TƏ́DA 13:21 - Bibəl ta Sar̄

²¹ De gə̄ ní aw̄ əndān̄ ma̰ȳ dɔ nang kə́ Kanaan, əlan̄ gír kem dəla loo kə́ Sin tə́ bátə́ ugə̄nəń Rehob, kadə Lebo Hamat tə́

Bible sar

²¹ De gə̄ ní aw̄ əndān̄ ma̰ȳ dɔ nang kə́ Kanaan, əlan̄ gír kem dəla loo kə́ Sin tə́ bátə́ ugə̄nəń Rehob, kadə Lebo Hamat tə́

TƏ́DA 13:21 Referans Kwoze

TƏ́DA 33:36

Ḭḭn̄ Esion Geber aw̄ ndin̄ Kades kem dəla loo kə́ Təsin tə́.

TƏ́DA 20:1

Ngán Israel gə̄ malang reē ugə̄n̄ kem dəla loo kə́ Sin tə́ kə nāā kə́ ta kəga dɔ ba ndin̄ Kades. Miriam oy i loo ń noō tə́ ō, dubə̄nən̄ i loo ń noō tə́ ō.

TƏ́DA 27:14

Tām̄ dan ń ngán Israel gə̄ dəjen̄ man̄ sāānəń taḿ kem dəla loo kə́ Sin tə́ ní, sḭ́ḭ̄ ī-mbātíī rāā yá̰á̰ ń m̄-mēr̄sí rāā ní. Ɔ́jiīdə́ kadə̄ mā i de kə́ táĺ alé. Ni-əda i najə̄ yā man̄ Meriba kə́ Kades, kem dəla loo kə́ Sin tə́.

JOJUE 15:1

Dɔ nang ń adə̄n̄ de gə̄ kə́ gír ɓē yā Juda tə́ gə̄ kə gō gír kaadə́ gēé ní, to ta kaw̄ kə̄ dɔ nin̄ dɔ nang kə́ Edom tə́, dəla loo kə́ Təsin tə́, gō nang kə́ Negeb tə́, ta ngóý mbɔ́r ɓē ké geleé tə́.

JOJUE 13:5

Dɔ nang kə́ yā taā ɓáý to̰ i dɔ nang kə́ Gebal ō, dɔ nang Liban kə́ dām̄ kə́ gír ɓē tə́ ń a ɓārə́n̄ na i Baal Gad á i loo kə́ nja mbal̄ Hermon tə́ ní bátə́ teēń Lebo Hamat ō,

AMOS 6:2

I beé ní, āwī Kalne á̰a̰ī! Gō tə́ anī ḭ́ḭī noó āwī bátə́ ūgī Hamat ń i ɓē kə́ bo ní tə́. Ī-raī dɔ tə́ noō ī-risə āwī Gat ɓē Pilistin gēé. Ɓē ko̰o̰ gə̄ ń noō ní, gātə̄sí tɔȳ yādə́ a? Ɓē yāsí bo tɔȳ yādə́ a?

2 SAMUEL 8:9

Mban̄g kə́ Hamat ń rīn na i Toi ní, oō kadə̄ ngé rɔ̄ɔ̄ gə̄ malang yā Hadadejer i kə́ Dabid tetədə́ rɔ̄ɔ̄ kɔ̄ɔ́.

NDŪ NAJƏ̄ 32:51

Tɔdɔ̄ sḭḭ̄ kə ngōkó̰ó̰í Aaro̰ ī-rāāī yá̰á̰ kə́ gōtə́ aĺ seḿ ta kum ngán Israel gə̄ tə́ Kades, kem dəla loo kə́ Təsin tə́, ta man̄ kə́ Meriba tə́. Ndɔ̄ ń noō tə́ ní sḭḭ̄ ɔ́jiī kə̄ ndágá ta kum ngán Israel gə̄ tə́ kadə̄ mā i de kə́ táĺ alé.

NDŪ NAJƏ̄ 1:24

Nin̄ teēn̄ róbə́ kə́ mbalá ba aw̄n̄ bátə́ ugə̄n̄ wól loo kə́ Esəkol tə́, ba əndān̄ ma̰ȳ wól loo ní.

JEREMI 49:23

Najə̄ kə́ tām̄ yā Damas tə́. Hamat ō, Arpad ō nin̄ i kə rɔ̄sɔlɔ̄ɔ́. I tɔdɔ̄ oōn̄ najə̄ kə́ majaĺ kógə̄ḿ. Kemdə́ ḭḭ huyuyu tītə̄ man̄ bā bo beé. Nin̄ ɓōlə́n̄ i ɓōĺ kə́ dum̄ ger̄ kum ō.

JEREMI 52:9

Kalde gə̄ əhɔn̄ mban̄g Sedekias aw̄n̄ seneé Ribəla, gō nang kə́ Hamat tə́, rɔ̄ mban̄g kə́ Babilon tə́, adə̄ mban̄g ədan yá̰á̰ ń ni gír̄ dɔn tə́ ní.

EJEKIEL 47:16

Berota tə́ ō, Sibəraim tə́ ō ń i dɔ dán gō nang kə́ Damas kə gō nang kə́ Hamat ní ō, kə́ yā kudəń kə̄ Haser tə́ ō, Tikon tə́ ō ń i kum kə̄ gō nang kə́ Hauran tə́ ní.

TƏ́DA 34:8

Ā ī-raī mbal̄ Hor tə́ yā njar dɔ nin̄ ní kadə̄ teē Lebo Hamat bátə́ kadə̄ ugə̄ Sedad.

NGÉ SARYA 18:28

Lais i ɓē ké ndi ndágə loo kə́ Bet Rehob tə́. Ndi i sa̰y kə ɓē kə́ Sidon. Tá de kə́ kemeé gə̄ ndin̄ i kə ta kūl̄ deē kógə̄ḿ alé i tām̄ najə̄ ń noō tə́ n de kə́ kadə̄ reē dḭḭ̄də́ gətóoń ní. Deē yā Dan gə̄ tél rāān̄ ɓē ní gogə́ rang ba ndin̄ kemeé.