TƏ́DA 12:6 - Bibəl ta Sar̄

⁶ Kɔ́ɔ̄ɓē ədadə́ na: Najə̄ ń m-ā m-ə́dásí toō ōōī majə. Ré de kə́ nge koō ta yā Nə́ɓā i dansí tə́ anī, mā Kɔ́ɔ̄ɓē m-ā m-ɔ́jən rɔ̄ḿ kadə̄ gerə̄m̄ i kə ta kūl̄ ndɔ̄bə̄ kə́ m-ā m̄-ndɔ̄bə̄n ō, kə najə̄ kə́ m-ā m-ɔ̄r̄ seneé kem nī tə́ ō.

Bible sar

⁶ Kɔ́ɔ̄ɓē ədadə́ na: Najə̄ ń m-ā m-ə́dásí toō ōōī majə. Ré de kə́ *nge koō ta yā Nə́ɓā i dansí tə́ anī, mā Kɔ́ɔ̄ɓē m-ā m-ɔ́jən rɔ̄ḿ kadə̄ gerə̄m̄ i kə ta kūl̄ ndɔ̄bə̄ kə́ m-ā m̄-ndɔ̄bə̄n ō, kə najə̄ kə́ m-ā m-ɔ̄r̄ seneé kem nī tə́ ō.

TƏ́DA 12:6 Referans Kwoze

1 MBAN̄G GƏ̄ 3:5

Dan ń Salomo̰ i Gabaon ní, Kɔ́ɔ̄ɓē Nə́ɓā ndɔ̄bən kem nī tə́ dan ndɔ̄ɔ́, ədan na kə dəjen yá̰á̰ ń kemən gḛy ní na n-a n-adə̄n.

TA KƏLA 46:2

Nə́ɓā ndɔ̄bə̄n ndɔ̄ɔ́, ɔr̄ najə̄ seneé, ɓārə́n na Jakob, Jakob! Anī Jakob ndigən na: Mā n toó.

Najə̄ kə́ Majə yā Jeju ń Luk ndang ní 1:22

Ba dan ń ni teē anī asə kɔr̄ najə̄ sedə́ alé. Loo ń noō tə́ nin̄-gerə̄n̄ kadə̄ ni-a̰a̰ yá̰á̰ kógə̄ḿ kem kújə yā Kɔ́ɔ̄ɓē tə́. Ni ɔjədə́ yá̰a̰ i kə jīneé tá ba asə kɔr̄ najə̄ sedə́ alé.

Najə̄ kə́ Majə yā Jeju ń Luk ndang ní 1:11

Anī de kə́ dɔ rā̰ tə́ yā Kɔ́ɔ̄ɓē ndɔ̄bə̄ Jakari. Ré deē ra loo róō ndujə̄ yá̰á̰ kə́ kotə majə tə́ anī, nge kəla ní ra i loo kə́ to rɔȳ tə́, dām̄ kə́ jī ko̰ tə́ kə njan kə́ dɔɔ́.

DANIEL 10:8

Adə̄ i mə̄kɔ́ ngóy n m̄-rā kə kérə́ḿ m-ā m-á̰á̰ yá̰á̰ kə́ to kɔr kum ngá̰ý ń ndōbə̄m̄ ní. Tɔ́gə́ḿ sḛ́ý gə̄gē gətóó bátə́ ō, ta kumḿ tūr̄ kɔ̄ɔ́ ō, tetə ndaa ō, m̄-sɔl̄ yélélé ō.

EJEKIEL 1:1

Kem ɓāl̄ ń ɓālə̄ḿ i kutə mətá ní, kə ndɔ̄ kə́ nge ko̰ mí yā nāā kə́ nge ko̰ sɔ́ anī, mā Ejekiel ngōn̄ Buji kə́ nge tun̄ yá̰a̰, m̄-ra i dan Jipə gə̄ ń ɔyən̄də́ dɔ gúú tə́ aw̄n̄ sedə́ kadə man̄ Kebar tə́ ní. Anī m-á̰a̰ ta dɔ rā̰ teē ra wōyōó ō, Nə́ɓā rāā adə̄ m-á̰á̰ yá̰a̰ gə̄ ō. I kem ɓāl̄ ɓəlo yā mban̄g Joakin kə́ nge ko̰ mí tə́. m̄-ra i kem ɓē yā Babilon gə̄ tə́ kadə man̄ Kebar tə́. Kɔ́ɔ̄ɓē ɔr̄ najə̄ seḿ i loo ń noō tə́ ō, tɔ́gən əhɔm̄ i loo ń noō tə́ ō.

KƏLA RĀĀ 10:11

Ni-a̰a̰ dɔ rā̰ teē tan ba yá̰á̰ kógə̄ḿ teē kemeé a reē kum kə̄ nang tə́. Yá̰á̰ ní to tītə̄ kūbə̄ kə́ bo ngá̰ý kə́ əhɔn̄ kílən kə́ sɔ́ gə̄ beé.

MATIYE 1:20

Dan ń ni a gír̄ najə̄ ń toō kemən tə́ ɓáý anī, de kə́ dɔ rā̰ tə́ yā Kɔ́ɔ̄ɓē rāān kə nīí, ədan na: Jəjep, ngōn̄ kaa Dabid, ī-lōō ɓōĺ kaw̄ kə nə̄yá̰í Mari kújú. Tɔdɔ̄ ngōn̄ ń ni-ndān̄ ní i kə ta kūl̄ Ndíĺ kə́ Táĺ.

DANIEL 8:2

Yá̰á̰ ń m-á̰a̰ā̰ ní n toó: Nī rāām̄ adə̄ m̄-rā i Sujə ń i ɓē kə́ ngan̄g ngá̰ý kə́ gō nang kə́ Elam tə́ ní kadə man̄ Ulay.

MATIYE 2:19

Dan ń Herod oy anī, de kə́ dɔ rā̰ tə́ kógə̄ḿ yā Kɔ́ɔ̄ɓē rāā Jəjep kə nīí dɔ nang kə́ Ejiptə tə́, ədan na:

DANIEL 7:1

Nī kógə̄ḿ rāā Daniel ɓāl̄ ko̰o̰ ɓē kə́ ta kəga dɔ yā Baltajar mban̄g kə́ Babilon tə́. Daniel a̰a̰ yá̰a̰ gə̄ i ngá̰ý dan ń ni to dɔ tə̄rá ɓīīn tə́ ní. Gō tə́ anī ni ndang yá̰á̰ ń ni-a̰a̰ kem nī tə́ ní. Nī ní n toó,

JEREMI 23:28

Ādə̄ nge koō ta ń nī rāān ní, ənī gotə nī yān ní, ba ādə̄ deē ń m-ə̄ndā najə̄ yāḿ tan tə́ ní, ənī mbēr̄ dɔ ngarā̰ kum najə̄ ní tə́ kə ndū boó. Kádə́ yá̰á̰ ō, kumən ō ton̄ tītə̄ naā a? Najə̄ ń Kɔ́ɔ̄ɓē əda ní n noó.

PĀ GƏ̄ 105:15

Əda de gə̄ na: Ī-lōōī kɔdə rɔ̄ ngé gə̄ ń m-úr yibə̄ dɔdə́ tə́ ní, ī-lōōī rāā ngé koō ta yāḿ gə̄ yá̰á̰ kə́ majaĺ!

PĀ GƏ̄ 89:19

Nge ń i der yājí ō mban̄g yājí ō ní, ndi i kə ta kūl̄ Kɔ́ɔ̄ɓēé ō, kə ta kūl̄ kə́ táĺ yā Israel ō.

Makətūbə̄ yā Job 33:15

Ni a ɔr̄ najə̄ i kə nīí ō, i kə yá̰á̰ kə́ deē a̰ā̰ ndɔ̄ɔ́ ō, dan ń ɓīī rāā de gə̄ ngá̰ý á to a ɓīīn̄ dɔ tə̄rā yādə́ gə̄ tə́ ní.

Makətūbə̄ yā Job 4:13

Dan ń nī kə́ ndɔ̄ɔ́ gə̄ a dáȳn̄ kə gír̄ yā deé kə̄ loo gə̄ tə́, dan ń deē ɓīī ɓīī kə́ gōn əsō ní,

Teē Ngán Israel gə̄ 7:1

Anī Kɔ́ɔ̄ɓē əda Moijə na: Á̰a̰ā̰, m-ə̄ndāī i nə́ɓā yā Parao̰ tə́ ō, m-ə̄ndā ngōkó̰ó̰í Aaro̰ i nge koō ta yāí tə́ ō.

TA KƏLA 20:7

Ngɔlaā ní ī-tél kə dəyá̰ ń noō ādə̄n kə ngaaneé gogə́. Ngaan i nge koō ta yāḿ. Ni a ndɔ̄ȳm̄ tām̄ yāí tə́ anī, ā ī-ndi kə kumuú. Ba ré ī-tél ādə̄n kə ngaaneé gogə́ aĺ anī, ā óyiī sḭḭ̄ kə de gə̄ yāí gēé malang.

TA KƏLA 15:1

Gō yá̰a̰ gə̄ ń noō tə́ anī, Kɔ́ɔ̄ɓē ndɔ̄bə̄ Abəram ɔr̄ najə̄ seneé ədan na: Abəram, ī-lōō ɓōĺ na mā i der yāí. Yá̰a̰ kəndā nja i ngá̰ý jīḿ tə́ kadə̄ m-ā m-ə̄ndań njaí.

JEJU TEĒ KUM JA̰A̰ 11:10

De kə́ dɔ nang tə́ gə̄ a rāān̄ rɔ̄nel̄ najə̄ yādə́ tə́ ō, a əlan̄ kə yá̰a̰ gēé yā kadə̄ naā karī ō. Tɔdɔ̄ ngé koō ta kə́ jōó gə̄ ngeé ń toō ní, rāān̄ de kə́ dɔ nang tə́ gə̄ yá̰á̰ kə́ tōr̄ gə̄ ngá̰ý.

JEJU TEĒ KUM JA̰A̰ 11:3

Ba m-ā m-ādə̄ de kə́ kum tə́ yāḿ kə́ jōó gə̄ kadə̄ a ədan̄ najə̄ kə́ Nə́ɓā əndā tadə́ tə́. Nin̄ a o̰ō̰n̄ kūbə̄ kəhɔ ndoō yā kədań najə̄ ní ndɔ̄ 1260.

EPEJƏ 4:11

Ba yá̰a̰ gə̄ ń ni-adə̄ de gə̄ karī ní, i ngámbang kəla gə̄ ō, ngé koō ta gə̄ ō, ngé kɔjə Najə̄ kə́ Majə yān gə̄ ō, ngé ngɔ̄m̄ yá̰a̰ kul̄ gə̄ ō, ngé ndóō de gə̄ yá̰a̰ ō.

KƏLA RĀĀ 10:17

Dan ń Piyer ndi a sāā kum yá̰á̰ ń ndɔ̄bən ní yā ger̄ anī, de gə̄ ń Kɔrney əladə́ ní dəjen̄ ɓē yā Simo̰ ba reē ran̄ ta róbə́ tə́.

Najə̄ kə́ Majə yā Jeju ń Luk ndang ní 20:6

Ba ré j-ədaī na ḭḭ na i rɔ̄ de gə̄ tə́ anī, ngán Israel gə̄ malang a tə́nīn̄jí kə mbalá, tɔdɔ̄ nin̄-taān̄ kem mámák kadə̄ Ja̰a̰ i nge koō ta ō.

MATIYE 23:37

Ɓē kə́ Jerusalem, ɓē kə́ Jerusalem, ḭ̄ ń i nge tɔ̄l̄ ngé koō ta gə̄ ō, nge tə́nī ngé gə̄ ń Nə́ɓā əladə́ looí ní kə mbalá tə́nī tɔ̄l̄də́ ō ní! Nja i kóndóńg n m̄-gḛy kán̄ ngání gə̄ kə̄ naā tə́, tītə̄ ń kó̰o̰ kə̄njá a kánəń ngánən gə̄ gír bɔ̄gə̄n tə́ ní? Ba ngání gə̄ gḛyn̄ alé!

MATIYE 23:34

I tām̄ najə̄ ń noō tə́ n m-ā m-ə́lá ngé koō ta gə̄ ō, ngé kum kedə̄ gə̄ ō, ngé ndóō de gə̄ ndū najə̄ gə̄ ō, kə̄ rɔ̄sí tə́ ní. Ā ī-tɔ̄lī kə́rēý gə̄ ō, ā ə́ndaī ngé kə́rēý gə̄ tū kāgə̄ kə́ dēsə́ tə́ kə máyá̰ ō, ā ə́ndaī kə́rēý gə̄ kə mərawaá kem kújə́ kán̄ naā yāsí tə́ ō, ā ī-ngɔ̄dīdə́ kə gō ɓē gə̄ ō.

MATIYE 23:31

I beé n sḭḭ̄ kɔ́ gə̄ ə́daīneé najə̄ kə́ dɔ rɔ̄sí tə́ kadə̄ sḭḭ̄ na i ngán kaa ngé tɔ̄l̄ ngé koō ta gə̄ ní.

MATIYE 27:19

Dan ń Pilatə ndi loo gān̄g sarya tə́ ní, nə̄yá̰n əla ədan na kə lōō kəla rɔ̄n dan najə̄ yā de kə́ súmūú ń noō tə́. Tɔdɔ̄ na n-nī nī kə́ majaĺ ngá̰ý dɔn tə́ ndɔ̄ɔ́ laā.

HEBƏRO 1:1

Kété ní Nə́ɓā ɔr̄ najə̄ kə kaají gēé kə̄ nja naā tə́ ō, kə ta róbə́ kə́ tayā gēé ō, i kə ta kūl̄ ngé koō ta gēé.

TA KƏLA 28:12

Nī kógə̄ḿ rāān: Udən̄ rígə́ kógə̄ḿ nang tə́, ba dɔn tá ɔdə no rā̰, anī de kə́ dɔ rā̰ tə́ gə̄ alə̄n̄ dɔ tə́ ō, a risən̄ ō.

TƏ́DA 24:4

mā ń i de kə́ nge koō najə̄ kɔr̄ Nə́ɓā ō, nge ka̰a̰ yá̰a̰ gə̄ ń Nə́ɓā kə́ tɔ́gən i ngá̰ý ɔjəm̄ ō ní, dan ń m̄-rɔȳ Nə́ɓā anī, ni tḛḛ̄ kumḿ adə̄ m-á̰á̰ yá̰á̰ kə́ to lo mundə̄ tə́. Ōōī najə̄ kɔrə̄ḿ:

1 SAMUEL 3:15

Samuel to nang tə́ bátə́ loo tīī. Gō tə́ anī ḭḭ aw̄ teē ta kújə yā Kɔ́ɔ̄ɓē. Ni ɓōĺ kaw̄ kɔjə Eli gotə yá̰á̰ ń a̰ā̰ ní.

1 SAMUEL 28:6

Saul dəje Kɔ́ɔ̄ɓē najə̄, banī Kɔ́ɔ̄ɓē dalən alé. Kɔ́ɔ̄ɓē ɔr̄ najə̄ seneé kə nīí aĺ ō kə wə̄lā kə́ táĺ gə̄ yā nge tun̄ yá̰a̰ yā Nə́ɓāá aĺ ō kə nge koō ta kógə̄ḿ aĺ ō.

1 MBAN̄G GƏ̄ 3:15

Salomo̰ ndól̄, banī nī yān ní n noó. Ni-tél aw̄ gogə́ Jerusalem, ba aw̄ ra ta kum Kɔ́ɔ̄ɓē tə́ no sandúkə madə̄ naā tə́. Ni ndējə̄ Nə́ɓā yá̰a̰ tun̄ kə́ róō horoó kə taá malang gə̄ ō, yá̰a̰ tun̄ kə́ tām̄ yā kem kógə̄ḿ tə́ gə̄ ō, ba ta tɔ̄l̄ ta anī rāā yá̰a̰ kəsa kə́ ngá̰ý tām̄ yā de kə́ bo yān gə̄ tə́ malang.

JEREMI 23:25

M-ōō najə̄ kə́ sor̄ gə̄ ń ngé koō ta gə̄ ədan̄ kə rīḿ na: Nī rāām̄, nī rāām̄ ní.

DANIEL 2:19

Anī Nə́ɓā ɔjə Daniel yá̰á̰ kə́ to loo mundə̄ tə́ ní ndɔ̄ɔ́ kə nīí. Loo ń noō tə́ Daniel tɔ̄ȳ Nə́ɓā kə́ dɔ rā̰ tə́,

TA KƏLA 28:16

Jakob ndól̄ dɔ ɓīī tə́ anī əda na Kɔ́ɔ̄ɓē na i loo ní tə́ rɔ̄kum, ba na n-ger̄ kété alé.

TA KƏLA 37:5

Ndɔ̄ kógə̄ḿ tə́ nī rāā Jəjep. Ni ɔjə ngákó̰o̰n gə̄ gotə anī nel̄də́ seneé aĺ tɔȳ kə́ kété ɓáý.

TA KƏLA 37:9

Nī kə́ rang rāān ɓáý, anī ɔjə ngákó̰o̰n gə̄ gotə, əda na: Nī kə́rēý rāām̄ ɓáý. Mbang ō, nāā ō, tə́yō̰ gə̄ kutə gidə i kógə̄ḿ ō, ɔsən̄ nodə́ nang tə́ noḿ tə́.

NDŪ NAJƏ̄ 18:15

I nge koō ta yā Nə́ɓā kə́ tītə̄ḿ mā Moijə n Kɔ́ɔ̄ɓē Nə́ɓā yāí a əla seneé yā kadī ní. Deē ní i de kə́ gír yāí tə́, i ni n ā ōō najə̄ yān ní.

NDŪ NAJƏ̄ 18:18

M-ā m-ə́la kə nge koō ta kə́ tītīí yā kadə̄də́. Deē ń m-ā m-ə́la seneé ní i de kə́ gír yādə́ tə́. M-ā m-ə̄ndā najə̄ yāḿ tan tə́, ba yá̰a̰ malang ń m-ā m̄-mērən kədadə́ ní, ni a ədadə́.

1 SAMUEL 3:21

Kɔ́ɔ̄ɓē na̰y kə̄ loo rāā tə́ kadə̄ Samuel a̰a̰n Silo. Tɔdɔ̄ Kɔ́ɔ̄ɓē ɔr̄ najə̄ seneé Silo, ba najə̄ ní rāā adə̄ kumən teē dɔ Kɔ́ɔ̄ɓē tə́.

2 SAMUEL 7:4

Banī ndɔ̄ ń noō tə́ ní Kɔ́ɔ̄ɓē ɔr̄ najə̄ kə Natan dan ndɔ̄ɔ́ ədan na:

OJEE 12:11

Dan ngeé ń noō tə́ ní, m-ɔ̄r̄ najə̄ kə ngé koō ta gēé. Adə̄ yá̰á̰ kə́ yā ká̰ā̰ gə̄ ní, m-ə́lań i ngá̰ý m-ādə̄də́ adə̄ a̰a̰n̄. Tá kə ta kūl̄ ngé koō ta gə̄ ní, m-ə́da najə̄ yá̰a̰ gə̄ ń m̄-núm̄ rāā ní ɓáý to̰.

JOEL 3:1

Gō tə́ anī, m-ā m-ādə̄ Ndílə́ḿ risə dɔ de gə̄ tə́ malang. Ngáńsí kə́ dəngam gə̄ ō, ngáńsí kə́ dəyá̰ gə̄ ō, a ədan̄ najə̄ kə́ Nə́ɓā əndā tadə́ tə́ ō, nī a rāā de kə́ tɔgə ɓə́ga yāsí gə̄, ngósaa yāsí gə̄ a a̰a̰n̄ yá̰a̰.

JAKARI 1:8

Ndɔ̄ɔ́ ndɔ̄ ngeé ń noō tə́ ní, m-á̰a̰ dəngam kógə̄ḿ ndi gidə sə́ndá kə́ kərē tə́. Ni-ra i dan ngán kāgə̄ mirtə gə̄ kə́ mbīdə́ to mbōl̄ tə́, kum wól loo tə́. Sə́ndá kə́rē gə̄ ō, kə́ kərē kasə gə̄ ō, kə́ ndaa gə̄ ō, ran̄ gidən tə́.