TƏ́DA 13:26 - Bibəl ta Sar̄

²⁶ Nin̄ reē əngen̄ Moijə ō, Aaro̰ ō, ngán Israel gə̄ ō, Kades kem dəla loo kə́ Paran tə́. Nin̄-ənīn̄də́ gotə yá̰a̰ malang ń a̰a̰n̄ ní ō, ɔjən̄də́ kan̄ kāgə̄ gə̄ kə́ kem ɓē ní tə́ ō.

Bible sar

²⁶ Nin̄ reē əngen̄ Moijə ō, *Aaro̰ ō, ngán *Israel gə̄ ō, Kades kem dəla loo kə́ Paran tə́. Nin̄-ənīn̄də́ gotə yá̰a̰ malang ń a̰a̰n̄ ní ō, ɔjən̄də́ kan̄ kāgə̄ gə̄ kə́ kem ɓē ní tə́ ō.

TƏ́DA 13:26 Referans Kwoze

TƏ́DA 32:8

Dan ń jə-ndiī Kades Barnea á m-ə́la bɔbə̄sí gə̄ kəndā ma̰ȳ dɔ nang kə́ Kanaan tə́ ní, i yá̰á̰ ń noō n nin̄ rāān̄ ní.

TƏ́DA 20:1

Ngán Israel gə̄ malang reē ugə̄n̄ kem dəla loo kə́ Sin tə́ kə nāā kə́ ta kəga dɔ ba ndin̄ Kades. Miriam oy i loo ń noō tə́ ō, dubə̄nən̄ i loo ń noō tə́ ō.

NDŪ NAJƏ̄ 1:19

Gō tə́ anī j-ḭḭī mbal̄ Horeb tə́ kə gō ndū Kɔ́ɔ̄ɓē Nə́ɓā yājí, ba j-əndaī kem dəla loo kə́ bo ngá̰ý ō, to ɓōĺ ngá̰ý ō ń á̰a̰ī kə kumsí ní jə-gāngī. J-uniī i róbə́ kə́ teē mbal̄ ń Amor gə̄ ndin̄ tū tə́ ní n jə-reē j-ugīneé Kades Barnea ní.

TƏ́DA 33:36

Ḭḭn̄ Esion Geber aw̄ ndin̄ Kades kem dəla loo kə́ Təsin tə́.

TƏ́DA 20:16

Jə-no kə̄ dɔ Kɔ́ɔ̄ɓē tə́ anī ni oō nōō yājí, adə̄ əla de kə́ dɔ rā̰ tə́ kógə̄ḿ adə̄ reē teē sejí kɔ̄ɔ́ kem ɓē kə́ Ejiptə tə́. Ngɔlaā ní jḭḭ i kem ɓē kə́ Kades ń i kadə dɔ nin̄ dɔ nang yāí tə́ ní.

JOJUE 14:6

Dan ń ngán Israel gə̄ ndinneé Gilgal ɓáý ní, ndɔ̄ kə́rēý tə́ de kə́ gír ɓē yā Juda tə́ gē reēn̄ rɔ̄ Jojue tə́ Anī Kaleb ngōn̄ Yepune ń ni i Keniji ní ədan na: Yá̰á̰ ń Kɔ́ɔ̄ɓē əda Moijə deē yā Nə́ɓā dɔḿ tə́ ō, dɔí tə́ ō, Kades Barnea ní ī-ger̄ majə.

TA KƏLA 14:7

Gō tə́ anī nin̄ tél reēn̄ En Misəpat ń i Kades ní, ba rɔ̄ɔ̄n̄ Amalek gə̄ dɔ nang yādə́ tə́ malang ō, Amor gə̄ ń ndin̄ Hasason Tamar ní ō.

TƏ́DA 13:25

Ngé kəndā ma̰ȳ loo gə̄ ní rāān̄ ndɔ̄ kutə sɔ́ anī télən̄ dɔ tə́.

TƏ́DA 20:14

Moijə ndi Kades ba əla de gə̄ rɔ̄ mban̄g kə́ Edom tə́ kadə̄ ədanən̄ na: Najə̄ kɔr̄ ngōkó̰ó̰í Israel n toó: Yá̰á̰ kə́ tōr̄ gə̄ ń rāān̄jí ní, ḭ̄ ī-ger̄ malang.

NDŪ NAJƏ̄ 1:2

Ré ḭ́ḭ mbal̄ Horeb tə́ ba ā āw̄ kə̄ Kades Barnea kə róbə́ kə́ ta kaw̄ kə̄ mbal̄ Seir tə́ anī, ā ī-njə̄rā ndɔ̄í kutə gidə i kógə̄ḿ.

PĀ GƏ̄ 29:8

Ndūn rāā adə̄ dəla loo ndebə. Kɔ́ɔ̄ɓē rāā adə̄ dəla loo kə́ Kades ndebə.

TƏ́DA 13:3

Ni-ndi i kem dəla loo ké Paran tə́ n əlań de gə̄ ní. De gə̄ ń ni əladə́ ní nin̄ malang i ngār gə̄ yā ngán Israel gə̄.

TƏ́DA 32:9

Nin̄ aw̄n̄ bátə́ teēn̄ wól loo kə́ Esəkol tə́. Dan ń əndān̄ ma̰ȳ dɔ nang kə́ Kanaan oy ba tél reēn̄ anī ɔrə̄n̄ tɔ́gə́ ngán Israel gə̄ kɔ̄ɔ́. Nin̄ sə̄lān̄də́ kadə̄ aw̄n̄ dɔ nang ń Kɔ́ɔ̄ɓē adə̄də́ tə́ ní alé.

JOJUE 14:7

Dan ń Moijə nge kəla yā Kɔ́ɔ̄ɓē əlam̄ kənda ma̰ȳ looó ní, ɓālə̄ḿ i kutə sɔ́. Ni-ndi i Kades Barnea n əlamə̄ń ní. Ba dan ń m̄-téĺ ní, m̄-reē m-ɔ́jən yá̰á̰ kə́ rɔ̄kum.