TƏ́DA 13:17 - Bibəl ta Sar̄

¹⁷ Pá tá kadə̄ aw̄n̄ ní, Moijə ədadə́ na: Ī-teēī gō nang kə́ Negeb tə́, ba āwī dām̄ kə́ mbalá tə́.

Bible sar

¹⁷ Pá tá kadə̄ aw̄n̄ ní, Moijə ədadə́ na: Ī-teēī gō nang kə́ Negeb tə́, ba āwī dām̄ kə́ mbalá tə́.

TƏ́DA 13:17 Referans Kwoze

NGÉ SARYA 1:9

Gō tə́ anī aw̄ rɔ̄ɔ̄n̄ Kanaan gə̄ ń ndin̄ gō nang kə́ mbalá tə́ ō, kə́ Negeb tə́ ō, gō nang kə́ mbal̄ bo gətóo tū tə́ tə́ ō ní.

TA KƏLA 12:9

Abəram ndi ɓáa ndɔ́təń sḛ́ý sḛ́ý kum kə̄ gō nang kə́ Negeb tə́.

NGÉ SARYA 1:19

Kɔ́ɔ̄ɓē nəkɔ́ i naā tə́ sedə́ adə̄ nin̄ taān̄ gō nang kə́ mbalá. Banī asən̄ tə̄ɓā de gə̄ ń ndin̄ ndágə looó ní alé najə̄ púsə rɔ̄ɔ̄ yādə́ gə̄ kə́ rāā kə gindīí tə́.

NGÉ SARYA 1:15

Anī Aksa tél əda na: Ī-rāā majə seḿ. Ādə̄m̄ ta kəɓa man̄ gə̄ tə́ tām̄ dɔ nang kə́ Negeb ń ādə̄m̄ ní man̄ gətóo tū tə́. Anī Kaleb adə̄n ta kəɓa man̄ gə̄ kə́ loo kə́ kḭḭ kə̄ dɔɔ́ tə́ ō, kə́ loo kə́ tél kə̄ nang tə́ tə́ ō.

TA KƏLA 13:1

Abəram ḭḭ Ejiptə aw̄ gogə́ gō nang kə́ Negeb tə́ kə nə̄yá̰neé ō, kə yá̰a̰ kənge yān gēé malang ō. Lot i seneé.

NDŪ NAJƏ̄ 1:44

Anī Amor gə̄ ń ndin̄ dɔ mbal̄ ngeé ń noō tə́ ní, teē tə́nīn̄ tasí ba rɔ̄ɔ̄n̄sí dɔ mbal̄ Seir tə́. Nin̄ tetən̄sí rɔ̄ɔ̄ ba ngɔ̄də̄n̄sí tītə̄ tejə gə̄ bátə́ ugə̄n̄ sesí Horma.

TƏ́DA 14:40

Teē kə ndɔ̄ kə́ noō anī ḭḭn̄ kə gír looí ɓatə, əsōn̄ róbó a aw̄n̄ kə̄ dām̄ kə́ mbalá tə́ Nin̄ ədan̄ na: Jḭḭ n toó. J-a j-aw̄ loo ń Kɔ́ɔ̄ɓē əda najə̄n tə́ ní, tām̄ yá̰á̰ ń jə-rāā ní i yá̰á̰ kə́ majə alé rɔ̄kum.

TƏ́DA 13:29

Amalek gə̄ ndin̄ i gō nang kə́ Negeb tə́. Ba Het gə̄ ō, Yebus gə̄ ō, Amor gə̄ ō, ndin̄ i dām̄ kə́ mbalá tə́. Kanaan gə̄ ndin̄ i kadə bā bo tə́ ō, kə gō kadə bā Jurdḛ ō.

TA KƏLA 14:10

Bəlo bitum i ngá̰ý wól loo kə́ Sidim tə́. Mban̄g kə́ Sodom ō, mban̄g kə́ Gomor ō, a̰ȳn̄ naā adə̄ teē tə́sōn̄ tū tə́. Gotə gə̄ a̰ȳn̄ naā ɓɔ̄ɔ̄n̄ rɔ̄də́ dɔ mbalá.

TA KƏLA 13:3

Ni-ḭḭ gō nang kə́ Negeb tə́ njə̄rā bátə́ ugə̄ Betel, loo ń udə kújə tandā yān tū tə́ kété tə́ ní, i dɔ dán Betel nin̄ kə Ai tə́.

TA KƏLA 13:17

Ḭ́ḭ dɔɔ́, ī-njə̄rā á̰a̰ loo, á̰a̰ ngālən ō, laan ō, tɔdɔ̄ m-ā m-ādī loo ní.

TƏ́DA 13:18

Loo ń noō tə́ ā á̰a̰ī ké dɔ nang ní to ba̰ý wa, ké gír de kə́ kemeé gə̄ ngangə̄n̄ aké ngangə̄n̄ aĺ wa, ké nin̄ i ngá̰ý aké i sḛ́ý beē wa.

JOJUE 2:1

Dan ń Jojue ngōn̄ Nun i Sitim ní, əla de gə̄ jōó kadə̄ aw̄ əndān̄ ma̰ȳ dɔ nang kə́ Jeriko ō, ɓē kə́ Jeriko nəkɔ́ ō jəke. De gə̄ ní aw̄ ugə̄n̄ Jeriko anī əhɔn̄ ɓē mbā i ɓē yā dəyá̰ ájə́bá kógə̄ḿ kə́ rīn na i Rahab.

JOJUE 10:40

Jojue taā ɓē malang. Mban̄g gə̄ ń ndin̄ gō nang kə́ mbal̄ bo gə̄ i tū tə́ tə́ ní ō, gō nang kə́ Negeb tə́ ní ō, gō nang kə́ mbal̄ bo gə̄ gətóon̄ tū tə́ ní ō, gō nang kə kḭḭ kə̄ dɔɔ́ tə́ ní, ni tetədə́ rɔ̄ɔ̄. Ni-əya̰ deē kógə̄ḿ alé. Ni-bāā dɔ yá̰a̰ malang ń ndi kə kumuú ní, tām̄ yā Nə́ɓā tə́. Ni-rāā i tītə̄ ń Kɔ́ɔ̄ɓē Nə́ɓā yā Israel ədań ní.