TƏ́DA 13:8 - Bibəl ta Sar̄

⁸ Hose ngōn̄ Nun, tām̄ yā gír ɓē yā Epəraim tə́.

Bible sar

⁸ Hose ngōn̄ Nun, tām̄ yā gír ɓē yā *Epəraim tə́.

TƏ́DA 13:8 Referans Kwoze

TƏ́DA 11:28

Jojue ngōn̄ Nun ń rāā kəla yā Moijə i kə ngōn̄ dūúneé ní əda na: Kɔ́ɔ̄ḿ Moijə, ɔ̄gə̄də́ rāā.

Teē Ngán Israel gə̄ 24:13

Moijə əda kum kɔɔ̄ gə̄ yā ngán Israel gə̄ na kə ngóōn̄də́ loo ń noō tə́ kadə̄ n-tél kə n-reē kə n-əngen̄də́. Aaro̰ ō, Hur ō, na a ndin̄ sedə́ kə̄ naā tə́. Adə̄ ré najə̄ kə to ɓáa, kə aw̄n̄neé rɔ̄də́ tə́. Moijə ɔtə al̄ dɔ mbalá nin̄ kə Jojue nge kɔsə kílən.

JOJUE 1:16

Nin̄ tél ədan̄ Jojue na: Yá̰a̰ malang ń ə́dájí kadə̄ jə-rāā ní, j-a jə-rāā ō, loo malang ń ə́lájí tū tə́ ní j-a j-aw̄ ō.

NDŪ NAJƏ̄ 34:9

Ndíl kum kedə̄ rosə kem Jojue ngōn̄ Nun, tɔdɔ̄ Moijə əndā jīn dɔn tə́. Ngán Israel gə̄ oōn̄ tan, adə̄ rāān̄ yá̰a̰ i kə gō ndū ń Kɔ́ɔ̄ɓē ədań Moijə ní.

NDŪ NAJƏ̄ 32:44

Moijə nin̄ kə̄ Hose ngōn̄ Nun reē ran̄ no gír de gə̄ tə́ ba unən̄ ndūdə́ kə̄ dɔɔ́ tə́dan̄neé pā ní malang adə̄ oōn̄.

NDŪ NAJƏ̄ 31:23

Gō tə́ anī Kɔ́ɔ̄ɓē əda Jojue ngōn̄ Nun na: Ə́hɔ rɔ̄í tɔgə ō, ī-ra dəngam ō, tɔdɔ̄ i ḭ̄ n ā āw̄ kə ngán Israel gēé dɔ nang ń m-ə̄nī ndūḿ yā kadə̄də́ tə́ ní. Ba mā i naā tə́ seí.

NDŪ NAJƏ̄ 31:14

Kɔ́ɔ̄ɓē əda Moijə na: Ndɔ̄ ń kadə̄ óyń ní a ugə̄ ngɔr. Ní ī-ɓāŕ Jojue ba āwī kem kújə kənge naā tə́ ādə̄ m-ɔ́jən yá̰á̰ kə́ yā rāā gə̄. Adə̄ Moijə nin̄ kə Jojue aw̄n̄ kem kújə kənge naā tə́.

TƏ́DA 13:16

De gə̄ ń Moijə əladə́ kəndā ma̰ȳ nang kə́ Kanaan tə́ ní, rīdə́ n noó. Moijə ənda rī Hose ngōn̄ Nun na i Jojue.

Teē Ngán Israel gə̄ 32:17

Dan ń Jojue oō kōō kɔŕ ń ngán Israel gə̄ a əgan̄ ní anī, əda Moijə na i kɔŕ rɔ̄ɔ̄ n a ɓār̄ kem ɓēé noō.

TƏ́DA 13:7

Igal ngōn̄ Jəjep, tām̄ yā gír ɓē yā Isakar tə́.

TƏ́DA 13:9

Palti ngōn̄ Rapu, tām̄ yā gír ɓē yā Benjamḛ tə́.

JOJUE 19:50

Nin̄ adə̄nən̄ ɓē ń ni-dəje ní tītə̄ ń Kɔ́ɔ̄ɓē ədań ní. Adə̄nən̄ ɓē kə́ Timnat Sera gō, nang yā Epəraim kə́ mbalá tə́ Jojue rāā ɓē ní gogə́ rang ba ndi tū tə́.

1 YÁ̰A̰ GƏ̄ 7:27

Nun ō, Jojue ō.