n̄ tadə́ dɔ de gə̄ tə́. Loo ń noō tə́ kɔsə gɔn yā Kɔ́ɔ̄ɓē ndɔ̄bə̄ ngán Israel gə̄ malang.

Teē Ngán Israel gə̄ 16:10

Dan ń Aaro̰ a ɔr̄ najə̄ kə ngán Israel gēé ní, nin̄-tūrə̄n̄ kumdə́ i kə̄ dəla loo tə́. Loo ń noō tə́ kɔsə gɔn yā Kɔ́ɔ̄ɓē teē tū kil̄ man̄ tə́.

MATIYE 23:37

Ɓē kə́ Jerusalem, ɓē kə́ Jerusalem, ḭ̄ ń i nge tɔ̄l̄ ngé koō ta gə̄ ō, nge tə́nī ngé gə̄ ń Nə́ɓā əladə́ looí ní kə mbalá tə́nī tɔ̄l̄də́ ō ní! Nja i kóndóńg n m̄-gḛy kán̄ ngání gə̄ kə̄ naā tə́, tītə̄ ń kó̰o̰ kə̄njá a kánəń ngánən gə̄ gír bɔ̄gə̄n tə́ ní? Ba ngání gə̄ gḛyn̄ alé!

1 SAMUEL 30:6

Loo təngā Dabid ngá̰ý tɔdɔ̄ de gə̄ ɔrə̄n̄ najə̄ tə́nīn kə mbalá yā tɔ̄lən: de gə̄ malang ní wurdə́ atə̄də́ ngá̰ý tām̄ yā ngáńdə́ kə́ dəngam gə̄ ō kə́ dəyá̰ gə̄ ō tə́. Banī Dabid tél əhɔ rɔ̄n tɔgə kə ta kūl̄ Kɔ́ɔ̄ɓē Nə́ɓā yānneé.

TƏ́DA 20:6

Moijə nin̄ kə Aaro̰ əya̰n̄ ngán Israel gə̄ ba ɔtə aw̄n̄ ta kújə kənge naā tə́, əsō sébən̄ kumdə́ nang tə́. Anī kɔsə gɔn yā Kɔ́ɔ̄ɓē teē ta kumdə́ tə́.

TƏ́DA 16:19

Kore ɓāŕ de kə́ gōn tə́ gə̄ malang adə̄ reē ran̄ ta kújə́ ní tə́. Anī kɔsə gɔn yā Kɔ́ɔ̄ɓē teē ta kum ngán Israel gə̄ tə́ malang adə̄ a̰a̰n̄.

Teē Ngán Israel gə̄ 16:7

Bírí dəloí anī na a a̰a̰n̄ kɔsə gɔn yā Kɔ́ɔ̄ɓē, tɔdɔ̄ ni na oō tām̄ ń na tāmə̄n̄ seneé ní. Ké nin̄ n-asən̄ i rí deē dɔdə́ yā kadə̄ tāmə̄n̄ sedə́ nin̄ ní wa.

KƏLA RĀĀ 7:59

Dan ń a tə́nīn̄ Etiyen ní, Etiyen ɓāŕ Kɔ́ɔ̄ɓē əda na: Kɔ́ɔ̄ɓē Jeju, ī-taā ndílə́ḿ!

KƏLA RĀĀ 7:52

I nge koō ta kə́ rá n kaasí gə̄ rāānən̄ ndoō tə́ aĺ ní? Ngé koō ta gə̄ ń ədan̄ najə̄ reē yā de kə́ súmūú kə́ kal kógə̄ḿ beē kété ní, nin̄-tɔ̄lə̄n̄də́ kɔ̄ɔ́. I de kə́ súmūú ní n sḭḭ̄ ə́hɔī gōn alé ba ə́ya̰niī kɔ̄ɔ́ ō, ī-tɔ̄l̄niī ō ní.

Teē Ngán Israel gə̄ 40:34

Kil̄ man̄ reē utə̄ dɔ kújə kənge naā malang ō, kɔsə gɔn yā Kɔ́ɔ̄ɓē reē taā kem kújə yān malang ō.

TƏ́DA 17:7

Ngán Israel gə̄ a kán̄ naā kə̄ dɔ Moijə nin̄ kə Aaro̰ tə́, ba nin̄ tūrə̄n̄ kumdə́ sɔɔ̄ kújə kənge naā. Ɓá anī kil̄ man̄ utə̄ dɔ kújə́ ní. Kɔsə gɔn yā Kɔ́ɔ̄ɓē teē danaá.