TƏ́DA 13:27 - Bibəl ta Sar̄

²⁷ Najə̄ ń ədan̄ Moijə ní n toó: J-aw̄ j-ugə dɔ nang ń ə́lájí tū tə́ ní. I dɔ nang kə́ mba ō, yibə̄ tejə ō, i ngá̰ý tū tə́ rɔ̄kum. Á̰a̰ā̰ kan̄ kāgə̄ kə́ tū tə́ gə̄ n toó.

Bible sar

²⁷ Najə̄ ń ədan̄ Moijə ní n toó: J-aw̄ j-ugə dɔ nang ń ə́lájí tū tə́ ní. I dɔ nang kə́ mba ō, yibə̄ tejə ō, i ngá̰ý tū tə́ rɔ̄kum. Á̰a̰ā̰ kan̄ kāgə̄ kə́ tū tə́ gə̄ n toó.

TƏ́DA 13:27 Referans Kwoze

Teē Ngán Israel gə̄ 3:8

Adə̄ m̄-reē i gān̄g dɔdə́ tə́ jī de kə́ Ejiptə gə̄ tə́ ō, i teē sedə́ tə́ kem ɓē ń toō tə́ kɔ̄ɔ́ ō, yā kaw̄ sedə́ dɔ nang kə́ majə ō, laa ngá̰ý ō tə́, dɔ nang kə́ mba ō, yibə̄ tejə ō i ngá̰ý tū tə́ tə́. I dɔ nang ń Kanaan gə̄ ō, Het gə̄ ō, Amor gə̄ ō, Periji gə̄ ō, Hibi gə̄ ō, Yebus gə̄ ō, ndin̄ tū tə́ ní.

Teē Ngán Israel gə̄ 3:17

Adə̄ əda na n-a n-teē sedə́ kem ɓē ń na rāān̄ kumdə́ ndoō tə́ tū tə́ ní kɔ̄ɔ́, yā kaw̄ sedə́ dɔ nang yā Kanaan gə̄ tə́ ō, Het gə̄ tə́ ō, Amor gə̄ tə́ ō, Periji gə̄ tə́ ō, Hibi gə̄ tə́ ō, Yebus gə̄ tə́ ō, adə̄ i dɔ nang ń mba ō, yibə̄ tejə ō, i ngá̰ý tū tə́ ní tə́.

Teē Ngán Israel gə̄ 13:5

Loo ń Kɔ́ɔ̄ɓē aw̄ sesí adə̄ ūgī dɔ nang yā Kanaan gə̄ tə́ ō, Het gə̄ tə́ ō, Amor gə̄ tə́ ō, Hibi gə̄ tə́ ō, Yebus gə̄ tə́ ō anī, ā ī-rāāī nāā yā kadə̄ əgań kemsí dɔ yá̰á̰ ń rāā yá̰a̰ kem nāā ń toō tə́ ní kə dɔ ɓāl̄ gə̄. Dɔ nang ní i dɔ nang ń ni-ənī míndən dɔ tə́ adə̄ kaasí gə̄ yā kadə̄sí ní. I dɔ nang kə́ mba ō, yibə̄ tejə ō i ngá̰ý tū tə́.

NDŪ NAJƏ̄ 31:20

Tɔdɔ̄ m-ā m-āw̄ sedə́ dɔ nang ń mba ō, yibə̄ tejə ō, i ngá̰ý tū tə́ á m-ə̄nī ndūḿ m-ādə̄ kaadə́ gə̄ ní tə́. A əsan̄ yá̰a̰ kadə̄ asədə́ ō, a ndin̄ majə ō. Gō tə́ anī a tūrə̄n̄ rɔ̄də́ kə̄ rɔ̄ ɓesə̄ gə̄ tə́ yā rāā kəla kadə̄də́. Ba a kídə̄mə̄n̄ ō, a gāngə̄n̄ madə̄ naā ń m-ə́hɔ sedə́ ní kɔ̄ɔ́ ō.

Teē Ngán Israel gə̄ 33:3

Kə aw̄n̄ dɔ nang ń mba ō, yibə̄ tejə ō, na i ngá̰ý tū tə́ ní tə́. Ba na n-a n-njə̄rā dɔ dáńdə́ tə́ yā kaw̄ń sedə́ alé. Ré na n-njə̄rā dɔ dáńdə́ tə́ anī, na n-a n-tɔ̄l̄də́ róbó kɔ̄ɔ́ malang, tɔdɔ̄ nin̄ na i gír de kə́ dɔdə́ na ngan̄g ngá̰ý gə̄.

NDŪ NAJƏ̄ 27:3

Ā ī-ndangiī yá̰á̰ kə́ yā rāā gə̄ malang ń ndū najə̄ ń toō əda ní dɔ tə́ ō. I beé n ā ūgīneé dɔ nang ń Kɔ́ɔ̄ɓē Nə́ɓā yāsí adə̄sí tə́ ní. Dɔ nang ń mba ō, yibə̄ tejə ō, i ngá̰ý tū tə́, tītə̄ ń Kɔ́ɔ̄ɓē Nə́ɓā yā kaasí gə̄ ədańsí ní.

NDŪ NAJƏ̄ 26:9

Ni-reē sejí laā ba adə̄jí dɔ nang kə́ mba ō, yibə̄ tejə ō, i ngá̰ý tū tə́ ń toō.

NDŪ NAJƏ̄ 11:9

Loo ń noō tə́ a ī-ndiī kə kumsí ɓāl̄ ngá̰ý kem ɓē ń mba ō, yibə̄ tejə ō, i ngá̰ý tū tə́, á Kɔ́ɔ̄ɓē ənī ndūn yā kadə̄ kaasí gə̄ ō, ngáńdə́ gə̄ ō, ngán kaadə́ gə̄ ō ní.

NDŪ NAJƏ̄ 6:3

Ngán Israel gə̄ ōōī ō, ə̄ndāī kumsí gírí kadə̄ úniī gō ō, ɓáa rɔ̄sí a nel̄sí ō, kutəsí a reē ngá̰ý dɔ madə̄ tə́ ō, kem ɓē ń mba ō, yibə̄ tejə ō, i ngá̰ý tū tə́ ní tə́ tītə̄ ń Kɔ́ɔ̄ɓē Nə́ɓā yā kaasí ənīń míndən adə̄sí ní.

TƏ́DA 14:8

kə́ mba ō, yibə̄ tejə ō, i ngá̰ý tū tə́. Ré nel̄ Kɔ́ɔ̄ɓē sejí anī a aw̄ sejí tū tə́ yā kadə̄jí.

EJEKIEL 20:15

Banī m̄-túbə m-ādə̄də́ kem dəla loo tə́ kadə̄ m-ɔ́ŕdə́ ta róbə m-āw̄ sedə́ dɔ nang ń m-ādə̄də́ tə́ ní alé. I dɔ nang kə́ majə tɔȳ dɔ nang gə̄ malang. I dɔ nang kə́ mba ō, yibə̄ tejə ō i ngá̰ý tū tə́.

EJEKIEL 20:6

Ndɔ̄ ngeé ń noō tə́ ní, m̄-túbə m-ə́da na m-ā m̄-teē sedə́ kɔ̄ɔ́ kem ɓē kə́ Ejiptə tə́, yā kaw̄ sedə́ dɔ nang kə́ m-ə̄ndā ma̰ȳn tām̄ yādə́ tə́ tə́. I dɔ nang kə́ majə tɔȳ dɔ nang gə̄ malang. I dɔ nang kə́ mba ō, yibə̄ tejə ō i ngá̰ý tū tə́.

JEREMI 32:22

Ḭ̄ ādə̄də́ ɓē ń toō ń ə̄nī ndūí dɔ tə́ ō, ī-túbə ō yā kadə̄ kaadə́ gə̄ ní. I ɓē kə́ mba ō, yibə̄ tejə ō ngá̰ý tū tə́.

JEREMI 11:5

Ɓáa m-ā m̄-rāā yá̰á̰ ń m̄-túbə̄ njaḿ m-ādə̄ kaasí gə̄ á i kadə̄ m-ādə̄də́ ɓē kógə̄ḿ kə́ mba ō, yibə̄ tejə ō i ngá̰ý tū tə́ ní. Ngɔlaā ɓē ní i yāsí tə́ mámák. m̄-tél m-ə́da na rɔ̄kum, Kɔ́ɔ̄ɓē.

JOJUE 5:6

Ngán Israel gə̄ njə̄rān̄ ɓāl̄ kutə sɔ́ kem dəla loo tə́. Ta tɔ̄l̄ ta anī de gə̄ mang ń teēn̄ kɔ̄ɔ́ kem ɓē kə́ Ejiptə tə́ á nin̄ i ngé rɔ̄ɔ̄ gə̄ ní oyn̄ kɔ̄ɔ́ malang tām̄ oōn̄ ta Kɔ́ɔ̄ɓē alé. Dɔ nang kə́ mba ō, yibə̄ tejə ō, i ngá̰ý tū tə́ ń Kɔ́ɔ̄ɓē ənī ndūn adə̄ kaadə́ gə̄ yā kadə̄jí ní. Kɔ́ɔ̄ɓē túbə kə rɔ̄neé əda na n-a n-əya̰də́ kadə̄ a̰a̰n̄ dɔ nang ní alé,

LEBI GƏ̄ 20:24

I tām̄ najə̄ ń noō tə́ n m-ə́dásí na i sḭḭ̄ n ā taāī dɔ nang yādə́ ní. M-ā m-ādə̄sí i kə yāsí tə́. I dɔ nang kə́ mba ō, yibə̄ tejə ō, i ngá̰ý tū tə́. Mā i Kɔ́ɔ̄ɓē Nə́ɓā yāsí, nge gə̄rāsí dan gír de gə̄ tə́ kəndāsí dáńg.

TƏ́DA 14:7

ba ədan̄ kósə de gə̄ na: Dɔ nang ń j-āw̄ j-əndā ma̰ȳ j-a̰a̰ ní i dɔ nang kə́ majə ngá̰ý,

TƏ́DA 16:14

I ɓē kə́ mba ō, yibə̄ tejə ō i ngá̰ý tū tə́ n ī-reē sejí tū tə́ ní alé. I ndɔr̄ gə̄ kə kāgə̄ nduú gə̄ n ādə̄jí kadə̄ i yá̰a̰ kənge yājí ní alé. Ɔ́jəń na de gə̄ ń toō i de kə́ kum tɔ̄ɔ̄ gə̄ a? J-a j-aw̄ alé.

NEHEMI 9:25

Nin̄ taān̄ ɓē kə́ ngan̄g gə̄ ō, nang kə́ teē kōō ngá̰ý gə̄ ō, kújə́ kə́ yá̰a̰ kənge rosə kem gə̄ ō, bəlo man̄ kə́ ndēr̄ kɔ̄ɔ́ gə̄ ō, kāgə̄ nduú gə̄ ō, kāgə̄ olibə gə̄ ō, gotə kāgə̄ kə́ rang kə́ kan̄ gə̄ ō. Nin̄ əsan̄ yá̰a̰ ō, əsa ndānə̄n̄ ō, boon̄ lúbə́ lúbə́ ō, ndin̄ dan rɔ̄nel̄ tə́ ō, i kə ta kūl̄ rāā kem majə yāí kə́ ngá̰ý.

TƏ́DA 16:13

Ī-teē sejí kɔ̄ɔ́ kem ɓē kə́ mba ō, yibə̄ tejə ō i ngá̰ý tū tə́ tə́, ba ī-reē sejí kem dəla loo tə́ kadə̄ j-oy kɔ̄ɔ́ ní asiī aĺ ɓáý á ī-sāā ndi dɔjí tə́ kə́ ngār tə́ ɓáý to̰ a.