TƏ́DA 13:29 - Bibəl ta Sar̄

²⁹ Amalek gə̄ ndin̄ i gō nang kə́ Negeb tə́. Ba Het gə̄ ō, Yebus gə̄ ō, Amor gə̄ ō, ndin̄ i dām̄ kə́ mbalá tə́. Kanaan gə̄ ndin̄ i kadə bā bo tə́ ō, kə gō kadə bā Jurdḛ ō.

Bible sar

²⁹ Amalek gə̄ ndin̄ i gō nang kə́ Negeb tə́. Ba Het gə̄ ō, Yebus gə̄ ō, *Amor gə̄ ō, ndin̄ i dām̄ kə́ mbalá tə́. Kanaan gə̄ ndin̄ i kadə bā bo tə́ ō, kə gō kadə bā Jurdḛ ō.

TƏ́DA 13:29 Referans Kwoze

TƏ́DA 14:43

Tɔdɔ̄ Amalek gə̄ ō, Kanaan gə̄ ō, nin̄ i nosí tə́ noó. A tɔ̄lə̄n̄sí kɔ̄ɔ́ malang tām̄ sḭḭ̄ ī-lōōī njə̄rā gō Kɔ́ɔ̄ɓē tə́ kɔ̄ɔ́, adə̄ Kɔ́ɔ̄ɓē a aw̄ sesí alé.

NGÉ SARYA 6:3

Ré ngán Israel gə̄ dubə̄n̄ kōō oy anī Madian gə̄ kə Amalek gə̄, kə ngáń kə́ gír ɓē tə́ gə̄ reē a rɔ̄ɔ̄n̄də́ i mbée dejə.

PĀ GƏ̄ 83:7

Madə̄ ba̰ā̰í gə̄ ní i Edom gə̄ ō Ismael gə̄ ō Moab gə̄ ō Agar gə̄ ō Gebal gə̄ ō

1 SAMUEL 30:1

Dabid nin̄ kə deē yān gēé ugə̄n̄ kem ɓē kə́ Sikəlag tə́ i kə ndɔ̄ kə́ nge ko̰ mətá. Ba kété pá tá kadə̄ nin̄ ugə̄n̄ ní, Amalek gə̄ aw̄ ɓogən̄ de gə̄ kə́ dɔ nang kə́ Negeb tə́ ō de gə̄ kə́ kem ɓē kə́ Sikəlag tə́ ō. Nin̄ nujən̄ ɓē sák sák kɔ̄ɔ́ ō əlan̄ hor dɔ tə́ ō.

1 SAMUEL 14:48

Ni-gān̄g dɔ ngán Israel gə̄ jī ngé rɔ̄ɔ̄də́ ba kɔyń yá̰a̰ kənge yādə́ gə̄ tə́ i tītə̄ noō.

TƏ́DA 24:20

Gō tə́ anī Balam a̰a̰ Amalek gə̄ ba tə́da najə̄ gə̄ ń toō: Amalek gə̄ i nápar de gə̄ kə́ tɔ́gə́də́ i ngá̰ý, banī ndɔ̄ kə́rēý tə́ anī a nujən̄də́ sák sák kɔ̄ɔ́.

TƏ́DA 14:45

Tā anī Amalek gə̄ ō, Kanaan gə̄ ō ń ndin̄ dɔ mbalá ní risə reē rɔ̄ɔ̄n̄ ngán Israel gə̄ ō, tə̄ɓān̄də́ bátə́ ugə̄n̄ sedə́ Horma ō.

TƏ́DA 14:25

Amalek gə̄ ō, Kanaan gə̄ ō, ndin̄ wól loo gə̄ kə́ dɔ nang ń noō tə́. Ní, bírí anī ī-téliī dɔ tə́, āwī gogə́ kem dəla loo tə́, ādī kumsí sɔɔ̄ bā tə̄ɓā gə̄.

Teē Ngán Israel gə̄ 3:17

Adə̄ əda na n-a n-teē sedə́ kem ɓē ń na rāān̄ kumdə́ ndoō tə́ tū tə́ ní kɔ̄ɔ́, yā kaw̄ sedə́ dɔ nang yā Kanaan gə̄ tə́ ō, Het gə̄ tə́ ō, Amor gə̄ tə́ ō, Periji gə̄ tə́ ō, Hibi gə̄ tə́ ō, Yebus gə̄ tə́ ō, adə̄ i dɔ nang ń mba ō, yibə̄ tejə ō, i ngá̰ý tū tə́ ní tə́.

Teē Ngán Israel gə̄ 3:8

Adə̄ m̄-reē i gān̄g dɔdə́ tə́ jī de kə́ Ejiptə gə̄ tə́ ō, i teē sedə́ tə́ kem ɓē ń toō tə́ kɔ̄ɔ́ ō, yā kaw̄ sedə́ dɔ nang kə́ majə ō, laa ngá̰ý ō tə́, dɔ nang kə́ mba ō, yibə̄ tejə ō i ngá̰ý tū tə́ tə́. I dɔ nang ń Kanaan gə̄ ō, Het gə̄ ō, Amor gə̄ ō, Periji gə̄ ō, Hibi gə̄ ō, Yebus gə̄ ō, ndin̄ tū tə́ ní.

TA KƏLA 14:7

Gō tə́ anī nin̄ tél reēn̄ En Misəpat ń i Kades ní, ba rɔ̄ɔ̄n̄ Amalek gə̄ dɔ nang yādə́ tə́ malang ō, Amor gə̄ ń ndin̄ Hasason Tamar ní ō.

TƏ́DA 13:17

Pá tá kadə̄ aw̄n̄ ní, Moijə ədadə́ na: Ī-teēī gō nang kə́ Negeb tə́, ba āwī dām̄ kə́ mbalá tə́.

TƏ́DA 13:30

Kaleb adə̄ de gə̄ ń a tāmə̄n̄ kə Moijə ní ran̄ tadə́ mbóo, ní əda na: J-aw̄ jə-taāī dɔ nang ní. J-a jə-tetiī rɔ̄ɔ̄.

JOJUE 5:1

Dan ń ngār gə̄ malang yā Amor gə̄ ń ndin̄ gidə bā Jurdḛ tə́ kum kə̄ no ɓē tə́ ní ō, ngār gə̄ malang yā Kanaan gə̄ ń ndin̄ kə gō kadə bā boó ní ō, oōn̄ kadə̄ Kɔ́ɔ̄ɓē rāā adə̄ bā Jurdḛ iī kɔ̄ɔ́ no ngán Israel gə̄ tə́ bátə́ adə̄ jə-teēiń bā Jurdḛ anī, kemdə́ gān̄g man̄ adə̄ rɔ̄də́ oy yélélé kɔ̄ɔ́ no ngán Israel gə̄ tə́.

JOJUE 9:1

Dan ń mban̄g gə̄ ń ndin̄ gidə bā Jurdḛ tə́ gō nang kə́ mbal̄ bo gə̄ i tū tə́ tə́ ō, kə́ mbal̄ bo gə̄ gətóon̄ tū tə́ tə́ ō, kə́ kadə̄ bā bo tə́ bátə́ ugə̄n̄ Liban ō, adə̄ i Het gə̄, kə Amor gə̄ kə Kanaan gə̄, kə Periji gə̄, kə Hibi gə̄, kə Yebus gə̄ ní, oōn̄ najə̄ yā ɓē kə́ Ai kə́ nujə kɔ̄ɔ́ anī,

JOJUE 10:5

I beé n mban̄g kə́ mí gə̄ yā Amor gə̄, adə̄ i mban̄g kə́ Jerusalem ō, kə́ Hebron ō, kə́ Yarmut ō, kə́ Lakis ō, kə́ Egəlon ō, əndān̄neé rɔ̄də́ naā tə́ ba ɔynə̄ń ɓūtə̄ áskar yādə́ gə̄ malang aw̄ utə̄n̄neé ɓē kə́ Gabaon yā rɔ̄ɔ̄n ní.

JOJUE 10:6

De kə́ Gabaon gə̄ əlan̄ kəla ədan̄ Jojue gérger kə́ Gilgal tə́ na: Ī-lōō əya̰ ɓer̄ yāí gə̄ kɔ̄ɔ́, ī-reē láẃ ī-dḭḭ̄jí ba ájə́jí. Tɔdɔ̄ mban̄g yā Amor gə̄ malang ń ndin̄ gō nang kə́ mbalá tə́ ní, ɓoon̄ naā dɔjí tə́.

1 SAMUEL 7:14

Ɓē gə̄ ń Pilistin gə̄ táān̄ jī Israel gə̄ tə́ adə̄ əla gír i dɔ ɓē kə́ Ekəron tə́ bátə́ ugə̄ń Gat ní, tél reēn̄ gír jī ngán Israel gə̄ tə́ gogə́ malang. Israel gə̄ tél taān̄ dɔ nang yādə́ jī Pilistin gə̄ tə́. Lɔm to dɔ dán Israel gə̄ kə Amor gēé tə́.

NDŪ NAJƏ̄ 7:1

Kɔ́ɔ̄ɓē Nə́ɓā yāsí a aw̄ sesí dɔ nang ń kadə̄ ī-taāī tə́ ní. A tə̄ɓā nápar de kə́ ngá̰ý gə̄ kə́ dɔ nang ní tə́ kɔ̄ɔ́ nosí tə́. A tə̄ɓā nápar de gə̄ sīrí kə́ nin̄ i ngá̰ý tɔȳsí ō, ngangə̄n̄ tɔȳsí ō, adə̄ i Het gə̄ ō, Girgas gə̄ ō, Amor gə̄ ō, Kanaan gə̄ ō, Periji gə̄ ō, Hibi gə̄ ō, Yebus gə̄ ō.

NDŪ NAJƏ̄ 20:17

Ā ī-*bāā dɔ Het gə̄ ō, Amor gə̄ ō, Kanaan gə̄ ō, Periji gə̄ ō, Hibi gə̄ ō, Yebus gə̄ ō, kɔ̄ɔ́ malang tītə̄ ń Kɔ́ɔ̄ɓē Nə́ɓā yāí ədaīneé ní,

JOJUE 3:10

Ā ī-gerī kadə̄ Nə́ɓā kə́ kə kumuúi dɔ dáńsí tə́ ō, kadə̄ ni a tə̄ɓā Kanaan gə̄ ō, Het gə̄ ō, Hibi gə̄ ō, Periji gə̄ ō, Girgas gə̄ ō, Amor gə̄ ō, Yebus gə̄ kɔ̄ɔ́ nosí tə́ i kə ta kūl̄ yá̰á̰ ń toō:

NGÉ SARYA 3:5

Adə̄ ngán Israel gə̄ ndin̄ dan Kanaan gə̄ tə́ ō, Het gə̄ tə́ ō, Amor gə̄ tə́ ō, Periji gə̄ tə́ ō, Hibi gə̄ tə́ ō, Yebus gə̄ tə́ ō.

1 SAMUEL 27:8

Dabid nin̄ kə deē yān gēé a ḭḭn̄ i Sikəlag n a aw̄ a rɔ̄ɔ̄n̄neé Gesur gə̄ ō Girji gə̄ ō Amalek gə̄ ō ní. Gesur gə̄ kə Girji gə̄ kə Amalek gə̄ i de gə̄ kə́ ndin̄ gō nang ń noō tə́ i jóo. Nin̄ ndin̄ ta kaw̄ kə̄ Sur ō ndin̄ bátə́ kum kə̄ dɔ nin̄ dɔ nang kə́ Ejiptə tə́ ō.

NEHEMI 9:8

Á̰a̰ā̰ kadə̄ ni i de kə́ ra dɔ ndūn tə́, adə̄ ə̄nī ndūí yā kadə̄n dɔ nang yā Kanaan gə̄ ō Het gə̄ ō Amor gə̄ ō Periji gə̄ ō Yebus gə̄ ō Girgas gə̄ ō, kadə̄ ngánən gə̄ ō ngán kaan gə̄ ō ndin̄ tū tə́. Ī-rāā yá̰á̰ ń ə̄nī ndūí yā rāā ní tɔdɔ̄ ḭ̄ i de kə́ súmūú.