TƏ́DA 11:5 - Bibəl ta Sar̄

⁵ Əga kemjí dɔ yá̰a̰ kəsa gə̄ ń kété j-a j-əsaī dɔ nang kə́ Ejiptə tə́ karī ní: Kānjə̄ ō, kosə́ ō, wasə̄ ō, tá̰a̰ puwaro ō, básal ō, túm ō.

Bible sar

⁵ Əga kemjí dɔ yá̰a̰ kəsa gə̄ ń kété j-a j-əsaī dɔ nang kə́ Ejiptə tə́ karī ní: Kānjə̄ ō, kosə́ ō, wasə̄ ō, tá̰a̰ puwaro ō, básal ō, túm ō.

TƏ́DA 11:5 Referans Kwoze

Teē Ngán Israel gə̄ 16:3

ədan̄ na ké i tām̄ rí tə́ áké Kɔ́ɔ̄ɓē nəkɔ́ tɔ̄l̄də́ kə jīneé dɔ nang kə́ Ejiptə tə́, dan ń n-ndin̄neé ta jóo dā̰ gə̄ tə́ ō, n-əsan̄neé yá̰a̰ adə̄ asə kemdə́ ō ní aĺ wa. Nin̄ na reēn̄ sedə́ kem dəla loo ń toō tə́ na i yā kəya̰də́ tū tə́ kadə̄ ɓō kə tɔ̄l̄də́ malang.

PILIPƏ 3:19

Ta tɔ̄l̄ tadə́ i kudə ń nin̄ a udən̄ kɔ̄ɔ́ ní. Nə́ɓā yādə́ i kemdə́. Yá̰á̰ ń majə kadə̄ adə̄də́ rɔ̄sɔl̄ ɓá anī nin̄ a ɔjənə̄ń i rɔ̄də́. Nin̄ a gírə̄n̄ i dɔ yá̰á̰ kə́ dɔ nang tə́ laā gə̄ tə́ ngóy ō.

PĀ GƏ̄ 17:14

Ī-tɔ̄l̄də́ kə kaskar yāí ādə̄ gətóon̄ kɔ̄ɔ́ dan de gə̄ tə́. Ī-tɔ̄l̄də́ kə jīí! Ādə̄ yá̰a̰ kəndā nja yādə́ i kadə̄ gətóon̄ kɔ̄ɔ́ dɔ nang tə́! Ī-rāā ādə̄ a̰ȳn̄ man̄ kə́ katə̄ kárárá ń ī-ngɔ̄m̄ tām̄ yādə́ tə́ ní. ādə̄ ngáńdə́ gə̄ a̰ȳ ndānə̄n̄ ba əya̰n̄ gotə əndān̄ ngán kaadə́ gə̄!

TƏ́DA 14:2

Nin̄ tə́dan̄ najə̄ dɔ Moijə nin̄ kə Aaro̰ tə́ ədan̄ na: Ré j-oyī i dɔ nang kə́ Ejiptə tə́ a i só tə́ aĺ a? Aláa ré j-oyī i kem dəla loo ń toō tə́ a i só tə́ aĺ a?

IJAI 1:8

I ɓē kə́ Siyo̰ ngóy n teē ní. Ni to tītə̄ dabə kə́ ra kem ndɔr̄ kāgə̄ nduú gə̄ tə́ beē, tītə̄ kújə ngɔm̄ kə́ ra kem ndɔr̄ kosə́ gə̄ tə́ beē, tītə̄ ɓē kə́ áskar yā madə̄ ba̰ā̰ gə̄ gīrə̄n̄ gidə beé.

JEREMI 44:18

Ba jóo nəkɔ́ ń toō ń jə-lōō gír róō yá̰a̰ ndejə̄ gə̄ tə́ yā kadə̄ Mban̄g kə́ dəyá̰ kə́ dɔ rā̰ tə́ ō, jə-lōō gíŕ tə́te kasə tə́ nang tə́ kadə̄n ō, jə-nal̄ yá̰a̰ malang ō, j-oy yo kaskar ō, yo ɓō ō.

JEREMI 42:14

adə̄ ə́daī na: A̰ á̰, jə-gḛy kaw̄ Ejiptə tə́ kadə̄ rɔ̄ɔ̄ rāājí to̰ aĺ ō, kadə̄ kōō tōw̄ yā ngé kaw̄ ta rɔ̄ɔ̄ tə́ gə̄ ɓār̄ ta mbījí tə́ to̰ aĺ ō, kadə̄ jə-nal̄ yá̰a̰ kəsa to̰ aĺ ō, ré ə́daī na jə-gḛy i ndi ɓē Ejiptə tə́ ō anī,