TƏ́DA 12:7 - Bibəl ta Sar̄

⁷ Banī nge kəla yāḿ Moijə ń i nge ka̰a̰ gō kósə de gə̄ yāḿ gə̄ malang kə gōó majə ní, m̄-rāā seneé i beé alé.

Bible sar

⁷ Banī nge kəla yāḿ Moijə ń i nge ka̰a̰ gō kósə de gə̄ yāḿ gə̄ malang kə gōó majə ní, m̄-rāā seneé i beé alé.

TƏ́DA 12:7 Referans Kwoze

1 KORḚNTƏ 4:2

Yá̰á̰ ń a sāān̄ rɔ̄ de kə́ əndānən̄ ta kəla tə́ ní, i kadə̄ ni-rāā kəla yān kə gōó majə ngóy.

PĀ GƏ̄ 105:26

Loo ń noō tə́ ni-əla nge kəla yān Moijə ō, Aaro̰ ń ni gə̄rān ní ō.

JOJUE 1:1

Dan ń Moijə ń nge kəla yā Kɔ́ɔ̄ɓē ní oy anī Kɔ́ɔ̄ɓē əda Jojue ngōn̄ Nun ń i nge kílən ní na:

MATIYE 11:11

Ādə̄ m-ə́dásí najə̄ kə́ bo ngá̰ý, dan ngán gə̄ ń dəyá̰ gə̄ ojən̄də́ tə́ ní, nge kógə̄ḿ kə́ bo tɔȳ Ja̰a̰ Batistə gətóo. Banī de kə́ dūú ngá̰ý kə́ kem Ɓē ko̰o̰ kə́ dɔ rā̰ tə́ bo tɔȳn.

1 TIMOTE 3:15

Ba ré m-ɔ́r bā̰ā̰ ɓáý anī, i beé n ā ī-gerə̄ń háĺ kə́ yā rāā kem kújə yā Nə́ɓā tə́ ní. Kújə́ ní i Egəlijə yā Nə́ɓā kə́ ndi kə kumneé. I nin̄ malang n i ngé kəhɔ najə̄ kə́ rɔ̄kum dɔɔ́ ō, ngé kɔsə kíl najə̄ kə́ rɔ̄kum ō ní.

KƏLA RĀĀ 7:31

Yá̰á̰ ń Moijə a̰a̰ ní ɔr kumən ngá̰ý, adə̄ ni ɔtə a aw̄ kə̄ rɔ̄ tə́ ngɔr yā kaw̄ ka̰a̰ yá̰á̰ ní kə gōó, anī ni-oō ndū Kɔ́ɔ̄ɓē loo kɔr̄ najə̄ tə́.

MATIYE 11:9

Ní, āwī i ka̰a̰ rí tə́? I ka̰a̰ nge koō ta tə́ a? A̰á̰ā̰, i nge koō ta. Ba ādə̄ m-ə́dásí, ni i de kə́ bo tɔȳ nge koō ta.

NDŪ NAJƏ̄ 18:18

M-ā m-ə́la kə nge koō ta kə́ tītīí yā kadə̄də́. Deē ń m-ā m-ə́la seneé ní i de kə́ gír yādə́ tə́. M-ā m-ə̄ndā najə̄ yāḿ tan tə́, ba yá̰a̰ malang ń m-ā m̄-mērən kədadə́ ní, ni a ədadə́.

NDŪ NAJƏ̄ 34:5

Adə̄ Moijə ń i nge kəla yā Kɔ́ɔ̄ɓē ní oy i loo ń noō tə́, dɔ nang kə́ Moab tə́, tītə̄ ń Kɔ́ɔ̄ɓē ədań ní.

JOJUE 1:2

Nge kəla yāḿ Moijə oy kɔ̄ɔ́, adə̄ ngɔlaā ní i ḭ̄ n ə̄ndā dɔ rɔ̄í danaá yā teē bā Jurdḛ kə ngán Israel gēé yā kaw̄ sedə́ dɔ nang ń m-ādə̄də́ tə́ ní.

Makətūbə̄ yā Job 1:8

Anī Kɔ́ɔ̄ɓē dəjən na: Á̰a̰ nge kəla yāḿ Job a? De kə́ tītə̄n gətóo dɔ nang tə́. Ni i de kə́ najə̄ gətóo dɔn tə́ ō, i de kə́ súmūú ō, i de kə́ ɓōĺ ndíĺ Nə́ɓā ō, i de kə́ nge mbātə́ rāā yá̰á̰ kə́ majaĺ ō.

Teē Ngán Israel gə̄ 33:11

Dan ń Kɔ́ɔ̄ɓē a ɔr̄ najə̄ kə Moijə ní, tadə́ a̰a̰ i naā tītə̄ ń deē a ɔrə̄ń najə̄ kə madə̄neé ní beē. Loo ń ɔrə̄n̄ najə̄ kə naá oy anī, Moijə tél a aw̄ i gogə́ kem ɓēé, ba nge kɔsə kílən kə́ balsáá kə́ ngōn̄ Nun ń i Jojue ní tá ndɔ́tə̄ loo alé, ni a ndi i gotən tə́ kem kújə tandāá.