TƏ́DA 13:32 - Bibəl ta Sar̄

³² Ba əlan̄ gír a tə́dan̄ najə̄ kə́ majaĺ gə̄ dɔ ɓē ń aw̄ a̰a̰n̄ tə́ ní ta kum ngán Israel gə̄ tə́, ədan̄ na: Dɔ nang ń j-āw̄ j-əndā ma̰ȳ j-a̰ā̰ ní i dɔ nang kə́ a əsa i de kə́ tū tə́ gə̄. Tá de gə̄ malang ń j-a̰a̰də́ tū tə́ ní i de ké ngāl̄ ngá̰ý gə̄.

Bible sar

³² Ba əlan̄ gír a tə́dan̄ najə̄ kə́ majaĺ gə̄ dɔ ɓē ń aw̄ a̰a̰n̄ tə́ ní ta kum ngán *Israel gə̄ tə́, ədan̄ na: Dɔ nang ń j-āw̄ j-əndā ma̰ȳ j-a̰ā̰ ní i dɔ nang kə́ a əsa i de kə́ tū tə́ gə̄. Tá de gə̄ malang ń j-a̰a̰də́ tū tə́ ní i de ké ngāl̄ ngá̰ý gə̄.

TƏ́DA 13:32 Referans Kwoze

AMOS 2:9

Tá mā m̄-nujə Amor gə̄ tām̄ yāsí tə́. De gə̄ ngeé ń noō ní, ngālə̄n̄ tītə̄ kāgə̄ sedər gə̄ beé ō, ngangə̄n̄ tītə̄ kāgə̄ sén gə̄ beé ō. Ba m̄-nujədə́ kɔ̄ɔ́ malang.

MATIYE 23:13

Sḭḭ̄ ngé ndóō de gə̄ ndū najə̄ gə̄ ō, Parijiyḛ gə̄ ō, sḭḭ̄ ń i ngé gól̄ kum de gə̄ ní, yāsí i rɔ̄ ndoō! Tɔdɔ̄ sḭḭ̄ ūtī ta róbə Ɓē ko̰o̰ kə́ dɔ rā̰ tə́ kɔ̄ɔ́ ta de gə̄ tə́. Sḭḭ̄ kɔ́ gə̄ údiī kemeé aĺ ō, ngé gə̄ ń gḛyn̄ kudə kemeé ní a sḭḭ̄ ɔ̄gīdə́ kudə kemeé kɔ̄ɔ́ ō.

1 YÁ̰A̰ GƏ̄ 20:6

Rɔ̄ɔ̄ kə́ rang to ɓáý to̰ kem ɓē kə́ Gat tə́. Báw de kógə̄ḿ kə́ ta ngán jīn gē njan gē i mehḛ́ mehḛ́, adə̄ malang ɓáa i kutə jōó gidə i sɔ́ i noó. Ni i de kə́ gíŕ kaa yā Harapa tə́ ō.

2 SAMUEL 21:20

Rɔ̄ kə́ rang əsō kem ɓē kə́ Gat tə́ ɓáý to̰. Go̰ rɔ̄ɔ̄ kógə̄ḿ i noó. Ta ngán jīn gə̄ i mehḛ́ mehḛ́ ō, ta ngán njan gə̄ i mehḛ́ mehḛ́ ō, adə̄ ta ngán jīn gē njan gē malang i kutə jōó gidə i sɔ́. Ni i de kə́ gír kaa yā Harapa tə́ ō.

NDŪ NAJƏ̄ 1:28

Ní ké kə ə́laī dɔsí i rá ta wa. Tɔ́gə́sí kə́ kadə̄ āwīneé na gətóo, tām̄ ngákó̰ó̰sí gə̄ na ədan̄sí adə̄ gān̄g na tɔ́gə de kə́ dɔ nang ní tə́ gə̄ na tɔȳ yāsí ō, de gə̄ ní na ngālən tɔȳn̄sí ō, ɓē yādə́ gə̄ na i ɓē kə́ bo ngá̰ý gə̄ ō, ndogə̄ mbal̄ kə́ gidə ɓē yādə́ gə̄ tə́ na i kə́ ngāl̄ ngá̰ý kum kə̄ dɔɔ́ gə̄ ō, na n-a̰a̰n̄ ngán Anak gə̄ dɔ nang ní tə́ ō.

TƏ́DA 13:28

Ba ɓē bo kə́ tū tə́ gə̄ i ɓē kə́ ngan̄g ngá̰ý gə̄ ō, gír de gə̄ ń ndin̄ kemeé ní i gír de gə̄ kə́ tɔ́gə́də́ i ngá̰ý ō. Tá j-a̰a̰ de kə́ ngāl̄ ngá̰ý gə̄ kə́ gír kaa yā Anak tə́ dɔ nang ní tə́ ō.

PĀ GƏ̄ 106:24

Nin̄-kídə̄n̄ ɓē kə́ majə ngá̰ý, taān̄ kem najə̄ yān alé.

EJEKIEL 36:12

Sḭḭ̄ Israel gə̄ ń i gír deē yāḿ gə̄ ní, m-ā m̄-rāāsí kadə̄ ā ī-njə̄rāī kə̄ loo gə̄ tə́ kem ɓēé. Ā ə́ngeī ɓē ō, ɓē ní ndɔ̄ń tə́ i yāsí ō, ni a tɔ̄l̄ ngáńsí gə̄ to̰ aĺ ō i kə́ bátə́ gə̄ tə́ ō.

AMOS 2:10

Kété ní, mā m̄-teē sesí kɔ̄ɔ́ kem ɓē kə́ Ejiptə tə́ ō, m-ɔ́r nosí dəla loo tə́ ɓāl̄ kutə sɔ́ yā kadə̄ ə́ngeīń dɔ nang yā Amor gə̄ ō.