TƏ́DA 13:20 - Bibəl ta Sar̄

²⁰ Á̰a̰ī ké dɔ nang kə́ tū tə́ i kə́ teē yá̰á̰ ngá̰ý aké teē yá̰a̰ aĺ wa, ké kāgə̄ gə̄ ran̄ dɔ nang ní tə́ aké gətóon̄ wa. Əhɔī rɔ̄sí tɔgə ba ī-tə́jaī kan̄ kāgə̄ gə̄ kə́ dɔ nang ní tə́ ī-reēiń. Dan ngeé ń noō tə́ ní, i dan yā kəja kan̄ kāgə̄ nduú kə́ ta kəga dɔ gə̄.

Bible sar

²⁰ Á̰a̰ī ké dɔ nang kə́ tū tə́ i kə́ teē yá̰á̰ ngá̰ý aké teē yá̰a̰ aĺ wa, ké kāgə̄ gə̄ ran̄ dɔ nang ní tə́ aké gətóon̄ wa. Əhɔī rɔ̄sí tɔgə ba ī-tə́jaī kan̄ kāgə̄ gə̄ kə́ dɔ nang ní tə́ ī-reēiń. Dan ngeé ń noō tə́ ní, i dan yā kəja kan̄ *kāgə̄ nduú kə́ ta kəga dɔ gə̄.

TƏ́DA 13:20 Referans Kwoze

NDŪ NAJƏ̄ 31:23

Gō tə́ anī Kɔ́ɔ̄ɓē əda Jojue ngōn̄ Nun na: Ə́hɔ rɔ̄í tɔgə ō, ī-ra dəngam ō, tɔdɔ̄ i ḭ̄ n ā āw̄ kə ngán Israel gēé dɔ nang ń m-ə̄nī ndūḿ yā kadə̄də́ tə́ ní. Ba mā i naā tə́ seí.

EJEKIEL 34:14

M-ā m-āw̄ sedə́ dɔ mu kə́ majə tə́ ō, nin̄ a əngen̄ loo kəsa mu yādə́ dɔ mbal̄ bo gə̄ kə́ dɔ nang kə́ Israel tə́ tə́ ō. Batə̄ yāḿ gə̄ a asən̄ kɔr̄ koō loo ngeé ń noō tə́, loo kə́ majə kə́ mu i tū tə́ tə́. Nin̄ a əsan̄ yá̰a̰ dɔ nang kə́ teē yá̰a̰ gə̄ tə́ tə́, dɔ mbal̄ bo gə̄ kə́ Israel tə́ tə́.

NEHEMI 9:35

Dan ń nin̄ a o̰o̰n̄neé ɓē tə́ ō, ī-rāań majə sedə́ adə̄ əngen̄neé yá̰á̰ ngá̰ý tə́ ō, dɔ nang kə́ laa ō teē yá̰á̰ ngá̰ý tə́ ō ń āw̄ sedə́ tū tə́ ní, nin̄ rāān̄ kəla adə̄nī aĺ ō, tūrə̄n̄ gidədə́ kɔ̄ɔ́ ta kəla rāādə́ kə́ majaĺ gə̄ tə́ aĺ ō.

NEHEMI 9:25

Nin̄ taān̄ ɓē kə́ ngan̄g gə̄ ō, nang kə́ teē kōō ngá̰ý gə̄ ō, kújə́ kə́ yá̰a̰ kənge rosə kem gə̄ ō, bəlo man̄ kə́ ndēr̄ kɔ̄ɔ́ gə̄ ō, kāgə̄ nduú gə̄ ō, kāgə̄ olibə gə̄ ō, gotə kāgə̄ kə́ rang kə́ kan̄ gə̄ ō. Nin̄ əsan̄ yá̰a̰ ō, əsa ndānə̄n̄ ō, boon̄ lúbə́ lúbə́ ō, ndin̄ dan rɔ̄nel̄ tə́ ō, i kə ta kūl̄ rāā kem majə yāí kə́ ngá̰ý.

HEBƏRO 13:6

Adə̄ j-asiī kənī kemjí mámák kədań najə̄ ń toō: Kɔ́ɔ̄ɓē i nge rāā seḿ, m-ā m̄-ɓōĺ yá̰á̰ kógə̄ḿ alé. Deē a rāā i rí seḿ?

MISE 7:1

Yá̰á̰ kə́ to kum kaȳ aĺ kə́ ba̰ý beē! m̄-to i tītə̄ deē kógə̄ḿ kə́ dan yā sāā kan̄ yá̰a̰ gə̄ tə́ anī, teē aw̄ sāā kan̄ kāgə̄ nduú tə́. I dan kə́ yá̰a̰ gətóo kɔ̄ɔ́ tə́. Dɔ bəra nduú kə́ yā kəsa gətóo! Ka̰n̄ kótə̄ kə́ ta kəga dɔ ń nelə̄m̄ ngá̰ý ní, kógə̄ḿ gē gətóo!

1 YÁ̰A̰ GƏ̄ 22:11

Beé ní, ngōnə̄ḿ, ādə̄ Kɔ́ɔ̄ɓē Nə́ɓā yāí i naā seí kadə̄ ī-rāań kújə yān ādə̄ majə tītə̄ ń əndāń dɔí tə́ ní.

JOJUE 2:3

Anī mban̄g kə́ Jeriko əla əda Rahab na: De gə̄ ń reēn̄ looí á udən̄ kújə yāí tə́ ní, ī-teē sedə́ ādə̄jí, tɔdɔ̄ reēn̄ i kəndā ma̰ȳ loo malang kə́ gō nang yājí tə́.

JOJUE 1:9

Najə̄ ń m-ə́daī ní ādə̄ dɔí ndígə̄nal alé: M-ə́daī na kə ə́hɔ rɔ̄í tɔgə ō, ī-ra dəngam dɔ rɔ̄í tə́ ō. Ī-lōō ndebə ō, ī-lōō kadə̄ kemií gān̄g man̄ ō. Tɔdɔ̄ loo malang ń āw̄ tū tə́ ní, Kɔ́ɔ̄ɓē yāí i naā tə́ seí.

JOJUE 1:6

ə́hɔ rɔ̄í tɔgə ō, ī-ra dəngam ō. Tɔdɔ̄ i ḭ̄-n ā ādə̄ gír de gə̄ ń toō dɔ nang ń m-ə̄nī ndūḿ m-ādə̄ kaadə́ gə̄ yā kadə̄də́ ní.

NDŪ NAJƏ̄ 1:25

Nin̄ tə́jān̄ kan̄ kāgə̄ gə̄ kə́ dɔ nang ní tə́ reēn̄neé adə̄n̄jí, ba ədan̄jí na dɔ nang ń Kɔ́ɔ̄ɓē Nə́ɓā adə̄jí ní na i dɔ nang kə́ majə.

TƏ́DA 13:19

Á̰a̰ī ké dɔ nang ní majə aké majaĺ wa, ké ɓē kə́ kemeé gə̄ i ɓē kə́ ngan̄g gə̄ aké i ɓē gə̄ kə́ tə́ndān̄də́ kə̄ noō karī wa.

NDŪ NAJƏ̄ 1:24

Nin̄ teēn̄ róbə́ kə́ mbalá ba aw̄n̄ bátə́ ugə̄n̄ wól loo kə́ Esəkol tə́, ba əndān̄ ma̰ȳ wól loo ní.

DANIEL 11:24

Dan ń loo a to lápə́ya anī ni a aw̄ gō nang kə́ teē yá̰a̰ majə gə̄ kə́ ndágá tə́, yā kaw̄ rāā yá̰á̰ kə́ kaan gə̄ rāān̄ kété alé: A ɔy yá̰a̰ kənge kə́ kem ɓēé ō, yá̰á̰ kə́ kɔy ta rɔ̄ɔ̄ tə́ gə̄ ō, yā nəɓō deē yān gə̄. Ni a ɔjə kənī loo kə́ ngan̄g gə̄ rɔ̄ɔ̄ gə̄gē. Banī yá̰a̰ gə̄ malang ń noō a ton̄ i márwāy alé.

JOJUE 2:1

Dan ń Jojue ngōn̄ Nun i Sitim ní, əla de gə̄ jōó kadə̄ aw̄ əndān̄ ma̰ȳ dɔ nang kə́ Jeriko ō, ɓē kə́ Jeriko nəkɔ́ ō jəke. De gə̄ ní aw̄ ugə̄n̄ Jeriko anī əhɔn̄ ɓē mbā i ɓē yā dəyá̰ ájə́bá kógə̄ḿ kə́ rīn na i Rahab.