TƏ́DA 12:2 - Bibəl ta Sar̄

² Nin̄ ədan̄ na: Kɔ́ɔ̄ɓē ɔr̄ najə̄ i kə Moijə ngóy a? Ni-ɔr̄ najə̄ sejí ō aĺ a? Kɔ́ɔ̄ɓē oō najə̄ ní.

Bible sar

² Nin̄ ədan̄ na: Kɔ́ɔ̄ɓē ɔr̄ najə̄ i kə Moijə ngóy a? Ni-ɔr̄ najə̄ sejí ō aĺ a? Kɔ́ɔ̄ɓē oō najə̄ ní.

TƏ́DA 12:2 Referans Kwoze

TƏ́DA 16:3

Nin̄ kánə̄n̄ naā dɔ Moijə nin̄ kə Aaro̰ tə́ ba ədan̄də́ na: Ń toō asə tā. Ngán Israel gə̄ malang nin̄ i de kə́ táĺ gə̄ ō, Kɔ́ɔ̄ɓē i dɔ dáńdə́ tə́ ō, ba i náā n adə̄sí ta róbə kḭḭ dɔ ngé gə̄ ń Kɔ́ɔ̄ɓē kán̄də́ naā tə́ ní?

PILIPƏ 2:14

Ī-rāāī yá̰a̰ malang kanjə̄ yṵ́r̄ najə̄ ō, kanjə̄ kəhɔ naā najə̄ tə́ ō.

PILIPƏ 2:3

Ī-rɔ̄ɔ̄ī naā dɔ yá̰á̰ tə́ alé, ī-lōōī rāā yá̰a̰ kə kɔjə rɔ̄ɔ́. Ba ī-sɔlī dɔsí kə̄ no naā tə́ ō, sḭḭ̄ kógə̄ḿ kógə̄ḿ ní ī-rāāī madə̄sí gə̄ de kə́ bo tɔȳsí gə̄ tə́ ō.

MISE 6:4

m̄-rāā adə̄ ī-teēī kɔ̄ɔ́ kem ɓē kə́ Ejiptə tə́. M-ɔ̄r̄sí ɓəloó kɔ̄ɔ́. Ngār gə̄ ń m-ādə̄sí ní, i Moijə ō, Aaro̰ ō, Miriam ń i ngōkó̰ó̰də́ kə́ dəyá̰ ní ō. I yá̰á̰ ń noō n ā ī-gɔŕyɔ̄m̄ najə̄n tə́ ní a?

IJAI 37:4

Mban̄g kə́ Asiri əla ngol áskar yān gə̄ kə́ dɔ madə̄ gə̄ tə́ adə̄ reē tájə̄ Nə́ɓā kə́ ndi kə kumneé. Nə́ngētə́ Kɔ́ɔ̄ɓē Nə́ɓā yāí asə i koō ndū ń ni tájə̄ ní ō, asə i kəndan tām̄ najə̄ kɔrə̄n tə́ ō anī! Ḭ̄ Ijai, ɔ̄r̄ najə̄ kə Kɔ́ɔ̄ɓēé tām̄ yā de gə̄ kə́ dan gír deē yān gə̄ tə́ ń ndin̄ kə kumdə́ ní.

Makətūbə̄ ń Pol ndang adə̄ Rom gə̄ ní 12:10

Kadə̄ tár naā yāsí i tītə̄ tár naā yā ngákó̰o̰ naā gə̄ beé. Ādə̄ deē kógə̄ḿ kógə̄ḿ ɔsə gɔn madə̄n gə̄ ō, rāādə́ i de kə́ bo tɔȳn gə̄ tə́ ō.

2 MBAN̄G 19:4

Majanī Kɔ́ɔ̄ɓē Nə́ɓā yāí a oō najə̄ gə̄ malang ń mban̄g kə́ Asiri əla ngol ngé kadə̄ yá̰a̰ ka̰ȳ gə̄ adə̄ tájəń Nə́ɓā kə́ ndi kə kumneé ní ō, majanī a əndan tām̄ najə̄ kɔrə̄n tə́ ō! Ba ḭ̄ ī-ndɔ̄ȳn tām̄ yā gotə deē yān gə̄ ń na̰yn̄ tə́ ní.

TƏ́DA 11:1

Ndɔ̄ kə́rēý tə́ ngán Israel gə̄ tāmə̄n̄ kə Kɔ́ɔ̄ɓē, adə̄ Kɔ́ɔ̄ɓē oō ní nelə̄n alé. Wōn̄g rāān adə̄ ni-əla hor yān dɔdə́ tə́ adə̄ o̰o̰ loo ta ngóy ɓē tə́.

1 PIYER 5:5

Ba sḭḭ̄ balsáa gə̄, majə kadə̄ ōōī ta kum kɔɔ̄ gə̄. Banī sḭḭ̄ malang ə́laī tél kə rɔ̄ɔ́ kə̄ nang tə́ kūbə̄ tə́ rɔ̄sí tə́ ī-ndiīneé kə naá. Tɔdɔ̄ makətūbə̄ yā Nə́ɓā əda na: Nə́ɓā a mbātə́ najə̄ gō ngé kɔsə rɔ̄də́ kə̄ dɔɔ́ gə̄ tə́, ba a rāā kem majə kə ngé gə̄ ń télən̄ kə rɔ̄də́ kə̄ nang tə́ ní.

2 SAMUEL 11:27

Dan ń ni-rāā ndoō ngaan oy anī, Dabid reē seneé rɔ̄n tə́. Ni-taān kə́ dəyá̰ tə́ adə̄ ojə ngōn̄ kə́ dəngam seneé. Banī yá̰á̰ ń Dabid rāā ní nel̄ Kɔ́ɔ̄ɓē alé.

TƏ́DA 11:29

Moijə tél ədan na: Ā ī-rāā ni tām̄ yāḿ tə́ a? M-á̰a̰ā̰ ní majə ngá̰ý kadə̄ Kɔ́ɔ̄ɓē adə̄ ngán Israel gə̄ ndílən kadə̄ nin̄ malang télən̄ ngé koō ta yān gə̄.

Makətūbə̄ ń Pol ndang adə̄ Rom gə̄ ní 12:3

Sɔɔ̄ń yá̰á̰ ń Nə́ɓā adə̄m̄ karī kə ta kūl̄ kem majə yānneé ní, m-ə́dásí sḭḭ̄ malang najə̄ ń toō: Ī-lōōī kɔjə rɔ̄sí kadə̄ mān̄ dɔ majən, banī ādī gír̄ yāsí i gír̄ kə́ kə looneé, kadə̄ náā náā nəkɔ́ ɓáa ɔjə rɔ̄n kadə̄ mān̄ dɔ majən alé, ba kadə̄ asə kə gō taā kem ń Nə́ɓā mbɔ̄jə́ adə̄sí ní.

Gōsə̄ najə̄ gə̄ 13:10

Kɔjə rɔ̄ a ənī kɔ̄l̄ dɔí ḭ̄ deē tə́ kə ndɔ̄ gə̄, ba kum kedə̄ i dām̄ yā de gə̄ ń ndigən̄ kadə̄ madə̄də́ gə̄ ɔjə̄n̄də́ ní.

Teē Ngán Israel gə̄ 7:10

Moijə nin̄ kə Aaro̰ aw̄n̄ rɔ̄ Parao̰ tə́ ba rāān̄ tītə̄ ń Kɔ́ɔ̄ɓē ədańdə́ ní. Aaro̰ ənī kāgə̄ yān nang tə́ no Parao̰ tə́ ō, no ngé kəla yān gə̄ tə́ ō, anī kāgə̄ ní tél lī.

Teē Ngán Israel gə̄ 5:1

Gō tə́ anī Moijə nin̄ kə Aaro̰ aw̄ ədan̄ Parao̰ na Kɔ́ɔ̄ɓē Nə́ɓā yā Israel əda na kə əya̰ gír deē yān gə̄ kadə̄ kə aw̄ kə rāān̄ nāā kem dəla loo tə́ kə ɔsən̄neé gɔnən.

TA KƏLA 29:33

Ni ndān̄ ngōn̄ ɓáý, ojə ngōn̄ kə́ dəngam, anī əda na: Kɔ́ɔ̄ɓē ger̄ kadə̄ tármə̄n̄ alé, adə̄ adə̄m̄ ngōn̄ kə́ dəngam kə́ rang ɓáý to̰. Ni əndā rī ngōn̄ ní na i Simeo̰.

Teē Ngán Israel gə̄ 4:30

Aaro̰ ədadə́ kəla ń Kɔ́ɔ̄ɓē əndā ta Moijə tə́ ní ō, ni-rāā yá̰á̰ kə́ yáā gə̄ ta kum ngán Israel gə̄ tə́ ō.

TƏ́DA 12:3

Tá Moijə i de kə́ ndigə tél kə́ rɔ̄neé kə nang tə́ ngá̰ý. De kə́ dɔ nang tə́ kə́ ndigə tél kə rɔ̄neé kə̄ nang tə́ kə́ asə seneé gətóo.

Teē Ngán Israel gə̄ 4:14

Anī wōn̄g rāā Kɔ́ɔ̄ɓē kə Moijə adə̄ ədan na ké ngōkó̰o̰n Aaro̰ kə́ ngōn̄ Lebi ní ké ndi noó aĺ wa. Na n-ger̄ kadə̄ kɔr̄ najə̄ na tōr̄ rɔ̄n alé, tá i Aaro̰ nəkɔ́ n na a reē kə̄ kəngen tə́ noō. Ré na a̰a̰n anī rɔ̄n na a nelə̄n ngá̰ý.