TƏ́DA 11:20 - Bibəl ta Sar̄

²⁰ Banī ā ə́saī i kə́ njɔ́ḿ gə̄ tə́ nāā kógə̄ḿ. Ā ə́saī dā̰ ní bátə́ kadə̄ teē kó̰ńsí tə́, kadə̄ sēēn ra dɔsí tə́. Tām̄ sḭḭ̄ ī-mbātíī Kɔ́ɔ̄ɓē ń ndi dɔ dáńsí tə́ ní kɔ̄ɔ́ ō, ī-nōōī ta kum Kɔ́ɔ̄ɓē tə́ ə́daī na ké ī-teēī kɔ̄ɔ́ Ejiptə i tām̄ rí tə́ wa ō.

Bible sar

²⁰ Banī ā ə́saī i kə́ njɔ́ḿ gə̄ tə́ nāā kógə̄ḿ. Ā ə́saī dā̰ ní bátə́ kadə̄ teē kó̰ńsí tə́, kadə̄ sēēn ra dɔsí tə́. Tām̄ sḭḭ̄ ī-mbātíī Kɔ́ɔ̄ɓē ń ndi dɔ dáńsí tə́ ní kɔ̄ɔ́ ō, ī-nōōī ta kum Kɔ́ɔ̄ɓē tə́ ə́daī na ké ī-teēī kɔ̄ɔ́ Ejiptə i tām̄ rí tə́ wa ō.

TƏ́DA 11:20 Referans Kwoze

PĀ GƏ̄ 106:15

Ni-adə̄də́ yá̰á̰ ń dəjen̄ ní. Nin̄ əsa ndānə̄n̄ adə̄ ngurən gán̄g dɔdə́ tə́ látə́ látə́.

TƏ́DA 21:5

adə̄ əlan̄ gíŕ tə́da najə̄ dɔ Nə́ɓā tə́ ō, dɔ Moijə tə́ ō, ədan̄ na: Ī-teēī sejí kɔ̄ɔ́ kem ɓē kə́ Ejiptə tə́ i tām̄ rí tə́? I kadə̄ j-oy kem dəla loo tə́ a? Mápa gətoó laā ō, man̄ gətóo laā ō, mána ń i yá̰a̰ kəsa kə́ ɓāl̄ ɓō tə́ ní nel̄ tají to̰ aĺ ō.

1 SAMUEL 10:19

Ba ɓōólaā ní sḭḭ̄ ī-mbātíī Nə́ɓā yāsí ń ɔr̄sí kɔ̄ɔ́ kum yá̰á̰ kə́ tōr̄ gə̄ tə́ ō, ajəsí dan yá̰á̰ kə́ to kum kaȳ aĺ gə̄ tə́ ō ní, ba ə́daī na kə m-ə̄ndā mban̄g kógə̄ḿ dɔsí tə́ a? Beé ní ī-reēī ī-raī ta kum Kɔ́ɔ̄ɓē tə́ kə gō gír ɓē yāsí gēé ō, kə gō gír kaa yāsí gēé ō.

1 TESALONIK 4:8

Adə̄ deē ń mbātə́ yá̰a̰ ń j-ɔjəsí toō ní, mbātə́ i deē ndul alé, banī mbātə́ i Nə́ɓā kə́ nge kadə̄sí Ndíĺ kə́ Táĺ yān.

KƏLA RĀĀ 13:41

Sḭḭ̄ ngé kídə̄ loo gə̄, á̰a̰ī ō, ādī ɔr kumsí ō, ba ī-gətóoī kɔ̄ɔ́! Tɔdɔ̄ m-ā m̄-rāā yá̰á̰ kógə̄ḿ dan ń sḭḭ̄ ā ī-ndiīneé kə kumsí ɓáý ní tə́, tām̄ ré deē ənīsí i gotə anī ā ī-taāī kem alé.

MALASI 1:6

Yá̰á̰ ń mā Kɔ́ɔ̄ɓē kə́ bo kə́ tɔ́gə́ḿ i ngá̰ý m-ə́dá ngé tun̄ yá̰a̰ gə̄ ní n toó: Ngōn̄ kə́ dəngam rāā háĺ kə́ to hɔ̄r̄mɔ̄ kə bɔbə̄neé ō, nge kəla ɓōĺ ndíl kɔ́ɔ̄n ō. Sḭḭ̄ ī-ɓāŕmī bɔbə̄sí, ba ī-rāāī háĺ kə́ to hɔ̄r̄mɔ̄ seḿ a? Ī-ɓāŕmī kɔ́ɔ̄sí, ba ī-ɓōlíī ndílə́ḿ a? Sḭḭ̄ ī-kídə̄mī, ba ī-dəjeī najə̄ ə́daī na ké jə-kídī i tū rí tə́ wa.

Gōsə̄ najə̄ gə̄ 27:7

De kə́ nge ndān̄ kídə̄ mbar̄ tejə kə́ yḛmbə, banī yá̰a̰ malang kə́ katə̄ i yá̰á̰ kə́ nel̄ ta nge ɓō.

2 SAMUEL 12:10

Adə̄ ngɔlaā ní kaskar a əya̰ gír kojə yāí to̰ aĺ i kə́ bátə́ gə̄ tə́, tɔdɔ̄ ḭ̄ ídə taí gíríḿ tə́ ō, ī-taā nə̄yá̰ Uri kə́ Het ō.

1 SAMUEL 2:30

I beé ɓá ní, mā ń i Kɔ́ɔ̄ɓē Nə́ɓā yā ngán Israel gə̄ ní, yá̰á̰ ń m-ā m-ə́daī ní n toó: Kété ní m-ə̄nī ndūḿ m-ādə̄ gír kojə yāí ō gír deē yāí gə̄ ō, m-ə́da na i sḭḭ̄ n i ngé tun̄ yá̰a̰ yāḿ gə̄ bátə́ kə̄ no tə́ ní. Ba ngɔlaā ní i tītə̄ ń noō to̰ alé adə̄ m-ə́dá wáńg. Tɔdɔ̄ de gə̄ ń ɓōlə́n̄ ndílə́ḿ ní mā m̄-ɓōĺ ndíĺdə́ ō, de gə̄ ń a kídə̄mə̄n̄ ní a rāān̄də́ nja bə̄yā̰ kə́ gogə́ tə́ ō.

JOJUE 24:27

ba əda de gə̄ na: Mbal̄ ń toō i nge kəda najə̄ kə́ kum tə́ dɔjí tə́, tɔdɔ̄ ni oō najə̄ malang ń Kɔ́ɔ̄ɓē ɔr̄ sejí ní. Ni i nge kəda najə̄ kə́ kum tə́ dɔsí tə́ yā kɔgə̄ńsí rāā háĺ kə́ gōtə́ aĺ kə Nə́ɓā yāsí.

Teē Ngán Israel gə̄ 16:13

Ndɔ̄ nəkɔ́ ń noō tə́ loo tíbí anī, kerwḛy gə̄ reē əhɔn̄ loo loo ń ngán Israel gə̄ ndin̄ tū tə́ ní tə́. Nin̄-taān̄ loo malang. Ba teē dəloí anī tal əhɔ kə gō gidə loo malang ń ngán Israel gə̄ ndin̄ tū tə́ ní.

Teē Ngán Israel gə̄ 16:8

Kum najə̄ ń Moijə sāā kəda ní na a a̰a̰n̄ kɔsə gɔn yā Kɔ́ɔ̄ɓē na i dan ń a adə̄də́ dā̰ loo tíbí kadə̄ əsan̄ ō, a adə̄də́ yá̰a̰ kəsa bírí dəloí kadə̄ asə tadə́ ō ní, tɔdɔ̄ Kɔ́ɔ̄ɓē na oō tām̄ ń na tāmə̄n̄ seneé ní. Ké nin̄ ké n-asən̄ i rí deē dɔdə́ wa. Na tāmə̄n̄ na i sedə́ nin̄ ní alé, ba na tāmə̄n̄ na i kə Kɔ́ɔ̄ɓēé.

TƏ́DA 11:19

A ə́saī i ndɔ̄ kógə̄ḿ ngóy aĺ ō, jōó ngóy aĺ ō, mí ngóy aĺ ō, kutə ngóy aĺ ō, kutə jōó ngóy aĺ ō.

TƏ́DA 11:21

Moijə tél əda Kɔ́ɔ̄ɓē na: Gír de gə̄ ń m̄-ndi dɔ dáńdə́ tə́ toō nin̄ i dəngam gə̄ dūbūú ɓú mehḛ́, anī ə́da na ā ādə̄də́ dā̰ kadə̄ əsan̄ kə́ njɔ́ḿ gə̄ tə́ nāā kógə̄ḿ a?

Teē Ngán Israel gə̄ 16:3

ədan̄ na ké i tām̄ rí tə́ áké Kɔ́ɔ̄ɓē nəkɔ́ tɔ̄l̄də́ kə jīneé dɔ nang kə́ Ejiptə tə́, dan ń n-ndin̄neé ta jóo dā̰ gə̄ tə́ ō, n-əsan̄neé yá̰a̰ adə̄ asə kemdə́ ō ní aĺ wa. Nin̄ na reēn̄ sedə́ kem dəla loo ń toō tə́ na i yā kəya̰də́ tū tə́ kadə̄ ɓō kə tɔ̄l̄də́ malang.

TƏ́DA 11:13

M-ā m-ə́nge dā̰ i rá yā kadə̄ gír de gə̄ ń toō malang? Tām̄ nin̄ nōōn̄ kə̄ dɔḿ tə́ ədan̄ na kə m-ādə̄də́ dā̰ kadə̄ n-əsan̄.

TƏ́DA 14:3

Kɔ́ɔ̄ɓē a aw̄ sejí kə̄ dɔ nang kə́ to beé tə́ kadə̄ aw̄ tɔ̄lə̄n̄jí tū tə́ kə kəyā kaskaraá ō, kadə̄ madə̄ ba̰ā̰jí gə̄ əhɔn̄ nə̄yá̰jí gə̄ kə ngáńjí gə̄ ɓəlo tə́ ō, i najə̄ rí tə́? Jə-tél j-awī gogə́ dɔ nang kə́ Ejiptə tə́ i só tə́ aĺ a?

TƏ́DA 14:4

Tā anī nin̄ tél ədan̄ naā dɔ dáńdə́ tə́ na: Ādə̄ j-əndāī ngār kógə̄ḿ dɔjí tə́, ba jə-tél j-awī gogə́ dɔ nang kə́ Ejiptə tə́.

TƏ́DA 16:13

Ī-teē sejí kɔ̄ɔ́ kem ɓē kə́ mba ō, yibə̄ tejə ō i ngá̰ý tū tə́ tə́, ba ī-reē sejí kem dəla loo tə́ kadə̄ j-oy kɔ̄ɔ́ ní asiī aĺ ɓáý á ī-sāā ndi dɔjí tə́ kə́ ngār tə́ ɓáý to̰ a.

TƏ́DA 20:4

Jḭḭ ń i ngé kán̄ naā gə̄ yā Kɔ́ɔ̄ɓē ní, ī-reēī sejí kem dəla loo ń toō tə́ kadə̄ j-oy naā tə́ kə yá̰a̰ kul̄ yājí gēé i tām̄ rí tə́?