TƏ́DA 12:13 - Bibəl ta Sar̄

¹³ Tā anī Moijə rāā Kɔ́ɔ̄ɓē ɓɔ́ əda na: Nə́ɓā, m̄-rāāī ɓɔ́, ájən.

Bible sar

¹³ Tā anī Moijə rāā Kɔ́ɔ̄ɓē ɓɔ́ əda na: Nə́ɓā, m̄-rāāī ɓɔ́, ájən.

TƏ́DA 12:13 Referans Kwoze

JAKƏ 5:15

Tɔdɔ̄ ré ndɔ̄ȳn̄ sɔɔ̄ń taā ń nin̄-taān̄ kem Nə́ɓā ní anī, nge mo̰y ní a ajə. Kɔ́ɔ̄ɓē a unən yā kudən dɔɔ́ ō, a mā̰ȳ rɔ̄n dɔ yá̰á̰ kə́ majaĺ gə̄ ń ni-rāā tə́ ní ō.

Makətūbə̄ ń Pol ndang adə̄ Rom gə̄ ní 12:21

Ī-lōō kadə̄ yá̰á̰ kə́ majaĺ tetiī rɔ̄ɔ̄, ba ī-rāā yá̰á̰ kə́ majə ī-tetənəń rɔ̄ɔ̄.

Najə̄ kə́ Majə yā Jeju ń Luk ndang ní 6:28

ī-rāāī Nə́ɓā ɓɔ́ kadə̄ rāā majə kə ngé ndɔ̄ĺsí gə̄ ō, ī-ndɔ̄yī tām̄ yā ngé tétə̄ najə̄ dɔsí tə́ gə̄ ō.

Najə̄ kə́ Majə yā Jeju ń Luk ndang ní 23:34

Anī Jeju əda na: Bɔbə́ḿ, ī-māȳ rɔ̄í dɔdə́ tə́, tɔdɔ̄ nin̄-gerə̄n̄ kum yá̰á̰ ń nin̄-rāān̄ toó alé. Gō tə́ anī nin̄-túgə̄n̄ wə̄lā kēgə̄n̄neé naā kūbə̄ yān gə̄.

JEREMI 17:14

Kɔ́ɔ̄ɓē ī-tɔ̄l̄ mo̰y dɔḿ tə́ anī rɔ̄ḿ a ngan̄g. Ī-gān̄g dɔḿ, anī m-ā m-ájə. Tɔdɔ̄ i ḭ̄ n i yá̰á̰ tɔ̄ȳ yāḿ ní.

IJAI 30:26

Ndɔ̄ ń Kɔ́ɔ̄ɓē a ndem̄ ta do yā gír deē yān gə̄ anī, dan ń ni a rāā do yā gír deē yān gə̄ kadə̄ idə̄ ní, nāā a ndə́lē tītə̄ mbang ō, mbang kə́ ndɔ̄ kógə̄ḿ a ɔsə, loo kə́ unjə̄ kow yā mbang kə́ ɔsə ndɔ̄ kógə̄ḿ a asən̄ naā kə loo kə́ unjə̄ kow yā mbang kə́ ɔsə ndɔ̄ sīrí.

1 SAMUEL 15:11

m̄-ndə̄ngā rɔ̄ḿ tām̄ kəndā ń m-ə̄ndā Saul mban̄g tə́ ní. Tɔdɔ̄ ni tūr̄ gidən kɔ̄ɔ́ taḿ tə́ ō, rāā yá̰a̰ gə̄ ń m-ə́dan ní aĺ ō. Najə̄ ń noō tōr̄ kem Samuel ngá̰ý, adə̄ ni nōō kə̄ dɔ Kɔ́ɔ̄ɓē tə́ ndɔ̄ɔ́ bátə́ loo tīī dɔn tə́.

1 SAMUEL 12:23

Mā tā a m-ā m̄-lōō gír rāā Kɔ́ɔ̄ɓē ɓɔ́ tə́ tām̄ yāsí tə́ alé. Tɔdɔ̄ ré m̄-lōō gírí anī m̄-rāā i majaĺ kə Kɔ́ɔ̄ɓēé. M-ā m̄-na̰y kə̄ loo kɔjəsí róbə́ kə́ majə tə́ ō, kə́ súmūú tə́ ō.

TƏ́DA 14:2

Nin̄ tə́dan̄ najə̄ dɔ Moijə nin̄ kə Aaro̰ tə́ ədan̄ na: Ré j-oyī i dɔ nang kə́ Ejiptə tə́ a i só tə́ aĺ a? Aláa ré j-oyī i kem dəla loo ń toō tə́ a i só tə́ aĺ a?

KƏLA RĀĀ 7:60

Gō tə́ anī ɔsə kejən nang tə́ ba əga kɔŕ ngá̰ý əda na: Kɔ́ɔ̄ɓē, ī-lōō kəndā najə̄ yá̰á̰ kə́ majaĺ ń toō dɔdə́ tə́. Dan ń əda najə̄ ń noō oy anī əhɔ tan kə̄ naā tə́.

TA KƏLA 20:17

Kɔ́ɔ̄ɓē rāā adə̄ dəyá̰ kə́ kem ndogə̄ yā Abimelek tə́ gə̄ malang ojən̄ ngán gə̄ to̰ alé najə̄ yā Sara nə̄yá̰ Abəraham tə́. Banī Abəraham ndɔ̄ȳ Nə́ɓā, adə̄ Nə́ɓā adə̄ rɔ̄ Abimelek ngáā ō, rɔ̄ nə̄yá̰n ngáā ō, rɔ̄ ngé kəla yān kə́ dəyá̰ gə̄ ngáā ō, adə̄ nin̄ tél ojən̄ ngán gə̄ gogə́.

Teē Ngán Israel gə̄ 4:7

Kɔ́ɔ̄ɓē əda na kə tél kə əndā jīn dɔ kemən tə́ gogə́. Moijə əndā jīn dɔ kemən tə́ ba un anī, jīn tél to karī gogə́.

TƏ́DA 11:2

Kósə de gə̄ əgan̄ kɔŕ kə̄ dɔ Moijə tə́, adə̄ Moijə rāā Kɔ́ɔ̄ɓē ɓɔ́ tām̄ yādə́ tə́, anī hor ní oy.

TƏ́DA 12:12

Ādə̄ Miriam to tītə̄ ngáń kə́ koy kem kó̰ó̰də́ gə̄ tə́ ń ta teēdə́ kə̄ ndágá anī núsə dā̰də́ i kə́ nujə kɔ̄ɔ́ noō alé.

PĀ GƏ̄ 30:2

Kɔ́ɔ̄ɓē, m-ɔ́sə gɔnií, tɔdɔ̄ ɔ̄rə̄m̄ bəlo kə́ lú ngá̰ý tə́ kɔ̄ɔ́. Ḭ̄ ə́ya̰ madə̄ ba̰ā̰ḿ gə̄ adə̄ əgōn̄ naā dɔḿ tə́ alé.

PĀ GƏ̄ 41:4

Kɔ́ɔ̄ɓē a ngɔ̄mən dɔ tə̄rá mo̰y yān tə́, adə̄ a tūr̄ gíŕ yá̰a̰ ton kə dɔ ndɔ̄ gə̄.

Teē Ngán Israel gə̄ 15:26

Ni-ədadə́ na ré oōn̄ tan ni Kɔ́ɔ̄ɓē Nə́ɓā yādə́ rɔ̄kum, adə̄ rāān̄ yá̰á̰ ń n-a̰a̰ kadə̄ i yá̰á̰ kə́ gōtə́ ní ō, əndān̄ mbīdə́ oōn̄neé yá̰a̰ gə̄ ń ndang kadə̄ yā rāā ní ō, rāān̄ yá̰a̰ malang ń ndū najə̄ yān gə̄ ədan̄ ní ō anī, mo̰y kə́ dáńg dáńg gə̄ ń n-adə̄ rāā de kə́ Ejiptə gə̄ ní na a rāādə́ nin̄ alé, tɔdɔ̄ ni na i Kɔ́ɔ̄ɓē nge kajədə́ dɔ mo̰y tə́.

1 MBAN̄G GƏ̄ 13:6

Kə̄ ta jī tə́ noō mban̄g əda deē yā Nə́ɓā ní na: m̄-dəjeī kadə̄ ī-rāā Kɔ́ɔ̄ɓē Nə́ɓā yāí ɓɔ́ ādə̄ mā̰ȳ rɔ̄n dɔḿ tə́ ō, adə̄ rāā jīḿ ādə̄ tél kə̄ rɔ̄ḿ tə́ ō. Deē yā Nə́ɓā ní rāā Kɔ́ɔ̄ɓē ɓɔ́, anī jī mban̄g tél kə̄ rɔ̄n tə́.