TƏ́DA 12:8 - Bibəl ta Sar̄

⁸ M-ɔ̄r̄ najə̄ seneé kadə̄ unjə̄ aĺ alé. Tají sɔɔ̄ ta naā ō, m̄-rāā kadə̄ ni a̰a̰m̄ ō, adə̄ ni-a̰a̰ yá̰á̰ ń i Kɔ́ɔ̄ɓē ní. Ba i tām̄ rí tə́ á sḭḭ̄ ī-ɓōlíī alé ba ī-tāmī kə nge kəla yāḿ Moijə ní?

Bible sar

⁸ M-ɔ̄r̄ najə̄ seneé kadə̄ unjə̄ aĺ alé. Tají sɔɔ̄ ta naā ō, m̄-rāā kadə̄ ni a̰a̰m̄ ō, adə̄ ni-a̰a̰ yá̰á̰ ń i Kɔ́ɔ̄ɓē ní. Ba i tām̄ rí tə́ á sḭḭ̄ ī-ɓōlíī alé ba ī-tāmī kə nge kəla yāḿ Moijə ní?

TƏ́DA 12:8 Referans Kwoze

NDŪ NAJƏ̄ 34:10

Ngé koō ta gə̄ ń utə̄n̄ gō Moijə dɔ nang kə́ Israel tə́ ní, nge kə́ to tītə̄n gətóo. Tām̄ dan ń Kɔ́ɔ̄ɓē ɔr̄ najə̄ seneé ní a̰a̰n̄ ta naā ō,

1 KORḚNTƏ 13:12

Kə́ ngɔr ń toō tə́ ɓáa yá̰á̰ ń j-a̰a̰ī ní to i tītə̄ ndíĺ yá̰á̰ kə́ tū kútə́ram tə́ beē, adə̄ j-a̰a̰ī unjə̄ ngá̰ý alé. Banī ndɔ̄ń tə́ anī j-a jə-raī ta naā tə́ yā ka̰a̰ kə kumjí. Kə́ ngɔr ń toō tə́ mā m̄-ger̄ yá̰a̰ malang alé, banī ndɔ̄ń tə́ anī m-ā m̄-ger̄ yá̰a̰ malang tītə̄ ń Nə́ɓā ger̄məń ní.

Teē Ngán Israel gə̄ 33:23

Tāa ń noō na n-a n-un jīn dɔn tə́ kɔ̄ɔ́ ɓáý, adə̄ na a a̰a̰ na i gidən ngóy, tɔdɔ̄ deē na asə ka̰a̰ kumən alé.

Teē Ngán Israel gə̄ 33:11

Dan ń Kɔ́ɔ̄ɓē a ɔr̄ najə̄ kə Moijə ní, tadə́ a̰a̰ i naā tītə̄ ń deē a ɔrə̄ń najə̄ kə madə̄neé ní beē. Loo ń ɔrə̄n̄ najə̄ kə naá oy anī, Moijə tél a aw̄ i gogə́ kem ɓēé, ba nge kɔsə kílən kə́ balsáá kə́ ngōn̄ Nun ń i Jojue ní tá ndɔ́tə̄ loo alé, ni a ndi i gotən tə́ kem kújə tandāá.

Najə̄ kə́ Majə yā Jeju ń Luk ndang ní 10:16

Jeju əda ngé ndóō yá̰a̰ yān gə̄ ɓáý to̰ na: Deē ń oō najə̄ tasí tə́ ní kɔ́ɔ̄ oō najə̄ i taḿ mā tə́ ō, deē ń mbātə́sí ní kɔ́ɔ̄ mbātə́m̄ i mā ō. Ba deē ń mbātə́m̄ mā ní kɔ́ɔ̄ mbātə́ i deē ń əlam̄ mā ní.

JA̰A̰ 15:15

m̄-ɓāŕsí ngé kəla gə̄ to̰ alé, i tɔdɔ̄ nge kəla ger̄ yá̰á̰ ń kɔ́ɔ̄n a rāā ní alé. Banī m̄-ɓāŕsí kə́ra madə́ḿ gə̄ i tɔdɔ̄ m-ɔ́jə́sí yá̰a̰ malang ń m-ōō ta Bɔbə́ḿ tə́ ní.

2 PIYER 2:10

Ba kə́ bo ngá̰ý ɓáa i ngé kun gō ngur yá̰á̰ kə́ yḛr gə̄ kə́ rāādə́ ba mbātə́nń kadə̄ Nə́ɓā o̰o̰ ɓē dɔdə́ tə́ gə̄. Ngé ndóō de gə̄ yá̰á̰ kə́ rɔ̄kum aĺ gə̄ ngeé ń toō ní, nin̄ i de kə́ ngé ɓōĺ yá̰a̰ aĺ gə̄ ō, ngé ndájə̄ najə̄ gə̄ ō. De kə́ dɔ rā̰ tə́ kə́ to kɔsə gɔndə́ gə̄ ní, nin̄-ɓōlə́n̄ ndíĺdə́ alé, banī tájə̄n̄də́.

1 TIMOTE 6:16

I ni ngóy n i de kə́ a oy alé ní. Ni-ndi i dan loo kə́ unjə̄ kow tə́, kə́ de kə́ asə kaw̄ rɔ̄ tə́ gətóo. Kɔsə gɔn i yān ō, tɔ́gə́ kə́ to ngándáńg i yān ō. Adə̄ i tītə̄ ń noō.

2 KORḚNTƏ 3:18

Ba jḭḭ̄ malang ń unən̄ kūbə̄ kə́ seĺ ta kumjí tə́ kɔ̄ɔ́ ní, j-ɔjiī kɔsə gɔn yā Kɔ́ɔ̄ɓē kə̄ ndágá. I beé n tūrə̄n̄neéjí kadə̄ jə-toī tītə̄ Kɔ́ɔ̄ɓē ō, j-ḭḭ̄neé tū kɔsə gɔn kógə̄ḿ tə́ ba j-awīneé tū kɔsə gɔn kə́ rang kə́ bo tɔȳ nge kə́ kété tə́ ō ní. Tɔdɔ̄ kəla ń Ndíĺ Kɔ́ɔ̄ɓē rāā ní n noó.

JA̰A̰ 15:24

Nə́ngētə́ m̄-rāā kəla kə́ de kə́ rang rāā aĺ ɓáý dandə́ tə́ aĺ anī, majaĺ yādə́ a gətóo. Banī ngɔlaā nin̄-a̰a̰n̄ kəla rāāḿ gə̄ ba imə̄n̄jí mbak kə Bɔbə́ḿ.

PĀ GƏ̄ 17:15

Ba mā m-ā m-á̰a̰ kumií, tɔdɔ̄ i yá̰á̰ kə́ gōtə́. Dan ń m-ā m̄-ndól̄ dɔ ɓīī tə́ anī, m-ā m-á̰á̰ ndílí kadə̄ tɔ̄l̄ ɓōḿ.

Makətūbə̄ ń Jud ndang ní 1:8

Adə̄ de gə̄ ngeé ń m-ɔ̄r̄ najə̄ yādə́ toō ní, rāān̄ yá̰a̰ i tītə̄ yādə́: Nin̄-rāān̄ majaĺ kə rɔ̄də́ nin̄ kɔ́ gɔ̄ɔ́ sɔɔ̄ń yá̰a̰ gə̄ ń nī rāādə́ dɔ tə́ ní ō, əya̰n̄ Nə́ɓā kɔ̄ɔ́ ō, tájə̄n̄ de kə́ to kɔsə gɔndə́ gə̄ kə́ dɔ rā̰ tə́ ō.

HEBƏRO 1:3

Ngōn̄ Nə́ɓā ní i kɔsə gɔn yā Bɔbə̄n kə́ ndə́lē i ndə́lē yā Nə́ɓā ō, i ngarān̄g kum Nə́ɓā Bɔbə̄n nəkɔ́ kə́ ɔjə rɔ̄n kə̄ ndágá ō. Ni-rāā adə̄ yá̰a̰ gə̄ malang ndin̄ ngan̄g kə ta kūl̄ tɔ́gə najə̄ yānneé. Dan ń ni-ɔr̄ majaĺ kə́ kem de gə̄ tə́ kɔ̄ɔ́ ní, ni-ndi dɔ jī ko̰ Nə́ɓā tə́ dɔ rā̰ tə́. Nə́ɓā i tɔ́gə́ kə́ dɔ tɔ́gə gə̄ tə́ malang.

1 TESALONIK 4:8

Adə̄ deē ń mbātə́ yá̰a̰ ń j-ɔjəsí toō ní, mbātə́ i deē ndul alé, banī mbātə́ i Nə́ɓā kə́ nge kadə̄sí Ndíĺ kə́ Táĺ yān.

JA̰A̰ 1:18

Deē kógə̄ḿ kə́ a̰a̰ Nə́ɓā gətóó bátə́. Ba Ngōn̄ Nə́ɓā kə́ kal kógə̄ḿ beē ń ndi naā tə́ ngándáńg kə Bɔbə̄ Ngōnōó ní, ni a rāā kadə̄ a ger̄nən̄.

MATIYE 13:35

Ni-rāā yá̰a̰ tītə̄ ń noō i yā kadə̄ najə̄ n nge koō ta əda ní reē udəń gírí, əda na: M-ā m̄-tḛḛ̄ taḿ yā kɔrə̄ń najə̄ sedə́ i kə̄ kūjə́ najá. Yá̰a̰ gə̄ ń ɓɔ̄ɔ̄n̄ dɔ kɔ̄ɔ́ ta kəla gír kəndā dɔ rā̰ ō dɔ nang ō tə́ ní, m-ā m-ə̄nā mbēr̄ dɔ tə́.

EJEKIEL 17:2

Ḭ̄ ngōn̄ deē, ə́ga səngó kógə̄ḿ ādə̄ ngán Israel kə ta kūl̄ kənīdə́ gotə najə̄ kógə̄ḿ.

IJAI 46:5

Ɔ́jiī seḿ i náā? I náā n ī-gírī kadə̄ m̄-to tītə̄n ní? Ā ə̄ndāmī i kadə náā tə́ yā kɔjəń kadə̄ jə-teē naā seneé ní?

IJAI 40:18

Nə́ɓā ní deē a ɔjə seneé i náā? Ni to i tītə̄ rí?

PĀ GƏ̄ 49:4

Taḿ əda yá̰á̰ kə́ ngáā. Kemḿ gír̄ najə̄ kə́ kə kumneé.

NDŪ NAJƏ̄ 4:15

Ə̄ndāī kumsí gír rɔ̄sí sḭḭ̄ kɔ́ gə̄ tə́ majə, tɔdɔ̄ ndɔ̄ ń Kɔ́ɔ̄ɓē ɔrə̄ń najə̄ sesí kum hor tə́ dɔ mbal̄ Horeb tə́ ní, á̰a̰ī ngarā̰ kumən nəkɔ́ alé.

Teē Ngán Israel gə̄ 20:4

Ā údə ɓesə̄ kə́ to tītə̄ yá̰á̰ kə́rēý kə́ dɔ rā̰ tə́ aĺ ō, kə́ dɔ nang tə́ aĺ ō, kə́ kum man̄ tə́ gíŕ nángāá aĺ ō.

KOLOSƏ 1:15

Ngōn̄ ní i kum gotə Nə́ɓā ń j-a̰a̰in̄ kə kumjí aĺ ní. I ni n i hágə́ yá̰a̰ malang ń Nə́ɓā rāā ní.

TƏ́DA 14:14

ədan̄ de kə́ gō nang ń toō tə́ gə̄ gotə adə̄ oōn̄ ō. Nin̄ ń toō gerə̄n̄ kadə̄ ḭ̄ Kɔ́ɔ̄ɓē ḭ̄ i naā tə́ kə de gə̄ yāí gēé ō, ā ɔ́jə́də́ rɔ̄í ō, ā á̰a̰ī ta kum naā ō. Nin̄ gerə̄n̄ kadə̄ i ḭ̄ n i nge ngɔ̄m̄ deē yāí gə̄ ní, tām̄ ī-njə̄rā nodə́ tə́ kadaá dan kil̄ man̄ kə́ ra kə ngālāá ɓururu tə́ ō, ī-njə̄rā nodə́ tə́ ndɔ̄ɔ́ dan hor kə́ ra kə ngālāá ɓururu tə́ ō.

Teē Ngán Israel gə̄ 34:30

Dan ń Aaro̰ nin̄ kə ngán Israel gēé a̰a̰n̄ ta kumən ń ndə́lē pipir ní anī, ɓōĺ rāādə́ adə̄ reēn̄ rɔ̄n tə́ ngɔr alé.

Teē Ngán Israel gə̄ 33:19

Anī Kɔ́ɔ̄ɓē ədan na n-a n-mān̄ non tə́ yā kɔjən kem majə yān gə̄ malang. N-a n-ənī mbēr̄ non tə́ kə rīneé na: Kɔ́ɔ̄ɓē. Deē ń na n-ndigə rāā kem majə kə kɔ́ɔ̄ɔ́ ní n-a n-rāā kem majə kə kɔ́ɔ̄ɔ́ ō, deē ń na n-ndigə kadə̄ kumən o̰o̰n kə kɔ́ɔ̄ɔ́ ní, kumən na a o̰o̰n kə kɔ́ɔ̄ɔ́ ō.

HEBƏRO 1:1

Kété ní Nə́ɓā ɔr̄ najə̄ kə kaají gēé kə̄ nja naā tə́ ō, kə ta róbə́ kə́ tayā gēé ō, i kə ta kūl̄ ngé koō ta gēé.

TA KƏLA 32:30

Jakob əda na: m̄-rāāī ɓɔ́, ə́dam̄ rīí! Anī deē ni-tél ədan na: Ī-dəjem̄ rīḿ i yā rāań rí? Ba ni tɔ́r̄ tan dɔ Jakob tə́ loo nəkɔ́ ń noō tə́.

NDŪ NAJƏ̄ 5:8

Ā údə ɓesə̄ kə́ to tītə̄ yá̰á̰ kə́rēý kə́ dɔ rā̰ tə́ aĺ ō, kə́ dɔ nang tə́ aĺ ō, kə́ kum man̄ tə́ gíŕ nángāá aĺ ō.

Gōsə̄ najə̄ gə̄ 1:6

I kadə̄ deē gerə̄ń kum gōsə̄ najə̄ gə̄ ō, kum najə̄ kə́ to loo ɓɔ̄ɔ̄ tə́ gə̄ ō, kadə̄ deē gerə̄ń kum najə̄ kɔr̄ ngé kum kedə̄ gə̄ ō, kum səngó yādə́ gə̄ ō.

OJEE 12:13

Jakob a̰ȳ aw̄ dɔ nang kə́ Mesopotami kə́ kḭḭ kə̄ dɔɔ́ tə́. Ni udə kəla yā deē kógə̄ḿ kə́ rang tə́ yā kəngeń dəyá̰. A̰á̰ā̰, ni ngɔ̄m̄ ɓūtə̄ yá̰a̰ kul̄ gə̄ gír dəyá̰á̰.

Teē Ngán Israel gə̄ 19:19

Tōw̄ ní ɓār̄ tɔȳ kə́ kété ɓáý. Moijə ɔr̄ najə̄ anī Nə́ɓā tél ədan najə̄ i kə ndū man̄ kə́ ndangaá.

TƏ́DA 7:89

Dan ń Moijə udə kem kújə kənge naā tə́ yā kɔr̄ najə̄ kə Kɔ́ɔ̄ɓēé anī, ni oō ndū Kɔ́ɔ̄ɓē loo kɔr̄ najə̄ tə́ seneé. Ndūn ní ɓār̄ i mbo̰ō̰ ngé ngɔ̄m̄ loo kə́ dɔ rā̰ tə́ gə̄ ń ran̄ dɔ ta sandúkə madə̄ naā tə́ ní. Loo ń noō tə́ ni-ɔr̄ najə̄ seneé.

NDŪ NAJƏ̄ 18:15

I nge koō ta yā Nə́ɓā kə́ tītə̄ḿ mā Moijə n Kɔ́ɔ̄ɓē Nə́ɓā yāí a əla seneé yā kadī ní. Deē ní i de kə́ gír yāí tə́, i ni n ā ōō najə̄ yān ní.