TƏ́DA 11:29 - Bibəl ta Sar̄

²⁹ Moijə tél ədan na: Ā ī-rāā ni tām̄ yāḿ tə́ a? M-á̰a̰ā̰ ní majə ngá̰ý kadə̄ Kɔ́ɔ̄ɓē adə̄ ngán Israel gə̄ ndílən kadə̄ nin̄ malang télən̄ ngé koō ta yān gə̄.

Bible sar

²⁹ Moijə tél ədan na: Ā ī-rāā ni tām̄ yāḿ tə́ a? M-á̰a̰ā̰ ní majə ngá̰ý kadə̄ Kɔ́ɔ̄ɓē adə̄ ngán *Israel gə̄ ndílən kadə̄ nin̄ malang télən̄ *ngé koō ta yān gə̄.

TƏ́DA 11:29 Referans Kwoze

1 KORḚNTƏ 14:5

m̄-ndigə ngá̰ý kadə̄ sḭḭ̄ malang ɔ̄rī najə̄ kə ta kə́ tayā gə̄. Banī ré ə́daī najə̄ kə́ Nə́ɓā əndā tasí tə́ anī, a nelə̄m̄ ngá̰ý tɔȳ ɓáý to̰. Nge kəda najə̄ kə́ Nə́ɓā əndā tan tə́ tɔȳ nge kɔr̄ najə̄ kə ta kə́ tayā gə̄. Ba ré nge kɔr̄ najə̄ kə ta kə́ tayā gə̄ əda kum najə̄ ní adə̄ ngé kán̄ naā gə̄ malang əngen̄neé tɔ́gə anī, nge kəda najə̄ kə́ Nə́ɓā əndā tan tə́ tɔȳn alé.

JAKƏ 5:9

Ngákó̰ó̰ḿ gə̄, ī-nōōī rɔ̄sí dɔ naā tə́ alé, ādə̄ Nə́ɓā gāngəń sarya dɔsí tə́ alé. Tɔdɔ̄ nge gān̄g sarya i ta róbə́ tə́ kɔ̄ɔ́.

JAKƏ 4:5

Aké sḭḭ̄ ɔ́jiīneé na najə̄ ń ndangən̄ kem makətūbə̄ yā Nə́ɓā tə́ ní i kə ndāńg a? Ndangən̄ na: Nə́ɓā rāā jang dɔ Ndíĺ ń ni-əndā kemjí tə́ ní.

Najə̄ kə́ Majə yā Jeju ń Luk ndang ní 10:2

Ni ədadə́ na: Kōō kə́ yā kəja əla loo kə̄ nang tə́ tā, banī de kə́ ngé kəjan gə̄ i ngá̰ý aĺ ní, ī-dəjeī kɔ́ɔ̄ kōō ní adə̄ əla kə de gēé kadə̄ əjan̄ kōō yān.

PILIPƏ 2:3

Ī-rɔ̄ɔ̄ī naā dɔ yá̰á̰ tə́ alé, ī-lōōī rāā yá̰a̰ kə kɔjə rɔ̄ɔ́. Ba ī-sɔlī dɔsí kə̄ no naā tə́ ō, sḭḭ̄ kógə̄ḿ kógə̄ḿ ní ī-rāāī madə̄sí gə̄ de kə́ bo tɔȳsí gə̄ tə́ ō.

1 PIYER 2:1

Adə̄ majə kadə̄ ə́ya̰ī kem ndul ō, ngam ō, gól̄ loo ō, kəndā naā nii ō, tām̄ kə deé ō, kɔ̄ɔ́.

1 KORḚNTƏ 13:4

Tár a əre rɔ̄n, ni i de kə́ majə, ni a ndə̄ngā yá̰a̰ alé. Ni a tɔ̄ȳ rīn aĺ ō, a ɔjə rɔ̄n aĺ ō.

1 KORḚNTƏ 3:21

I beé ní, ādə̄ deē kógə̄ḿ ɔr ta rɔ̄n tām̄ yā de gə̄ tə́ alé. Tɔdɔ̄ yá̰a̰ malang i yāsí:

KƏLA RĀĀ 26:29

Anī Pol tél ədan na: Ká na̰y i sḛ́ý beē aáā, ngá̰ý a̰á̰ā̰, kadə̄ Nə́ɓā rāā adə̄ i ḭ̄ ngóy alé, ba kadə̄ i de gə̄ malang ń a oōn̄ najə̄ kə́ taḿ tə́ ɓōólaā toó, kadə̄ ī-téliī ī-toī tītə̄ḿ mə̄kɔ́, ba kadə̄ i kə súĺ gə̄ ń jīḿ tə́ toō jīsí tə́ alé.

1 KORḚNTƏ 3:3

Tām̄ sḭḭ̄ ā ī-rāāī yá̰a̰ i gō yā dā̰ rɔ̄ tə́ ɓáý. Dan ń nii ō, kɔ̄l̄ naā ō i dansí tə́ ní, sḭḭ̄ i ngé rāā yá̰a̰ gō yā dā̰ rɔ̄ tə́ gə̄ aĺ a? Ā ī-rāāī i hál de kə́ dɔ nang tə́ laā gə̄ n noō aĺ a?

TƏ́DA 11:30

Moijə ō, kum kɔɔ̄ gə̄ yā ngán Israel gə̄ ō, tél aw̄n̄ gogə́ ɓēé.

1 SAMUEL 10:6

Loo ń noō tə́ Ndíl yā Kɔ́ɔ̄ɓē a reē dɔí tə́ kə tɔ́gɔ́ adə̄ ā ī-rāā yá̰á̰ kə́ de kə́ yá̰a̰ rāān tə́ tītə̄ yādə́ ō, ā ī-tél de kə́ rang ō.

JOEL 2:27

Ā ī-gerī kadə̄ mā i dán Israel gə̄ tə́ ō, kadə̄ mā i Kɔ́ɔ̄ɓē Nə́ɓā yāsí ō, Nə́ɓā kə́ rang gətóo ō.

JOEL 3:1

Gō tə́ anī, m-ā m-ādə̄ Ndílə́ḿ risə dɔ de gə̄ tə́ malang. Ngáńsí kə́ dəngam gə̄ ō, ngáńsí kə́ dəyá̰ gə̄ ō, a ədan̄ najə̄ kə́ Nə́ɓā əndā tadə́ tə́ ō, nī a rāā de kə́ tɔgə ɓə́ga yāsí gə̄, ngósaa yāsí gə̄ a a̰a̰n̄ yá̰a̰.